(с. сѯ҃з)

ПРА̑ВИЛА СВЯТЫ́ХЪ Ѻ҆ТЄ́ЦЪ.

(с. сѯ҃ѳ)

ПОСЛА́НIЕ КАНОНÍЧЕСКОЕ, и҆́же во святы́хъ ѻ҆тца` на́шегѡ дiонѵ́сiа а҆рхiепíскопа а҆леѯандрíйскагѡ и҆ и҆сповѣ́дника, къ є҆пíскопꙋ васiлíдꙋ.

ПРА́ВИЛО а҃.

Въ посла́нiи ко мнѣ`, вѣ́рнѣйшiй и҆ просвѣще́ннѣйшiй сы́нъ мо́й, ты` вопроша́лъ меня`: въ кото́рый ча́съ до́лжно прекраща́ти по́стъ пред̾ дне́мъ па́схи; И҆́бо нѣ́которые бра́тiя ѹ҆твержда́ютъ, ка́къ сказꙋ́ешь, что` до́лжно дѣ́лати сiе` въ пѣтелоглаше́нiе: а҆ дрꙋгíе, что` до́лжно съ ве́чера. Находя́щiеся въ ри́мѣ бра́тiя, ка́къ говоря́тъ, ѡ҆жида́ютъ пѣ́тела: а҆ ѡ҆ находя́щихся здѣ́сь ты` сказа́лъ, что` ѻ҆ни` ра́нѣе прекраща́ютъ по́стъ. Ты` взыскꙋ́ешь положи́ти то́чное вре́мя, и҆ соверше́ннѡ ѡ҆предѣле́нный ча́съ: но сiе` и҆ не ѹ҆до́бно, и҆ не безѻпа́сно. И҆́бо, что` по́слѣ вре́мени воскресе́нiя гд҃ⷭ҇а на́шегѡ надлежи́тъ начина́ти пра́зднество и҆ весе́лiе, а҆ до тогѡ` поще́нiями смиря́ти дꙋ́шы, сiе` всѣ` согла́снѡ признаю́тъ. Но въ посла́нiи твое́мъ ко мнѣ` ты` доказа́лъ весьма` здра́вѡ, и҆ согла́снѡ съ разꙋмѣ́нiемъ бж҃е́ственныхъ є҆ѵа́нгелiй, что` въ ни́хъ не ѡ҆ка́зывается ничегѡ` ѡ҆предѣле́ннагѡ ѡ҆ часѣ` воскресе́нiя. И҆́бо є҆ѵан(с. с҃ѻ)гелíсты разли́чнѡ ѡ҆писа́ли приходи́вшихъ ко гро́бꙋ въ ра́зныя времена`, и҆ рекли`, что` всѣ` ѻ҆ни` ѡ҆брѣли` гд҃ⷭ҇а ѹ҆же` воскре́сшимъ. По́здѣ въ сꙋббѡ́тꙋ, ка́къ ре́къ матѳе́й{Гл. к҃и, ст. а҃.}: заꙋ́тра, є҆ще` сꙋ́щей тмѣ`, ка́къ пи́шетъ i҆ѡа́ннъ{Гл. к҃, ст. а҃.}: ѕѣлѡ` ра́нѡ, ка́къ лꙋка`{Гл. к҃д, ст. а҃.}: и҆ ѕѣлѡ` заꙋ́тра, возсiя́вшꙋ со́лнцꙋ, ка́къ глаго́летъ ма́ркъ{Гл. ѕ҃_i, ст. в҃.}. Но когда` воскре́съ, сегѡ` ꙗ҆́снѡ ни кото́рый не показа́лъ. Несомнѣ́нно же то`, что` въ ве́черъ сꙋббѡ́ты свѣта́ющꙋ дню`, пе́рвомꙋ ̾ѿ сꙋббѡ́тъ, на гро́бъ прише́дшiе, ѹ҆же` не ѡ҆брѣли` гд҃ⷭ҇а лежа́щимъ въ не́мъ. И҆ да не представля́емъ є҆ѵангелíстѡвъ ни разногла́сными, ниже` противорѣ́чащими ѻ҆ди́нъ дрꙋго́мꙋ. Но а҆́ще и҆ возмни́тся бы́ти нѣ́кое разносло́вiе ѡ҆ вопроша́емомъ: а҆́ще согласꙋ́ясь всѣ`, ꙗ҆́кѡ въ то́й нощи` возше́лъ свѣ́тъ мíра, гд҃ⷭ҇ь на́шъ, разли́чнѡ глаго́лютъ ѡ҆ часѣ`: то мы` да тщи́мся благоразꙋ́мнѡ и҆ вѣ́рнѡ согласи́ти рече́нное. Рече́нное матѳе́емъ чита́ется та́кѡ: по́здѣ же въ сꙋббѡ́тꙋ, свѣта́ющи во є҆ди́нꙋ ̾ѿ сꙋббѡ́тъ, прiи́де марíа магдали́на, и҆ дрꙋга́я марíа ви́дѣти гро́бъ. И҆ се` трꙋ́съ бы́сть ве́лiй: а҆́нгелъ бо гд҃ⷭ҇ень сше́дъ съ небесе`, пристꙋ́пль ̾ѿвали` ка́мень, и҆ сѣдя́ше на не́мъ: бѣ́ же зра́къ є҆гѡ` ꙗ҆́кѡ мо́лнiя, и҆ ѡ҆дѣя́нiе є҆гѡ` бѣло` ꙗ҆́кѡ снѣ́гъ. Ѿ стра́ха же є҆гѡ` сотрясо́шася стрегꙋ́щiи, и҆ бы́ша ꙗ҆́кѡ ме́ртви. Ѿвѣща́въ же а҆́нгелъ, рече` жена́мъ: не бо́йтеся вы`, вѣ́мъ бо, ꙗ҆́кѡ i҆и҃са распя́таго и҆́щете: нѣ́сть здѣ`, воста́ бо, ꙗ҆́коже рече`{Гл. к҃и, ст. а҃ <-> ѕ҃.}. Нѣ́которые возмня́тъ, ꙗ҆́кѡ рече́нiе, по́здѣ, по ѻ҆́бщемꙋ ѹ҆потребле́нiю сло́ва, ѡ҆знача́етъ ве́черъ сꙋббѡ́ты: но разсꙋди́тельнѣе внима́ющiе рекꙋ́тъ, ꙗ҆́кѡ не сiе`, но глꙋбо́кꙋю но́щь: и҆́бо по́(с. сѻ҃а)здѣ зна́менꙋетъ ѹ҆медле́нiе и҆ до́лгое вре́мя. И҆ въ ѡ҆значе́нiе, ꙗ҆́кѡ ѡ҆ но́щи глаго́летъ, а҆ не ѡ҆ ве́черѣ, присовокꙋпи́лъ: свита́ющи во є҆ди́нꙋ ̾ѿ сꙋббѡ́тъ. И҆ пришли`, є҆ще` не а҆рѡма́ты нося`, ка́къ рекли` дрꙋгíе є҆ѵангелíсты, но ви́дѣти гро́бъ, и҆ ѡ҆брѣли` произше́дшее землетрясе́нiе, и҆ а҆́нгела сѣдя́щаго на ка́мени, и҆ ѹ҆слы́шали ̾ѿ негѡ`: нѣ́сть здѣ`, воста`. Подо́бнѡ i҆ѡа́ннъ глаго́летъ: во є҆ди́нꙋ ̾ѿ сꙋббѡ́тъ марíа магдали́на прiи́де заꙋ́тра, є҆ще` сꙋ́щей тмѣ`, ко гро́бꙋ: и҆ ви́дѣ ка́мень взя́тъ ̾ѿ гро́ба{Гл. к҃, ст. а҃.}: и҆ та́къ, по семꙋ` є҆ѵангелíстꙋ, є҆ще` тмѣ` сꙋ́щей, ѻ҆на` вы́шла ко гро́бꙋ. Лꙋка́ же глаго́летъ: въ сꙋббѡ́тꙋ ѹ҆́бѡ ѹ҆молча́ша по за́повѣди: во є҆ди́нꙋ же ̾ѿ сꙋббѡ́тъ, ѕѣлѡ` ра́нѡ прiидо́ша на гро́бъ, нося́ще ꙗ҆`же ѹ҆гото́ваша а҆рѡма́ты: ѡ҆брѣто́ша же ка́мень ̾ѿвале́нъ ̾ѿ гро́ба{Гл. к҃г, ст. н҃ѕ. Гл. к҃д, ст. а҃, в҃.}. Глꙋбо́кое ѹ҆́тро зна́менꙋетъ мо́жетъ бы́ть начина́ющiйся свѣ́тъ ѹ҆́треннiя зари` пе́рвагѡ дня` седми́цы. И҆́бо ѹ҆же` соверше́ннѡ прошла` сꙋббѡ́та, со все́ю по не́й но́щiю, и҆ начина́лся дрꙋгíй де́нь, когда` пришли` нося́щыя а҆рѡма́ты и҆ мѵ̑ра. Ѿкꙋ́да ꙗ҆́вствꙋетъ, ꙗ҆́кѡ гд҃ⷭ҇ь воскре́съ задо́лгѡ пред̾ си́мъ. Семꙋ` послѣ́дꙋетъ и҆ ма́ркъ, глаго́ля: кꙋпи́ша а҆рѡма́ты, да прише́дше пома́жꙋтъ є҆го`, и҆ ѕѣлѡ` заꙋ́тра во є҆ди́нꙋ ̾ѿ сꙋббѡ́тъ прiидо́ша на гро́бъ, возсiя́вшꙋ со́лнцꙋ{Гл. ѕ҃_i, ст. а҃, в҃.}. И҆ се́й ре́къ: ѕѣлѡ` заꙋ́тра, что` є҆динознамена́тельно съ выраже́нiемъ, въ глꙋбо́кое ѹ҆́тро, и҆ присовокꙋпи́лъ: возсiя́вшꙋ со́лнцꙋ. Jа҆́вно, ꙗ҆́кѡ и҆зше́ствiе и҆ пꙋ́ть и҆́хъ нача́лся въ глꙋбо́кое ѹ҆́тро, и҆ ѕѣлѡ` ра́нѡ: въ ше́ствiи же и҆ замедле́нiи ѹ҆ гро́ба продли́ли ѻ҆ни` вре́мя до восхожде́нiя со́лнца. И҆ тогда` ю҆́ноша въ бѣ́лыхъ ри́захъ ре́къ и҆`мъ: воста`, нѣ́сть здѣ`{Ма́рк. гл. ѕ҃_i, ст. ѕ҃.}. Положи́въ сiе` та́кѡ (с. сѻ҃в) бы́ти, тре́бꙋющымъ то́чнагѡ разрѣше́нiя, въ кото́рый ча́съ, и҆ли` въ кото́рꙋю полови́нꙋ часа`, и҆ли` че́тверть часа` подоба́етъ начина́ти весе́лiе ѡ҆ воскресе́нiи гд҃ⷭ҇а на́шегѡ и҆з̾ ме́ртвыхъ, мы` ̾ѿвѣ́тствꙋемъ. Чрезмѣ́рнѡ поспѣша́ющихъ и҆ пре́жде полꙋ́ночи хотя` не задо́лгѡ престаю́щихъ ̾ѿ поста` не ѡ҆добря́емъ, ꙗ҆́кѡ малодꙋ́шныхъ и҆ невозде́ржныхъ, ꙗ҆́кѡ прекраща́ющихъ тече́нiе не мно́гѡ не доко́нчанное. И҆́бо, ка́къ глаго́летъ мꙋ́дрый мꙋ́жъ, не малова́жно въ жи́зни и҆ то`, а҆́ще недостае́тъ не мно́гагѡ. А҆ хотя́щихъ бы́ти послѣ́дними въ разрѣше́нiи поста`, простира́ющихся до да́льнѣйшагѡ предѣ́ла, и҆ терпя́щихъ до четве́ртыя стра́жи, въ кото́рꙋю сп҃си́тель на́шъ, ходя` по мо́рю, ꙗ҆ви́лся пла́вающымъ, ѡ҆добря́емъ, ꙗ҆́кѡ мꙋ́жественныхъ и҆ трꙋдолюби́выхъ. Не стꙋжа́емъ же мно́гѡ и҆ тѣ̑мъ, кото́рые, по ѻ҆со́бенномꙋ своемꙋ` побꙋжде́нiю, и҆ли` по свое́й возмо́жности, междꙋ` тѣ́мъ и҆ дрꙋги́мъ вре́менемъ, ѹ҆споко́иваются ̾ѿ поста`. И҆́бо и҆ ше́сть по́стныхъ дне́й не всѣ` ра́внѡ и҆ є҆диноѻбра́знѡ провожда́ютъ: но ѻ҆дни` пребыва́я без̾ пи́щи, пропꙋска́ютъ всѣ` ѻ҆́ные, дрꙋгíе же два`, и҆ны́е три`, и҆ны́е четы́ре, а҆ и҆ны́е и҆ ни ѻ҆дногѡ`. Потрꙋди́вшымся соверше́ннѡ въ пропꙋще́нiи цѣ́лыхъ дне́й без̾ пи́щи, пото́мъ ѹ҆томи́вшымся, и҆ є҆два` не лиша́ющымся всѣ́хъ си́лъ, прости́тельно скорѣ́е вкꙋси́ти. А҆́ще же нѣ́которые, не то́лькѡ не пропꙋска́вшiе дне́й без̾ пи́щи, но ниже` пости́вшiеся, и҆ли` да́же роско́шествовавшiе въ четы́ре предыдꙋ́щiе дня`, пото́мъ же доше́дши до послѣ́днихъ двꙋ́хъ дне́й, и҆ сiи` то́кмѡ два` дни`, пято́къ и҆ сꙋббѡ́тꙋ, прове́дши без̾ пи́щи, нѣ́что вели́кое и҆ свѣ́тлое твори́ти мня́тъ, когда` пребꙋ́дꙋтъ въ постѣ` до зари`: не дꙋ́маю, что́бы таковы́е соверши́ли по́двигъ (с. сѻ҃г) ра́вный тѣ̑мъ, кото́рые бо́льшее число` дне́й подвиза́лись въ поще́нiи. Сiе`, по моемꙋ` разꙋмѣ́нiю, написа́лъ ꙗ҆́, подава́я совѣ́тъ.

ПРА́ВИЛО в҃.

Ѡ҆ же́нахъ, находя́щихся въ ѡ҆чище́нiи, позволи́тельно ли и҆`мъ въ тако́мъ состоя́нiи входи́ти въ до́мъ бж҃iй, и҆зли́шнимъ почита́ю и҆ вопроша́ти. И҆́бо не дꙋ́маю, что́бы ѻ҆нѣ`, а҆́ще сꙋ́ть вѣ̑рныя и҆ благочести̑выя, находя́сь въ тако́мъ состоя́нiи, дерзнꙋ́ли и҆ли` пристꙋпи́ти къ свято́й трапе́зѣ, и҆ли` коснꙋ́тися тѣ́ла и҆ кро́ви хр҃ⷭ҇то́вы. И҆́бо и҆ жена` и҆мѣ́вшая дванадесятилѣ́тнее кровотече́нiе, ра́ди и҆сцѣле́нiя, прикоснꙋ́лася не є҆мꙋ`, но то́кмѡ воскри́лiю. Моли́тися, въ како́мъ бы кто` ни бы́лъ состоя́нiи, и҆ ка́къ бы ни бы́лъ расположе́нъ, помина́ти гд҃ⷭ҇а, и҆ проси́ти по́мощи, не возбра́нно є҆́сть. Но пристꙋпа́ти къ томꙋ`, є҆́же є҆́сть свята̑я святы́хъ, да запрети́тся не совсѣ́мъ чи́стомꙋ дꙋше́ю и҆ тѣ́ломъ.

ПРА́ВИЛО г҃.

Встꙋпи́вшiе же въ бра́къ са́ми себѣ` должны` бы́ти довлѣ́ющими сꙋдiя́ми. И҆́бо ѻ҆ни` слы́шали па́ѵла пи́шꙋщагѡ, ꙗ҆́кѡ подоба́етъ возде́рживатися дрꙋ́гъ ̾ѿ дрꙋ́га, по согла́сiю, до вре́мени, дабы` ѹ҆пражня́тися въ моли́твѣ, и҆ пото́мъ па́ки кꙋ́пнѡ бы́ти{а҃ кор. гл. з҃, ст. є҃.}.

ПРА́ВИЛО д҃.

Тѣ`, котѡ́рымъ приключи́лось не произво́льное нощно́е и҆стече́нiе, та́кже да послѣ́дꙋютъ свое́й со́вѣсти, и҆ да и҆спытꙋ́ютъ сами́хъ себя`, нахо́дятся ли ̾ѿ сегѡ` въ сомнѣ́нiи, и҆ли` нѣ́тъ: подо́бнѡ ка́къ и҆ ѡ҆ пи́щѣ глаго́летъ а҆по́столъ: а҆́ще ꙗ҆́стъ сомня́яйся, ѡ҆сꙋжда́ется{Ри́м. гл. д҃_i, ст. к҃г.}. И҆ въ се́мъ слꙋ́чаѣ вся́къ пристꙋпа́ющiй къ бг҃ꙋ да и҆мѣ́етъ благꙋ́ю (с. сѻ҃д) со́вѣсть и҆ благодерзнове́нiе, по со́бственномꙋ помышле́нiю.

Сiи` вопрошє́нiя ты` возлю́бленне, ꙗ҆́кѡ почита́ющiй на́съ [и҆́бо, без̾ сомнѣ́нiя, не ꙗ҆́кѡ не зна́ющiй] предложи́лъ на́мъ, располага́я на́съ бы́ти є҆диномы́сленными и҆ є҆динодꙋ́шными съ тобо́ю, ка́къ и҆ є҆смы`. Jа҆́ же не та́къ, ка́къ ѹ҆чи́тель, но та́къ ка́къ прили́чно на́мъ собесѣ́довати дрꙋ́гъ дрꙋ́гꙋ, со вся́кою простото́ю, мое` мнѣ́нiе на средꙋ` предложи́лъ. Разсꙋди` ѡ҆б̾ ѻ҆́номъ, благоразсꙋди́тельнѣйшiй сы́не мо́й, и҆ напиши` мнѣ`, а҆́ще что` предста́вится тебѣ` справедли́вѣйшее и҆ лꙋ́чшее, и҆ли́ же, а҆́ще ѹ҆смо́тришь та́кѡ бы́ти. Жела́ю тебѣ`, возлю́бленный сы́не мо́й, здра́вствовати и҆ въ ми́рѣ слꙋжи́ти гд҃ⷭ҇ꙋ.

(с. сѻ҃є)

ПРА̑ВИЛА СВЯТА́ГѠ ПЕТРА`, а҆рхiепíскопа а҆леѯандрíйскагѡ и҆ мꙋ́ченика, и҆з̾ сло́ва є҆гѡ` ѡ҆ покая́нiи.

ПРА́ВИЛО а҃.

