ПРА̑ВИЛА ѳео́філа, а҆рхіепі́скопа а҆леѯандрі́йскагѡ.

Провозглаше́ніе, при настꙋпле́ніи святы́хъ бг҃оявле́ній въ недѣ́лю.

ПРА́ВИЛО а҃.

И҆ ѻ҆бы́чай и҆ до́лгъ тре́бꙋютъ ̾ѿ на́съ чти́ти вся́кій воскре́сный де́нь, и҆ пра́здновати ѻ҆́ный: поне́же въ се́й де́нь гд҃ⷭ҇ь на́шъ і҆и҃съ хр҃ⷭ҇то́съ прояви́лъ на́мъ воскресе́ніе и҆з̾ ме́ртвыхъ. Почемꙋ̀ и҆ пе́рвымъ нарица́ется де́нь се́й въ свяще́нномъ писа́ніи, ꙗ҆́кѡ составля́ющій для на́съ нача́ло жи́зни, и҆ ѻ҆смы́мъ, ꙗ҆́кѡ прише́дшій по сꙋббѡ́тѣ і҆ꙋде́йской. Но когда̀ слꙋчи́лось въ се́й де́нь бы́ти постꙋ̀ пред̾ святы́мъ бг҃оявле́ніемъ: то благоꙋчреди́мъ ѻ҆́ный, разсꙋди́тельнѡ примѣня́ясь къ ѻ҆бо́имъ слꙋ́чаямъ. Ѹ҆потреби́въ нѣ́сколькѡ фи́нікѡвъ, мы̀ не постꙋ́пимъ по ѻ҆бы́чаю є҆́ресей, не почита́ющихъ дня̀ воскресе́нія гд҃ⷭ҇а на́шегѡ і҆и҃са хр҃ⷭ҇та̀, и҆ кꙋ́пнѡ воздади́мъ до́лжное по́стномꙋ дню̀, ѡ҆жида́я вече́рнягѡ собра́нія, кото́рое въ се́й де́нь, по и҆зволе́нію бж҃ію, соверша́ется. И҆ та́къ въ се́й де́нь да собира́емся въ ча́съ девя́тый.

с. тп҃г

Є҆ГѠ́ ЖЕ наставле́ніе, да́нное а҆ммѡ́нꙋ.

ПРА́ВИЛО в҃.

Съ бы́вшими въ ѡ҆бще́ніи а҆ріа́нъ, и҆ доны́нѣ ѹ҆де́рживающими за собо́ю цє́ркви, да бꙋ́детъ постꙋпа́емо по ѻ҆бы́чаю, то́ є҆сть, таки́мъ ѻ҆́бразомъ, что́бы поставля́емы бы́ли дрꙋгі́е, свидѣ́тельствꙋемые въ правосла́віи, а҆ ѻ҆нѝ ѡ҆става́лись въ ѡ҆бще́ніи, и҆ что́бы распоряжє́нія ѡ҆ ни́хъ бы́ли согласꙋ́емы съ тѣ́мъ, ка́къ и҆ въ дрꙋги́хъ города́хъ постꙋпи́ли сꙋ́щіе въ ѳиваі́дѣ правосла́вные є҆пі́скопы. Поста́вленные ̾ѿ є҆пі́скопа а҆поллѡ́на и҆ бы́вшіе въ ѡ҆бще́ніи съ а҆ріа́нами, и҆мѣ́ющими цє́ркви, да подве́ргнꙋтся є҆пітіміѝ, а҆́ще ѹ҆чини́ли сіѐ по своемꙋ̀ произволе́нію: а҆́ще же и҆з̾ послꙋша́нія своемꙋ̀ є҆пі́скопꙋ, тогда̀ пребыва́ютъ въ ѡ҆бще́ніи, ка́къ не разꙋмѣ́вшіе, ꙗ҆́кѡ неразꙋ́мнѡ постꙋпи́ли. Впро́чемъ а҆́ще ве́сь наро́дъ ̾ѿверга́етъ и҆̀хъ съ про́чими: то да рꙋкополо́жатся дрꙋгі́е. А҆́ще же пріе́млетъ и҆̀хъ кꙋ́пнѡ съ тѣ́ми, съ ко́ими ѻ҆нѝ встꙋпи́ли въ ѡ҆бще́ніе: то и҆ къ ни́мъ да бꙋ́детъ примѣне́нъ ѻ҆бы́чай, кото́ромꙋ слѣ́довали всѣ̀ сꙋ́щіе въ ѳиваі́дѣ правосла́вные є҆пі́скопы.

