Ѡ҆КРꙊ́ЖНОЕ ПОСЛА́НІЕ генна́діа патріа́рха кѡнстантінопо́льскагѡ, и҆ съ ни́мъ свята́гѡ собо́ра, ко всѣ́мъ преѡсвяще́ннѣйшымъ митрополі́тамъ и҆ къ па́пѣ ри́мскомꙋ

Бг҃олюбе́знѣйшемꙋ сослꙋжи́телю генна́дій, и҆ собра́вшійся въ ца́рствꙋющемъ гра́дѣ но́вомъ ри́мѣ святы́й собо́ръ.

Влады́ка на́шъ и҆ бг҃ъ и҆ сп҃си́тель і҆и҃съ хр҃ⷭ҇то́съ, ввѣ́ривъ святы́мъ свои́мъ ѹ҆ченика́мъ про́повѣдь є҆ѵа́нгеліа, и҆ посла́въ и҆̀хъ по все́й вселе́нной ѹ҆чи́телями человѣ́камъ, ꙗ҆́снѡ заповѣ́далъ, дабы̀ да́ръ, тꙋ́не прія́тый и҆́ми ̾ѿ негѡ̀, и҆ ѻ҆нѝ преподава́ли лю́дямъ тꙋ́не, не пріѡбрѣта́я за ѻ҆́ный мѣ́ди и҆лѝ сребра̀, и҆лѝ зла́та, и҆лѝ воѻбщѐ и҆но́гѡ како́гѡ либо стяжа́нія веще́ственнагѡ и҆лѝ земна́гѡ. И҆́бо земно́е и҆ тлѣ́нное не замѣня́етъ дарѡ́въ небе́сныхъ и҆ дꙋхо́вныхъ. Сію̀ за́повѣдь ѻ҆́нъ да́лъ не то́кмѡ и҆̀мъ, но чрез̾ ни́хъ и҆ на́мъ, ко́ихъ ѹ҆досто́илъ возвестѝ на и҆́хъ сте́пень и҆ мѣ́сто. И҆ ка́къ ѻ҆нѝ храни́ли тогда̀, та́къ и҆ на́мъ ны́нѣ подоба́етъ въ то́чности храни́ти и҆ соблюда́ти ѻ҆́нꙋю, не ѹ҆хищря́тися въ то́мъ, что̀ не те́рпитъ ѹ҆хищре́нія, и҆ не дерза́ти на ѻ҆па́сное предпрія́тіе. Тꙋ́не, глаго́летъ, прія́сте, тꙋ́не дади́те. Не стяжи́те мѣ́ди, ни сребра̀, ни зла́та при поясѣ́хъ ва́шихъ[1]. Про́сты и҆ ꙗ҆́сны слова̀ сея̀ за́повѣди, не и҆мѣ́я въ себѣ̀ ничегѡ̀ разнотолкꙋ́емагѡ, ничегѡ̀ нес. тч҃ѕвразꙋми́тельнагѡ и҆ тре́бꙋющагѡ и҆з̾ясне́нія и҆скꙋ́ственнагѡ. Ѿ меня̀, глаго́летъ, прія́ли вы̀ досто́инство свяще́нства: и҆ а҆́ще за ѻ҆́ное что́ либо ма́лое и҆лѝ мно́гое возда́ли мнѣ̀, и҆ ѻ҆́ное ва́мъ ̾ѿ меня̀ про́дано, то и҆ вы̀ продава́йте ѻ҆́ное дрꙋги̑мъ: а҆́ще же тꙋ́не прія́ли, то и҆ вы̀ тꙋ́не дади́те. Что̀ ꙗ҆снѣ́е сея̀ за́повѣди; и҆ что̀ поле́знѣе для повинꙋ́ющихся; Го́ре пои́стиннѣ тѣ́мъ, ко́и возмни́ли пріѡбрѣстѝ да́ръ бж҃ій, и҆лѝ преподава́ти ѻ҆́ный за де́ньги. И҆́бо таковы́е, по и҆зрече́нію свята́гѡ петра̀, въ же́лчи го́рести и҆ ѹ҆́захъ непра́вды нахо́дятся, свя́занные свои́мъ сребролю́біемъ[2]. Съ си́мъ зако́номъ гд҃ⷭ҇нимъ согласꙋ́ется и҆ пра́вило ѡ҆ се́мъ ст҃ы́хъ и҆ бж҃е́ственныхъ ѻ҆тє́цъ ст҃а́гѡ и҆ вели́кагѡ вселе́нскагѡ собо́ра, въ халкидо́нѣ собра́вшагѡся. Ѻ҆но̀ ꙗ҆́снѡ и҆зло́жено на́мъ слѣ́дꙋющими слова́ми: а҆́ще кото́рый є҆пі́скопъ за де́ньги рꙋкоположе́ніе ѹ҆чини́тъ, и҆ непродае́мꙋю