КАНОНІ́ЧЕСКИЕ ѾВѢ́ТЫ СВЯТѢ́ЙШАГѠ ТІМОѲЕ́А є҆пі́скопа а҆леѯандрі́йскагѡ, є҆ди́нагѡ ̾ѿ ста̀ пяти́десяти ѻ҆тцє́въ бы́вшихъ на кѡнстантінопо́льскомъ собо́рѣ.

ВОПРО́СЪ а҃.

А҆́ще ѡ҆глаше́нное ѻ҆троча̀, лѣ́тъ седмѝ, и҆лѝ совершеннолѣ́тній человѣ́къ, ѹ҆лꙋчи́тъ вре́мя бы́ти при соверше́ніи літꙋргі́и, и҆ по невѣ́дѣнію пріѡбщи́тся: то ка́къ до́лжно постꙋпи́ти съ таковы́мъ;

ѾВѢ́ТЪ.

До́лжно просвѣти́ти є҆го̀ креще́ніемъ: и҆́бо призва́нъ ̾ѿ бг҃а.

ВОПРО́СЪ в҃.

А҆́ще ѡ҆глаше́нный бꙋ́детъ бѣснꙋ́емый, и҆ восхо́щетъ са́мъ, и҆лѝ при́сные є҆гѡ̀, да пріи́метъ свято́е креще́ніе: то до́лженъ ли прія́ти, и҆лѝ нѣ́тъ, и҆ наипа́че а҆́ще бꙋ́детъ близ̾ сме́рти;

ѾВѢ́ТЪ.

Когда̀ бѣснꙋ́емый не ѡ҆чи́стился є҆щѐ ̾ѿ дꙋ́ха нечи́стагѡ, то не мо́жетъ прія́ти свято́е креще́ніе: но, при и҆схо́дѣ ̾ѿ сея̀ жи́зни, креща́ется.

ВОПРО́СЪ г҃.

А҆́ще кто̀ вѣ́рный ѡ҆держи́мъ бѣ́сомъ: до́лженъ ли пріѡбща́тися святы́хъ та̑инъ, и҆лѝ нѣ́тъ;

с. тѻ҃з

ѾВѢ́ТЪ.

А҆́ще не нарꙋша́етъ та́йны, нижѐ хꙋ́литъ и҆ны́мъ каки́мъ либо ѻ҆́бразомъ: то да причаща́ется, но не ка́ждый де́нь: дово́льно для негѡ̀ то́кмѡ по времена́мъ.

ВОПРО́СЪ д҃.

А҆́ще кто̀ и҆з̾ ѡ҆глаше́нныхъ, находя́сь въ болѣ́зни, лиши́тся здра́вагѡ ѹ҆ма̀, и҆ не мо́жетъ са́мъ произнестѝ и҆сповѣ́даніе вѣ́ры, при́сные же є҆гѡ̀ проси́ти бꙋ́дꙋтъ, да пріи́метъ свято́е креще́ніе, доко́лѣ жи́въ: до́лженъ ли прія́ти, и҆лѝ нѣ́тъ;

ѾВѢ́ТЪ.

До́лженъ прія́ти креще́ніе, а҆́ще не и҆скꙋша́ется ̾ѿ дꙋ́ха нечи́стагѡ.

ВОПРО́СЪ є҃.

А҆́ще жена̀ пребꙋ́детъ но́щію со свои́мъ мꙋ́жемъ, и҆лѝ мꙋ́жъ съ жено́ю свое́ю, и҆ на ѹ҆́тро бꙋ́детъ священнослꙋже́ніе: то должны́ ли ѻ҆нѝ причасти́тися, и҆лѝ нѣ́тъ;

ѾВѢ́ТЪ.

Не должны̀. Поели́кꙋ а҆по́столъ глаго́летъ: не лиша́йте себѐ дрꙋ́гъ дрꙋ́га, то́чію по согла́сію до вре́мени, да пребыва́ете въ моли́твѣ, и҆ па́ки вкꙋ́пѣ собира́йтеся, да не и҆скꙋша́етъ ва́съ сатана̀ невоздержа́ніемъ ва́шимъ[1].

ВОПРО́СЪ ѕ҃.

А҆́ще жена̀ ѡ҆глаше́нная вписа́ла и҆́мя своѐ ко креще́нію, а҆ ко дню̀ креще́нія приключи́тся є҆́й ѻ҆бы́чное жена́мъ: то до́лжно ли таковꙋ́ю крести́ти въ то́тъ де́нь, и҆лѝ ̾ѿложи́ти, и҆ на ско́лькѡ вре́мени ̾ѿложи́ти;

ѾВѢ́ТЪ.

До́лжно ̾ѿложи́ти, доко́лѣ ѡ҆чи́стится.

ВОПРО́СЪ з҃.

А҆́ще жена̀ ѹ҆смо́тритъ приключи́вшееся є҆́й ѻ҆бы́чное жена́мъ: должна́ ли ѻ҆на̀ с. тѻ҃и въ то́тъ де́нь пристꙋпи́ти къ святы́мъ та́йнамъ, и҆лѝ нѣ́тъ;

ѾВѢ́ТЪ.

Не должна̀, доко́лѣ не ѡ҆чи́стится.

ВОПРО́СЪ и҃.

А҆́ще жена̀ роди́тъ пред̾ свято́ю па́схою, то́ є҆сть на вели́кой седми́цѣ: должна̀ ли пости́тися и҆ не пи́ти віна̀, и҆лѝ разрѣша́ется ѻ҆на̀ ̾ѿ поста̀ и҆ ̾ѿ запреще́нія пи́ти віно̀ ра́ди тогѡ̀, ꙗ҆́кѡ родила̀;

ѾВѢ́ТЪ.

По́стъ ѹ҆стано́вленъ для ѹ҆смире́нія на́шегѡ тѣ́ла. И҆ та́къ, когда̀ тѣ́ло нахо́дится въ смире́ніи и҆ въ не́мощи: то должна̀ ѻ҆на̀ принима́ти пи́щꙋ и҆ питіѐ, ка́къ хо́щетъ и҆ понестѝ мо́жетъ.

ВОПРО́СЪ ѳ҃.

До́лженъ ли священнослꙋжи́тель моли́тися въ присꙋ́тствіи а҆ріа́нъ и҆лѝ дрꙋги́хъ є҆ретікѡ́въ; и҆лѝ бꙋ́детъ ли то ни ма́лѡ не во вре́дъ є҆мꙋ̀, когда̀ при ни́хъ соверша́етъ ѻ҆́нъ свою̀ моли́твꙋ и҆лѝ священнодѣ́йствіе;

ѾВѢ́ТЪ.

Въ бж҃е́ственной літꙋргі́и діа́конъ пред̾ вре́менемъ цѣлова́нія возглаша́етъ: не пріе́млемые ко ѻ҆бще́нію и҆зыди́те. Посемꙋ̀ таковы́е не должны̀ присꙋ́тствовати, а҆́ще не ѡ҆бѣща́ются пока́ятися и҆ ѡ҆ста́вити є҆́ресь.

ВОПРО́СЪ і҃.

А҆́ще кто̀ бо́ленъ и҆ ̾ѿ си́льныя болѣ́зни соверше́ннѡ и҆стоще́нъ, и҆ приближа́ется свята́я па́сха: непремѣ́ннѡ ли до́лженъ таковы́й пости́тися, и҆лѝ по причи́нѣ си́льнагѡ и҆знеможе́нія є҆гѡ̀, священнослꙋжи́тель разрѣши́тъ є҆мꙋ̀ ѹ҆потребля́ти, что̀ мо́жетъ, и҆лѝ и҆ є҆ле́й и҆ віно̀;

ѾВѢ́ТЪ.