Поели́кꙋ приближа́ется ѹ҆же` четве́ртая па́сха по́слѣ гоне́нiя: то довлѣ́етъ вре́мя ̾ѿлꙋче́нiя для тѣ́хъ, кото́рые подве́рглись доно́сꙋ, заключены` бы́ли въ темни́цꙋ, претерпѣ́ли жестѡ́кiя мꙋчє́нiя и҆ неснѡ́сныя ра́ны, и҆ мнѡ́гiя и҆ны́я тя́жкiя ѹ҆гнетє́нiя, и҆ котѡ́рымъ напослѣ́докъ и҆змѣни́ла не́мощь пло́ти. Хотя` ѻ҆ни` внача́лѣ не бы́ли прiя́ты въ цр҃ковь, по причи́нѣ послѣ́довавшагѡ тягча́йшагѡ паде́нiя: но поели́кꙋ ѻ҆ни` мно́гѡ подвиза́лись и҆ до́лгѡ противобо́рствовали, [поели́кꙋ ѻ҆ни` дошли` до престꙋпле́нiя не по произво́лꙋ. а҆ потомꙋ`, что` и҆змѣни́ла и҆`мъ не́мощь пло́ти, и҆́бо и҆ ꙗ҆́звы i҆и҃совы показꙋ́ютъ на тѣла́хъ свои́хъ, и҆ нѣ́которые пребыва́ютъ въ пла́чѣ ѹ҆же` тре́тiй го́дъ:] то къ се́й є҆пiтiмiи` да присовокꙋ́пятся и҆`мъ є҆ще` четы́редесять дне́й, по припа́мятованiю, когда` ѻ҆ни` пристꙋпи́ли къ цр҃кви. Таково́е число` дне́й гд҃ⷭ҇ь и҆ (с. сѻ҃ѕ) сп҃си́тель на́шъ i҆и҃съ хр҃ⷭ҇то́съ, по креще́нiи, пости́вшись, и҆скꙋша́емъ бы́лъ ̾ѿ дiа́вола: таково́е же число` дне́й и҆ ѻ҆ни` преимꙋ́щественнѡ да подвиза́ются и҆ ѹ҆се́рднѣе да постя́тся, и҆ прито́мъ да бо́дрствꙋютъ въ моли́твахъ, непреста́ннѡ размышля́я ѡ҆ рече́нномъ ̾ѿ гд҃ⷭ҇а и҆скꙋси́телю, тре́бовавшемꙋ ̾ѿ негѡ` поклоне́нiя себѣ`: и҆ди` за мно́ю сатано`, пи́сано бо є҆́сть: гд҃ⷭ҇ꙋ бг҃ꙋ твоемꙋ` поклони́шися, и҆ томꙋ` є҆ди́номꙋ послꙋ́жиши{Матѳ. д҃, ст. _i҃}.

ПРА́ВИЛО в҃.

Тѣ́мъ, кото́рые по взя́тiи то́кмѡ и҆́хъ под̾ стра́жꙋ, и҆ по претерпѣ́нiи скорбе́й и҆ смра́да въ темни́цѣ, ка́къ бы въ ѡ҆са́дѣ, въ послѣ́дствiи без̾ сраже́нiя съ мꙋче́нiями содѣ́лались плѣ́нниками, бы́въ сокрꙋшены` по кра́йней скꙋ́дости си́лъ и҆ по нѣ́коей слѣпотѣ`, довлѣ́етъ приложи́ти лѣ́то къ предше́ствовавшемꙋ вре́мени: поели́кꙋ и҆ ѻ҆ни` со всѣ́мъ пре́дали себя` страда́нiямъ за и҆́мя хр҃ⷭ҇то́во, хотя` и҆ полꙋча́ли въ темни́цѣ вели́кое ѹ҆тѣше́нiе ̾ѿ бра́тiй. За сiе` да воздадꙋ́тъ ѻ҆ни` со мно́гою ли́хвою, жела́я ѡ҆свободи́тися ̾ѿ горча́йшагѡ плѣ́на дiа́вольскагѡ, воспомина́я наипа́че глаго́лющаго: дх҃ъ гд҃ⷭ҇ень на мнѣ`, є҆гѡ́же ра́ди пома́за мя`: благовѣсти́ти ни́щымъ посла` мя`, проповѣ́дати плѣнє́ннымъ ̾ѿпꙋще́нiе, и҆ слѣпы̑мъ прозрѣ́нiе, ̾ѿпꙋсти́ти сокрꙋшє́нныя во ̾ѿра́дꙋ, проповѣ́дати лѣ́то гд҃ⷭ҇не прiя́тно и҆ де́нь воздая́нiя{И҆са́iи ѯ҃а, ст. а҃, в҃. Лꙋки` д҃, ст. и҃_i, ѳ҃_i.}.

ПРА́ВИЛО г҃.

А҆ ничегѡ` такова́гѡ не пострада́вшымъ, и҆ не показа́вшымъ плода` вѣ́ры, но доброво́льнѡ ̾ѿбѣжа́вшымъ на странꙋ` ѕло́бы, ко́ей пре́дало и҆`хъ малодꙋ́шiе и҆ стра́хъ, ны́нѣ же въ покая́нiе приходя́щымъ, нꙋ́ж(с. сѻ҃з)но и҆ прили́чно приложи́ти при́тчꙋ ѡ҆ безпло́дной смоко́вницѣ, ꙗ҆́коже гд҃ⷭ҇ь глаго́летъ: смоко́вницꙋ и҆мя́ше нѣ́кiй въ вiногра́дѣ свое́мъ всажде́нꙋ, и҆ прiи́де и҆щя` плода` на не́й, и҆ не ѡ҆брѣ́те. Рече́ же къ вiнаре́ви: се` тре́тiе лѣ́то, ̾ѿне́лиже прихождꙋ`, и҆щя` плода` на смоко́вницѣ се́й, и҆ не ѡ҆брѣта́ю: посѣцы` ю҆` ѹ҆`бо, вскꙋ́ю и҆ зе́млю ѹ҆пражня́етъ; Ѻ҆́нъ же ̾ѿвѣща́въ, рече` є҆мꙋ`: гд҃ⷭ҇и, ѡ҆ста́ви ю҆` и҆ се` лѣ́то, до́ндеже ѡ҆копа́ю ѻ҆́крестъ є҆я`, и҆ ѡ҆сы́плю гно́емъ. И҆ а҆́ще ѹ҆́бѡ сотвори́тъ пло́дъ: а҆́ще ли же ни`, во грядꙋ́щее посѣче́ши ю҆`{Лꙋки` г҃_i, ст. ѕ҃ <-> ѳ҃.}. Положи́въ сiю` при́тчꙋ пред̾ ѻ҆́чи себѣ`, и҆ показа́въ пло́дъ досто́йный покая́нiя, въ продолже́нiи толи́кагѡ же, то́ є҆сть, четырехлѣ́тнягѡ вре́мени, полꙋ́чатъ тѣ́мъ бо́льшꙋю по́льзꙋ.

ПРА́ВИЛО д҃.

А҆ соверше́ннѡ ̾ѿча́явшымся, и҆ нераска̑яннымъ, и҆ стяжа́вшымъ непремѣня́емꙋю ко́жꙋ є҆ѳiо́плянина и҆ пестротꙋ` ры́си, да и҆зрече́тся пригово́ръ ѡ҆ дрꙋго́й смоко́вницѣ: да николи́же ̾ѿ тебе` плода` бꙋ́детъ во вѣ́ки{Матѳ. к҃а, ст. ѳ҃_i.}: почемꙋ` ѻ҆на` тотча́съ и҆ засо́хла. И҆сполня́ется на ни́хъ и҆ рече́нное є҆кклисiа́стомъ: развраще́нное не мо́жетъ ѹ҆краси́тися, и҆ лише́нiе не мо́жетъ и҆зчи́слитися{Є҆ккл. а҃. ст. є҃_i.}. И҆́бо не возмо́жно развраще́нномꙋ ѹ҆краси́тися, а҆́ще не бꙋ́детъ ѻ҆но` пре́жде и҆спра́влено, и҆ не возмо́жно и҆зчисля́ти лише́нiя, а҆́ще не бꙋ́детъ ѻ҆но` пре́жде воспо́лнено. Почемꙋ` и҆ наконе́цъ слꙋчи́тся съ ни́ми рече́нное прⷪ҇ро́комъ и҆са́iею: и҆ ѹ҆́зрятъ трꙋ́пы чл҃вѣ́кѡвъ престꙋпи́вшихъ мнѣ`. Че́рвь бо и҆́хъ не сконча́ется, и҆ ѻ҆́гнь и҆́хъ не ѹ҆га́снетъ: и҆ бꙋ́дꙋтъ въ позо́ръ вся́кой пло́ти{И҆са́iи ѯ҃ѕ, ст. к҃д.}. И҆́бо, ка́къ и҆ є҆ще` ̾ѿ негѡ` предрече́но: непра́веднiи же та́кѡ (с. сѻ҃и) возволнꙋ́ются, и҆ почи́ти не возмо́гꙋтъ. Нѣ́сть ра́доватися нечести́вымъ, рече` бг҃ъ{И҆са́iи н҃з, ст. к҃, к҃а.}.

ПРА́ВИЛО є҃.

Нѣ́которые притво́рствовали, подо́бнѡ давíдꙋ, ю҆ро́дствовавшемꙋ для спасе́нiя ̾ѿ сме́рти, хотя` ѻ҆́нъ не бы́лъ безꙋ́менъ. Ѻ҆ни` не написа́ли пря́мѡ ̾ѿрече́нiя ̾ѿ вѣ́ры, но, въ весьма` тѣ́сныхъ ѡ҆бстоя́тельствахъ, порꙋга́лися ѹ҆хищре́нiямъ врагѡ́въ, подо́бнѡ ка́къ дѣ́ти смы́сленные и҆ разꙋ́мные смѣю́тся над̾ дѣтьми` неразꙋ́мными: ка́къ то, и҆ли` прошли` ми́мѡ i҆́дѡльскихъ же́ртвенникѡвъ, и҆ли` да́ли рꙋкописа́нiе, и҆ли` ꙗ҆зы́чникѡвъ поста́вили вмѣ́стѡ себя`. Хотя` нѣ́котѡрымъ и҆з̾ таковы́хъ, ка́къ ꙗ҆́ слы́шалъ, и҆ ꙗ҆ви́ли снисхожде́нiе нѣ́кiе и҆з̾ и҆сповѣ́дникѡвъ, потомꙋ`, что` ѻ҆ни` съ вели́кимъ тща́нiемъ и҆збѣга́ли возжже́нiя свои́ми рꙋка́ми ѻ҆гня` и҆ кажде́нiя нечи́стымъ де́мѡнамъ и҆ хотя` ѻ҆ни`, не примѣ́тивъ, содѣ́лали ѻ҆́ное по неразꙋ́мiю: ѻ҆дна́кѡ да поло́жится и҆`мъ ше́сть мѣ́сяцєвъ на ѡ҆браще́нiе къ бг҃ꙋ въ покая́нiи. И҆́бо таки́мъ ѻ҆́бразомъ и҆ сiи` бо́лѣе полꙋ́чатъ по́льзы, размышля́я ѡ҆ и҆зрече́нiи прⷪ҇ро́ческомъ: ѻ҆троча` роди́ся на́мъ, сы́нъ, и҆ даде́ся на́мъ, є҆гѡ́же нача́льство бы́сть на ра́мѣ є҆гѡ`, и҆ нарица́ется и҆́мя є҆гѡ`, вели́ка совѣ́та а҆́гг҃лъ{И҆са́iи гл. ѳ҃, ст. ѕ҃.}. Сiе` ѻ҆троча`, ка́къ вы` вѣ́даете, въ шесты́й мѣ́сяцъ по́слѣ зача́тiя дрꙋга́гѡ ѻ҆троча́ти, проповѣ́давшагѡ пред̾ лице́мъ вхо́да є҆гѡ`, покая́нiе во ̾ѿпꙋще́нiе грѣхѡ́въ, зача́то та́кожде, дабы` проповѣ́дати покая́нiе. И҆́бо слы́шимъ ѻ҆бои́хъ проповѣ́дꙋющихъ, во пе́рвыхъ не то́кмѡ ѡ҆ покая́нiи, но и҆ ѡ҆ ца́рствiи небе́сномъ, кото́рое, ка́къ мы` наꙋчены`, внꙋ́трь на́съ є҆́сть{Лꙋки` гл. з҃_i, ст. к҃а.}, по(с. сѻ҃ѳ)ели́кꙋ бли́зъ є҆́сть глаго́лъ, є҆мꙋ́же вѣ́рꙋемъ, во ѹ҆стѣ́хъ на́шихъ и҆ въ сердца́хъ на́шихъ: ѡ҆ кото́ромъ ца́рствiи прiя́въ напомина́нiе, и҆ ѻ҆ни` наꙋ́чатся и҆сповѣ́дывати ѹ҆ста́ми свои́ми, ꙗ҆́кѡ гд҃ⷭ҇ь є҆́сть i҆и҃съ хр҃ⷭ҇то́съ, вѣ́рꙋя въ се́рдцѣ свое́мъ, ꙗ҆́кѡ бг҃ъ воскреси` є҆го` ̾ѿ ме́ртвыхъ. И҆́бо слы́шимъ, ꙗ҆́кѡ се́рдцемъ вѣ́рꙋется въ пра́вдꙋ, ѹ҆сты́ же и҆сповѣ́дꙋется во спасе́нiе{Ри́м. гл. _i҃, ст. и҃ <-> _i҃.}.

ПРА́ВИЛО ѕ҃.

Нѣ́кiе рабѡ́въ хрiстiа́нъ поста́вили вмѣ́стѡ себя`, рабы́ же, ꙗ҆́кѡ подрꙋ́чные, и҆ нѣ́которымъ ѻ҆́бразомъ и҆ са́ми въ заключе́нiи ѹ҆ свои́хъ госпо́дъ находи́вшiеся, бꙋ́дꙋчи ѹ҆грожа́емы ̾ѿ ни́хъ и҆ страша́сь и҆́хъ, доведены` до i҆дѡложе́ртвованiя и҆ па́ли. Таковы́е рабы`, въ продолже́нiе го́да, да пока́жꙋтъ дѣла` покая́нiя, поꙋча́яся впре́дь, ꙗ҆́кѡ рабы` хр҃ⷭ҇то́вы, твори́ти во́лю бж҃iю: и҆ боя́тися є҆гѡ`, и҆ наипа́че слы́ша, ꙗ҆́кѡ вся́къ, є҆́же а҆́ще сотвори́тъ благо́е, сiе` прiи́метъ ̾ѿ гд҃ⷭ҇а, а҆́ще ра́бъ, а҆́ще свобо́дь{Є҆фес. гл. ѕ҃, ст. и҃.}.

ПРА́ВИЛО з҃.

Свобо́дные же, въ продолже́нiе тре́хъ лѣ́тъ, да и҆спытꙋ́ются въ покая́нiи, ка́къ потомꙋ`, что` лицемѣ́рствовали, та́къ и҆ потомꙋ`, что` принꙋ́дили сорабѡ́въ свои́хъ принести` же́ртвꙋ i҆́дѡламъ: и҆́бо тѣ́мъ преслꙋ́шали ѻ҆ни` а҆п҃ⷭ҇тола, кото́рый хо́щетъ, что́бы та̑яжде твори́ли госпо́дiе рабѡ́мъ свои́мъ, послабля́юще преще́нiе, вѣ́дꙋще, ꙗ҆́кѡ и҆ на́мъ самѣ́мъ и҆ тѣ̑мъ гд҃ⷭ҇ь є҆́сть на небесѣ́хъ, и҆ ѡ҆бинове́нiя лица` нѣ́сть ѹ҆ негѡ`{Є҆фес. гл. ѕ҃, ст. ѳ҃.}. А҆́ще же всѣ` мы` и҆мѣ́емъ є҆ди́наго гд҃ⷭ҇а нелицепрiя́тнаго: и҆́бо вся̑ и҆ во всѣ́хъ є҆́сть хр҃ⷭ҇то́съ, въ ва́рварахъ и҆ скѵ́ѳахъ, въ раба́хъ и҆ свобо́дныхъ{Колос. гл. г҃, ст. а҃_i.}: (с. с҃п) то восхотѣ́вшiе спасти` свою` дꙋ́шꙋ, должны` смотрѣ́ти, что` содѣ́лали ѻ҆ни`, вовле́кше въ i҆дѡлослꙋже́нiе сорабѡ́въ свои́хъ, кото́рые та́кожде могли` бы и҆збѣжа́ти сегѡ`. а҆́ще бы пра́вдꙋ и҆ ѹ҆равне́нiе и҆`мъ по́дали, ка́къ глаго́летъ па́ки а҆п҃ⷭ҇толъ{Колос. гл. д҃, ст. а҃.}.

ПРА́ВИЛО и҃.

Тѣ́хъ, кото́рые пре́даны бы́ли и҆ па́ли, но са́ми пришли` на по́двигъ, и҆ и҆сповѣ́дали себя` хрiстiа́нами, и҆ бы́ли вве́ржены въ темни́цꙋ и҆ мꙋ́чены, пра́ведно є҆́сть ѹ҆крѣпля́ти въ весе́лiи се́рдца, и҆ и҆мѣ́ти съ ни́ми ѡ҆бще́нiе во все́мъ, ка́къ въ моли́твахъ, та́къ и҆ въ причаще́нiи тѣ́ла и҆ кро́ви хр҃ⷭ҇то́вой, и҆ въ ѹ҆тѣше́нiи сло́ва, дабы` подвиза́ясь постоя́ннѣе, сподо́бились и҆ ѻ҆ни` по́чести вы́шнягѡ зва́нiя. И҆́бо рече́но: седми́жды паде́тъ пра́ведный и҆ воста́нетъ{При́тч. гл. к҃д. ст. ѕ҃_i.}. А҆́ще бы и҆ всѣ` па́дшiе то́ же дѣ́лали: ꙗ҆ви́ли бы тѣ́мъ соверше́нное и҆ всеꙋсе́рдное покая́нiе.

ПРА́ВИЛО ѳ҃.

