КАНОНІ́ЧЕСКОЕ ПОСЛА́НІЕ СВЯТА́ГѠ ГРИГО́РІЯ, а҆рхіепі́скопа неокесарі́йскагѡ, чꙋдотво́рца.

ПРА́ВИЛО а҃.

Не тяготи́тъ на́съ пи́ща, свяще́ннѣйшій па́па[1], хотя̀ и҆ ѣ҆́ли плѣ́нники предложе́нное и҆̀мъ ̾ѿ ѡ҆блада́ющихъ и҆́ми, ѻ҆со́беннѡ, когда̀ всѣ̀ согла́снѡ сказꙋ́ютъ, ꙗ҆́кѡ ва́рвары, наше́дшіе на страны̀ на́ши не приноси́ли же́ртвъ і҆́дѡламъ. А҆по́столъ же глаго́летъ: бра̑шна чре́вꙋ, и҆ чре́во бра́шнѡмъ: бг҃ъ же и҆ сіѐ и҆ сія̑ ѹ҆праздни́тъ[2]. И҆ сп҃си́тель, вся́кое бра́шно ѡ҆чища́ющій, ре́къ: не входя́щее во ѹ҆ста̀ скверни́тъ человѣ́ка, но и҆сходя́щее[3].

ПРА́ВИЛО в҃.

Не тя́жко и҆ то̀, что̀ плѣнє́нныя же́ны растлѣ́ны ̾ѿ ва́рварѡвъ, нарꙋга́вшихся над̾ и҆́хъ тѣла́ми. По а҆́ще и҆ пре́жде зазира́емо бы́ло житіѐ нѣ́кія и҆з̾ ни́хъ, ꙗ҆́кѡ ходя́щія во слѣ́дъ ѻ҆че́съ блꙋдодѣ́ющихъ, по и҆зрече́нію писа́нія: ꙗ҆́вно є҆́сть, ꙗ҆́кѡ любодѣ́йное расположе́ніе є҆я̀ подозри́тельно и҆ во вре́мя плѣне́нія, и҆ таковы́хъ не вско́рѣ до́лжно с. с҃ч допꙋска́ти къ ѻ҆бще́нію въ моли́твахъ. А҆́ще же нѣ́кая жи́вшая въ соверше́нномъ цѣломꙋ́дріи, и҆ показа́вшая пре́жнее житіѐ чи́стымъ и҆ и҆з̾я́тымъ ̾ѿ вся́кагѡ подозрѣ́нія, ны́нѣ подве́рглась порꙋга́нію, по наси́лію и҆ принꙋжде́нію: то на се́й слꙋ́чай и҆мѣ́емъ въ кни́гѣ второзако́нія примѣ́ръ ѻ҆трокови́цы, кото́рꙋю человѣ́къ ѡ҆брѣ́лъ на по́лѣ, и҆ наси́ловавъ преспа́лъ съ не́ю: ѻ҆трокови́цѣ, глаго́летъ зако́нъ, ничто́же сотвори́те: нѣ́сть бо дѣ́вѣ грѣха̀ сме́ртнагѡ, ꙗ҆́коже а҆́ще бы кто̀ воста́лъ на бли́жняго своего̀, и҆ ѹ҆би́лъ дꙋ́шꙋ є҆гѡ̀, та́кѡ сіѐ дѣ́ло: возопѝ ѻ҆трокови́ца, и҆ не бѣ̀ помога́яй є҆́йВтор. гл. к҃в, ст. к҃ѕ, к҃з.. Таковы̀ и҆ тѣ̀ слꙋ́чаи.

ПРА́ВИЛО г҃.

