ПОСЛА́НІЕ СВЯТА́ГѠ А҆ѲАНА́СІА ВЕЛИ́КАГѠ, а҆рхіепі́скопа а҆леѯандрі́йскагѡ, къ а҆ммꙋ́нꙋ мона́хꙋ.

Всѣ̀ творє́нія бж҃іи добры̀ и҆ чи́сты. И҆́бо ничегѡ̀ неполе́знагѡ и҆лѝ нечи́стагѡ не сотвори́ло бж҃іе сло́во. хр҃ⷭ҇то́во бо благоꙋха́ніе є҆смы̀ въ спаса́емыхъ, по а҆по́столꙋ[1]. Поели́кꙋ же разли́чны и҆ многоѻбра́зны сꙋ́ть стрѣ́лы діа́вола, и҆ непоро́чнѡ мы́слящихъ дово́дитъ ѻ҆́нъ до возмꙋще́нія, ̾ѿвлека́етъ бра́тій ̾ѿ ѻ҆быкнове́ннагѡ ѹ҆пражне́нія, всѣва́я въ ни́хъ помышлє́нія, нечистоты̀ и҆ ѡ҆скверне́нія: то, по благода́ти сп҃си́теля на́шегѡ, кра́ткими слова́ми, и҆ лꙋка́вагѡ ѡ҆больще́ніе да ̾ѿжене́мъ, и҆ мы́сль простѣ́йшихъ да ѹ҆тверди́мъ. Вся̑ ѹ҆́бѡ чи́ста чи̑стымъ, нечи́стыхъ же и҆ со́вѣсть ѡ҆скверни́ся и҆ всѐ[2]. Ѹ҆дивля́юсь же ѹ҆хищре́нію діа́вола, что̀ ѻ҆́нъ, бꙋ́дꙋчи развраще́ніе и҆ па́гꙋба, влага́етъ, по ви́димомꙋ, помышлє́нія чистоты̀. Но дѣ́йствꙋемое и҆́мъ є҆́сть па́че навѣ́тъ, и҆лѝ и҆скꙋше́ніе. И҆́бо, ка́къ ꙗ҆́ сказа́лъ, дабы̀ ̾ѿвлещѝ подви́жникѡвъ ̾ѿ ѻ҆бы́чнагѡ и҆ спаси́тельнагѡ попече́нія, и҆ въ се́мъ, ка́къ мни́тся є҆мꙋ̀, побѣс. сч҃ѕди́ти и҆̀хъ, для сегѡ̀ возбꙋжда́етъ ѻ҆́нъ такꙋ́ю молвꙋ̀, кото́рая не прино́ситъ никако́й по́льзы для жи́зни, а҆ то́кмѡ пꙋсты́я вопрошє́нія и҆ сꙋесло́віе, кото́рыхъ ѹ҆клоня́тися до́лжно. И҆́бо скажѝ мнѣ̀, возлю́бленный и҆ благоговѣ́йнѣйшій, что̀ и҆мѣ́етъ грѣхо́внагѡ и҆лѝ нечи́стагѡ како́е либо є҆сте́ственное и҆зверже́ніе, ка́къ напримѣ́ръ, а҆́ще бы кто̀ восхотѣ́лъ поста́вити въ винꙋ̀ и҆схожде́ніе мокро́тъ и҆з̾ ноздре́й, и҆ плюнове́ніе и҆з̾ ѹ҆́стъ; Мо́жемъ рещѝ и҆ ѡ҆ бо́льшемъ сегѡ̀, ѡ҆ и҆зверже́ніяхъ чре́вомъ, котѡ́рыя неѡбходи́мы для жи́зни живо́тнагѡ. Є҆ще́ же, а҆́ще по бж҃е́ственномꙋ писа́нію вѣ́рꙋемъ, ꙗ҆́кѡ человѣ́къ є҆́сть дѣ́ло рꙋ́къ бж҃іихъ: то ка́къ могло̀ ̾ѿ чи́стыя си́лы произы́ти дѣ́ло ѡ҆скверне́нное: и҆ а҆́ще ро́дъ бж҃ій є҆смы̀, по бж҃е́ственномꙋ писа́нію а҆по́стольскихъ дѣя́ній[3]: то не и҆мѣ́емъ въ себѣ̀ ничегѡ̀ нечи́стагѡ. И҆́бо тогда̀ то́кмѡ мы̀ ѡ҆скверня́емся, когда̀ грѣ́хъ, вся́кагѡ смра́да хꙋ́дшій, содѣ́лываемъ. А҆ когда̀ происхо́дитъ како́е либо є҆сте́ственное нево́льное и҆зверже́ніе: тогда̀ и҆ семꙋ̀ съ про́чими подверга́емся мы̀, ка́къ вы́ше рече́но, по неѡбходи́мости є҆сте́ственной. Но поели́кꙋ хотя́щіе то́кмѡ прекосло́вити справедли́вымъ слова́мъ, па́че же сотворе́нномꙋ ̾ѿ бг҃а, непра́вѡ приво́дятъ и҆ сло́во є҆ѵа́нгельское, ꙗ҆́кѡ не входя̑щая скверня́тъ человѣ́ка, но и҆сходя̑щая: то нꙋ́жно и҆ сію̀ нелѣ́пость и҆́хъ [и҆́бо не нарекꙋ̀ сегѡ̀ вопроше́ніемъ] ѡ҆бличи́ти. Во пе́рвыхъ ѻ҆нѝ и҆ писа̑нія, по невѣ́жествꙋ своемꙋ̀, ꙗ҆́кѡ неꙋтвержде́нные, превра́тнѡ ѹ҆потребля́ютъ. Ра́зꙋмъ же бж҃е́ственнагѡ сло́ва є҆́сть слѣ́дꙋющій: когда̀ нѣ́кіе, подо́бнѡ си̑мъ, сомнѣва́лися ѡ҆ пи́щѣ, тогда̀ са́мъ гд҃ⷭ҇ь, разрѣша́я и҆́хъ невѣ́дѣніе, с. сч҃з и҆лѝ па́че, ѡ҆блича́я заблꙋжде́ніе, ре́къ: не входя̑щая скверня́тъ человѣ́ка, но и҆сходя̑щая[4]. Посе́мъ прилага́етъ: ̾ѿкꙋ́да и҆сходя̑щая; ̾ѿ се́рдца. И҆́бо вѣ́даетъ, что̀ та́мѡ сꙋ́ть ѕлы́я сокрѡ́вища скве́рныхъ по́мыслѡвъ и҆ и҆ны́хъ грѣхѡ́въ. Сокраще́ннѣе же а҆по́столъ, семꙋ̀ наꙋче́нный, глаго́летъ: бра́шно на́съ не поста́витъ пред̾ бг҃омъ[5]. Бл҃госло́внѡ мо́жетъ кто̀ рещѝ и҆ въ настоя́щемъ слꙋ́чаѣ: є҆сте́ственное нѣ́кое и҆зверже́ніе не поведе́тъ на́съ къ наказа́нію. Мо́жетъ бы́ть и҆ врачѝ [да ѹ҆бѣдя́тся хотя̀ внѣ́шними прекосло́вящіе] въ защище́ніе сегѡ̀ ска́жꙋтъ, что̀ живо́тномꙋ даны̀ нѣ́кіе неѡбходи́мые и҆схо́ды для ̾ѿложе́нія и҆зли́шества вла́гъ, пита́емыхъ въ ка́ждомъ ѹ҆ на́съ чле́нѣ, каковы̀ сꙋ́ть и҆зли́шєства главы̀ власы̀, и҆ вла́жнѡсти и҆з̾ главы̀ ̾ѿдѣля́ющыяся и҆ и҆сходя́щее и҆з̾ чре́ва, та́кожде и҆ ѻ҆́ный и҆збы́токъ въ сѣ́менныхъ сосꙋ́дахъ. И҆ та́къ бг҃олюбе́знѣйшій ста́рче, како́й здѣ́сь грѣ́хъ пред̾ бг҃омъ, когда̀ са́мъ созда́вшій живо́тное гд҃ⷭ҇ь восхотѣ́лъ и҆ сотвори́лъ, что́бы сіѝ чле́ны и҆мѣ́ли таковы́е и҆схо́ды; Но нꙋ́жно предꙋпреди́ть противорѣ́чія лꙋка́выхъ. И҆́бо мо́гꙋтъ рещѝ: посемꙋ̀ не бꙋ́детъ грѣхо́мъ и҆ са́мое ѹ҆потребле́ніе, когда̀ ѻ҆рꙋ́дія творце́мъ ѹ҆стро́ены. Таковы́хъ вопроше́ніемъ заста́вимъ ѹ҆мо́лкнꙋти, глаго́ля на сіѐ: ѡ҆ како́мъ ѹ҆потребле́ніи глаго́леши: ѡ҆ зако́нномъ ли; ѡ҆ то́мъ ли, кото́рое бг҃ъ позво́лилъ, глаго́ля: расти́теся и҆ мно́житеся, и҆ наполня́йте зе́млюБыт. гл. а҃, ст. к҃и.: ѡ҆ то́мъ ли, кото́рое а҆по́столъ допꙋсти́лъ глаго́ля: честна̀ жени́тва, и҆ ло́же нескве́рно[7]; и҆лѝ ѡ҆ то́мъ, кото́рое быва́етъ междꙋ̀ людьмѝ, но происхо́дитъ та́йнѡ и҆ прелюбодѣ́йнѡ; И҆́бо и҆ въ дрꙋс. сч҃иги́хъ слꙋ́чаяхъ жи́зни ѡ҆брѣта́емъ разли́чіе, быва́ющее по нѣ́которымъ ѡ҆бстоя́тельствамъ, на примѣ́ръ: не позволи́тельно ѹ҆бива́ть: но ѹ҆бива́ть врагѡ́въ на бра́ни, и҆ зако́нно и҆ похвалы̀ досто́йно. Та́кѡ вели́кихъ по́честей сподобля́ются до́блестные въ бра́ни, и҆ воздвига́ются и҆̀мъ столпы̀, возвѣща́ющіе превосхѡ́дныя и҆́хъ дѣя̑нія. Таки́мъ ѻ҆́бразомъ ѻ҆дно̀ и҆ то́ же, смотря̀ по вре́мени, и҆ въ нѣ́которыхъ ѡ҆бстоя́тельствахъ, не позволи́тельно: а҆ въ дрꙋги́хъ ѡ҆бстоя́тельствахъ, и҆ благовре́меннѡ, допꙋска́ется и҆ позволя́ется. Та́кожде разсꙋжда́ти до́лжно и҆ ѡ҆ тѣле́сномъ совокꙋпле́ніи. Блаже́нъ, кто̀ въ ю҆́ности, соста́вя свобо́днꙋю четꙋ̀, ѹ҆потребля́етъ є҆стество̀ къ дѣторожде́нію. Но а҆́ще къ любостра́стію: то блꙋдникѝ и҆ прелюбодѣ́и подверга́ются ка́зни, возвѣще́нной а҆по́столомъ[8]. И҆́бо два̀ пꙋтѝ въ жи́зни ̾ѿноси́тельнѡ сегѡ̀ предме́та. Є҆ди́нъ ѻ҆быкнове́нный, и҆ жите́йскій, то́ є҆сть бра́къ: дрꙋгі́й же а҆́гг҃льскій и҆ ко́егѡ нѣ́тъ превосхо́днѣе, то́ є҆сть