ПРА́ВИЛО г҃.

Ѡ҆ ві́стѣ, поста́вленномъ въ пресвѵ́тера въ є҆ре́вѣ, и҆зслѣ́дованію бы́ти подоба́етъ. А҆́ще ѻ҆́нъ нѣ́коей ̾ѿлꙋчи́вс. тп҃дшейся ̾ѿ жива́гѡ мꙋ́жа ѹ҆чини́лъ наси́ліе: то да не бꙋ́детъ попꙋ́щено є҆мꙋ̀ бы́ти пресвѵ́теромъ, тогда̀ ка́къ не до́лженъ ѻ҆́нъ, и҆ ꙗ҆́кѡ міряни́нъ, входи́ти въ це́рковь, кото́рая ѻ҆быкнове́ннѡ таковы́хъ ̾ѿлꙋча́етъ. Впро́чемъ сіѐ да не поставля́ется въ предѡсꙋжде́ніе є҆пі́скопꙋ а҆поллѡ́нꙋ, а҆́ще поста́вилъ є҆го̀ по невѣ́дѣнію: и҆́бо святы́й собо́ръ повелѣ́лъ и҆зверга́ти недосто́йныхъ, кото́рыхъ престꙋпле́ніе ѡ҆бличи́лось по́слѣ рꙋкоположе́нія.

ПРА́ВИЛО д҃.

Ѡ҆ сꙋ́рѣ, поели́кꙋ є҆пі́скопъ а҆поллѡ́нъ ѹ҆твержда́етъ, ꙗ҆́кѡ ѡ҆тосла́лъ є҆го̀ и҆ ̾ѿчꙋжди́лъ ̾ѿ це́ркви, то да бꙋ́детъ та́кѡ, ка́къ ѡ҆предѣли́лъ є҆пі́скопъ: но да бꙋ́детъ є҆мꙋ̀ предоста́влено принестѝ своѐ ѡ҆правда́ніе, а҆́ще хо́щетъ, и҆ не дово́ленъ ѡ҆предѣле́ніемъ є҆пі́скопа.

ПРА́ВИЛО є҃.

Ѡ҆ панꙋ́фѣ, поста́вленномъ во діа́кона въ лѷкѡ́нѣ, подоба́етъ бы́ти и҆зслѣ́дованію: и҆ а҆́ще до́знано бꙋ́детъ, ꙗ҆́кѡ ѻ҆́нъ, бꙋ́дꙋчи ѡ҆глаше́ннымъ, взя́лъ свою̀ племя́нницꙋ въ ѡ҆бще́ніе бра́ка: то по креще́ніи, бы́въ введе́нъ въ кли́ръ, да пребꙋ́детъ въ кли́рѣ, а҆́ще то́кмѡ ѻ҆на̀ сконча́лась, и҆ ѻ҆́нъ по́слѣ креще́нія не соѡбща́лся съ не́ю. А҆́ще же ѻ҆́нъ, бꙋ́дꙋчи вѣ́рнымъ, взя́лъ свою̀ племя́нницꙋ въ ѡ҆бще́ніе бра́ка: то да бꙋ́детъ чꙋ́ждъ кли́ра. Но нѣ́тъ предѡсꙋжде́нія є҆пі́скопꙋ а҆поллѡ́нꙋ, а҆́ще поста́вилъ є҆го̀ по невѣ́дѣнію.

ПРА́ВИЛО ѕ҃.

Ѡ҆ і҆а́кѡвѣ надлежи́тъ бы́ти и҆зслѣ́дованію. А҆́ще ѻ҆́нъ, бꙋ́дꙋчи чтецо́мъ, ꙗ҆ви́лся вино́внымъ въ престꙋпле́ніи любодѣя́нія и҆ ̾ѿ пресвѵ́терѡвъ и҆зве́рженъ, а҆ пото́мъ прія́лъ рꙋкоположе́ніе: то да и҆зве́ржется ̾ѿ своегѡ̀ сте́пени, впро́чемъ по тща́тельномъ и҆зслѣ́дованіи, а҆ не по є҆ди́номꙋ подозрѣ́нію происше́дшемꙋ ̾ѿ наꙋ́шничес. тп҃єства и҆ ѕлосло́вія. А҆́ще же не ѡ҆бря́щется пови́ннымъ: да пребꙋ́детъ въ кли́рѣ. И҆́бо не до́лжно внима́ти сꙋ́етнымъ нарека́ніямъ.

ПРА́ВИЛО з҃.