Но тя́жкое дѣ́ло є҆́сть лихоима́ніе, и҆ невозмо́жно въ є҆ди́номъ посла́ніи предложи́ти бж҃е́ствєнныя писа̑нія, въ кото́рыхъ не то́кмѡ граби́тельство, но и҆ воѻбщѐ любостяжа́ніе и҆ присвое́ніе чꙋжда́гѡ, ра́ди гнꙋ́снагѡ прибы́тка, ѡ҆глаша́ется ꙗ҆́кѡ дѣ́ло ̾ѿврати́тельное и҆ стра́шное, и҆ вся́къ вино́вный въ ѻ҆́номъ подлежи́тъ ̾ѿчꙋжде́нію ̾ѿ це́ркви бж҃іей. А҆ что̀, во вре́мя наше́ствія ва́рварѡвъ, средѝ толи́кагѡ стѣсне́нія и҆ толи́кагѡ пла́ча, нѣ́кіе дерзнꙋ́ли, сіѐ вре́мя всѣ̑мъ ѹ҆грожа́ющее поги́белію, почита́ти для себя̀ вре́менемъ коры́сти, сіѐ сво́йственно лю́дямъ нечести̑вымъ и҆ бг҃оненави̑стнымъ, доше́дшымъ до кра́йнягѡ сте́пени гнꙋ́сности. Посемꙋ̀ справедли́вымъ признае́тся всѣ́хъ таковы́хъ ̾ѿлꙋчи́ти ̾ѿ це́ркви, да не ка́кѡ пріи́детъ гнѣ́въ на ве́сь наро́дъ, и҆ пе́рвѣе на сами́хъ предстоя́телей, не взыскꙋ́ющихъ за сіѐ. Бою́ся бо, ка́къ глаго́летъ писа́ніе, да не кꙋ́пнѡ съ собо́ю погꙋби́тъ нечести́вый пра́веднагоБыт. гл. и҃і, ст. к҃г.. с. сч҃а И҆́бо, глаго́летъ писа́ніе: блꙋ́дъ и҆ лихоима́ніе, и҆́хже ра́ди гряде́тъ гнѣ́въ бж҃ій на сы́ны непокори̑выя. Не быва́йте ѹ҆̀бо соприча́стницы си̑мъ. Бѣ́сте бо и҆ногда̀ тьма̀, ны́нѣ же свѣ́тъ ѡ҆ гд҃ⷭ҇ѣ: ꙗ҆́коже ча̑да свѣ́та ходи́те: пло́дъ бо свѣ́та во вся́кой благосты́ни и҆ пра́вдѣ и҆ и҆́стинѣ, и҆скꙋша́юще, что̀ є҆́сть благоꙋго́дно гд҃ⷭ҇ꙋ, и҆ не пріѡбща́йтеся къ дѣлѡ́мъ неплѡ́днымъ тьмы̀, па́че же и҆ ѡ҆блича́йте. Быва́ємая бо ѻ҆́тай ̾ѿ ни́хъ, сра́мно є҆́сть и҆ глаго́лати: вся́ же ѡ҆блича́ємая, ̾ѿ свѣ́та ꙗ҆вля́ются[6]: та́кѡ глаго́летъ а҆по́столъ. А҆́ще же нѣ́кіе, неся̀ наказа́ніе за пре́жнее любостяжа́ніе, во вре́мя ми́ра бы́вшее, па́ки въ са́мое вре́мя гнѣ́ва ѡ҆браща́ются къ любостяжа́нію, коры́стꙋяся ̾ѿ кро́ви и҆ ги́бели человѣ́кѡвъ бѣ́гствꙋющихъ, и҆лѝ плѣ́нникѡвъ ѹ҆біе́нныхъ: то чегѡ̀ и҆на́гѡ надлежи́тъ ѡ҆жида́ти, ра́звѣ тогѡ̀, что̀ подвиза́ющеся за любостяжа́ніе соберꙋ́тъ гнѣ́въ и҆ себѣ̀ сами́мъ и҆ всемꙋ̀ наро́дꙋ;

ПРА́ВИЛО д҃.

Не се́ ли а҆ха́ръ ̾ѿ со́нма за́ры[7] прегрѣше́ніемъ прегрѣши́лъ, взя́въ ̾ѿ закля́тагѡ, и҆ прише́лъ гнѣ́въ на ве́сь со́нмъ і҆зра́илевъ: ѻ҆́нъ є҆ди́нъ то́кмѡ согрѣши́лъ, но не є҆ди́нъ ѹ҆́меръ во грѣхѣ̀ свое́мъ. И҆ на́мъ въ настоя́щее вре́мя подоба́етъ закля́тою почита́ти вся́кꙋю коры́сть, не на́шꙋ, а҆ чꙋ́ждꙋю. И҆́бо ка́къ а҆ха́ръ ѻ҆́ный взя́лъ и҆з̾ добы́чи, та́къ и҆ сіѝ ны́нѣ берꙋ́тъ и҆з̾ добы́чи: но то́тъ взя́лъ вра́жеское, а҆ сіѝ ны́нѣ бра́тнимъ коры́стꙋются. Па́гꙋбная коры́сть.

ПРА́ВИЛО є҃.