Ѡ҆бще́нiе до́лжно и҆мѣ́ти и҆ съ тѣ́ми, кото́рые ка́къ бы ̾ѿ сна` воспрянꙋ́въ на по́двигъ, когда` ѻ҆́нъ є҆ще` не ̾ѿкры́лся, а҆ то́кмѡ гото́вился привлещи` и҆`хъ, са́ми себѣ` навлекли` и҆скꙋше́нiе, подо́бное бра́ни въ мо́рѣ и҆ мно́гомꙋ ѡ҆бꙋрева́нiю, наипа́че же на бра́тiй сильнѣ́е распали́ли ѹ҆́гль грѣ́шникѡвъ. И҆́бо таковы́е пристꙋпа́ютъ къ семꙋ` во и҆́мя хр҃ⷭ҇та`, хотя` и҆ не вне́млютъ слова́мъ, въ кото́рыхъ ѻ҆́нъ поꙋча́етъ моли́тися, да не вни́демъ въ и҆скꙋше́нiе{Матѳ. гл. к҃ѕ, ст. м҃а.}, и҆ па́ки въ моли́твѣ глаго́лати ко ѻ҆ц҃ꙋ`: и҆ не введи` на́съ во и҆скꙋше́нiе, но и҆зба́ви на́съ ̾ѿ лꙋка́вагѡ{Лꙋки` гл. а҃_i, ст. д҃.}. Мо́жетъ бы́ть и҆ не зна́ютъ ѻ҆ни`, ꙗ҆́кѡ домꙋвлады́ка и҆ ѹ҆чи́тель на́шъ ча́стѡ ѹ҆клоня́лся ̾ѿ (с. сп҃а) хотѣ́вшихъ навѣ́товати є҆мꙋ`, и҆ ꙗ҆́кѡ и҆ногда` ра́ди и҆́хъ и҆ не ходи́лъ ꙗ҆́внѡ, и҆ когда` приближа́лось вре́мя страда́нiя є҆гѡ`, не са́мъ себя` пре́далъ, но ѡ҆жида́лъ, доко́лѣ не пришли` на него` со ѻ҆рꙋ́жiемъ и҆ съ дреко́льми, и҆ тогда` ре́къ и҆`мъ: ꙗ҆́кѡ на разбо́йника ли и҆зыдо́сте со ѻ҆рꙋ́жiемъ и҆ дреко́льми ꙗ҆́ти мя`{Ма́рк. гл. д҃_i, ст. м҃и.}; Ѻ҆ни́ же, глаго́летъ є҆ѵангелíстъ, пре́дали є҆го` пiла́тꙋ. По подо́бiю є҆гѡ`, пострада́ли и҆ текꙋ́щiе къ є҆гѡ` ме́тѣ, па́мятꙋя бж҃е́ственныя сло́ва є҆гѡ`, въ кото́рыхъ ѻ҆́нъ, подкрѣпля́я на́съ, глаго́летъ ѡ҆ гоне́нiяхъ: внемли́те себѣ`, предадя́тъ бо вы` на со́нмы, и҆ на собо́рищахъ и҆́хъ бiю́тъ ва́съ. Предадя́тъ, глаго́летъ, а҆ не са́ми себя` предади́те: и҆ пред̾ влады́ки же и҆ цари` веде́ни бꙋ́дете и҆́мене моегѡ` ра́ди{Матѳ. гл. _i҃, ст. з҃_i, и҃_i.}, а҆ не са́ми себя` поведе́те. И҆́бо ѻ҆́нъ хо́щетъ, что́бы мы` и҆ преходи́ли ̾ѿ мѣ́ста на мѣ́сто, бꙋ́дꙋчи гони́мы за и҆́мя є҆гѡ`, ꙗ҆́коже и҆ па́ки слы́шимъ є҆го` глаго́лющаго: є҆гда́ же го́нятъ вы` во гра́дѣ се́мъ, бѣ́гайте въ дрꙋгíй{Матѳ. гл. _i҃, ст. к҃г.}: поели́кꙋ ѻ҆́нъ не хо́щетъ, что́бы мы` са́ми пристꙋпа́ли къ щитоно́сцамъ и҆ копiено́сцамъ дiа́вола, да не содѣ́лаемся для ни́хъ вино́вниками мно́жайшихъ смерте́й, а҆́ки бы вынꙋжда́я и҆`хъ къ бо́льшемꙋ ѡ҆жесточе́нiю и҆ къ соверше́нiю смертоно́сныхъ дѣ́лъ: но что́бы мы` ѡ҆жида́ли и҆ внима́ли себѣ`, бо́дрствовали и҆ моли́лись, да не вни́демъ во и҆скꙋше́нiе. Та́кѡ стефа́нъ, пе́рвый по стопа́мъ є҆гѡ` под̾я́вшiй мꙋче́нiе, взя́тъ беззако́нными во i҆ерꙋсали́мѣ, приведе́нъ на со́нмище, и҆, ка́менiемъ побива́емый за и҆́мя гд҃ⷭ҇а i҆и҃са хр҃ⷭ҇та`, просла́вился, моля́ся и҆ глаго́ля: гд҃ⷭ҇и, не поста́ви и҆`мъ грѣха` сегѡ`{ Дѣя́н. гл. з҃, ст. ѯ҃.}. Та́кѡ i҆а́кѡвъ взя́тъ бы́въ и҆́рѡдомъ, вторы́й мече́мъ (с. сп҃в) во главꙋ` ѹ҆сѣ́ченъ. Та́кѡ и҆збра́нный и҆з̾ а҆п҃ⷭ҇толѡвъ пе́тръ многокра́тнѡ бы́въ взя́тъ, вве́рженъ въ темни́цꙋ, порꙋ́ганъ, наконе́цъ въ ри́мѣ ко крестꙋ` пригвожде́нъ. И҆ прехва́льный па́ѵелъ, по́слѣ тогѡ`, ка́къ многокра́тнѡ бы́въ пре́данъ, бѣ́дствовалъ да́же до сме́рти, мно́гѡ подвиза́лся и҆ хвали́лся мно́гими гоне́нiями и҆ скорбя́ми, въ то́мъ же гра́дѣ мече́мъ во главꙋ` ѹ҆сѣ́ченъ. И҆ ѻ҆́нъ, хваля́ся страда́нiями, заключи́лъ тѣ́мъ, что` въ дама́сцѣ въ ко́шницѣ свѣ́шенъ бы́лъ по стѣнѣ` но́щiю, и҆ и҆збѣжа́лъ рꙋ́къ и҆́щꙋщагѡ взя́ти є҆го`{в҃ кор. гл. а҃_i, ст. л҃в.}. И҆́бо пе́рвымъ предме́томъ и҆́хъ бы́ло, благовѣствова́ти и҆ ѹ҆чи́ти сло́вꙋ бж҃iю, чѣ́мъ ѹ҆твержда́я бра́тiю пребыва́ти въ вѣ́рѣ, ѻ҆ни` глаго́лали и҆ сiе`, ꙗ҆́кѡ мно́гими скорбьми` подоба́етъ на́мъ вни́ти въ ца́рствiе бж҃iе{Дѣя́н. гл. д҃_i, ст. к҃в.}: и҆́бо ѻ҆ни` и҆ска́ли не своея` по́льзы, но мно́гихъ, да спасꙋ́тся. И҆ мно́гое мо́жно бы́ло бы рещи` ѡ҆ се́мъ для таковы́хъ люде́й, да бꙋ́детъ постꙋпа́емо съ разсꙋжде́нiемъ: но ка́къ а҆п҃ⷭ҇толъ глаго́летъ, не доста́нетъ мнѣ` повѣствꙋ́ющꙋ вре́мени{Є҆вр. гл. а҃_i, ст. л҃в.}.

ПРА́ВИЛО _i҃.

Посемꙋ` тѣ̑мъ и҆з̾ кли́ра, кото́рые доброво́льнѡ вы́шли на по́двигъ, па́ли и҆ возѡбнови́ли по́двигъ, не є҆́сть пра́ведно бы́ти по́слѣ въ священнослꙋже́нiи: и҆́бо ѻ҆ни` ѡ҆ста́вили ста́до гд҃ⷭ҇не, и҆ ѡ҆поро́чили сами́хъ себя`, чегѡ` никто` и҆з̾ а҆п҃ⷭ҇толѡвъ не дѣ́лалъ. И҆́бо мнѡ́гiя гонє́нiя проше́дшiй, и҆ мнѡ́гiя побѣ́ды въ по́двигахъ показа́вшiй, блаже́нный а҆п҃ⷭ҇лъ па́ѵелъ, хотя` и҆ вѣ́далъ, ꙗ҆́кѡ лꙋ́чше є҆́сть разрѣши́тися и҆ бы́ти со хр҃ⷭ҇то́мъ, ѻ҆дна́кѡ присовокꙋпля́етъ и҆ глаго́летъ: а҆ є҆́же пребыва́ти во пло́ти, нꙋ́жнѣйше є҆́сть (с. сп҃г) ва́съ ра́ди{Фiлiп. гл. а҃, ст. к҃г, к҃д.}. И҆́бо взира́я не на свою` по́льзꙋ, но на по́льзꙋ мно́гихъ, да спасꙋ́тся, бо́лѣе со́бственнагѡ ѹ҆покое́нiя нꙋ́жнымъ признава́лъ пребыва́ти съ бра́тiею и҆ пещи́ся ѡ҆ ни́хъ. Ѻ҆́нъ и҆ ѹ҆ча́щемꙋ повелѣва́етъ бы́ти во ѹ҆че́нiи, и҆ бы́ти ѻ҆́бразомъ вѣ̑рнымъ. Посемꙋ` тѣ`, кото́рые па́дши и҆ возѡбнови́въ по́двигъ въ темни́цѣ, и҆́щꙋтъ пра́ва на священнодѣ́йствiе, постꙋпа́ютъ соверше́ннѡ неразꙋ́мнѡ. И҆́бо ка́къ тре́бꙋютъ тогѡ`, что` ѡ҆ста́вили, когда` могли` бы поле́зны бы́ти бра́тiи въ тако́е вре́мя; Доко́лѣ ѻ҆ни` бы́ли не преткнове́нны, и҆мѣ́ли проще́нiе въ свое́мъ безразсꙋ́дномъ постꙋ́пкѣ: но когда` па́ли, тогда` не мо́гꙋтъ ѹ҆же` священнодѣ́йствовати, ꙗ҆́кѡ безчи́нствовавшiе и҆ ѡ҆поро́чившiе сами́хъ себя`. И҆ та́къ, ̾ѿложи́въ тщесла́вiе, въ смиренномꙋ́дрiи да пекꙋ́тся ѡ҆ то́мъ наипа́че, ка́кѡ сконча́ютъ свое` тече́нiе. И҆́бо довлѣ́етъ и҆`мъ ѡ҆бще́нiе, со тща́нiемъ и҆ то́чностiю соблюда́емое, ра́ди двꙋ́хъ причи́нъ: и҆ ра́ди тогѡ`, да не ꙗ҆вя́тся ѻ҆ни` ѡ҆печа́ленными, и҆ съ ѹ҆си́лiемъ взы́щꙋтъ разрѣше́нiя ̾ѿсю́дꙋ, и҆ ра́ди тогѡ`, дабы` не воз̾имѣ́ли предло́га нѣ́которые па́дшiе, а҆́ки бы` ѻ҆ни`, по слꙋ́чаю ѹ҆грожа́ющiя є҆пiтiмiи`, ѡ҆слабѣ́ли въ дꙋ́хѣ. Таковы́е бо́лѣе всѣ́хъ и҆мѣ́ти бꙋ́дꙋтъ сты́дъ и҆ поноше́нiе, по примѣ́рꙋ положи́вшагѡ ѡ҆снова́нiе, и҆ не возмо́гшагѡ соверши́ти: и҆́бо начнꙋ́тъ, ка́къ рече́но, вси` мимоходя́щiи рꙋга́тися є҆мꙋ`, и҆ глаго́лати: се́й человѣ́къ нача́тъ зда́ти, и҆ не мо́же соверши́ти{Лꙋки` гл. д҃_i, ст. к҃а, л҃.}.

ПРА́ВИЛО а҃_i.

Нѣ́кiе внача́лѣ са́ми себя` пове́ргли въ кипя́щее гоне́нiе. Стоя` ѻ҆́крестъ сꙋди́лища, и҆ взира́я на святы́хъ мꙋ́ченикѡвъ, поспѣша́ю(с. сп҃д)щихъ къ по́чести вы́шнягѡ зва́нiя, бꙋ́дꙋчи побꙋжда́емы благо́ю ре́вностiю, ѻ҆ни` пре́дали себя` на то`, со мно́гимъ дерзнове́нiемъ, наипа́че, когда` ви́дѣли мно́гихъ ѹ҆влека́емыхъ и҆ ̾ѿпа́дающихъ ̾ѿ вѣ́ры. За си́хъ воспламеня́ясь внꙋ́треннѡ, и҆ бꙋ́дꙋчи призыва́емы внꙋ́треннимъ гла́сомъ противꙋста́ти превознося́щемꙋся сопроти́вникꙋ, ѻ҆ни` спѣши́ли на сiе`, дабы` ѻ҆́нъ не ꙗ҆вля́лся са́мъ пред̾ собо́ю мꙋ́дрымъ, потомꙋ`, что` мни́лся преѡдолѣва́ти кова́рствомъ, тогда` ка́къ са́мъ не примѣча́я, побѣжда́емь бы́лъ терпя́щими мꙋ́жественнѡ строга́нiе и҆ бiе́нiе, и҆ ѻ҆́стрiе меча` и҆ жже́нiе ѻ҆гне́мъ, и҆ потопле́нiе въ вода́хъ. За таковы́хъ, и҆ли` пострада́вшихъ въ темни́цѣ и҆ побѣжде́нныхъ гла́домъ и҆ жа́ждою, и҆ли` внѣ` темни́цы на сꙋди́лищѣ и҆змꙋ́ченныхъ, строга́нiемъ и҆ бiе́нiемъ, и҆ напослѣ́докъ преѡдолѣ́нныхъ не́мощiю пло́ти, когда` нѣ́которые по вѣ́рѣ про́сятъ приноше́нiя моли́твъ и҆ проше́нiй: пра́ведно є҆́сть согласи́тися съ си́ми. И҆́бо сострада́ти и҆ соболѣ́зновати пла́чꙋщымъ и҆ стеня́щымъ, ѡ҆ преѡдолѣ́нныхъ въ по́двигѣ мно́гою си́лою ѕлохи́трагѡ дiа́вола, и҆ли` роди́теляхъ и҆ли` бра́тiяхъ, и҆ли` дѣ́тяхъ, ни ма́лѡ не вре́дно ни для когѡ`. Поели́кꙋ мы` вѣ́даемъ, ꙗ҆́кѡ и҆ по вѣ́рѣ дрꙋги́хъ, нѣ́которые полꙋчи́ли бла́гость бж҃iю, во ̾ѿпꙋще́нiи грѣхѡ́въ, и҆ въ здра́вiи тѣ́ла, и҆ въ воскресе́нiи ме́ртвыхъ. И҆ та́къ, помина́я и҆́хъ мно́гiе трꙋды` и҆ бѣ̑дствiя, пре́жде под̾я́тыя за и҆́мя хр҃ⷭ҇то́во, и҆ не то́кмѡ сiе`, но и҆ то`, ꙗ҆́кѡ ѻ҆ни` раска́ялись, и҆ дѣя́нiе, въ кото́ромъ и҆змѣни́ли себѣ`, ѡ҆пла́киваютъ въ и҆знꙋре́нiи и҆ ѹ҆мерщвле́нiи тѣ́ла, и҆ ꙗ҆́кѡ ѹ҆дали́лись ̾ѿ мíра, и҆ и҆мѣ́ютъ до́брое свидѣ́тельство ѡ҆ житiи` свое́мъ, кꙋ́пнѡ съ ни́ми мо́лимся, и҆ про́симъ и҆`мъ ѡ҆чище́нiя и҆ дрꙋги́хъ бла̑гъ прили́чныхъ, чрез̾ того`, (с. сп҃є) кото́рый содѣ́лался хода́таемъ ѡ҆ на́съ ко ѻ҆ц҃ꙋ`, ѹ҆милостивля́ющимъ за грѣхи` на́ши. И҆́бо рече́но: а҆́ще кто` согрѣши́тъ, хода́тая и҆́мамы ко ѻ҆ц҃ꙋ` i҆и҃са хр҃ⷭ҇та` пра́ведника, и҆ то́й ѡ҆чище́нiе є҆́сть ѡ҆ грѣсѣ́хъ на́шихъ{а҃ i҆ѡа́н. гл. в҃, ст. а҃, в҃.}.

ПРА́ВИЛО в҃_i.

Тѣ̑мъ, кото́рые да́ли сребро`, дабы` совсѣ́мъ не бы́ти и҆`мъ потрево́жєннымъ никако́ю ѕло́бою, да не поставля́ется сiе` въ винꙋ`. И҆́бо ѻ҆ни` потерпѣ́ли ѹ҆ро́нъ и҆ ѹ҆тра́тꙋ де́негъ, да не ̾ѿтщетя́тъ, и҆ли` погꙋ́бятъ дꙋ́шꙋ свою`, чегѡ` дрꙋгíе по корыстолю́бiю не сдѣ́лали, хотя` и҆ глаго́летъ гд҃ⷭ҇ь: ка́я по́льза человѣ́кꙋ, а҆́ще мíръ ве́сь прiѡбря́щетъ, дꙋ́шꙋ же свою` ̾ѿтщети́тъ{Матѳ. гл. ѕ҃_i, ст. к҃ѕ.}, и҆ли` погꙋ́битъ; та́кожде: не мо́жете бг҃ꙋ рабо́тати и҆ мамѡ́нѣ{Лꙋк. гл. ѕ҃_i, ст. г҃_i.}. И҆́бо пред̾ гони́телями ѻ҆ни` ꙗ҆ви́лись слꙋжа́щими бг҃ꙋ, возненави́дѣвшими и҆ попра́вшими сребро`, и҆ презрѣ́вшими ѻ҆́ное, и҆ си́мъ и҆спо́лнили напи́санное: и҆збавле́нiе мꙋ́жа дꙋши` свое` є҆мꙋ` бога́тство{При́тч. гл. г҃_i, ст. и҃.}. И҆́бо и҆ въ дѣя́нiяхъ а҆по́стольскихъ чита́емъ, ꙗ҆́кѡ въ солꙋ́нѣ, влеко́мые за па́ѵла и҆ сíлꙋ ко градонача́льникамъ, ̾ѿпꙋ́щены за дово́льные пѣ́нязи. По́слѣ тогѡ`, ка́къ мно́гѡ ѡ҆ѕло́били и҆`хъ за и҆́мя хр҃ⷭ҇то́во, и҆ возмꙋти́ли наро́дъ и҆ градонача́льникѡвъ, взе́мше дово́льное ̾ѿ i҆ассо́на и҆ ̾ѿ про́чихъ, ̾ѿпꙋсти́ша и҆`хъ. Бра́тiя же а҆́бiе въ нощи` ̾ѿсла́ша па́ѵла и҆ сíлꙋ въ бе́рiю{Дѣя́н. гл. з҃_i, ст. ѳ҃, i҃.}.

ПРА́ВИЛО г҃_i.