До́лжно разрѣша́ти больно́мꙋ пріима́ти пи́щꙋ и҆ питіѐ, смотря̀ потомꙋ̀, что̀ с. тѻ҃ѳ мо́жетъ ѻ҆́нъ понестѝ. И҆́бо совсѣ́мъ и҆стоще́нномꙋ ѹ҆потребля́ти є҆ле́й, є҆́сть дѣ́ло пра́вое.

ВОПРО́СЪ а҃і.

А҆́ще кто̀ зва́ти бꙋ́детъ священнослꙋжи́теля на сочета́ніе бра́ка, и҆ се́й ѹ҆слы́шитъ, ꙗ҆́кѡ бра́къ се́й є҆́сть незако́нный, и҆лѝ кровосмѣше́ніе, на примѣ́ръ, ꙗ҆́кѡ и҆мѣ́ющая сочета́тися є҆́сть сестра̀ ѹ҆ме́ршія жены̀: то до́лженъ ли священнослꙋжи́тель послꙋ́шати таковы́хъ, и҆лѝ твори́ти за ни́хъ приноше́ніе;

ѾВѢ́ТЪ.

Рѣши́тельнѡ скажи́те: а҆́ще священнослꙋжи́тель ѹ҆слы́шитъ ѡ҆ незако́нности бра́ка, и҆ а҆́ще бра́къ по́длиннѡ є҆́сть незако́нный: то не до́лженъ священнослꙋжи́тель пріѡбща́тися чꙋжи́мъ грѣха́мъ.

ВОПРО́СЪ в҃і.

А҆́ще міряни́нъ, и҆мѣ́вшій нечи́стое сновидѣ́ніе, вопро́ситъ священнослꙋжи́теля: до́лженъ ли допꙋсти́ти є҆го̀ до причаще́нія, и҆лѝ нѣ́тъ;

ѾВѢ́ТЪ.

А҆́ще подве́рженъ вожделѣ́нію жены̀, то не до́лженъ причасти́тися: а҆́ще же сатана̀ и҆скꙋша́етъ є҆го̀, дабы̀ по се́й причи́нѣ ѻ҆́нъ ̾ѿчꙋжде́нъ бы́лъ ѻ҆бще́нія бж҃е́ственныхъ та̑инъ: то до́лженъ причасти́тися. И҆́бо и҆на́че и҆скꙋси́тель не преста́нетъ напада́ти на него̀ въ то̀ вре́мя, когда̀ ѻ҆́нъ до́лженъ пріѡбщи́тися.

ВОПРО́СЪ г҃і.

Совокꙋпля́ющымся въ ѻ҆бще́ніе бра́ка, въ кото́рые днѝ седми́цы до́лжно соблюда́ти воздержа́ніе ̾ѿ совокꙋпле́нія дрꙋ́гъ съ дрꙋ́гомъ, и҆ въ кото́рые днѝ и҆мѣ́ти и҆̀мъ пра́во на ѻ҆́ное;

ѾВѢ́ТЪ.

Пре́жде ре́къ ꙗ҆́, и҆ тепе́рь сказꙋ́ю, а҆по́столъ глаго́летъ: не лиша́йте себѐ дрꙋ́гъ дрꙋ́га, с. т҃п то́чію по согла́сію, до вре́мени, да пребыва́ете въ моли́твѣ: и҆ па́ки вкꙋ́пѣ собира́йтеся, да не и҆скꙋша́етъ ва́съ сатана̀ невоздержа́ніемъ ва́шимъ[2]. Впро́чемъ неѡбходи́мѡ до́лжно возде́рживатися въ де́нь сꙋббѡ́тный и҆ воскре́сный, потомꙋ̀ что̀ въ сіѝ днѝ дꙋхо́вная же́ртва прино́сится гд҃ⷭ҇ꙋ.

ВОПРО́СЪ д҃і.

А҆́ще кто̀, бꙋ́дꙋчи внѣ̀ себя̀, под̾и́метъ на себя̀ рꙋ́ки, и҆лѝ пове́ржетъ себя̀ съ высоты̀: за такова́го до́лжно ли бы́ти приноше́ніе, и҆лѝ нѣ́тъ;

ѾВѢ́ТЪ.