Ѡ҆ и҆мѣ́ющихъ рꙋкоположи́тися се́й да бꙋ́детъ ѹ҆ста́въ. Ве́сь собо́ръ священнослꙋжи́телей да согласи́тся и҆ да и҆збере́тъ, и҆ тогда̀ є҆пі́скопъ да и҆спыта́етъ и҆́збраннаго, и҆ съ согла́сіемъ свяще́нства да соверши́тъ рꙋкоположе́ніе средѝ це́ркви, въ присꙋ́тствіи наро́да, и҆ при возглаше́ніи є҆пі́скопа, а҆́ще мо́жетъ и҆ наро́дъ свидѣ́тельствовати ѡ҆ не́мъ. Та́йнѡ же да не быва́етъ рꙋкоположе́ніе. И҆́бо когда̀ це́рковь пребыва́етъ въ ми́рѣ, тогда̀ рꙋкоположе́ніямъ прили́чно соверша́тися въ цр҃кви въ присꙋ́тствіи святы́хъ. Въ мѣста́хъ же, гдѣ̀ є҆́сть є҆диномы́сленные съ бы́вшими въ ѡ҆бще́ніи є҆ретікѡ́въ, рꙋкоположє́нія да соверша́ются не и҆на́че, ка́къ по и҆спыта́ніи ̾ѿ и҆́стиннѡ правосла́вныхъ священнослꙋжи́телей, та́кожде въ присꙋ́тствіи є҆пі́скопа, и҆ при провозглаше́ніи є҆гѡ̀ къ присꙋ́тствꙋющемꙋ наро́дꙋ, то́кмѡ та́къ, что́бы не послѣ́довало нѣ́коегѡ ѹ҆клоне́нія ̾ѿ пра́вагѡ пꙋтѝ.

ПРА́ВИЛО и҃.

Приношє́нія для безкро́вныя же́ртвы, по ѹ҆потребле́ніи нꙋ́жнагѡ для та́инства, да раздѣля́ютъ междꙋ̀ собо́ю принадлежа́щіе къ кли́рꙋ: и҆ да не ꙗ҆́стъ и҆ да не піе́тъ ̾ѿ ѻ҆́ныхъ ѡ҆глаше́нный, но то́кмѡ принадлежа́щіе къ кли́рꙋ, и҆ сꙋ́щіе съ ни́ми вѣ́рные бра́тія.

ПРА́ВИЛО ѳ҃.

Поне́же і҆е́раѯъ глаго́летъ, ꙗ҆́кѡ нѣ́кто не до́лженъ бы́ть въ кли́рѣ, ка́къ ѡ҆бвиня́емый въ любодѣя́ніи: но є҆пі́скопъ а҆поллѡ́нъ ѹ҆твержда́лъ тогда̀, что̀ ни є҆ди́нагѡ ѡ҆бвини́теля не ꙗ҆ви́лось про́тивъ негѡ̀: то да произведе́тся и҆зслѣ́дованіе и҆ ѡ҆ се́мъ. И҆ а҆́ще ꙗ҆ви́тс. тп҃ѕся нѣ́кій достовѣ́рный ѡ҆бвини́тель, и҆ престꙋпле́ніе дока́зано бꙋ́детъ представле́ніемъ достовѣ́рныхъ свидѣ́телей, то да и҆зве́ржется и҆з̾ це́ркви: а҆́ще же досто́инъ кли́ра, и҆ и҆мѣ́етъ свидѣ́тельство ѡ҆ свое́мъ цѣломꙋ́дріи, то да пребꙋ́детъ въ кли́рѣ.

ПРА́ВИЛО і҃.

Съ согла́сія всегѡ̀ свяще́нства да назна́чится дрꙋгі́й і҆коно́мъ, на ѡ҆предѣле́ніе ко́егѡ соглаша́ется и҆ є҆пі́скопъ а҆поллѡ́нъ, дабы̀ церко́вное достоя́ніе ѹ҆потребля́емо бы́ло на что̀ до́лжно.

ПРА́ВИЛО а҃і.

Вдови̑цы и҆ ѹ҆бо́гіе, и҆ стра́нствꙋющіе прише́льцы, да полꙋча́ютъ вся́кое ѹ҆спокое́ніе, и҆ никто̀ да не присвоя́етъ церко́внагѡ достоя́нія.

с. тп҃з

Є҆ГѠ́ ЖЕ КЪ А҆ФѴ́НГІЮ Є҆ПІ́СКОПꙊ ѡ҆ та́къ и҆менꙋ́емыхъ чи́стыхъ.

ПРА́ВИЛО в҃і.

