СВЯТА́ГѠ А҆ѲАНА́СІЯ, а҆рхіепі́скопа а҆леѯандрі́йскагѡ, и҆з̾ л҃ѳ посла́нія ѡ҆ пра́здникахъ.

Но поели́кꙋ ѹ҆помянꙋ́лъ ꙗ҆́ ѡ҆ є҆ретіка́хъ, ка́къ ѡ҆ ме́ртвыхъ, ѡ҆ на́съ же сами́хъ, ꙗ҆́кѡ и҆мѣ́ющихъ ко спасе́нію бж҃е́ственныя писа̑нія, и҆ бою́ся что́бы, ка́къ писа́лъ къ корі́нѳянамъ па́ѵелъ[1], нѣ́которые и҆з̾ простодꙋ́шныхъ не бы́ли ѹ҆клонены̀ ̾ѿ простоты̀ и҆ чистоты̀, хи́тростію человѣ́кѡвъ, и҆ пото́мъ не на́чали внима́ти и҆ны́мъ кни́гамъ, та́къ называ́ємымъ а҆покрѷфі́чєскимъ[2], бꙋ́дꙋчи ѡ҆бма́нꙋты є҆диноиме́нностію и҆́хъ съ и҆́стинными кни́гами: то потерпи́те, молю̀, а҆́ще ѡ҆ и҆звѣ́стномъ ва́мъ, є҆щѐ и҆ ꙗ҆́ воспомина́ю, ра́ди нꙋ́жды и҆ по́льзы це́ркви. Жела́я же ѡ҆ се́мъ воспомянꙋ́ти ѹ҆потреблю̀, для ѡ҆правда́нія моегѡ̀ дерзнове́нія, ѻ҆́бразъ слове́съ є҆ѵангелі́ста лꙋкѝ, и҆ рекꙋ̀ и҆ ꙗ҆́: поне́же нѣ́кіе на́чали слага́ти себѣ̀ та́къ и҆менꙋ́ємыя а҆покрѷфі́чєскія кни̑ги, и҆ смѣ́шивати ѻ҆́ныя съ бг҃одꙋхнове́ннымъ писа́ніемъ, ѡ҆ кото́ромъ мы̀ ѹ҆достовѣ́рены, ꙗ҆́коже преда́ша ѻ҆тца́мъ ̾ѿ нача́ла самови́дцы и҆ слꙋгѝ бы́вшіи словесѐ: и҆зво́лился и҆ мнѣ̀, побꙋжде́нномꙋ и҆́стинными бра́тіями, и҆ дозна́вшемꙋ с. т҃д снача́ла по ря́дꙋ и҆зложи́ти, какі́я кни̑ги при́няты въ канѡ́нъ, пре́даны и҆ вѣ́рꙋются бы́ти бж҃е́ственными, дабы̀ ка́ждый ѻ҆больще́нный ̾ѿве́ргъ ѻ҆больща́ющихъ, и҆ ка́ждый пребы́вшій чи́стымъ возра́довался ѡ҆ но́вомъ предостереже́ніи. И҆ та́къ всѣ́хъ кни́гъ ве́тхагѡ завѣ́та число́мъ два́десять двѣ̀: и҆́бо сто́лькѡ же, ка́къ ꙗ҆́ слы́шалъ, и҆ бꙋ́квъ въ ѹ҆потребле́ніи ѹ҆ є҆вре́євъ. По поря́дкꙋ же и҆ по и҆мена́мъ ѻ҆́ныя сꙋ́ть слѣ́дꙋющыя: во пе́рвыхъ бытіѐ, пото́мъ и҆схо́дъ, да́лѣе леѵі́тъ, посе́мъ чи̑сла, и҆ наконе́цъ второзако́ніе: за си́ми слѣ́дꙋетъ і҆исꙋ́съ наѵи́нъ, сꙋдіѝ, и҆ пото́мъ рꙋ́ѳь: да́лѣе по поря́дкꙋ четы́ре кни́ги ца́рствъ, и҆з̾ ко́ихъ ка́къ пе́рвая и҆ втора́я счита́ются за ѻ҆днꙋ̀ кни́гꙋ, та́къ ра́внѡ тре́тія и҆ четве́ртая за ѻ҆днꙋ̀: по́слѣ си́хъ параліпоме́нѡнъ пе́рвая и҆ втора́я, та́кже счита́ємыя за ѻ҆днꙋ̀ кни́гꙋ: да́лѣе є҆́здры пе́рвая и҆ втора́я та́кже за ѻ҆днꙋ̀: по́слѣ си́хъ кни́га ѱалмѡ́въ, и҆ пото́мъ при́тчи, пото́мъ є҆кклисіа́стъ, и҆ пѣ́снь пѣ́сней. По си́хъ і҆́ѡвъ: наконе́цъ проро́ки двана́десять, счита́ємыя за ѻ҆днꙋ̀ кни́гꙋ, пото́мъ и҆са́іа, і҆еремі́а, и҆ съ ни́мъ варꙋ́хъ, пла́чь и҆ посла́ніе: а҆ по ни́хъ і҆езекі́иль и҆ даніи́лъ: сіѝ составля́ютъ ве́тхій завѣ́тъ. Но до́лжно без̾ ѹ҆коснѣ́нія рещѝ и҆ ѡ҆ кни́гахъ но́вагѡ завѣ́та. Ѻ҆нѣ̀ сꙋ́ть слѣ́дꙋющыя: четы́ре є҆ѵа́нгеліа, ̾ѿ матѳе́а, ̾ѿ ма́рка, ̾ѿ лꙋкѝ и҆ ̾ѿ і҆ѡа́нна: по си́хъ дѣя̑нія а҆по́столѡвъ, и҆ се́дмь та́къ и҆менꙋ́емыхъ собо́рныхъ посла́ній а҆по́столѡвъ, ка́къ то: і҆а́кѡва є҆ди́но, петра̀ два̀, пото́мъ і҆ѡа́нна трѝ, и҆ і҆ꙋ́ды є҆ди́но: къ ни́мъ четырена́десять посла́ній а҆по́стола па́ѵла, котѡ́рыя пи́шꙋтся слѣ́дꙋющимъ поря́дкомъ: пе́рвое къ ри́млянамъ, пото́мъ къ корі́нѳянамъ два̀, по си́хъ къ гала́тамъ, да́лѣе къ є҆фесе́ямъ, пото́мъ къ філіпписі́ямъ, къ с. т҃є колосса́ямъ, къ солꙋ́нянамъ два̀, ко є҆вре́ємъ, къ тімоѳе́ю два̀, и҆ къ ті́тꙋ є҆ди́но, и҆ послѣ́днее къ філімо́нꙋ є҆ди́но: и҆ наконе́цъ а҆пока́лѷѱісъ і҆ѡа́нна. Сіѝ сꙋ́ть и҆сто́чники спасе́нія, да сꙋ́щими въ ѻ҆́ныхъ словеса́ми жа́ждꙋщій ѹ҆толи́тъ жа́ждꙋ, въ си́хъ то́кмѡ благовѣствꙋ́ется ѹ҆че́ніе благоче́стія. Никто̀ къ си́мъ да не прилага́етъ, нижѐ да ̾ѿе́млетъ ̾ѿ ни́хъ что́ либо. Ѡ҆ си́хъ гд҃ⷭ҇ь посрамля́я саддꙋке́євъ глаго́лалъ: прельща́етеся, не вѣ́дꙋще писа́ній, ни си́лы и҆́хъ[3]. І҆ꙋде́євъ же ѹ҆вѣщева́лъ: и҆спыта́йте писа̑нія, ꙗ҆́кѡ та̀ сꙋ́ть свидѣ́тєльствꙋющая ѡ҆ мнѣ̀[4]. Ра́ди бо́льшія же то́чности, поели́кꙋ пишꙋ̀ ра́ди нꙋ́жды, присовокꙋпля́ю и҆ сіѐ: ꙗ҆́кѡ є҆́сть, кромѣ̀ си́хъ, и҆ дрꙋгі́я кни̑ги, не введє́нныя въ канѡ́нъ, но назна́чєнныя ѻ҆тца́ми для чте́нія нововстꙋпа́ющымъ, и҆ жела́ющымъ ѡ҆гласи́тися сло́вомъ благоче́стія: премꙋ́дрость соломѡ́нова, премꙋ́дрость сіра́хова, є҆сѳи́рь, і҆ꙋди́ѳь, и҆ тѡві́а, и҆ та́къ и҆менꙋ́мое ѹ҆че́ніе а҆по́столѡвъ, и҆ па́стырь. Впро́чемъ, возлю́бленные, све́рхъ си́хъ чита́емыхъ и҆ ѻ҆́ныхъ каноні́ческихъ, нигдѣ̀ не ѹ҆помина́ется ѡ҆б̾ а҆покрѷфі́ческихъ: но сіѐ є҆́сть ѹ҆мышле́ніе є҆ретікѡ́въ, кото́рые пи́шꙋтъ ѻ҆́ныя, когда̀ хотя́тъ, назнача́ютъ и҆ прибавля́ютъ и҆̀мъ вре́мя, дабы̀ представля́я и҆̀хъ, а҆́ки бы дрє́внія, и҆мѣ́ти спо́собы къ прельще́нію ѻ҆́ными простодꙋ́шныхъ.

с. т҃ѕ