Ѡ҆ таково́мъ священнослꙋжи́тель до́лженъ разсꙋди́ти, по́длиннѡ ли, бꙋ́дꙋчи внѣ̀ ѹ҆ма̀, содѣ́лалъ сіѐ. И҆́бо ча́стѡ бли́зкіе къ пострада́вшемꙋ ̾ѿ самагѡ̀ себя̀, жела́я дости́гнꙋти, да бꙋ́детъ приноше́ніе и҆ моли́тва за него̀, непра́вдꙋютъ и҆ глаго́лютъ, ꙗ҆́кѡ бы́лъ внѣ̀ себя̀. Мо́жетъ же бы́ти, ꙗ҆́кѡ содѣ́лалъ сіѐ ̾ѿ ѻ҆би́ды человѣ́ческія, и҆лѝ по и҆но́мꙋ како́мꙋ слꙋ́чаю ̾ѿ малодꙋ́шія: и҆ ѡ҆ таково́мъ не подоба́етъ бы́ти приноше́ніе, и҆́бо є҆́сть самоꙋбі́йца. Посемꙋ̀ священнослꙋжи́тель непремѣ́ннѡ до́лженъ со вся́кимъ тща́ніемъ и҆спы́тывати, да не подпаде́тъ ѡ҆сꙋжде́нію.

ВОПРО́СЪ є҃і.

А҆́ще ѹ҆ когѡ̀ жена̀ ѡ҆держи́ма ѕлы́мъ дꙋ́хомъ до тогѡ̀, ꙗ҆́кѡ и҆ ѻ҆кѡ́вы но́ситъ, мꙋ́жъ же є҆я̀ глаго́летъ, ꙗ҆́кѡ не мо́жетъ воздержа́тися, и҆ хо́щетъ поя́ти и҆нꙋ́ю: до́лженъ ли таковы́й поя́ти и҆нꙋ́ю, и҆лѝ нѣ́тъ;

ѾВѢ́ТЪ.

Въ се́мъ дѣ́лѣ заключа́ется прелюбодѣя́ніе: и҆ не и҆мѣ́ю и҆ не ѡ҆брѣта́ю, что̀ на сіѐ ̾ѿвѣща́ти.

ВОПРО́СЪ ѕ҃і.

А҆́ще кто̀, постя́ся для пріѡбще́нія святы́хъ та̑инъ, и҆змыва́я ѹ҆ста̀, и҆лѝ находя́сь въ ба́нѣ, не хотя̀ с. тп҃а поглоти́лъ во́дꙋ: до́лженъ ли таковы́й причасти́тися;

ѾВѢ́ТЪ.

До́лженъ. И҆́бо и҆на́че сатана̀, ѡ҆брѣ́тши слꙋ́чай ѹ҆дали́ти є҆го̀ ̾ѿ причаще́нія, ча́ще бꙋ́детъ дѣ́лати то́жде.

ВОПРО́СЪ з҃і.

Ча́стѡ слꙋ́шая сло́во бж҃іе, и҆ не творя̀, не под̾ ѡ҆сꙋжде́ніемъ ли мы̀ ѡ҆брѣта́емся;

ѾВѢ́ТЪ.

А҆́ще и҆ не твори́мъ: но не мо́жно на́мъ не ѹ҆коря́ти себя̀, ꙗ҆́кѡ слꙋ́шая не повинꙋ́емся. Ѹ҆кори́ти же себя̀ є҆́сть ча́сть спасе́нія.

ВОПРО́СЪ и҃і.

Съ кото́рагѡ во́зраста человѣ́ка, грѣхѝ є҆гѡ̀ сꙋ́дятся ̾ѿ бг҃а;

ѾВѢ́ТЪ.

По мѣ́рѣ позна́нія и҆ разсꙋжде́нія ка́ждагѡ, и҆ны́е сꙋ́дятся съ десятилѣ́тнягѡ во́зраста, а҆ и҆ны́е съ послѣ́дꙋющихъ лѣ́тъ.

с. тп҃а