благода́ть ѡ҆брати́тъ въ прода́жꙋ, и҆ за де́ньги поста́витъ є҆пі́скопа, и҆лѝ хѡрепі́скопа, и҆лѝ пресвѵ́тера, и҆лѝ діа́кона, и҆лѝ и҆но́го ко́его ̾ѿ чи́слящихся въ кли́рѣ, и҆лѝ произведе́тъ за де́ньги во і҆коно́ма, и҆лѝ є҆кді́ка, и҆лѝ парамона́ріа, и҆лѝ воѻбщѐ въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ̀: таковы́й, бы́въ ѡ҆бличе́нъ, ꙗ҆́кѡ на сіѐ покꙋси́лся, да бꙋ́детъ подве́рженъ лише́нію со́бственнагѡ сте́пени, и҆ поста́вленный и҆́мъ ̾ѿню́дь да не по́льзꙋется кꙋ́пленнымъ рꙋкоположе́ніемъ и҆лѝ произво́дствомъ, но да бꙋ́детъ чꙋ́ждъ досто́инства и҆лѝ до́лжности, котѡ́рыя полꙋчи́лъ за де́ньги. А҆́ще же ꙗ҆́вится кто̀ и҆ посре́дствꙋющимъ въ толи́кѡ гнꙋ́сномъ и҆ беззако́нномъ мздопрія́тіи, то и҆ се́й, а҆́ще є҆́сть и҆з̾ кли́ра, да бꙋ́детъ низве́рженъ съ своегѡ̀ сте́пени: а҆́ще же міряни́нъ и҆лѝ мона́шествꙋющій, да бꙋ́детъ пре́данъ а҆на́ѳемѣ[3]. с. тч҃з Прекра́сны и҆ весьма̀ благочести́вы заповѣ̑данія сегѡ̀ пра́вила ст҃ы́хъ ѻ҆тє́цъ, вся́кое наше́ствіе сатани́нское, и҆ вся́кое покꙋше́ніе діа́вольское, ѹ҆стремля́ющееся на дꙋхо́вный да́ръ, ̾ѿража́ющыя и҆ пресѣка́ющыя. И҆́бо ̾ѿню́дь не допꙋска́ютъ, что́бы произво́дство рꙋкоположе́нія за де́ньги бы́ло соверша́емо и҆лѝ предпріе́млемо, ка́къ соверша́ющимъ ѻ҆́ное, та́къ и҆ воспріе́млющимъ произво́дство рꙋкоположе́нія. Но ни ра́нѣе вре́мени рꙋкоположе́нія, ни чрез̾ нѣ́которое вре́мя по рꙋкоположе́ніи, ни при са́момъ рꙋкоположе́ніи, не позволя́ютъ дава́ти мздꙋ̀ за рꙋкоположе́ніе: поели́кꙋ соверше́ннѡ воспреща́ютъ въ се́мъ дѣ́лѣ бы́ти ѹ҆гожде́нію дара́ми. Ѻ҆дна́кѡ поели́кꙋ въ настоя́щее вре́мя, при си́хъ толи́кѡ ꙗ҆́вныхъ запреще́ніяхъ, нѣ́кіе въ галаті́и ѹ҆смо́трены, ра́ди скве́рнагѡ прибы́тка и҆ сребролю́бія, пренебрега́ющими и҆ престꙋпа́ющими сіѝ спаси̑тельныя и҆ человѣколюби̑выя за́пѡвѣди: то за бла́го призна́ли мы̀ со ст҃ы́мъ собо́ромъ, пребыва́ющимъ въ се́мъ ца́рствꙋющемъ но́вомъ ри́мѣ, па́ки возѡбнови́ти ѻ҆́ныя, дабы̀ не допꙋска́я никако́гѡ ѹ҆хищре́нія, никако́гѡ предло́га и҆ никако́гѡ лжемꙋдрова́нія, се́й гнꙋ́сный и҆ нечести́вый ѻ҆бы́чай, не и҆звѣ́стнѡ каки́мъ ѻ҆́бразомъ вто́ргшійся въ святѣ́йшыя це́ркви, совсѣ́мъ пресѣщѝ, дабы̀ при и҆́стиннѡ неподкꙋ́пномъ и҆ чи́стомъ провозглаше́ніи, быва́ющемъ ̾ѿ а҆рхіере́євъ над̾ рꙋкополага́емыми, низходи́ла