дѣ́вство. А҆́ще кто̀ и҆збра́лъ мірскі́й пꙋ́ть, то́ є҆сть бра́къ: то не подлежи́тъ порица́нію, но не полꙋ́читъ толи́кихъ дарѡ́въ, хотя̀ впро́чемъ полꙋ́читъ нѣ́кіе, и҆́бо и҆ ѻ҆́нъ прино́ситъ пло́дъ тридесятикра́тный. А҆́ще же кто̀ воспрія́лъ чи́стый и҆ премі́рный пꙋ́ть, хотя̀ пꙋ́ть є҆гѡ̀ жесточа́е и҆ трꙋднѣ́е пе́рвагѡ, но таковы́й пріе́млетъ бо́лѣе чꙋ́дныя дарова́нія: и҆́бо прине́съ пло́дъ соверше́нный, стори́чный. Та́кѡ нечи́стыя и҆ лꙋка́выя и҆́хъ вопрошє́нія и҆мѣ́ютъ со́бствєнныя рѣшє́нія, бж҃е́ственными писа́ніями дре́вле предꙋгото́влєнныя. И҆ та́къ ѹ҆твержда́й, ѻ҆́тче, подчине́нное тебѣ̀ ста́до а҆по́стольскими ѹ҆вѣща́ніями, є҆ѵа́нгельскими ѹ҆тѣше́ніями, ѱало́мскими совѣ́тами, глаго́ля с. сч҃ѳ къ гд҃ⷭ҇ꙋ: живи́ мя по словесѝ твоемꙋ̀[9]. Сло́во же є҆гѡ̀ состои́тъ въ слꙋже́ніи є҆мꙋ̀ ̾ѿ чи́стагѡ се́рдца. И҆́бо зна́я сіѐ то́тъ же проро́къ, ка́къ бы себя̀ и҆з̾ясня́я, говори́тъ: се́рдце чи́сто сози́жди во мнѣ̀ бж҃е[10], дабы̀ сквє́рныя помышлє́нія не возмꙋща́ли меня̀. и҆ па́ки: и҆ дх҃омъ влады́чнимъ ѹ҆тверди́ мя[11], дабы̀, є҆́стьли когда̀ помышлє́нія и҆ возмꙋтя́тъ меня̀, мо́щная нѣ́кая си́ла ̾ѿ тебя̀ и҆сходя́щая, ѹ҆крѣпля́ла меня̀, а҆́ки нѣ́кая тверды́ня. Таковы́е и҆ подо́бные совѣ́ты препода́въ и҆ ты̀, глаго́ли тѣ̑мъ, кото́рые ме́дленнѡ покаря́ются и҆́стинѣ: наꙋчꙋ̀ беззакѡ́нныя пꙋтє́мъ твои́мъ[12], и҆ ѹ҆пова́я на гд҃ⷭ҇а, ꙗ҆́кѡ ѹ҆бѣди́шь и҆̀хъ ̾ѿстꙋпи́ти ̾ѿ таковы́я ѕло́бы, воспѣва́й: и҆ нечести́віи къ тебѣ̀ ѡ҆братя́тся. Да преста́нꙋтъ ѕлонамѣ́реннѡ вопроша́ющіе ̾ѿ такова́гѡ сꙋ́етнагѡ трꙋда̀, а҆ сомнѣва́ющіеся по простотѣ̀, да ѹ҆твердя́тся дх҃омъ влады́чнимъ: вы́ же, кото́рые тве́рдѡ вѣ́даете и҆́стинꙋ, содержи́те ѻ҆́нꙋю ненарꙋ́шимѡ и҆ непоколеби́мѡ, ѡ҆ хр҃ⷭ҇тѣ̀ і҆и҃сѣ гд҃ⷭ҇ѣ на́шемъ, съ ни́мже ѻ҆ц҃ꙋ̀ сла́ва и҆ держа́ва, со ст҃ы́мъ дх҃омъ, во вѣ́ки вѣкѡ́въ, а҆ми́нь.

с. т҃