Никто̀ да не ѡ҆больща́етъ себя̀ тѣ́мъ, ꙗ҆́кѡ наше́лъ что́ либо: и҆́бо не позволи́тельно коры́стовас. сч҃втися и҆ на́йденнымъ. Второзако́ніе глаго́летъ: ви́дѣвъ тельца̀ бра́та твоегѡ̀ и҆лѝ ѻ҆́вцꙋ, заблꙋжда́ющыя на пꙋтѝ, да не пре́зриши я҆̀: но возвраще́ніемъ возврати́ши я҆̀ къ бра́тꙋ твоемꙋ̀. А҆́ще же нѣ́сть близ̾ тебѐ бра́тъ тво́й, нижѐ ѹ҆вѣ́си є҆го̀, соберѝ я҆̀ внꙋ́трь до́мꙋ твоегѡ̀, и҆ да бꙋ́дꙋтъ ѹ҆ тебѐ, до́ндеже взы́щетъ и҆̀хъ бра́тъ тво́й, и҆ ̾ѿда́си и҆̀хъ є҆мꙋ̀. Та́коже сотвори́ши ѻ҆сля́ти є҆гѡ̀, и҆ та́кѡ да сотвори́ши ри́зѣ є҆гѡ̀, и҆ та́кѡ да сотвори́ши всемꙋ̀ погꙋбле́номꙋ бра́та твоегѡ̀: є҆ли̑ка а҆́ще поги́бнꙋтъ ̾ѿ негѡ̀, и҆ ѡ҆бря́щеши я҆̀: та́кѡ глаго́летъ второзако́ніеВтор. гл. к҃в, ст. а҃ — г҃.. Въ кни́гѣ же и҆схо́да, не то́кмѡ ѡ҆ на́йденной кѣ́мъ либо со́бственности бра́та, но и҆ врага̀, рече́но: возвраще́ніемъ да возврати́ши ѻ҆́нꙋю въ до́мъ господи́на є҆я̀[9]. А҆́ще же не позволи́тельно въ ми́рѣ коры́стоватися ̾ѿ небре́жнагѡ и҆ роско́шествꙋющагѡ, и҆ ѡ҆ свое́й со́бственности не пекꙋ́щагѡся бра́та и҆лѝ врага̀: то кольмѝ па́че ̾ѿ бѣ́дствꙋющагѡ, и҆збѣга́ющагѡ врагѡ́въ, и҆ по нꙋ́ждѣ ѡ҆ставля́ющагѡ со́бственность.

ПРА́ВИЛО ѕ҃.

И҆ны́е же ѡ҆больща́ютъ себя̀, ѹ҆де́рживая на́йденнꙋю чꙋжꙋ́ю со́бственность, вмѣ́стѡ свое́й ѹ҆тра́ченной. Таки́мъ ѻ҆́бразомъ, поели́кꙋ вора́ды и҆ го́тѳы постꙋпа́ли съ ни́ми вра́жески, то ѻ҆нѝ для дрꙋги́хъ содѣ́лались вора́дами и҆ го́тѳами. Сегѡ̀ ра́ди посла́ли мы̀ къ ва́мъ бра́та и҆ соста́рца є҆ѵфросѵ́на, дабы̀ ѻ҆́нъ, по примѣ́рꙋ здѣ́шнягѡ ѻ҆́браза дѣ́йствованія, и҆ та́мѡ вве́лъ подо́бный, и҆ ̾ѿ когѡ̀ надлежи́тъ пріима́ти ѡ҆бвинє́нія, и҆ кого̀ до́лжно ̾ѿлꙋча́ти ̾ѿ моли́твъ.

ПРА́ВИЛО з҃.

Возвѣщено̀ та́кожде на́мъ нѣ́что невѣроя́тное, с. сч҃г слꙋчи́вшееся въ странѣ̀ ва́шей, без̾ сомнѣ́нія, ̾ѿ люде́й невѣ́рныхъ и҆ нечести́выхъ, и҆ не позна́вшихъ да́же и҆́мени гд҃ⷭ҇а: а҆́ки бы нѣ́кіе дошлѝ до тако́й лю́тости и҆ безчеловѣ́чія, ꙗ҆́кѡ соде́ржатъ ѹ҆ себя̀ въ нево́лѣ нѣ́которыхъ ѹ҆бѣжа́вшихъ и҆з̾ плѣ́на ̾ѿ ва́рварѡвъ. Пошли́те кого́ либо во странꙋ̀, для и҆зыска́нія сегѡ̀, да не паде́тъ мо́лнія на творя́щихъ сіѐ.