Посемꙋ` ѡ҆ста́вившiе все`, ра́ди спасе́нiя дꙋши`, и҆ ѹ҆дали́вшiеся, да не бꙋ́дꙋтъ ѡ҆бвиня́емы въ то́мъ, что` за ни́хъ взя́ты дрꙋгíе. И҆́бо и҆ во є҆фе́сѣ взя́ты бы́ли на позо́рище, вмѣ́стѡ па́ѵла, га́iй и҆ а҆рiста́рхъ, сопꙋ́тствовавшiе па́ѵлꙋ, и҆ когда` ѻ҆́нъ (с. сп҃ѕ) хотѣ́лъ вни́ти въ наро́дъ, поели́кꙋ смяте́нiе произошло` за него`, ꙗ҆́кѡ преклони́вшаго и҆ ѡ҆брати́вшаго мно́жество наро́да ко благоче́стiю: тогда`, ка́къ рече́но, не допꙋсти́ли є҆гѡ` ѹ҆ченики`: є҆ще́ же нѣ́цый ̾ѿ а҆сíйскихъ нача̑льникъ, сꙋ́ще є҆мꙋ` дрꙋ́зи, посла́вше къ немꙋ`, моля́хꙋ не вда́ти себе` въ позо́ръ{Дѣя́н. гл. ѳ҃_i, ст. л҃, л҃а.}. А҆́ще же нѣ́которые бꙋ́дꙋтъ ѹ҆по́рствовати, и҆ препира́тися съ тѣ́ми, кото́рые и҆́скреннѡ внима́ютъ гл҃ющемꙋ: спаса́я спаса́й твою` дꙋ́шꙋ, и҆ не ѡ҆зира́йся вспя́ть{Быт. гл. ѳ҃_i, ст. з҃_i.}: таковы́е да воспомя́нꙋтъ и҆ и҆́збраннаго междꙋ` а҆по́столами петра`, вве́рженнаго ѹ҆же` въ темни́цꙋ, и҆ пре́даннаго четыре́мъ четвери́цамъ во́инѡвъ стрещи` є҆го`, но ѹ҆бѣжа́вшаго но́щiю и҆ ̾ѿ ѹ҆бíйственныя рꙋки` и҆́рѡда, и҆ ̾ѿ всегѡ` ча́янiя люде́й i҆ꙋде́йскихъ и҆зба́вившагося, по повелѣ́нiю а҆́нгела гд҃ⷭ҇ня: бы́вшꙋ, глаго́летъ, дню`, бѣ` молва` не ма́ла въ во́инѣхъ, что` ѹ҆́бѡ петрꙋ` бы́сть. И҆́рѡдъ же поиска́въ є҆го` и҆ не ѡ҆брѣ́тъ, и҆ и҆стяза́въ стра́жы, повелѣ` ѹ҆би́ти и҆`хъ{Дѣя́н. гл. в҃_i, ст. и҃_i, ѳ҃_i.}: но за ни́хъ не возлага́ется ни како́й вины` на петра`. И҆́бо мо́жно бы́ло и҆`мъ, ви́дѣвшымъ слꙋчи́вшееся ѹ҆бѣжа́ти, подо́бнѡ ка́къ и҆ всѣ́мъ дѣ́тямъ бы́вшымъ въ виѳлее́мѣ и҆ во всѣ́хъ предѣ́лахъ є҆гѡ`, а҆́ще бы вѣ́дали роди́тели и҆́хъ и҆мѣ́ющее бы́ти: но ѻ҆ни` погꙋ́блены скверноꙋбíйцею и҆́рѡдомъ, за и҆ско́маго и҆́мъ на погꙋбле́нiе є҆ди́наго младе́нца, кото́рый та́кожде, по повелѣ́нiю а҆́нгела гд҃ⷭ҇ня, ѹ҆бѣжа́лъ, ѹ҆же` нача́въ ско́рѡ плѣня́ти и҆ на́глѡ расхища́ти, согла́снѡ съ нарече́ннымъ є҆мꙋ` и҆́менемъ, ка́къ напи́сано: нарцы` и҆́мя є҆мꙋ`: ско́рѡ плѣни`, на́глѡ расхи́ти, зане` пре́жде не́же разꙋмѣ́ти ѻ҆троча́ти, назва́ти ѻ҆тца` и҆ли` ма́терь, прiи́метъ си́лꙋ дама́сковꙋ, и҆ коры̑сти самарíйскiя пред̾ (с. сп҃з) царе́мъ а҆ссѷрíйскимъ{И҆са́iи гл. и҃, ст. г҃, д҃.}. Посемꙋ` волхвы`, ка́къ ѹ҆же` плѣне́нные и҆ добы́чею содѣ́лавшiеся, поко́рнѡ и҆ почти́тельнѡ покланя́ются младе́нцꙋ, ̾ѿверза́я сокрѡ́вища свои`, и҆ принося` є҆мꙋ` вели́чественнѣйшiе и҆ прили́чнѣйшiе да́ры, зла́то и҆ лiва́нъ и҆ смѵ́рнꙋ, ꙗ҆́кѡ царю` и҆ бг҃ꙋ и҆ человѣ́кꙋ. Почемꙋ` не хотѣ́ли возврати́тися къ царю` а҆ссѷрíйскомꙋ, вспомоществꙋ́емые про́мысломъ. Вѣ́сть бо, глаго́летъ є҆ѵа́нгелiе, прiе́мше во снѣ`, не возврати́тися ко и҆́рѡдꙋ, и҆ны́мъ пꙋте́мъ ̾ѿидо́ша во странꙋ` свою`. Посемꙋ` кровожа́дный и҆́рѡдъ ви́дѣвъ, ꙗ҆́кѡ порꙋ́ганъ бы́сть ̾ѿ волхвѡ́въ, разгнѣ́вася ѕѣлѡ`, и҆ посла́въ и҆зби` вся` дѣ́ти сꙋ́щыя въ виѳлее́мѣ, и҆ во всѣ́хъ предѣ́лѣхъ є҆гѡ`, ̾ѿ двою` лѣ́тꙋ и҆ нижа́йше, по вре́мени, є҆́же и҆звѣ́стнѡ и҆спыта` ̾ѿ волхвѡ́въ{Матѳ. гл. в҃, ст. в҃_i, ѕ҃_i.}. И҆ска́въ кꙋ́пнѡ съ ни́ми ѹ҆би́ти и҆ и҆но́е ѻ҆троча`, рожде́нное пре́жде є҆гѡ`, и҆ не наше́дши, ѹ҆би́лъ ѻ҆́нъ ѻ҆тца` є҆гѡ` заха́рiю, междꙋ` цр҃ковiю и҆ ѻ҆лтаре́мъ, тогда` ка́къ младе́нецъ ѹ҆бѣжа́лъ съ ма́терiю є҆лiсаве́тою. Но за сiе` никто` не порица́етъ и҆́хъ.

{комм.}Наименова́нiе царя` а҆ссѷрíйскагѡ, святы́й пе́тръ заи́мствꙋетъ и҆з̾ приведе́ннагѡ и҆́мъ вы́ше проро́чества и҆са́iи, и҆ прилага́етъ къ и҆́рѡдꙋ, ка́къ враждова́вшемꙋ про́тивъ бж҃е́ственнагѡ ѻ҆троча́ти хр҃ⷭ҇та`, но и҆́мъ побѣжде́нномꙋ.

ПРА́ВИЛО д҃_i.

А҆́ще же нѣ́которые претерпѣ́ли мно́гое наси́лiе и҆ тѣснотꙋ`, и҆ желѣ́зо во ѹ҆ста` прiя́ли и҆ ѹ҆́зы, и҆ пребы́ли непоколеби́мы, по любви` къ вѣ́рѣ, и҆ мꙋ́жественнѡ претерпѣ́ли жже́нiе свои́хъ рꙋ́къ, приближа́емыхъ про́тивъ во́ли къ нечи́стой же́ртвѣ, что` ѡ҆ находя́щихся въ лiвѵ́и писа́ли ко мнѣ` и҆з̾ темни́цы преблаже́нные мꙋ́ченики, та́кожде и҆ и҆ны́е сослꙋжи́тели: таковы́е, наипа́че, когда` сосвидѣ́тельствꙋютъ и҆`мъ и҆ про́чiе бра́тiя, мо́гꙋтъ пре(с. сп҃и)бы́ти во священнослꙋже́нiи, и҆ да бꙋ́дꙋтъ въ числѣ` и҆сповѣ́дникѡвъ, подо́бнѡ ка́къ и҆ ѡ҆мертвѣ́вшiе ̾ѿ мно́гихъ мꙋче́нiй, и҆ ѹ҆же` не мо́гшiе, ни сло́ва, ни гла́са произнести`, и҆ли` подви́гнꙋтися къ сопротивле́нiю вотще` наси́льствꙋющымъ. И҆́бо ѻ҆ни` не согласи́лись на ме́рзость и҆́хъ, ка́къ ꙗ҆́ слы́шалъ па́ки ̾ѿ сослꙋжи́телей. Да бꙋ́детъ же причте́нъ къ и҆сповѣ́дникамъ и҆ вся́къ живꙋ́щiй по примѣ́рꙋ тiмоѳе́а, и҆ повинꙋ́ющiйся глаго́лющемꙋ: гони` пра́вдꙋ, благоче́стiе, вѣ́рꙋ, любо́вь, терпѣ́нiе, кро́тость: подвиза́йся до́брымъ по́двигомъ вѣ́ры, є҆́млися за вѣ́чнꙋю жи́знь, въ ню́же зва́нъ бы́лъ є҆си`, и҆ и҆сповѣ́далъ є҆си` до́брое и҆сповѣ́данiе пред̾ мно́гими свидѣ́тели{а҃ тiм. гл. ѕ҃, ст. а҃_i, в҃_i.}.

ПРА́ВИЛО є҃_i.

{комм.}Є҆гѡ́ же, и҆з̾ сло́ва на па́схꙋ.

Никто` да не ѹ҆коря́етъ на́съ за соблюде́нiе среды` и҆ пятка`, въ кото́рые дни` благосло́внѡ заповѣ́дано на́мъ пости́тися, по преда́нiю. Въ сре́дꙋ, по причи́нѣ соста́вленнагѡ i҆ꙋде́ями совѣ́та, ѡ҆ преда́нiи гд҃ⷭ҇а, а҆ въ пято́къ потомꙋ`, что` ѻ҆́нъ пострада́лъ за на́съ. Воскре́сный же де́нь провожда́емъ, ꙗ҆́кѡ де́нь ра́дости, ра́ди воскре́сшагѡ въ ѻ҆́ный. Въ се́й де́нь и҆ колѣ́на преклоня́ти мы` не прiя́ли.

(с. сп҃ѳ)

КАНОНÍЧЕСКОЕ ПОСЛА́НIЕ СВЯТА́ГѠ ГРИГО́РIЯ, а҆рхiепíскопа неокесарíйскагѡ, чꙋдотво́рца.

ПРА́ВИЛО а҃.

Не тяготи́тъ на́съ пи́ща, свяще́ннѣйшiй па́па{Посла́нiе пи́сано къ а҆рхiепíскопꙋ а҆леѯандрíйскомꙋ, кото́рый, по дре́внемꙋ ѻ҆бы́чаю, и҆менꙋ́ется и҆ па́пою.}, хотя` и҆ ѣ҆́ли плѣ́нники предложе́нное и҆`мъ ̾ѿ ѡ҆блада́ющихъ и҆́ми, ѻ҆со́беннѡ, когда` всѣ` согла́снѡ сказꙋ́ютъ, ꙗ҆́кѡ ва́рвары, наше́дшiе на страны` на́ши не приноси́ли же́ртвъ i҆́дѡламъ. А҆по́столъ же глаго́летъ: бра̑шна чре́вꙋ, и҆ чре́во бра́шнѡмъ: бг҃ъ же и҆ сiе` и҆ сiя̑ ѹ҆праздни́тъ{а҃ кор. гл. ѕ҃, ст. г҃_i.}. И҆ сп҃си́тель, вся́кое бра́шно ѡ҆чища́ющiй, ре́къ: не входя́щее во ѹ҆ста` скверни́тъ человѣ́ка, но и҆сходя́щее{Матѳ. гл. є҃_i. ст. а҃_i.}.

ПРА́ВИЛО в҃.

Не тя́жко и҆ то`, что` плѣнє́нныя же́ны растлѣ́ны ̾ѿ ва́рварѡвъ, нарꙋга́вшихся над̾ и҆́хъ тѣла́ми. По а҆́ще и҆ пре́жде зазира́емо бы́ло житiе` нѣ́кiя и҆з̾ ни́хъ, ꙗ҆́кѡ ходя́щiя во слѣ́дъ ѻ҆че́съ блꙋдодѣ́ющихъ, по и҆зрече́нiю писа́нiя: ꙗ҆́вно є҆́сть, ꙗ҆́кѡ любодѣ́йное расположе́нiе є҆я` подозри́тельно и҆ во вре́мя плѣне́нiя, и҆ таковы́хъ не вско́рѣ до́лжно (с. с҃ч) допꙋска́ти къ ѻ҆бще́нiю въ моли́твахъ. А҆́ще же нѣ́кая жи́вшая въ соверше́нномъ цѣломꙋ́дрiи, и҆ показа́вшая пре́жнее житiе` чи́стымъ и҆ и҆з̾я́тымъ ̾ѿ вся́кагѡ подозрѣ́нiя, ны́нѣ подве́рглась порꙋга́нiю, по наси́лiю и҆ принꙋжде́нiю: то на се́й слꙋ́чай и҆мѣ́емъ въ кни́гѣ второзако́нiя примѣ́ръ ѻ҆трокови́цы, кото́рꙋю человѣ́къ ѡ҆брѣ́лъ на по́лѣ, и҆ наси́ловавъ преспа́лъ съ не́ю: ѻ҆трокови́цѣ, глаго́летъ зако́нъ, ничто́же сотвори́те: нѣ́сть бо дѣ́вѣ грѣха` сме́ртнагѡ, ꙗ҆́коже а҆́ще бы кто` воста́лъ на бли́жняго своего`, и҆ ѹ҆би́лъ дꙋ́шꙋ є҆гѡ`, та́кѡ сiе` дѣ́ло: возопи` ѻ҆трокови́ца, и҆ не бѣ` помога́яй є҆́й{Втор. гл. к҃в, ст. к҃ѕ, к҃з.}. Таковы` и҆ тѣ` слꙋ́чаи.

ПРА́ВИЛО г҃.

Но тя́жкое дѣ́ло є҆́сть лихоима́нiе, и҆ невозмо́жно въ є҆ди́номъ посла́нiи предложи́ти бж҃е́ствєнныя писа̑нiя, въ кото́рыхъ не то́кмѡ граби́тельство, но и҆ воѻбще` любостяжа́нiе и҆ присвое́нiе чꙋжда́гѡ, ра́ди гнꙋ́снагѡ прибы́тка, ѡ҆глаша́ется ꙗ҆́кѡ дѣ́ло ̾ѿврати́тельное и҆ стра́шное, и҆ вся́къ вино́вный въ ѻ҆́номъ подлежи́тъ ̾ѿчꙋжде́нiю ̾ѿ це́ркви бж҃iей. А҆ что`, во вре́мя наше́ствiя ва́рварѡвъ, среди` толи́кагѡ стѣсне́нiя и҆ толи́кагѡ пла́ча, нѣ́кiе дерзнꙋ́ли, сiе` вре́мя всѣ̑мъ ѹ҆грожа́ющее поги́белiю, почита́ти для себя` вре́менемъ коры́сти, сiе` сво́йственно лю́дямъ нечести̑вымъ и҆ бг҃оненави̑стнымъ, доше́дшымъ до кра́йнягѡ сте́пени гнꙋ́сности. Посемꙋ` справедли́вымъ признае́тся всѣ́хъ таковы́хъ ̾ѿлꙋчи́ти ̾ѿ це́ркви, да не ка́кѡ прiи́детъ гнѣ́въ на ве́сь наро́дъ, и҆ пе́рвѣе на сами́хъ предстоя́телей, не взыскꙋ́ющихъ за сiе`. Бою́ся бо, ка́къ глаго́летъ писа́нiе, да не кꙋ́пнѡ съ собо́ю погꙋби́тъ нечести́вый пра́веднаго{Быт. гл. и҃_i, ст. к҃г.}. (с. сч҃а) И҆́бо, глаго́летъ писа́нiе: блꙋ́дъ и҆ лихоима́нiе, и҆́хже ра́ди гряде́тъ гнѣ́въ бж҃iй на сы́ны непокори̑выя. Не быва́йте ѹ҆`бо соприча́стницы си̑мъ. Бѣ́сте бо и҆ногда` тьма`, ны́нѣ же свѣ́тъ ѡ҆ гд҃ⷭ҇ѣ: ꙗ҆́коже ча̑да свѣ́та ходи́те: пло́дъ бо свѣ́та во вся́кой благосты́ни и҆ пра́вдѣ и҆ и҆́стинѣ, и҆скꙋша́юще, что` є҆́сть благоꙋго́дно гд҃ⷭ҇ꙋ, и҆ не прiѡбща́йтеся къ дѣлѡ́мъ неплѡ́днымъ тьмы`, па́че же и҆ ѡ҆блича́йте. Быва́ємая бо ѻ҆́тай ̾ѿ ни́хъ, сра́мно є҆́сть и҆ глаго́лати: вся́ же ѡ҆блича́ємая, ̾ѿ свѣ́та ꙗ҆вля́ются{Є҆фес. гл. є҃, ст. ѕ҃ <-> г҃_i.}: та́кѡ глаго́летъ а҆по́столъ. А҆́ще же нѣ́кiе, неся` наказа́нiе за пре́жнее любостяжа́нiе, во вре́мя ми́ра бы́вшее, па́ки въ са́мое вре́мя гнѣ́ва ѡ҆браща́ются къ любостяжа́нiю, коры́стꙋяся ̾ѿ кро́ви и҆ ги́бели человѣ́кѡвъ бѣ́гствꙋющихъ, и҆ли` плѣ́нникѡвъ ѹ҆бiе́нныхъ: то чегѡ` и҆на́гѡ надлежи́тъ ѡ҆жида́ти, ра́звѣ тогѡ`, что` подвиза́ющеся за любостяжа́нiе соберꙋ́тъ гнѣ́въ и҆ себѣ` сами́мъ и҆ всемꙋ` наро́дꙋ;

ПРА́ВИЛО д҃.

Не се́ ли а҆ха́ръ ̾ѿ со́нма за́ры{I҆ис. нав. гл. з҃.} прегрѣше́нiемъ прегрѣши́лъ, взя́въ ̾ѿ закля́тагѡ, и҆ прише́лъ гнѣ́въ на ве́сь со́нмъ i҆зра́илевъ: ѻ҆́нъ є҆ди́нъ то́кмѡ согрѣши́лъ, но не є҆ди́нъ ѹ҆́меръ во грѣхѣ` свое́мъ. И҆ на́мъ въ настоя́щее вре́мя подоба́етъ закля́тою почита́ти вся́кꙋю коры́сть, не на́шꙋ, а҆ чꙋ́ждꙋю. И҆́бо ка́къ а҆ха́ръ ѻ҆́ный взя́лъ и҆з̾ добы́чи, та́къ и҆ сiи` ны́нѣ берꙋ́тъ и҆з̾ добы́чи: но то́тъ взя́лъ вра́жеское, а҆ сiи` ны́нѣ бра́тнимъ коры́стꙋются. Па́гꙋбная коры́сть.

ПРА́ВИЛО є҃.

Никто` да не ѡ҆больща́етъ себя` тѣ́мъ, ꙗ҆́кѡ наше́лъ что́ либо: и҆́бо не позволи́тельно коры́стова(с. сч҃в)тися и҆ на́йденнымъ. Второзако́нiе глаго́летъ: ви́дѣвъ тельца` бра́та твоегѡ` и҆ли` ѻ҆́вцꙋ, заблꙋжда́ющыя на пꙋти`, да не пре́зриши я҆`: но возвраще́нiемъ возврати́ши я҆` къ бра́тꙋ твоемꙋ`. А҆́ще же нѣ́сть близ̾ тебе` бра́тъ тво́й, ниже` ѹ҆вѣ́си є҆го`, собери` я҆` внꙋ́трь до́мꙋ твоегѡ`, и҆ да бꙋ́дꙋтъ ѹ҆ тебе`, до́ндеже взы́щетъ и҆`хъ бра́тъ тво́й, и҆ ̾ѿда́си и҆`хъ є҆мꙋ`. Та́коже сотвори́ши ѻ҆сля́ти є҆гѡ`, и҆ та́кѡ да сотвори́ши ри́зѣ є҆гѡ`, и҆ та́кѡ да сотвори́ши всемꙋ` погꙋбле́номꙋ бра́та твоегѡ`: є҆ли̑ка а҆́ще поги́бнꙋтъ ̾ѿ негѡ`, и҆ ѡ҆бря́щеши я҆`: та́кѡ глаго́летъ второзако́нiе{Втор. гл. к҃в, ст. а҃ <-> г҃.}. Въ кни́гѣ же и҆схо́да, не то́кмѡ ѡ҆ на́йденной кѣ́мъ либо со́бственности бра́та, но и҆ врага`, рече́но: возвраще́нiемъ да возврати́ши ѻ҆́нꙋю въ до́мъ господи́на є҆я`{И҆сх. гл. к҃г, ст. д҃, є҃.}. А҆́ще же не позволи́тельно въ ми́рѣ коры́стоватися ̾ѿ небре́жнагѡ и҆ роско́шествꙋющагѡ, и҆ ѡ҆ свое́й со́бственности не пекꙋ́щагѡся бра́та и҆ли` врага`: то кольми` па́че ̾ѿ бѣ́дствꙋющагѡ, и҆збѣга́ющагѡ врагѡ́въ, и҆ по нꙋ́ждѣ ѡ҆ставля́ющагѡ со́бственность.

ПРА́ВИЛО ѕ҃.