на ни́хъ свы́ше благода́ть ст҃а́гѡ дх҃а: и҆́бо ны́нѣ при соверше́ніи произво́дствъ за де́ньги, и҆ при дѣ́йствіи рꙋкѝ нечи́стыя, не зна́ю, низхо́дитъ ли на производи́маго, по провозглаше́нію, и҆ не воспяща́ется ли па́че благода́ть ст҃а́гѡ дх҃а. Посемꙋ̀ вѣ́дай, мꙋ́жъ по всемꙋ̀ благочести́вѣйшій, что̀ вся́кій, кто́ бы ѻ҆́нъ ни бы́лъ, и҆з̾ѡбличе́нный въ че́мъ либо таково́мъ, є҆пі́скопъ, и҆лѝ хѡрепі́скопъ, и҆лѝ періос. тч҃иде́ѵтъ, и҆лѝ пресвѵ́теръ, и҆лѝ діа́конъ, и҆лѝ кто́ либо и҆ны́й и҆з̾ находя́щихся въ церко́вной до́лжности, и҆лѝ міряни́нъ, по ѻ҆́бщемꙋ ѡ҆предѣле́нію и҆ ѻ҆́бщемꙋ пригово́рꙋ а҆рхіере́євъ ѡ҆сꙋжда́ется, ка́къ ѡ҆ се́мъ и҆ вышеприведе́нное пра́вило ст҃ы́хъ ѻ҆тє́цъ глаго́летъ. И҆́бо благода́ть долженствꙋ́етъ бы́ти благода́тію, и҆ сребро̀ нигдѣ̀ не должно̀ бы́ти для нея̀ посре́дникомъ. И҆ та́къ да бꙋ́детъ и҆ є҆́сть ̾ѿве́рженъ, и҆ вся́кагѡ свяще́ннагѡ досто́инства и҆ слꙋже́нія чꙋ́ждъ, и҆ подве́рженъ прокля́тію а҆на́ѳемы, ка́къ мня́щій стяжа́ти ѻ҆́нꙋю за де́ньги, та́къ и҆ ѡ҆бѣща́ющій за де́ньги препода́ти ѻ҆́нꙋю, кли́рікъ ли то̀ бꙋ́детъ и҆лѝ міряни́нъ, и҆зѡбличе́нъ ли бꙋ́детъ, и҆лѝ не и҆зѡбличе́нъ въ дѣ́лѣ се́мъ. И҆́бо невозмо́жно придтѝ когда́ либо въ є҆дине́ніе несоедини́момꙋ, и҆ мамѡ́нѣ согласи́тися съ бг҃омъ, и҆лѝ слꙋжа́щымъ є҆́й слꙋжи́ти бг҃ꙋ. Гд҃ⷭ҇не є҆́сть и҆ сіѐ и҆зрече́ніе непререка́емое: не мо́жете бг҃ꙋ рабо́тати и҆ мамѡ́нѣ[4]. На си́хъ слова́хъ ѹ҆твержда́ясь по си́лѣ, и҆ и҆̀мъ повинꙋ́ясь, съ и҆зре́кшимъ ѻ҆́ныя гд҃ⷭ҇омъ, мы̀ постанови́ли рѣше́ніе ѡ҆ вино́вныхъ въ таковы́хъ престꙋпле́ніяхъ. Да потщи́тся же и҆ твоѐ благоче́стіе, творя̀ сіѐ со вся́кимъ радѣ́ніемъ, содѣ́лати сіѐ чрез̾ спи́ски и҆звѣ́стнымъ и҆ подчинє́ннымъ тебѣ̀ бг҃олюбе́знѣйнымъ є҆пі́скопамъ и҆ періоде́ѵтамъ и҆ всѣ́мъ про́чымъ: да є҆ди́нымъ дꙋ́хомъ и҆ є҆ди́ною дꙋше́ю всѣ̀ мы̀ вкꙋ́пѣ хрістіа́не, ѹ҆крѣпи́вшись проти́вꙋ ѻ҆́бщагѡ врага̀, возмо́жемъ съ по́мощію бж҃іею и҆зсѣщѝ насажде́нный и҆́мъ междꙋ̀ на́ми ко́рень сребролю́бія, со всѣ́ми ѕлы́ми ѡ҆́траслями. Всѐ сꙋ́щее съ тобо́ю ѡ҆ хр҃ⷭ҇тѣ̀ бра́тство привѣ́тствꙋемъ. Возмога́я ѡ҆ гд҃ⷭ҇ѣ, моли́ся ѡ҆ на́съ бг҃олюбе́знѣйшій бра́те.

Къ семꙋ̀ сло́вꙋ посла́нія, кꙋ́пнѡ съ сами́мъ генна́діемъ, подписа́лись та́кожде се́дмьдесятъ трѝ є҆пі́скопа.

с. тч҃ѳ