И҆звѣсти́ло меня̀ твоѐ благоче́стіе, ꙗ҆́кѡ нѣ́которые и҆з̾ и҆менꙋ́ющихъ себя̀ чи́стыми, жела́ютъ присоедини́тися къ це́ркви. А҆ поне́же вели́кій собо́ръ блаже́нныхъ ѻ҆тцє́въ на́шихъ, бы́вшій въ ніке́ѣ[1] ѡ҆предѣли́лъ рꙋкополага́ти приходя́щихъ ̾ѿ є҆́ресей: то, по семꙋ̀ ѹ҆ста́вꙋ, благоволѝ и҆ ты̀ рꙋкополага́ти восхотѣ́вшихъ присоедини́тися къ це́ркви, а҆́ще то́кмѡ житіѐ и҆́хъ добродѣ́тельно, и҆ нѣ́тъ никако́гѡ томꙋ̀ препя́тствія.

с. тп҃и

Є҆ГѠ́ ЖЕ А҆ГАѲѠ́НꙊ Є҆ПІ́СКОПꙊ.

ПРА́ВИЛО г҃і.

Маѯі́мъ ѹ҆твержда́лъ, ꙗ҆́кѡ встꙋпи́лъ въ незако́нное сꙋпрꙋ́жество, по невѣ́дѣнію зако́нѡвъ це́ркви: и҆ поели́кꙋ є҆го̀ смꙋща́етъ ̾ѿлꙋче́ніе є҆гѡ̀ ̾ѿ собра́ній церко́вныхъ, то ѹ҆вѣря́лъ, ꙗ҆́кѡ, ѹ҆чини́въ беззако́ніе по невѣ́дѣнію, по согла́сію возде́ржится ̾ѿ беззако́ннагѡ сожи́тія, на что̀ и҆ жена̀ є҆гѡ̀ согла́сна. И҆ та́къ а҆́ще ѹ҆смо́тришь, ꙗ҆́кѡ ѻ҆нѝ дѣ́лаютъ сіѐ по согла́сію и҆ не ѡ҆бма́нываютъ: то, поели́кꙋ де́сять ѹ҆жѐ лѣ́тъ прошло̀ ̾ѿ и҆́хъ сочета́нія, а҆́ще заблагоразсꙋ́дишь поста́вити и҆̀хъ съ ѡ҆глаше́нными, ѹ҆стро́й та́кѡ. А҆́ще же примѣча́ешь, ꙗ҆́кѡ хотя́тъ ѡ҆бманꙋ́ти, и҆ потре́бна про́тивъ ни́хъ є҆щѐ стро́гость: сотворѝ, что̀ бг҃ъ тебѣ̀ внꙋши́тъ, рꙋково́дствꙋясь во все́мъ ѡ҆смотри́тельностію. И҆́бо находя́сь на мѣ́стѣ, лꙋ́чше мо́жешь зна́ти расположє́нія и҆́хъ.

с. тп҃ѳ

Є҆ГѠ́ ЖЕ МИ́НѢ Є҆ПІ́СКОПꙊ.

ПРА́ВИЛО д҃і.

Зако́нное дѣ́ло содѣ́лали пресвѵ́теры въ ве́си гемі́нѣ, а҆́ще и҆́стинꙋ глаго́летъ прине́сшая писа́ніе є҆ѵста́ѳіа: ѻ҆на̀ сказꙋ́етъ, ꙗ҆́кѡ кѷра́дію, причиня́вшꙋю ѻ҆би̑ды и҆ не хотѣ́вшꙋю прекрати́ти непра́вдꙋ, ѻ҆нѝ ̾ѿлꙋчи́ли ̾ѿ собра́нія церко́внагѡ. Но поели́кꙋ ꙗ҆́ ѹ҆достовѣ́рился, ꙗ҆́кѡ ѻ҆на̀, врачꙋ́я поро́къ сво́й, жела́етъ приня́та бы́ти въ ѡ҆бще́ніе съ це́рковію: то потщи́сь расположи́ти є҆ѐ, да пе́рвѣе преста́нетъ ̾ѿ непра́вды, и҆ привестѝ є҆ѐ въ покая́ніе, и҆ таки́мъ ѻ҆́бразомъ, а҆́ще ѹ҆разꙋмѣ́ешь, ꙗ҆́кѡ къ зако́нꙋ бж҃ію ѡ҆браща́ется, жела́я бы́ти въ церко́вныхъ собра́ніяхъ, то разрѣшѝ є҆́й бы́ти въ ѻ҆́ныхъ кꙋ́пнѡ съ наро́домъ вѣ́рныхъ.

с. т҃ч