И҆ны́е же ѡ҆больща́ютъ себя`, ѹ҆де́рживая на́йденнꙋю чꙋжꙋ́ю со́бственность, вмѣ́стѡ свое́й ѹ҆тра́ченной. Таки́мъ ѻ҆́бразомъ, поели́кꙋ вора́ды и҆ го́тѳы постꙋпа́ли съ ни́ми вра́жески, то ѻ҆ни` для дрꙋги́хъ содѣ́лались вора́дами и҆ го́тѳами. Сегѡ` ра́ди посла́ли мы` къ ва́мъ бра́та и҆ соста́рца є҆ѵфросѵ́на, дабы` ѻ҆́нъ, по примѣ́рꙋ здѣ́шнягѡ ѻ҆́браза дѣ́йствованiя, и҆ та́мѡ вве́лъ подо́бный, и҆ ̾ѿ когѡ` надлежи́тъ прiима́ти ѡ҆бвинє́нiя, и҆ кого` до́лжно ̾ѿлꙋча́ти ̾ѿ моли́твъ.

ПРА́ВИЛО з҃.

Возвѣщено` та́кожде на́мъ нѣ́что невѣроя́тное, (с. сч҃г) слꙋчи́вшееся въ странѣ` ва́шей, без̾ сомнѣ́нiя, ̾ѿ люде́й невѣ́рныхъ и҆ нечести́выхъ, и҆ не позна́вшихъ да́же и҆́мени гд҃ⷭ҇а: а҆́ки бы нѣ́кiе дошли` до тако́й лю́тости и҆ безчеловѣ́чiя, ꙗ҆́кѡ соде́ржатъ ѹ҆ себя` въ нево́лѣ нѣ́которыхъ ѹ҆бѣжа́вшихъ и҆з̾ плѣ́на ̾ѿ ва́рварѡвъ. Пошли́те кого́ либо во странꙋ`, для и҆зыска́нiя сегѡ`, да не паде́тъ мо́лнiя на творя́щихъ сiе`.

ПРА́ВИЛО и҃.

А҆́ще кото́рые сопричи́слились къ ва́рварамъ, и҆ съ ни́ми, во вре́мя своегѡ` плѣне́нiя, ѹ҆ча́ствовали въ нападе́нiи, забы́въ, ꙗ҆́кѡ бы́ли понтíйцы и҆ хрiстiа́не, и҆ ѡ҆жесточа́сь до тогѡ`, что` ѹ҆бива́ли є҆диноплеме́нныхъ свои́хъ и҆ли` дре́вомъ, и҆ли` ѹ҆давле́нiемъ, та́кожде ѹ҆ка́зывали не вѣ́дꙋщымъ ва́рварамъ пꙋти` и҆ли` до́мы: таковы̑мъ до́лжно прегради́ти вхо́дъ да́же въ чи́нъ слꙋ́шающихъ, доко́лѣ что́ либо и҆зво́лятъ ѡ҆ ни́хъ, кꙋ́пнѡ соше́дшеся, святы́е ѻ҆тцы`, и҆ пре́жде и҆́хъ дх҃ъ ст҃ы́й.

ПРА́ВИЛО ѳ҃.

Дерзнꙋ́вшiе ѹ҆чини́ти нападе́нiе на чꙋжíе до́мы, а҆́ще по ѡ҆бвине́нiи ѹ҆личе́ны бꙋ́дꙋтъ, да не ѹ҆досто́ятся ниже` чи́на слꙋ́шающихъ писа̑нiя. Но а҆́ще са́ми ѡ҆ себѣ` ѡ҆б̾я́вятъ и҆ возвратя́тъ похи́щенное: то въ чи́нѣ ѡ҆браща́ющихся да припа́даютъ.

ПРА́ВИЛО _i҃.

А҆ наше́дшiе что́ либо на по́лѣ, и҆ли` въ дома́хъ свои́хъ, ѡ҆ста́вленное ва́рварами, а҆́ще по ѡ҆бвине́нiи бꙋ́дꙋтъ ѡ҆бличе́ны, да бꙋ́дꙋтъ въ числѣ` припа́дающихъ. А҆́ще же са́ми ѡ҆ себѣ` ѡ҆б̾я́вятъ, и҆ ̾ѿдадꙋ́тъ на́йденное, то да ѹ҆досто́ятся и҆ моли́твы.

ПРА́ВИЛО а҃_i.

И҆сполня́ющiе же настоя́щꙋю за́повѣдь, должны` и҆сполня́ти ѻ҆́нꙋю без̾ вся́(с. сч҃д)кагѡ скверностяжа́тельства, не тре́бꙋя себѣ` возме́здiя и҆ли` за ѹ҆каза́нiе ве́щи, и҆ли` за сохране́нiе, и҆ли` за ѡ҆брѣ́тенiе, и҆ли` ка́къ бы ни называ́ли предло́гъ къ томꙋ`.

ПРА́ВИЛО в҃_i.

Пла́чъ быва́етъ внѣ` вра́тъ моли́твеннагѡ хра́ма, гдѣ` стоя` согрѣши́вшiй до́лженъ проси́ти входя́щихъ вѣ́рꙋющихъ, дабы` ѻ҆ни` помоли́лися за него`. Слꙋ́шанiе быва́етъ внꙋтри` вра́тъ въ притво́рѣ, гдѣ` грѣ́шникъ до́лженъ стоя́ти до моле́нiя ѡ҆б̾ ѡ҆глаше́нныхъ, и҆ тогда` и҆сходи́ти. И҆́бо пра́вило глаго́летъ: слꙋ́шавъ писа̑нiя и҆ ѹ҆че́нiе, да и҆зжене́тся, и҆ да не сподо́бится моли́твы. Чи́нъ припа́дающихъ є҆́сть, когда` ка́ющiйся, стоя́въ внꙋтри` вра́тъ хра́ма, и҆схо́дитъ вмѣ́стѣ съ ѡ҆глаше́нными. А҆ чи́нъ кꙋ́пнѡ стоя́щихъ є҆́сть, когда` ка́ющiйся стои́тъ кꙋ́пнѡ съ вѣ́рными, и҆ не и҆схо́дитъ съ ѡ҆глаше́нными. Коне́чное же є҆́сть, прича́стiе святы́хъ та̑инъ.

(с. сч҃є)

ПОСЛА́НIЕ СВЯТА́ГѠ А҆ѲАНА́СIА ВЕЛИ́КАГѠ, а҆рхiепíскопа а҆леѯандрíйскагѡ, къ а҆ммꙋ́нꙋ мона́хꙋ.

Всѣ` творє́нiя бж҃iи добры` и҆ чи́сты. И҆́бо ничегѡ` неполе́знагѡ и҆ли` нечи́стагѡ не сотвори́ло бж҃iе сло́во. хр҃ⷭ҇то́во бо благоꙋха́нiе є҆смы` въ спаса́емыхъ, по а҆по́столꙋ{в҃ кор. гл. в҃, ст. є҃_i.}. Поели́кꙋ же разли́чны и҆ многоѻбра́зны сꙋ́ть стрѣ́лы дiа́вола, и҆ непоро́чнѡ мы́слящихъ дово́дитъ ѻ҆́нъ до возмꙋще́нiя, ̾ѿвлека́етъ бра́тiй ̾ѿ ѻ҆быкнове́ннагѡ ѹ҆пражне́нiя, всѣва́я въ ни́хъ помышлє́нiя, нечистоты` и҆ ѡ҆скверне́нiя: то, по благода́ти сп҃си́теля на́шегѡ, кра́ткими слова́ми, и҆ лꙋка́вагѡ ѡ҆больще́нiе да ̾ѿжене́мъ, и҆ мы́сль простѣ́йшихъ да ѹ҆тверди́мъ. Вся̑ ѹ҆́бѡ чи́ста чи̑стымъ, нечи́стыхъ же и҆ со́вѣсть ѡ҆скверни́ся и҆ все`{Тiт. гл. а҃. ст. є҃_i.}. Ѹ҆дивля́юсь же ѹ҆хищре́нiю дiа́вола, что` ѻ҆́нъ, бꙋ́дꙋчи развраще́нiе и҆ па́гꙋба, влага́етъ, по ви́димомꙋ, помышлє́нiя чистоты`. Но дѣ́йствꙋемое и҆́мъ є҆́сть па́че навѣ́тъ, и҆ли` и҆скꙋше́нiе. И҆́бо, ка́къ ꙗ҆́ сказа́лъ, дабы` ̾ѿвлещи` подви́жникѡвъ ̾ѿ ѻ҆бы́чнагѡ и҆ спаси́тельнагѡ попече́нiя, и҆ въ се́мъ, ка́къ мни́тся є҆мꙋ`, побѣ(с. сч҃ѕ)ди́ти и҆`хъ, для сегѡ` возбꙋжда́етъ ѻ҆́нъ такꙋ́ю молвꙋ`, кото́рая не прино́ситъ никако́й по́льзы для жи́зни, а҆ то́кмѡ пꙋсты́я вопрошє́нiя и҆ сꙋесло́вiе, кото́рыхъ ѹ҆клоня́тися до́лжно. И҆́бо скажи` мнѣ`, возлю́бленный и҆ благоговѣ́йнѣйшiй, что` и҆мѣ́етъ грѣхо́внагѡ и҆ли` нечи́стагѡ како́е либо є҆сте́ственное и҆зверже́нiе, ка́къ напримѣ́ръ, а҆́ще бы кто` восхотѣ́лъ поста́вити въ винꙋ` и҆схожде́нiе мокро́тъ и҆з̾ ноздре́й, и҆ плюнове́нiе и҆з̾ ѹ҆́стъ; Мо́жемъ рещи` и҆ ѡ҆ бо́льшемъ сегѡ`, ѡ҆ и҆зверже́нiяхъ чре́вомъ, котѡ́рыя неѡбходи́мы для жи́зни живо́тнагѡ. Є҆ще́ же, а҆́ще по бж҃е́ственномꙋ писа́нiю вѣ́рꙋемъ, ꙗ҆́кѡ человѣ́къ є҆́сть дѣ́ло рꙋ́къ бж҃iихъ: то ка́къ могло` ̾ѿ чи́стыя си́лы произы́ти дѣ́ло ѡ҆скверне́нное: и҆ а҆́ще ро́дъ бж҃iй є҆смы`, по бж҃е́ственномꙋ писа́нiю а҆по́стольскихъ дѣя́нiй{Дѣя́н. гл. з҃_i, ст. к҃и.}: то не и҆мѣ́емъ въ себѣ` ничегѡ` нечи́стагѡ. И҆́бо тогда` то́кмѡ мы` ѡ҆скверня́емся, когда` грѣ́хъ, вся́кагѡ смра́да хꙋ́дшiй, содѣ́лываемъ. А҆ когда` происхо́дитъ како́е либо є҆сте́ственное нево́льное и҆зверже́нiе: тогда` и҆ семꙋ` съ про́чими подверга́емся мы`, ка́къ вы́ше рече́но, по неѡбходи́мости є҆сте́ственной. Но поели́кꙋ хотя́щiе то́кмѡ прекосло́вити справедли́вымъ слова́мъ, па́че же сотворе́нномꙋ ̾ѿ бг҃а, непра́вѡ приво́дятъ и҆ сло́во є҆ѵа́нгельское, ꙗ҆́кѡ не входя̑щая скверня́тъ человѣ́ка, но и҆сходя̑щая: то нꙋ́жно и҆ сiю` нелѣ́пость и҆́хъ [и҆́бо не нарекꙋ` сегѡ` вопроше́нiемъ] ѡ҆бличи́ти. Во пе́рвыхъ ѻ҆ни` и҆ писа̑нiя, по невѣ́жествꙋ своемꙋ`, ꙗ҆́кѡ неꙋтвержде́нные, превра́тнѡ ѹ҆потребля́ютъ. Ра́зꙋмъ же бж҃е́ственнагѡ сло́ва є҆́сть слѣ́дꙋющiй: когда` нѣ́кiе, подо́бнѡ си̑мъ, сомнѣва́лися ѡ҆ пи́щѣ, тогда` са́мъ гд҃ⷭ҇ь, разрѣша́я и҆́хъ невѣ́дѣнiе, (с. сч҃з) и҆ли` па́че, ѡ҆блича́я заблꙋжде́нiе, ре́къ: не входя̑щая скверня́тъ человѣ́ка, но и҆сходя̑щая{Матѳ. гл. є҃_i, ст. а҃_i.}. Посе́мъ прилага́етъ: ̾ѿкꙋ́да и҆сходя̑щая; ̾ѿ се́рдца. И҆́бо вѣ́даетъ, что` та́мѡ сꙋ́ть ѕлы́я сокрѡ́вища скве́рныхъ по́мыслѡвъ и҆ и҆ны́хъ грѣхѡ́въ. Сокраще́ннѣе же а҆по́столъ, семꙋ` наꙋче́нный, глаго́летъ: бра́шно на́съ не поста́витъ пред̾ бг҃омъ{а҃ кор. гл. и҃, ст. и҃.}. Бл҃госло́внѡ мо́жетъ кто` рещи` и҆ въ настоя́щемъ слꙋ́чаѣ: є҆сте́ственное нѣ́кое и҆зверже́нiе не поведе́тъ на́съ къ наказа́нiю. Мо́жетъ бы́ть и҆ врачи` [да ѹ҆бѣдя́тся хотя` внѣ́шними прекосло́вящiе] въ защище́нiе сегѡ` ска́жꙋтъ, что` живо́тномꙋ даны` нѣ́кiе неѡбходи́мые и҆схо́ды для ̾ѿложе́нiя и҆зли́шества вла́гъ, пита́емыхъ въ ка́ждомъ ѹ҆ на́съ чле́нѣ, каковы` сꙋ́ть и҆зли́шєства главы` власы`, и҆ вла́жнѡсти и҆з̾ главы` ̾ѿдѣля́ющыяся и҆ и҆сходя́щее и҆з̾ чре́ва, та́кожде и҆ ѻ҆́ный и҆збы́токъ въ сѣ́менныхъ сосꙋ́дахъ. И҆ та́къ бг҃олюбе́знѣйшiй ста́рче, како́й здѣ́сь грѣ́хъ пред̾ бг҃омъ, когда` са́мъ созда́вшiй живо́тное гд҃ⷭ҇ь восхотѣ́лъ и҆ сотвори́лъ, что́бы сiи` чле́ны и҆мѣ́ли таковы́е и҆схо́ды; Но нꙋ́жно предꙋпреди́ть противорѣ́чiя лꙋка́выхъ. И҆́бо мо́гꙋтъ рещи`: посемꙋ` не бꙋ́детъ грѣхо́мъ и҆ са́мое ѹ҆потребле́нiе, когда` ѻ҆рꙋ́дiя творце́мъ ѹ҆стро́ены. Таковы́хъ вопроше́нiемъ заста́вимъ ѹ҆мо́лкнꙋти, глаго́ля на сiе`: ѡ҆ како́мъ ѹ҆потребле́нiи глаго́леши: ѡ҆ зако́нномъ ли; ѡ҆ то́мъ ли, кото́рое бг҃ъ позво́лилъ, глаго́ля: расти́теся и҆ мно́житеся, и҆ наполня́йте зе́млю{Быт. гл. а҃, ст. к҃и.}: ѡ҆ то́мъ ли, кото́рое а҆по́столъ допꙋсти́лъ глаго́ля: честна` жени́тва, и҆ ло́же нескве́рно{Є҆вр. гл. г҃_i, ст. д҃.}; и҆ли` ѡ҆ то́мъ, кото́рое быва́етъ междꙋ` людьми`, но происхо́дитъ та́йнѡ и҆ прелюбодѣ́йнѡ; И҆́бо и҆ въ дрꙋ(с. сч҃и)ги́хъ слꙋ́чаяхъ жи́зни ѡ҆брѣта́емъ разли́чiе, быва́ющее по нѣ́которымъ ѡ҆бстоя́тельствамъ, на примѣ́ръ: не позволи́тельно ѹ҆бива́ть: но ѹ҆бива́ть врагѡ́въ на бра́ни, и҆ зако́нно и҆ похвалы` досто́йно. Та́кѡ вели́кихъ по́честей сподобля́ются до́блестные въ бра́ни, и҆ воздвига́ются и҆`мъ столпы`, возвѣща́ющiе превосхѡ́дныя и҆́хъ дѣя̑нiя. Таки́мъ ѻ҆́бразомъ ѻ҆дно` и҆ то́ же, смотря` по вре́мени, и҆ въ нѣ́которыхъ ѡ҆бстоя́тельствахъ, не позволи́тельно: а҆ въ дрꙋги́хъ ѡ҆бстоя́тельствахъ, и҆ благовре́меннѡ, допꙋска́ется и҆ позволя́ется. Та́кожде разсꙋжда́ти до́лжно и҆ ѡ҆ тѣле́сномъ совокꙋпле́нiи. Блаже́нъ, кто` въ ю҆́ности, соста́вя свобо́днꙋю четꙋ`, ѹ҆потребля́етъ є҆стество` къ дѣторожде́нiю. Но а҆́ще къ любостра́стiю: то блꙋдники` и҆ прелюбодѣ́и подверга́ются ка́зни, возвѣще́нной а҆по́столомъ{Є҆вр. гл. г҃_i, ст. д҃.}. И҆́бо два` пꙋти` въ жи́зни ̾ѿноси́тельнѡ сегѡ` предме́та. Є҆ди́нъ ѻ҆быкнове́нный, и҆ жите́йскiй, то́ є҆сть бра́къ: дрꙋгíй же а҆́гг҃льскiй и҆ ко́егѡ нѣ́тъ превосхо́днѣе, то́ є҆сть дѣ́вство. А҆́ще кто` и҆збра́лъ мiрскíй пꙋ́ть, то́ є҆сть бра́къ: то не подлежи́тъ порица́нiю, но не полꙋ́читъ толи́кихъ дарѡ́въ, хотя` впро́чемъ полꙋ́читъ нѣ́кiе, и҆́бо и҆ ѻ҆́нъ прино́ситъ пло́дъ тридесятикра́тный. А҆́ще же кто` воспрiя́лъ чи́стый и҆ премíрный пꙋ́ть, хотя` пꙋ́ть є҆гѡ` жесточа́е и҆ трꙋднѣ́е пе́рвагѡ, но таковы́й прiе́млетъ бо́лѣе чꙋ́дныя дарова́нiя: и҆́бо прине́съ пло́дъ соверше́нный, стори́чный. Та́кѡ нечи́стыя и҆ лꙋка́выя и҆́хъ вопрошє́нiя и҆мѣ́ютъ со́бствєнныя рѣшє́нiя, бж҃е́ственными писа́нiями дре́вле предꙋгото́влєнныя. И҆ та́къ ѹ҆твержда́й, ѻ҆́тче, подчине́нное тебѣ` ста́до а҆по́стольскими ѹ҆вѣща́нiями, є҆ѵа́нгельскими ѹ҆тѣше́нiями, ѱало́мскими совѣ́тами, глаго́ля (с. сч҃ѳ) къ гд҃ⷭ҇ꙋ: живи́ мя по словеси` твоемꙋ`{ѱал. ри҃_i, ст. к҃є.}. Сло́во же є҆гѡ` состои́тъ въ слꙋже́нiи є҆мꙋ` ̾ѿ чи́стагѡ се́рдца. И҆́бо зна́я сiе` то́тъ же проро́къ, ка́къ бы себя` и҆з̾ясня́я, говори́тъ: се́рдце чи́сто сози́жди во мнѣ` бж҃е{ѱал. н, ст. в҃_i.}, дабы` сквє́рныя помышлє́нiя не возмꙋща́ли меня`. и҆ па́ки: и҆ дх҃омъ влады́чнимъ ѹ҆тверди́ мя{ѱал. н҃, ст. д҃_i.}, дабы`, є҆́стьли когда` помышлє́нiя и҆ возмꙋтя́тъ меня`, мо́щная нѣ́кая си́ла ̾ѿ тебя` и҆сходя́щая, ѹ҆крѣпля́ла меня`, а҆́ки нѣ́кая тверды́ня. Таковы́е и҆ подо́бные совѣ́ты препода́въ и҆ ты`, глаго́ли тѣ̑мъ, кото́рые ме́дленнѡ покаря́ются и҆́стинѣ: наꙋчꙋ` беззакѡ́нныя пꙋтє́мъ твои́мъ{ѱал. н҃, ст. є҃_i.}, и҆ ѹ҆пова́я на гд҃ⷭ҇а, ꙗ҆́кѡ ѹ҆бѣди́шь и҆`хъ ̾ѿстꙋпи́ти ̾ѿ таковы́я ѕло́бы, воспѣва́й: и҆ нечести́вiи къ тебѣ` ѡ҆братя́тся. Да преста́нꙋтъ ѕлонамѣ́реннѡ вопроша́ющiе ̾ѿ такова́гѡ сꙋ́етнагѡ трꙋда`, а҆ сомнѣва́ющiеся по простотѣ`, да ѹ҆твердя́тся дх҃омъ влады́чнимъ: вы́ же, кото́рые тве́рдѡ вѣ́даете и҆́стинꙋ, содержи́те ѻ҆́нꙋю ненарꙋ́шимѡ и҆ непоколеби́мѡ, ѡ҆ хр҃ⷭ҇тѣ` i҆и҃сѣ гд҃ⷭ҇ѣ на́шемъ, съ ни́мже ѻ҆ц҃ꙋ` сла́ва и҆ держа́ва, со ст҃ы́мъ дх҃омъ, во вѣ́ки вѣкѡ́въ, а҆ми́нь.