ПРА́ВИЛО и҃.

А҆́ще кото́рые сопричи́слились къ ва́рварамъ, и҆ съ ни́ми, во вре́мя своегѡ̀ плѣне́нія, ѹ҆ча́ствовали въ нападе́ніи, забы́въ, ꙗ҆́кѡ бы́ли понті́йцы и҆ хрістіа́не, и҆ ѡ҆жесточа́сь до тогѡ̀, что̀ ѹ҆бива́ли є҆диноплеме́нныхъ свои́хъ и҆лѝ дре́вомъ, и҆лѝ ѹ҆давле́ніемъ, та́кожде ѹ҆ка́зывали не вѣ́дꙋщымъ ва́рварамъ пꙋтѝ и҆лѝ до́мы: таковы̑мъ до́лжно прегради́ти вхо́дъ да́же въ чи́нъ слꙋ́шающихъ, доко́лѣ что́ либо и҆зво́лятъ ѡ҆ ни́хъ, кꙋ́пнѡ соше́дшеся, святы́е ѻ҆тцы̀, и҆ пре́жде и҆́хъ дх҃ъ ст҃ы́й.

ПРА́ВИЛО ѳ҃.

Дерзнꙋ́вшіе ѹ҆чини́ти нападе́ніе на чꙋжі́е до́мы, а҆́ще по ѡ҆бвине́ніи ѹ҆личе́ны бꙋ́дꙋтъ, да не ѹ҆досто́ятся нижѐ чи́на слꙋ́шающихъ писа̑нія. Но а҆́ще са́ми ѡ҆ себѣ̀ ѡ҆б̾я́вятъ и҆ возвратя́тъ похи́щенное: то въ чи́нѣ ѡ҆браща́ющихся да припа́даютъ.

ПРА́ВИЛО і҃.

А҆ наше́дшіе что́ либо на по́лѣ, и҆лѝ въ дома́хъ свои́хъ, ѡ҆ста́вленное ва́рварами, а҆́ще по ѡ҆бвине́ніи бꙋ́дꙋтъ ѡ҆бличе́ны, да бꙋ́дꙋтъ въ числѣ̀ припа́дающихъ. А҆́ще же са́ми ѡ҆ себѣ̀ ѡ҆б̾я́вятъ, и҆ ̾ѿдадꙋ́тъ на́йденное, то да ѹ҆досто́ятся и҆ моли́твы.

ПРА́ВИЛО а҃і.

И҆сполня́ющіе же настоя́щꙋю за́повѣдь, должны̀ и҆сполня́ти ѻ҆́нꙋю без̾ вся́с. сч҃дкагѡ скверностяжа́тельства, не тре́бꙋя себѣ̀ возме́здія и҆лѝ за ѹ҆каза́ніе ве́щи, и҆лѝ за сохране́ніе, и҆лѝ за ѡ҆брѣ́теніе, и҆лѝ ка́къ бы ни называ́ли предло́гъ къ томꙋ̀.

ПРА́ВИЛО в҃і.

Пла́чъ быва́етъ внѣ̀ вра́тъ моли́твеннагѡ хра́ма, гдѣ̀ стоя̀ согрѣши́вшій до́лженъ проси́ти входя́щихъ вѣ́рꙋющихъ, дабы̀ ѻ҆нѝ помоли́лися за него̀. Слꙋ́шаніе быва́етъ внꙋтрѝ вра́тъ въ притво́рѣ, гдѣ̀ грѣ́шникъ до́лженъ стоя́ти до моле́нія ѡ҆б̾ ѡ҆глаше́нныхъ, и҆ тогда̀ и҆сходи́ти. И҆́бо пра́вило глаго́летъ: слꙋ́шавъ писа̑нія и҆ ѹ҆че́ніе, да и҆зжене́тся, и҆ да не сподо́бится моли́твы. Чи́нъ припа́дающихъ є҆́сть, когда̀ ка́ющійся, стоя́въ внꙋтрѝ вра́тъ хра́ма, и҆схо́дитъ вмѣ́стѣ съ ѡ҆глаше́нными. А҆ чи́нъ кꙋ́пнѡ стоя́щихъ є҆́сть, когда̀ ка́ющійся стои́тъ кꙋ́пнѡ съ вѣ́рными, и҆ не и҆схо́дитъ съ ѡ҆глаше́нными. Коне́чное же є҆́сть, прича́стіе святы́хъ та̑инъ.

с. сч҃є