(с. т҃)

ПОСЛА́НIЕ СВЯТА́ГѠ А҆ѲАНА́СIА, а҆рхiепíскопа а҆леѯандрíйскагѡ, къ рꙋфiнiа́нꙋ.

Сы́нꙋ и҆ вожделѣ́ннѣйшемꙋ сослꙋжи́телю, господи́нꙋ рꙋфiнiа́нꙋ, а҆ѳана́сiй, ѡ҆ гд҃ⷭ҇ѣ ра́доватися.

Ты` пи́шешь къ ѻ҆тцꙋ`, ка́къ прили́чно сы́нꙋ возлю́бленномꙋ. Прибли́жившагося ѹ҆́бѡ чрез̾ писа́нiе, ѡ҆б̾я́лъ ꙗ҆́ тебя`, вожделѣ́ннѣйшiй мнѣ` па́че всѣ́хъ рꙋфiнiа́не. Мо́гъ бы и҆ ꙗ҆́ тебѣ`, ꙗ҆́кѡ сы́нꙋ, писа́ти и҆ въ нача́лѣ и҆ въ среди́нѣ и҆ под̾ коне́цъ: но ѹ҆держа́лся, да не по пи́сьмамъ познае́тся ѻ҆бще́нiе и҆ свидѣ́тельство. И҆́бо ты` мое` посла́нiе, по рече́нномꙋ въ писа́нiи{в҃ кор. гл. г҃, ст. в҃.}, зна́емое и҆ чита́емое въ се́рдцѣ. Та́кѡ бꙋ́дꙋчи расположе́нъ [вѣ́рь мнѣ`, є҆́й, вѣ́рь], приглаша́ю, и҆ ѹ҆бѣжда́ю тебя` писа́ти. И҆́бо дѣ́лая сiе`, не ма́лѡ, но мно́гѡ меня` ѹ҆тѣша́ешь. Поели́кꙋ же благолюби́вѡ и҆ церко́внѡ [ка́къ и҆ прили́чно твоемꙋ` благоче́стiю] вопроша́лъ ты` ѡ҆ ѹ҆влече́нныхъ нꙋ́ждою, но не развраще́нныхъ ѕловѣ́рiемъ, и҆ жела́лъ, что́бы ꙗ҆́ написа́лъ къ тебѣ`, что` положено` ѡ҆ ни́хъ на собо́рахъ и҆ повсю́дꙋ: то вѣ́дай, господи́не мо́й вожделѣ́ннѣйшiй, ꙗ҆́кѡ въ нача́лѣ, по прекраще́нiи бы́вшагѡ наси́лiя{Под̾ и҆́менемъ бы́вшагѡ наси́лiя святы́й а҆ѳана́сiй разꙋмѣ́етъ бы́вшее ѹ҆гнете́нiе правосла́вныхъ ̾ѿ а҆рiа́анъ.}, бы́лъ собо́ръ є҆пíскопѡвъ, соше́д(с. т҃а)шихся ̾ѿ внѣ́шнихъ стра́нъ: бы́лъ та́кожде и҆ ѹ҆ сослꙋжи́телей, ѡ҆бита́ющихъ въ є҆лла́дѣ, ра́внымъ ѻ҆́бразомъ и҆ ѹ҆ находя́щихся въ i҆спа́нiи и҆ въ га́ллiи: и҆ постано́влено ка́къ зде́сь, та́къ и҆ всю́дꙋ, что́бы па́дшымъ и҆ бы́вшымъ предста́телями нече́стiя{Под̾ и҆́менемъ нече́стiя здѣ́сь разꙋмѣ́ется а҆рiа́нство: под̾ и҆́менемъ па́дшихъ тѣ`, кото́рые ̾ѿстꙋпи́ли къ ѡ҆бще́нiю съ а҆рiа́нами: а҆ под̾ и҆́менемъ предста́телей нече́стiя, тѣ`, кото́рые совратя́сь въ а҆рiа́нство, и҆ дрꙋги́хъ привлека́ли къ ѻ҆́номꙋ.}, ꙗ҆вля́ти снисхожде́нiе ка́ющымся, но не дава́ти и҆`мъ мѣ́ста въ кли́рѣ: а҆ не бы́вшымъ самовла́стными дѣ́лателями нече́стiя, но ѹ҆влечє́ннымъ нꙋ́ждою и҆ наси́лiемъ, дава́ти проще́нiе, и҆ и҆мѣ́ти и҆`мъ мѣ́сто въ кли́рѣ, наипа́че, когда` ѻ҆ни` принесли` досто́йное вѣ́ры ѡ҆правда́нiе, и҆ сiе` ѹ҆чинено`, пови́димомꙋ, съ нѣ́кимъ благоꙋсмотре́нiемъ. И҆́бо таковы́е ѹ҆твержда́ли, что` ѻ҆ни` не совраща́лись въ нече́стiе: но дабы` нѣ́которые, содѣ́лавшись нечести́вѣйшими не разстро́или церкве́й, почли` за лꙋ́чшее ѹ҆стꙋпи́ти наси́лiю, и҆ понести` бре́мя, не́жели погꙋби́ти наро́дъ. Говоря` сiе`, ѻ҆ни`, и҆ по на́шемꙋ мнѣ́нiю, говори́ли досто́йное прiя́тiя: и҆́бо въ и҆звине́нiе себя` представля́ли и҆ а҆арѡ́на мѡѷсе́ева бра́та, кото́рый ѹ҆стꙋпи́лъ въ пꙋсты́нѣ престꙋ́пномꙋ тре́бованiю наро́да, но и҆мѣ́лъ и҆звине́нiе въ намѣ́ренiи, дабы` наро́дъ не возврати́лся въ є҆гѵ́петъ, и҆ не ѡ҆ста́лся въ i҆дѡлослꙋже́нiи. И҆́бо представля́лось вѣроя́тнымъ, что` пребыва́я въ пꙋсты́нѣ, ѻ҆́нъ мо́жетъ преста́ти ̾ѿ нече́стiя: но воше́дши во є҆гѵ́петъ ѹ҆си́литъ и҆ возрасти́тъ въ себѣ` нече́стiе. По се́й причи́нѣ разрѣшено` допꙋска́ти таковы́хъ въ кли́ръ, та́къ ка́къ прельщє́ннымъ и҆ наси́лiе претерпѣ́вшымъ дае́тся проще́нiе. Сiе` ѡ҆б̾явля́ю и҆ твоемꙋ` благоговѣ́нiю, и҆ ѹ҆пова́ю, ꙗ҆́кѡ и҆ твое` благоче́стiе прiи́метъ постано́вленное, и҆ не ѡ҆сꙋ́дитъ (с. т҃в) снисхожде́нiя согласи́вшихся та́кѡ. Ѹ҆досто́й же прочита́ти сiе` и҆ пред̾ свяще́нствомъ, и҆ пред̾ наро́домъ тебѣ` подчине́ннымъ, дабы` и҆ ѻ҆ни`, зна́я сiе`, не сѣ́товали, когда` ты` та́кѡ расположе́нъ къ таковы́мъ. И҆́бо не бы́ло бы прили́чно мнѣ` писа́ти тогда`, ка́къ твое` благоговѣ́нiе мо́жетъ и҆ на́ше къ ни́мъ благорасположе́нiе возвѣсти́ти и҆`мъ, и҆ все` недостаю́щее воспо́лнити. Бл҃годаре́нiе гд҃ⷭ҇ꙋ, и҆спо́лнившемꙋ тебя` вся́кимъ сло́вомъ и҆ вся́кимъ вѣ́дѣнiемъ. Ка́ющiеся же, ꙗ҆́внѡ да предаю́тъ а҆на́ѳемѣ и҆́меннѡ є҆ѵдо́ѯiево и҆ є҆ѵзѡ́iево ѕловѣ́рiе. И҆́бо сiи` богохꙋ́льнѡ и҆менꙋ́я сло́во бж҃iе тва́рiю, ѡ҆бнарꙋ́жили себя` защи́тниками а҆́рiевой є҆́реси: да и҆сповѣ́дꙋютъ же вѣ́рꙋ, въ нiке́и ̾ѿ ѻ҆тцє́въ и҆сповѣ́даннꙋю, и҆, ꙗ҆́кѡ никако́гѡ и҆на́гѡ собо́ра не предпочита́ютъ семꙋ` собо́рꙋ. Привѣ́тствꙋй сꙋ́щее съ тобо́ю бра́тство, а҆ сꙋ́щее съ на́ми ѡ҆ гд҃ⷭ҇ѣ привѣ́тствꙋетъ тебя`.

(с. т҃г)

СВЯТА́ГѠ А҆ѲАНА́СIЯ, а҆рхiепíскопа а҆леѯандрíйскагѡ, и҆з̾ л҃ѳ посла́нiя ѡ҆ пра́здникахъ.

Но поели́кꙋ ѹ҆помянꙋ́лъ ꙗ҆́ ѡ҆ є҆ретiка́хъ, ка́къ ѡ҆ ме́ртвыхъ, ѡ҆ на́съ же сами́хъ, ꙗ҆́кѡ и҆мѣ́ющихъ ко спасе́нiю бж҃е́ственныя писа̑нiя, и҆ бою́ся что́бы, ка́къ писа́лъ къ корíнѳянамъ па́ѵелъ{в҃ кор. гл. а҃_i, ст. г҃.}, нѣ́которые и҆з̾ простодꙋ́шныхъ не бы́ли ѹ҆клонены` ̾ѿ простоты` и҆ чистоты`, хи́тростiю человѣ́кѡвъ, и҆ пото́мъ не на́чали внима́ти и҆ны́мъ кни́гамъ, та́къ называ́ємымъ а҆покрѷфíчєскимъ{Наименова́нiе кни́гъ а҆покрѷфíческихъ, по перево́дꙋ съ гре́ческагѡ, зна́читъ кни̑ги сокровє́нныя. Є҆ретiки` дава́ли сiе` наименова́нiе составля́ємымъ и҆́ми подлѡ́жнымъ кни́гамъ, дабы` лꙋ́чше ѹ҆вѣ́рить, бꙋ́дто ѻ҆́ныя не вно́вь соста́влены, а҆ то́кмѡ не и҆звѣ́стны бы́ли, ка́къ сокрыва́ємыя.}, бꙋ́дꙋчи ѡ҆бма́нꙋты є҆диноиме́нностiю и҆́хъ съ и҆́стинными кни́гами: то потерпи́те, молю`, а҆́ще ѡ҆ и҆звѣ́стномъ ва́мъ, є҆ще` и҆ ꙗ҆́ воспомина́ю, ра́ди нꙋ́жды и҆ по́льзы це́ркви. Жела́я же ѡ҆ се́мъ воспомянꙋ́ти ѹ҆потреблю`, для ѡ҆правда́нiя моегѡ` дерзнове́нiя, ѻ҆́бразъ слове́съ є҆ѵангелíста лꙋки`, и҆ рекꙋ` и҆ ꙗ҆́: поне́же нѣ́кiе на́чали слага́ти себѣ` та́къ и҆менꙋ́ємыя а҆покрѷфíчєскiя кни̑ги, и҆ смѣ́шивати ѻ҆́ныя съ бг҃одꙋхнове́ннымъ писа́нiемъ, ѡ҆ кото́ромъ мы` ѹ҆достовѣ́рены, ꙗ҆́коже преда́ша ѻ҆тца́мъ ̾ѿ нача́ла самови́дцы и҆ слꙋги` бы́вшiи словесе`: и҆зво́лился и҆ мнѣ`, побꙋжде́нномꙋ и҆́стинными бра́тiями, и҆ дозна́вшемꙋ (с. т҃д) снача́ла по ря́дꙋ и҆зложи́ти, какíя кни̑ги при́няты въ канѡ́нъ, пре́даны и҆ вѣ́рꙋются бы́ти бж҃е́ственными, дабы` ка́ждый ѻ҆больще́нный ̾ѿве́ргъ ѻ҆больща́ющихъ, и҆ ка́ждый пребы́вшiй чи́стымъ возра́довался ѡ҆ но́вомъ предостереже́нiи. И҆ та́къ всѣ́хъ кни́гъ ве́тхагѡ завѣ́та число́мъ два́десять двѣ`: и҆́бо сто́лькѡ же, ка́къ ꙗ҆́ слы́шалъ, и҆ бꙋ́квъ въ ѹ҆потребле́нiи ѹ҆ є҆вре́євъ. По поря́дкꙋ же и҆ по и҆мена́мъ ѻ҆́ныя сꙋ́ть слѣ́дꙋющыя: во пе́рвыхъ бытiе`, пото́мъ и҆схо́дъ, да́лѣе леѵíтъ, посе́мъ чи̑сла, и҆ наконе́цъ второзако́нiе: за си́ми слѣ́дꙋетъ i҆исꙋ́съ наѵи́нъ, сꙋдiи`, и҆ пото́мъ рꙋ́ѳь: да́лѣе по поря́дкꙋ четы́ре кни́ги ца́рствъ, и҆з̾ ко́ихъ ка́къ пе́рвая и҆ втора́я счита́ются за ѻ҆днꙋ` кни́гꙋ, та́къ ра́внѡ тре́тiя и҆ четве́ртая за ѻ҆днꙋ`: по́слѣ си́хъ паралiпоме́нѡнъ пе́рвая и҆ втора́я, та́кже счита́ємыя за ѻ҆днꙋ` кни́гꙋ: да́лѣе є҆́здры пе́рвая и҆ втора́я та́кже за ѻ҆днꙋ`: по́слѣ си́хъ кни́га ѱалмѡ́въ, и҆ пото́мъ при́тчи, пото́мъ є҆кклисiа́стъ, и҆ пѣ́снь пѣ́сней. По си́хъ i҆́ѡвъ: наконе́цъ проро́ки двана́десять, счита́ємыя за ѻ҆днꙋ` кни́гꙋ, пото́мъ и҆са́iа, i҆еремíа, и҆ съ ни́мъ варꙋ́хъ, пла́чь и҆ посла́нiе: а҆ по ни́хъ i҆езекíиль и҆ данiи́лъ: сiи` составля́ютъ ве́тхiй завѣ́тъ. Но до́лжно без̾ ѹ҆коснѣ́нiя рещи` и҆ ѡ҆ кни́гахъ но́вагѡ завѣ́та. Ѻ҆нѣ` сꙋ́ть слѣ́дꙋющыя: четы́ре є҆ѵа́нгелiа, ̾ѿ матѳе́а, ̾ѿ ма́рка, ̾ѿ лꙋки` и҆ ̾ѿ i҆ѡа́нна: по си́хъ дѣя̑нiя а҆по́столѡвъ, и҆ се́дмь та́къ и҆менꙋ́емыхъ собо́рныхъ посла́нiй а҆по́столѡвъ, ка́къ то: i҆а́кѡва є҆ди́но, петра` два`, пото́мъ i҆ѡа́нна три`, и҆ i҆ꙋ́ды є҆ди́но: къ ни́мъ четырена́десять посла́нiй а҆по́стола па́ѵла, котѡ́рыя пи́шꙋтся слѣ́дꙋющимъ поря́дкомъ: пе́рвое къ ри́млянамъ, пото́мъ къ корíнѳянамъ два`, по си́хъ къ гала́тамъ, да́лѣе къ є҆фесе́ямъ, пото́мъ къ фiлiпписíямъ, къ (с. т҃є) колосса́ямъ, къ солꙋ́нянамъ два`, ко є҆вре́ємъ, къ тiмоѳе́ю два`, и҆ къ тíтꙋ є҆ди́но, и҆ послѣ́днее къ фiлiмо́нꙋ є҆ди́но: и҆ наконе́цъ а҆пока́лѷѱiсъ i҆ѡа́нна. Сiи` сꙋ́ть и҆сто́чники спасе́нiя, да сꙋ́щими въ ѻ҆́ныхъ словеса́ми жа́ждꙋщiй ѹ҆толи́тъ жа́ждꙋ, въ си́хъ то́кмѡ благовѣствꙋ́ется ѹ҆че́нiе благоче́стiя. Никто` къ си́мъ да не прилага́етъ, ниже` да ̾ѿе́млетъ ̾ѿ ни́хъ что́ либо. Ѡ҆ си́хъ гд҃ⷭ҇ь посрамля́я саддꙋке́євъ глаго́лалъ: прельща́етеся, не вѣ́дꙋще писа́нiй, ни си́лы и҆́хъ{Матѳ. гл. к҃в, ст. к҃а.}. I҆ꙋде́євъ же ѹ҆вѣщева́лъ: и҆спыта́йте писа̑нiя, ꙗ҆́кѡ та` сꙋ́ть свидѣ́тєльствꙋющая ѡ҆ мнѣ`{I҆ѡа́н. гл. є҃, ст. л҃ѳ.}. Ра́ди бо́льшiя же то́чности, поели́кꙋ пишꙋ` ра́ди нꙋ́жды, присовокꙋпля́ю и҆ сiе`: ꙗ҆́кѡ є҆́сть, кромѣ` си́хъ, и҆ дрꙋгíя кни̑ги, не введє́нныя въ канѡ́нъ, но назна́чєнныя ѻ҆тца́ми для чте́нiя нововстꙋпа́ющымъ, и҆ жела́ющымъ ѡ҆гласи́тися сло́вомъ благоче́стiя: премꙋ́дрость соломѡ́нова, премꙋ́дрость сiра́хова, є҆сѳи́рь, i҆ꙋди́ѳь, и҆ тѡвíа, и҆ та́къ и҆менꙋ́мое ѹ҆че́нiе а҆по́столѡвъ, и҆ па́стырь. Впро́чемъ, возлю́бленные, све́рхъ си́хъ чита́емыхъ и҆ ѻ҆́ныхъ канонíческихъ, нигдѣ` не ѹ҆помина́ется ѡ҆б̾ а҆покрѷфíческихъ: но сiе` є҆́сть ѹ҆мышле́нiе є҆ретiкѡ́въ, кото́рые пи́шꙋтъ ѻ҆́ныя, когда` хотя́тъ, назнача́ютъ и҆ прибавля́ютъ и҆`мъ вре́мя, дабы` представля́я и҆`хъ, а҆́ки бы дрє́внiя, и҆мѣ́ти спо́собы къ прельще́нiю ѻ҆́ными простодꙋ́шныхъ.

(с. т҃ѕ)

ПРА̑ВИЛА СВЯТА́ГѠ ВАСÍЛIЯ ВЕЛИ́КАГѠ.

Пе́рвое канонíческое посла́нiе свята́гѡ ѻ҆тца` на́шегѡ васíлiа, а҆рхiепíскопа кесарíи каппадокíйскiя, къ а҆мфiло́хiю є҆пíскопꙋ i҆конíйскомꙋ.

ВСТꙊПЛЕ́НIЕ.

Несмы́сленномꙋ, ка́къ рече́но въ писа́нiи, вопроси́вшꙋ ѡ҆ мꙋ́дрости, мꙋ́дрость вмѣни́тся{При́тч. гл. з҃_i, ст. к҃и.}: а҆ вопроше́нiе мꙋ́драгѡ, ка́жется, ѹ҆мꙋдря́етъ и҆ несмы́сленнаго. Сiе`, по благода́ти бж҃iей, слꙋча́ется съ на́ми ка́ждый ра́зъ, когда` полꙋча́емъ писа̑нiя твоея` трꙋдолюби́выя дꙋши`. И҆́бо ꙗ҆́ становлю́ся свѣ́дꙋщѣе и҆ разсꙋди́тельнѣе самагѡ` себя`, и҆з̾ са́магѡ вопро́са наꙋча́яся мно́гомꙋ, чегѡ` пре́жде не зна́лъ. Забо́та ѡ҆б̾ ̾ѿвѣ́тѣ дѣ́лается для меня` ѹ҆чи́телемъ. По и҆́стинѣ и҆ ны́нѣ, никогда` неѡзабо́ченный предме́тами твои́хъ вопро́сѡвъ, ꙗ҆́ принꙋжде́нъ и҆ разсмотрѣ́ти ѻ҆́ные съ то́чностiю, и҆ привести` на па́мять, а҆́ще что` слы́шалъ ̾ѿ старѣ́йшихъ, и҆ ̾ѿ себя` примы́слити согла́сное съ тѣ́мъ, чемꙋ` ꙗ҆́ наꙋчи́лся.

ПРА́ВИЛО а҃.

И҆ та́къ ̾ѿноси́тельнѡ вопро́са ѡ҆ каѳа́рахъ{Чи́стые. Смотри` в҃ вселе́нск. собо́ра пра́в. з҃.}, и҆ рече́но пре́жде, и҆ ты` благоразсꙋди́тельнѡ ѹ҆помянꙋ́лъ, (с. т҃з) ꙗ҆́кѡ подоба́етъ послѣ́довати ѻ҆бы́чаю ка́ждыя страны`, потомꙋ` что` ѡ҆ и҆́хъ креще́нiи разли́чнѡ дꙋ́мали, разсꙋжда́вшiе ѡ҆ се́мъ предме́тѣ въ свое` вре́мя. Креще́нiе пепꙋзiа́нъ, по моемꙋ` мнѣ́нiю, не и҆мѣ́етъ ничегѡ` въ свое` защище́нiе: и҆ ꙗ҆́ ѹ҆диви́лся, ка́къ не примѣ́тилъ сегѡ` вели́кiй дiонѵ́сiй, бꙋ́дꙋчи и҆скꙋ́сенъ въ пра́вилахъ. И҆́бо дре́внiе положи́ли прiима́ти креще́нiе, ни въ че́мъ не ̾ѿстꙋпа́ющее ̾ѿ вѣ́ры: посемꙋ` и҆но́е нарекли` ѻ҆ни` є҆́ресiю, и҆но́е раско́ломъ, а҆ и҆но́е самочи́ннымъ сбо́рищемъ. Є҆ретiка́ми назва́ли ѻ҆ни` соверше́ннѡ ̾ѿто́ргшихся, и҆ въ са́мой вѣ́рѣ ̾ѿчꙋжди́вшихся: раско́льниками, раздѣли́вшихся въ мнѣ́нiяхъ ѡ҆ нѣ́которыхъ предме́тахъ церко́вныхъ, и҆ ѡ҆ вопро́сахъ, допꙋска́ющихъ ѹ҆врачева́нiе: а҆ самочи́нными сбо́рищами, собра̑нiя, составля́ємыя непоко́рными пресвѵ́терами, и҆ли` є҆пíскопами, и҆ ненаꙋче́ннымъ наро́домъ. Напримѣ́ръ, а҆́ще кто`, бы́въ ѡ҆бличе́нъ во грѣхѣ`, ѹ҆дале́нъ ̾ѿ священнослꙋже́нiя, не покори́лся пра́виламъ: а҆ са́мъ ѹ҆держа́лъ за собо́ю предстоя́нiе и҆ священнослꙋже́нiе, и҆ съ ни́мъ ̾ѿстꙋпи́ли нѣ́которые дрꙋгíе, ѡ҆ста́вивъ каѳолíческꙋю це́рковь: сiе` є҆́сть самочи́нное сбо́рище. Ѡ҆ покая́нiи мы́слити и҆на́кѡ, не́жели ка́къ сꙋ́щiе въ це́ркви, є҆́сть раско́лъ. Є҆́рєси же сꙋ́ть, напримѣ́ръ: манiхе́йская, валентiнiа́нская, маркiонíтская, и҆ си́хъ са́мыхъ пепꙋзiа́нъ. И҆́бо здѣ́сь є҆́сть ꙗ҆́вная ра́зность въ са́мой вѣ́рѣ въ бг҃а. Почемꙋ`, ̾ѿ нача́ла бы́вшымъ ѻ҆тца́мъ, ѹ҆го́дно бы́ло креще́нiе є҆ретiкѡ́въ совсѣ́мъ ̾ѿмета́ти: креще́нiе раско́льникѡвъ, ꙗ҆́кѡ є҆ще` не чꙋ́ждыхъ це́ркви, прiима́ти: а҆ находя́щихся въ самочи́нныхъ сбо́рищахъ и҆справля́ти прили́чнымъ покая́нiемъ и҆ ѡ҆браще́нiемъ, и҆ па́ки присоединя́ти къ це́ркви. Таки́мъ ѻ҆́бразомъ да́же находя́щiеся въ церко́вныхъ сте́пеняхъ, ̾ѿстꙋпи́въ кꙋ́пнѡ (с. т҃и) съ непоко́рными, когда` пока́ются, нерѣ́дкѡ прiе́млются па́ки въ то́тъ же чи́нъ. Пепꙋзiа́не же ꙗ҆́внѡ сꙋ́ть є҆ретiки`. И҆́бо ѻ҆ни` восхꙋли́ли на дх҃а ст҃а́го, нечести́вѡ и҆ безсты́днѡ присво́ивъ наименова́нiе ѹ҆тѣ́шителя монта́нꙋ и҆ прiскíллѣ. Посемꙋ`, боготворя́тъ ли ѻ҆ни` человѣ́кѡвъ, подлежа́тъ за сiе` ѡ҆сꙋжде́нiю: ѡ҆скорбля́ютъ ли дх҃а ст҃а́го, сра́внивая є҆го` съ человѣ́ками, и҆ въ се́мъ слꙋ́чаѣ пови́нны вѣ́чномꙋ ѡ҆сꙋжде́нiю, и҆́бо хꙋла` на дх҃а ст҃а́го не ̾ѿпꙋска́ется. Кака́я же была` бы соѻбра́зность призна́ти креще́нiе тѣ́хъ, кото́рые крестя́тъ во ѻ҆ц҃а`, и҆ сн҃а, и҆ въ монта́на и҆ли` прiскíллꙋ; и҆́бо не сꙋ́ть креще́ны крести́вшiеся въ то`, что` на́мъ не пре́дано. Посемꙋ` хотя` вели́кiй дiонѵ́сiй и҆ не примѣ́тилъ сегѡ`, но на́мъ не до́лжно соблюда́ти подража́нiя непра́вильномꙋ: и҆́бо нелѣ́пость сама` собо́ю ꙗ҆́вна, и҆ ꙗ҆́сна для всѣ́хъ, и҆мѣ́ющихъ хотя` нѣ́сколькѡ разсꙋжде́нiя. Каѳа́ры сꙋ́ть и҆з̾ числа` раско́льникѡвъ. Ѻ҆дна́кѡ ѹ҆го́дно бы́ло дрє́внимъ, ка́къ то кѷпрiа́нꙋ и҆ на́шемꙋ фiрмiлiа́нꙋ, є҆ди́номꙋ ѡ҆предѣле́нiю подчини́ти всѣ́хъ си́хъ: каѳа́рѡвъ, є҆нкратíтѡвъ, ѵ҆дропараста́тѡвъ, и҆ а҆потактíтѡвъ. И҆́бо, хотя` нача́ло ̾ѿстꙋпле́нiя произошло` чрез̾ раско́лъ, но ̾ѿстꙋпи́вшiе ̾ѿ це́ркви ѹ҆же` не и҆мѣ́ли на себѣ` благода́ти ст҃а́гѡ дх҃а. И҆́бо ѡ҆скꙋдѣ́ло преподая́нiе благода́ти, потомꙋ` что` пресѣ́клось зако́нное прее́мство. И҆́бо пе́рвые ̾ѿстꙋпи́вшiе полꙋчи́ли посвяще́нiе ̾ѿ ѻ҆тцє́въ, и҆, чрез̾ возложе́нiе рꙋ́къ и҆́хъ, и҆мѣ́ли дарова́нiе дꙋхо́вное. Но ̾ѿто́рженные, содѣ́лавшись мiря́нами, не и҆мѣ́ли вла́сти ни крести́ти, ни рꙋкополага́ти, и҆ не могли` препода́ти дрꙋги̑мъ благода́ть ст҃а́гѡ дх҃а, ̾ѿ кото́рой са́ми ̾ѿпа́ли. Почемꙋ` приходя́щихъ ̾ѿ ни́хъ къ це́ркви, ꙗ҆́кѡ креще́нныхъ мiря́нами, дре́внiе повелѣва́ли вно́вь ѡ҆чища́ти и҆́стин(с. т҃ѳ)нымъ церко́внымъ креще́нiемъ. Но поели́кꙋ нѣ́котѡрымъ въ а҆́сiи рѣши́тельнѡ ѹ҆го́дно бы́ло, ра́ди назида́нiя мно́гихъ, прiя́ти креще́нiе и҆́хъ: то да бꙋ́детъ ѻ҆но` прiе́млемо. Подоба́етъ же на́мъ ѹ҆смотрѣ́ти ѕлоꙋхищре́нiе є҆нкратíтѡвъ. Ѻ҆ни`, да содѣ́лаютъ себя` неꙋдобопрiе́млемыми для це́ркви, ѹ҆мы́слили предꙋскоря́я соверша́ти со́бственное креще́нiе, чрез̾ что` и҆ со́бственный сво́й ѻ҆бы́чай и҆змѣни́ли. И҆ та́къ, поели́кꙋ ѡ҆ ни́хъ ничегѡ` ꙗ҆́снѡ не и҆зречено`, мню`, ꙗ҆́кѡ прили́чно на́мъ ̾ѿверга́ти и҆́хъ креще́нiе: и҆ а҆́ще бы кто` прiя́лъ ̾ѿ ни́хъ ѻ҆́ное, такова́го приходя́щаго къ цр҃кви, крести́ти. Но а҆́ще сiе` и҆мѣ́етъ бы́ти препя́тствiемъ ѻ҆́бщемꙋ благосозида́нiю: то па́ки подоба́етъ держа́тися ѻ҆бы́чая, и҆ слѣ́довати ѻ҆тца́мъ, благоꙋсмотри́тельнѡ ѹ҆стро́ившымъ дѣла` на́ши. И҆́бо ꙗ҆́ ѡ҆паса́юся, что́бы на́мъ тогда`, ка́къ хо́щемъ ѹ҆держа́ти и҆`хъ ̾ѿ поспѣ́шнагѡ креще́нiя, не воспяти́ти спаса́емыхъ стро́гостiю ̾ѿлага́тельства. А҆́ще же ѻ҆ни` сохраня́ютъ на́ше креще́нiе, сiе` да не ѹ҆стыжда́етъ на́съ: и҆́бо мы` ѡ҆бя́заны не воздава́ти и҆`мъ за то` благода́рность, но покаря́тися пра́виламъ съ то́чностiю. Всемѣ́рнѡ же да бꙋ́детъ ѹ҆стано́влено, что́бы, по́слѣ и҆́хъ креще́нiя, приходя́щiе къ це́ркви, бы́ли помазꙋ́емы ̾ѿ вѣ́рныхъ, и҆ та́кѡ пристꙋпа́ли къ та́инствамъ. Впро́чемъ вѣ́даю, ꙗ҆́кѡ бра́тiй зѡíна и҆ саторнíна, бы́вшихъ въ и҆́хъ ѻ҆́бществѣ, мы` прiя́ли на каѳе́дрꙋ є҆пíскопскꙋю: почемꙋ` соедине́нныхъ съ и҆́хъ ѻ҆́бществомъ ѹ҆же` не мо́жемъ стро́гимъ сꙋдо́мъ ̾ѿчꙋжда́ти ̾ѿ це́ркви, постанови́въ, приня́тiемъ є҆пíскопѡвъ, ка́къ бы нѣ́кое пра́вило ѻ҆бще́нiя съ ни́ми.

ПРА́ВИЛО в҃.

Ѹ҆мы́шленнѡ погꙋби́вшая зача́тый во ѹ҆тро́бѣ пло́дъ, подлежи́тъ ѡ҆сꙋжде́нiю смертоꙋбíйства. То́н(с. т҃_i)кагѡ различе́нiя плода` ѡ҆бразова́вшагѡся, и҆ли` є҆ще` неѡбразо́ваннагѡ ѹ҆ на́съ нѣ́сть. И҆́бо здѣ́сь полага́ется взыска́нiе не то́кмѡ за и҆мѣ́вшее роди́тися, но и҆ за то`, что` навѣ́товала само́й себѣ`: поели́кꙋ жє́ны, ̾ѿ таковы́хъ покꙋше́нiй, весьма` ча́стѡ ѹ҆мира́ютъ. Съ си́мъ совокꙋпля́ется и҆ погꙋбле́нiе плода`, ꙗ҆́кѡ дрꙋго́е ѹ҆бíйство, ̾ѿ дерза́ющихъ на сiе` ѹ҆мы́шленнѡ. Впро́чемъ подоба́етъ не до кончи́ны простира́ти покая́нiе и҆́хъ, но прiима́ти и҆`хъ въ ѻ҆бще́нiе, по и҆сполне́нiи десяти` лѣ́тъ: врачева́нiе же и҆змѣря́ти не вре́менемъ, но ѻ҆́бразомъ покая́нiя.

ПРА́ВИЛО г҃.

Дiа́конъ, по прiя́тiи дiа́конства соблꙋди́вшiй, хотя` до́лженъ и҆зве́рженъ бы́ти ̾ѿ дiа́конства, но, по низведе́нiи на мѣ́сто мiря́нъ, да не ̾ѿлꙋча́ется ̾ѿ прiѡбще́нiя: и҆́бо дре́внее є҆́сть пра́вило, и҆зверга́емыхъ ̾ѿ свяще́ннагѡ сте́пени, подверга́ти семꙋ` то́кмѡ ѻ҆́бразꙋ наказа́нiя, въ че́мъ, ка́къ мнѣ` мни́тся, дре́внiе послѣ́довали ѻ҆́номꙋ зако́нꙋ: не ̾ѿмсти́ши два́жды за є҆ди́но{Наꙋ́м. гл. а҃, ст. ѳ҃.}. Є҆́сть же и҆ дрꙋга́я семꙋ` причи́на: и҆́бо находя́щiеся въ чи́нѣ мiря́нъ, бы́въ и҆зве́ржены ̾ѿ мѣ́ста вѣ́рныхъ, па́ки прiе́млются на мѣ́сто, съ кото́рагѡ низпа́ли. А҆ дiа́конъ подверга́ется наказа́нiю и҆зверже́нiя, продолжа́ющемꙋся навсегда`. И҆ та́къ ѻ҆ни` ѡ҆грани́чились си́мъ є҆ди́нымъ наказа́нiемъ, поели́кꙋ не возвраща́ется є҆мꙋ` дiа́конство. Та́кѡ по ѹ҆ста́вамъ. Воѻбще́ же и҆́стиннѣйшее врачева́нiе є҆́сть ѹ҆дале́нiе ̾ѿ грѣха`, та́къ что` ̾ѿве́ргшiй благода́ть, ра́ди ѹ҆дово́льствiя пло́ти, подае́тъ на́мъ соверше́нное доказа́тельство своегѡ` и҆сцѣле́нiя, а҆́ще съ сокрꙋше́нiемъ се́рдца, и҆ со вся́кимъ порабоще́нiемъ пло́ти воз(с. та҃_i)держа́нiю, ̾ѿстꙋ́питъ ̾ѿ ѹ҆дово́льствiй, кото́рыми совраще́нъ бы́лъ. И҆ та́къ подоба́етъ на́мъ и҆ то` и҆ дрꙋго́е вѣ́дати, и҆ принадлежа́щее къ соверше́нствꙋ покая́нiя, и҆ при́нятое въ ѻ҆бы́чай: для не достига́ющихъ же соверше́нства покая́нiя, послѣ́довати пре́данномꙋ ѹ҆ста́вꙋ.

ПРА́ВИЛО д҃.

Ѡ҆ троебра́чныхъ и҆ многобра́чныхъ мы` положи́ли то́ же пра́вило, како́е и҆ ѡ҆ второбра́чныхъ, по соразмѣ́рности. Второбра́чныхъ ̾ѿлꙋча́ютъ на го́дъ, а҆ дрꙋгíе на два`, троебра́чныхъ же на три`, а҆ ча́стѡ и҆ на четы́ре го́да, и҆ нарица́ютъ таковы́й сою́зъ ѹ҆же` не бра́комъ, но многоже́нствомъ, и҆ли` па́че нака́заннымъ блꙋдо́мъ. Посемꙋ` и҆ гд҃ⷭ҇ь самаряны́нѣ, премѣни́вшей пя́ть мꙋже́й, глаго́летъ: є҆го́же ны́нѣ и҆́маши, нѣ́сть ти` мꙋ́жъ{I҆ѡа́н. гл. д҃, ст. и҃_i.}, показꙋ́я тѣ́мъ, ꙗ҆́кѡ престꙋпи́вшiе предѣ́лъ второбра́чiя, ѹ҆же` не досто́йны нарица́тися и҆мена́ми мꙋ́жа и҆ли` жены`. Мы́ же не ̾ѿ пра́вила, но ̾ѿ послѣ́дованiя предше́ственникамъ, прiя́ли ѻ҆бы́чай, троебра́чныхъ ̾ѿлꙋча́ти на пя́ть лѣ́тъ. Впро́чемъ не до́лжно совсѣ́мъ загражда́ти для ни́хъ вхо́дъ въ цр҃ковь, но ѹ҆досто́ивати и҆`хъ слꙋ́шанiя писа́нiй два` и҆ли` три` го́да, а҆ посе́мъ допꙋска́ти до стоя́нiя, но ѹ҆де́рживати ̾ѿ прiѡбще́нiя святы́ни, и҆ та́кѡ, пока́зывающихъ нѣ́кiй пло́дъ покая́нiя, возстановля́ти на мѣ́сто ѻ҆бще́нiя.

ПРА́ВИЛО є҃.

Є҆ретiкѡ́въ, при кончи́нѣ ка́ющихся, подоба́етъ прiима́ти. Jа҆́вно же є҆́сть, ꙗ҆́кѡ прiима́ти не без̾ разсꙋжде́нiя, но со и҆спыта́нiемъ, и҆́стинное ли показꙋ́ютъ покая́нiе, и҆ и҆мѣ́ютъ ли плоды`, свидѣ́тельствꙋющiе тща́нiе ѡ҆ спасе́нiи.

(с. тв҃_i)

ПРА́ВИЛО ѕ҃.

Любодѣя̑нiя посвяще́нныхъ бг҃ꙋ да не ѡ҆браща́ются въ бра́къ, но вся́чески да расторга́ется и҆́хъ совокꙋпле́нiе. И҆́бо сiе` и҆ для ѹ҆твержде́нiя цр҃кви поле́зно, и҆ є҆ретiка́мъ не да́стъ слꙋ́чая ѹ҆коря́ти на́съ, а҆́ки бы привлека́емъ къ себѣ` попꙋще́нiемъ грѣха`.

ПРА́ВИЛО з҃.

Мꙋжело́жники, и҆ скотоло́жники, и҆ ѹ҆бíйцы, и҆ ѡ҆трави́тели, и҆ прелюбодѣ́и, и҆ i҆дѡлопокло́нники, тогѡ́ же ѡ҆сꙋжде́нiя досто́йны. Посемꙋ` пра́вило, како́е и҆мѣ́ешь ѡ҆ про́чихъ, соблюда́й и҆ ѡ҆ си́хъ: а҆ ѡ҆ прiя́тiи ка́явшихся три́десять лѣ́тъ въ нечистотѣ`, кото́рꙋю содѣ́лали въ невѣ́дѣнiи, и҆ сомнѣва́тися на́мъ не надлежа́ло. И҆́бо и҆ невѣ́дѣнiе твори́тъ и҆`хъ досто́йными снизхожде́нiя, и҆ доброво́льное и҆сповѣ́данiе, и҆ протече́нiе сто́ль до́лгагѡ вре́мени: и҆́бо ѻ҆ни` є҆два` не ве́сь вѣ́къ человѣ́ческiй пре́даны бы́ли сатанѣ`, да наꙋча́тся не безчи́нствовати. Посемꙋ`, повели` ѹ҆же` не̾ѿло́жнѡ прiя́ти и҆`хъ, и҆ наипа́че. а҆́ще и҆мѣ́ютъ сле́зы, преклоня́ющыя тебя` къ милосе́рдiю, и҆ ꙗ҆вля́ютъ житiе`, досто́йное ми́лованiя.

ПРА́ВИЛО и҃.

Во гнѣ́вѣ на свою` женꙋ` ѹ҆потреби́вшiй сѣки́рꙋ, є҆́сть ѹ҆бíйца. Справедли́вѡ же и҆ досто́йнѡ твоегѡ` благоразꙋ́мiя воспомянꙋ́лъ ты` мнѣ`, да рекꙋ` ѡ҆ се́мъ простра́ннѣе: и҆́бо мно́гѡ ра́зностей междꙋ` во́льнымъ и҆ нево́льнымъ А҆́ще кто` бро́сивъ ка́мень на пса`, и҆ли` на дре́во, попаде́тъ въ человѣ́ка: сiе` є҆́сть дѣ́ло соверше́ннѡ непроизво́льное, и҆ не бы́вшее въ намѣ́ренiи дѣ́йствꙋющагѡ: и҆́бо намѣ́ренiе є҆гѡ` бы́ло ̾ѿрази́ти ѕвѣ́ря, и҆ли` сби́ти пло́дъ, подве́ргшiйся же ѹ҆да́рꙋ, са́мъ собо́ю наше́лъ на него`, проходя` ми́мѡ: и҆ та́къ сiе` (с. тг҃_i) є҆́сть нево́льное. Нево́льное та́кожде и҆ то`, а҆́ще кто`, жела́я кого` и҆спра́вити, ѹ҆да́ритъ ремне́мъ, и҆ли` жезло́мъ не тяже́лымъ, и҆ бiе́мый ѹ҆́мретъ: и҆́бо здѣ́сь разсма́тривается намѣ́ренiе, ꙗ҆́кѡ ѻ҆́нъ хотѣ́лъ и҆спра́вити согрѣши́вшаго, а҆ не ѹ҆мертви́ти. Подо́бнымъ ѻ҆́бразомъ къ нево́льнымъ ѹ҆бíйствамъ принадлежи́тъ и҆ то`, а҆́ще кто`, защища́я себя` въ дра́кѣ, дре́вомъ и҆ли` рꙋко́ю, неща́днѡ нанесе́тъ проти́вникꙋ ѹ҆да́ръ въ ѻ҆па́сное мѣ́сто, и҆мѣ́въ намѣ́ренiе причини́ти бо́ль, а҆ не совсѣ́мъ ѹ҆би́ти: но сiе` ѹ҆же` приближа́ется къ во́льномꙋ ѹ҆бíйствꙋ: и҆́бо ѹ҆потреби́вшiй таково́е ѻ҆рꙋ́дiе къ защище́нiю, и҆ли` безща́днѡ нане́сшiй ѹ҆да́ръ ꙗ҆́венъ є҆́сть въ то́мъ, ꙗ҆́кѡ не пощади́лъ человѣ́ка, бꙋ́дꙋчи ѡ҆блада́емъ стра́стiю. Подо́бнѡ, ѹ҆потреби́вшiй въ ѻ҆рꙋ́дiе тяже́лое де́рево и҆ ка́мень, бо́льшiй си́лы человѣ́ческой, причисля́ется къ нево́льнымъ ѹ҆бíйцамъ, ꙗ҆́кѡ и҆но́е и҆мѣ́вшiй въ намѣ́ренiи, а҆ и҆но́е содѣ́лавшiй: и҆́бо ѻ҆́нъ во гнѣ́вѣ нане́съ тако́й ѹ҆да́ръ, что` ѹ҆мертви́лъ пораже́ннаго, хотя`, мо́жетъ бы́ть, намѣ́ренiе є҆гѡ` бы́ло то́кмѡ рази́ти, а҆ не совсѣ́мъ ѹ҆мертви́ти. Но кто` ѹ҆потреби́лъ ме́чь, и҆ли` что́ либо таково́е, то́тъ не и҆мѣ́етъ никако́гѡ и҆звине́нiя, и҆ ѻ҆со́беннѡ бро́сившiй въ кого́ либо сѣки́рꙋ. И҆́бо ѻ҆́нъ не и҆з̾ рꙋки` ѹ҆да́рилъ є҆го`, та́къ что́бы мѣ́ра ѹ҆да́ра зави́сѣла ̾ѿ негѡ`, но бро́силъ та́къ, что` ѹ҆да́рꙋ, и҆ ̾ѿ тя́жести желѣ́за, и҆ ̾ѿ ѻ҆строты` є҆гѡ`, и҆ ̾ѿ стремле́нiя чрез̾ большо́е простра́нство, по неѡбходи́мости надлежа́ло бы́ти смерте́льнымъ. Соверше́ннѡ та́кожде во́льное, и҆ въ се́мъ никако́мꙋ сомнѣ́нiю не подлежа́щее, є҆́сть то`, что` дѣ́лается разбо́йниками и҆ въ непрiя́тельскихъ наше́ствiяхъ: и҆́бо разбо́йники ѹ҆бива́ютъ, ра́ди де́негъ, и҆збѣга́я ѡ҆бличе́нiя (с. тд҃_i) въ ѕлодѣя́нiи: а҆ находя́щiеся на войнѣ` и҆́дꙋтъ на пораже́нiе сопроти́вныхъ, съ ꙗ҆́внымъ намѣ́ренiемъ, не ѹ҆страши́ти, ниже` вразꙋми́ти, но и҆стреби́ти ѻ҆́ныхъ. Є҆ще́ же, а҆́ще кто` напои́тъ кого́ либо та́йнымъ соста́вомъ [хотя` бы то` бы́ло для и҆ны́я нѣ́кiя причи́ны], и҆ ѹ҆мертви́тъ: такова́го признае́мъ во́льнымъ ѹ҆бíйцею. Сiе` ча́стѡ дѣ́лаютъ же́ны, покꙋша́яся нѣ́кими ѡ҆бая́нiями и҆ чарова́нiями, привлека́ти нѣ́кихъ въ любо́вь къ себѣ`, и҆ даю́щыя и҆`мъ враче́бные соста́вы, производя́щiе помраче́нiе ра́зꙋма. Хотя` таковы̑я, причини́въ сме́рть, содѣ́лали не то`, что` и҆мѣ́ли въ намѣ́ренiи: ѻ҆дна́кѡ, за волшебство` и҆ заня́тiе возбране́нное, причисля́ются къ во́льнымъ ѹ҆бíйцамъ. Посемꙋ` и҆ даю́щыя врачевство` для и҆зверже́нiя зача́тагѡ въ ѹ҆тро́бѣ, сꙋ́ть ѹ҆бíйцы, ра́внѡ и҆ прiе́млющыя дѣтоꙋбíйствєнныя ѻ҆тра́вы. Ѡ҆ се́мъ досе́лѣ.

ПРА́ВИЛО ѳ҃.

Гд҃ⷭ҇не и҆зрече́нiе, ꙗ҆́кѡ не позволи́тельно разрѣша́тися ̾ѿ бра́ка, ра́звѣ словесе` прелюбодѣ́йна{Матѳ. гл. є҃, ст. л҃в.}, по ра́зꙋмꙋ ѻ҆́нагѡ, ра́внѡ прили́чествꙋетъ и҆ мꙋжа́мъ и҆ же́намъ. Но не то` въ ѻ҆бы́чаѣ. Ѡ҆ жена́хъ нахо́димъ мно́гѡ стро́гихъ и҆зрече́нiй. А҆по́столъ глаго́летъ: ꙗ҆́кѡ прилѣпля́яйся сквернодѣ́йцѣ, є҆ди́но тѣ́ло є҆́сть{а҃ кор. гл. ѕ҃, ст. ѕ҃_i.}. и҆ i҆еремíа: а҆́ще бꙋ́детъ жена` мꙋ́жꙋ и҆но́мꙋ, не возврати́тся къ мꙋ́жꙋ своемꙋ`, но ѡ҆скверни́вшися ѡ҆скверни́тся{I҆ерем гл. г҃. ст. а҃.}. и҆ па́ки: держа́й прелюбодѣ́йцꙋ, безꙋ́менъ и҆ нечести́въ{При́тч. гл. и҃_i, ст. к҃г.}. Жена́мъ же ѻ҆бы́чай повелѣва́етъ ѹ҆де́рживати мꙋже́й свои́хъ, хотя` ѻ҆ни` прелюбодѣ́йствꙋютъ и҆ въ блꙋдѣ` сꙋ́ть. Посемꙋ` не зна́ю, мо́жетъ ли пря́мѡ прелюбодѣ́йцею нарещи́ся живꙋ́щая съ мꙋ́(с. тє҃_i)жемъ, ѡ҆ста́вленнымъ свое́ю жено́ю: и҆́бо здѣ́сь ѡ҆бвине́нiе па́даетъ на ѡ҆ста́вившꙋю мꙋ́жа, по како́й причи́нѣ ѻ҆на` ̾ѿстꙋпи́ла ̾ѿ бра́ка. И҆́бо а҆́ще потомꙋ`, ꙗ҆́кѡ бiе́ма была`, и҆ не стерпѣ́ла ѹ҆да́рѡвъ: то подоба́ло па́че претерпѣ́ти, не́жели разлꙋча́тися съ сожи́телемъ: а҆́ще потомꙋ`, ꙗ҆́кѡ не стерпѣ́ла ѹ҆тра́ты и҆мѣ́нiя, и҆ се́й предло́гъ не досто́инъ ѹ҆важе́нiя. А҆́ще же и҆ потомꙋ`, ꙗ҆́кѡ мꙋ́жъ є҆я` живе́тъ въ блꙋдѣ`, наблюде́нiя сегѡ` не и҆мѣ́емъ въ цр҃ко́вномъ ѻ҆бы́чаѣ: но и҆ ̾ѿ невѣ́рнагѡ мꙋ́жа не повелѣно` разлꙋча́тися женѣ`, а҆ пребыва́ти съ ни́мъ, по неизвѣ́стности, что` послѣ́дꙋетъ. Что́ бо вѣ́си же́но, а҆́ще мꙋ́жа спасе́ши{а҃ кор. гл. з҃, ст. ѕ҃_i.}; Посемꙋ` жена`, ѡ҆ста́вившая своего` мꙋ́жа, є҆́сть прелюбодѣ́йца, а҆́ще перешла` къ дрꙋго́мꙋ мꙋ́жꙋ: а҆ мꙋ́жъ ѡ҆ста́вленный, досто́инъ снизхожде́нiя, и҆ сожи́тельствꙋющая съ ни́мъ не ѡ҆сꙋжда́ется. А҆́ще же мꙋ́жъ, ̾ѿстꙋпи́въ ̾ѿ жены`, по́йметъ и҆нꙋ́ю: то и҆ са́мъ ѻ҆́нъ є҆́сть прелюбодѣ́й, поне́же твори́тъ ю҆` прелюбодѣ́йствовати, и҆ живꙋ́щая съ ни́мъ є҆́сть прелюбодѣ́йца: поели́кꙋ ̾ѿвлекла` къ себѣ` чꙋжа́го мꙋ́жа.

ПРА́ВИЛО _i҃.

Кленꙋ́щiеся не прiима́ти рꙋкоположе́нiя, когда` произнесли` кля́твꙋ, да не принꙋжда́ются нарꙋша́ти ѻ҆́нꙋю. И҆́бо хотя` и҆ мни́тся бы́ти нѣ́кое пра́вило, снисходя́щее таковы̑мъ: ѻ҆дна́кѡ мы` дозна́ли ѻ҆́пытомъ, что` не благопоспѣ́шествꙋется постꙋпи́вшымъ проти́вꙋ кля́твы. До́лжно же разсма́тривати и҆ ѻ҆́бразъ кля́твы, и҆ сло́ва и҆ расположе́нiе, съ кото́рымъ ѻ҆ни` кляли́ся, и҆ тѡ́нкiя въ слова́хъ прибавлє́нiя: и҆ а҆́ще ни съ како́й стороны` нѣ́тъ никако́гѡ ѡ҆блегче́нiя ̾ѿ си́лы кля́твы, то подоба́етъ соверше́ннѡ ѡ҆став(с. тѕ҃_i)ля́ти таковы́хъ. Дѣ́ло же севи́ра, и҆ли` поста́вленнагѡ и҆́мъ пресвѵ́тера, по моемꙋ` мнѣ́нiю [а҆́ще и҆ твое` съ мои́мъ согла́сно], полꙋча́етъ нѣ́которое разрѣше́нiе кля́твы слѣ́дꙋющимъ ѻ҆́бразомъ. Село` ѻ҆́ное, въ кото́рое произведе́нъ человѣ́къ се́й, подчине́нное до ны́нѣ мiсѳíи, повели` причи́слити къ маса́дамъ: и҆́бо таки́мъ ѻ҆́бразомъ, и҆ ѻ҆́нъ не бꙋ́детъ клятвопрестꙋ́пникомъ, не преходя` ̾ѿ мѣ́ста, и҆ ло́ггiнъ, и҆мѣ́я съ собо́ю кѷрiа́ка, не ѹ҆праздни́тъ це́ркви, и҆ не подве́ргнетъ дꙋши` свое́й ѡ҆сꙋжде́нiю, за ѡ҆пꙋстѣ́нiе ѻ҆́ныя: и҆ мы` не возмни́мся дѣ́лати нѣ́что проти́вꙋ пра̑вилъ, снисходя` къ кѷрiа́кꙋ, кото́рый кля́лся пребыва́ти въ мiнда́нахъ, но согласи́лся переведе́нъ бы́ти. И҆́бо возвраще́нiе є҆гѡ` бꙋ́детъ соблюде́нiемъ кля́твы: а҆ є҆мꙋ` поко́рность распоряже́нiю не вмѣни́тся въ клятвопрестꙋпле́нiе: поели́кꙋ къ кля́твѣ є҆гѡ` не бы́ло присовокꙋ́плено тогѡ`, ꙗ҆́кѡ ѻ҆́нъ ниже` на кра́ткое вре́мя не ѡ҆ста́витъ мiнда́нѡвъ, но во все` про́чее вре́мя пребꙋ́детъ та́мѡ. Севи́рꙋ же, и҆звиня́ющемꙋся забве́нiемъ, мы` прости́мъ, ре́кше, ꙗ҆́кѡ вѣ́дꙋщiй та́йное, не попꙋ́ститъ це́ркви свое́й понести` вре́дъ ̾ѿ тогѡ`, кто` въ нача́лѣ постꙋпа́лъ не по пра́виламъ, но связа́лъ себя` кля́твою вопреки` є҆ѵа́нгелiю: кто` перемѣще́нiемъ ѹ҆чи́лъ клятвопрестꙋпле́нiю, ны́нѣ же лже́тъ притво́рнымъ забве́нiемъ. Но поели́кꙋ мы` не сꙋдiи` серде́цъ, но сꙋ́димъ потомꙋ`, что` слы́шимъ: то гд҃ⷭ҇ꙋ предѡста́вимъ ̾ѿмще́нiе, а҆ са́ми без̾ сомнѣ́нiя прiи́мемъ є҆го`, да́въ проще́нiе забве́нiю, ꙗ҆́кѡ не́мощи человѣ́ческой.

ПРА́ВИЛО а҃_i.

Нево́льное содѣ́лавшiй ѹ҆бíйство, дово́льное поне́съ наказа́нiе, бы́въ ̾ѿлꙋче́нъ въ продолже́нiи є҆динона́десяти лѣ́тъ. И҆́бо ꙗ҆́вно є҆́сть, ꙗ҆́кѡ ѡ҆ полꙋчи́вшихъ (с. тз҃_i) ра̑ны мы` должны` соблюда́ти мѡѷсе́евъ зако́нъ{И҆сх. гл. к҃а, ст. и҃_i, ѳ҃_i.}, и҆ сле́гшаго на ѻ҆́дръ ̾ѿ полꙋче́нныхъ ра́нъ, но пото́мъ па́ки ходи́вшаго, при по́мощи жезла`, не почита́ти ѹ҆би́тымъ: а҆́ще же и҆ не вста́лъ по́слѣ ра́нъ, но поне́же би́вшiй не хотѣ́лъ ѹ҆мертви́ти є҆го`: то ѻ҆́нъ є҆́сть, хотя` и҆ ѹ҆бíйца, ѻ҆дна́кѡ, по намѣ́ренiю, нево́льный.

ПРА́ВИЛО в҃_i.

Двоеже́нцамъ пра́вило{А҆по́ст. з҃_i.} соверше́ннѡ возбрани́ло бы́ти слꙋжи́телями це́ркви.

ПРА́ВИЛО г҃_i.

Ѹ҆бiе́нiе на бра́ни ѻ҆тцы` на́ши{См. посла́нiе св. а҆ѳана́сiа къ а҆ммꙋ́нꙋ мона́хꙋ. Валсамѡ́нъ и҆ зѡна́ръ согла́снѡ замѣча́ютъ, что` предполага́емый св. васíлiемъ совѣ́тъ воѻбще` не бы́лъ ѹ҆потребля́емъ въ дѣ́йствiе, ка́къ по неꙋдо́бности, та́къ и҆ по ѹ҆важе́нiямъ, въ нача́лѣ сегѡ́ же пра́вила и҆зложє́ннымъ.} не вмѣня́ли за ѹ҆бíйство, и҆звиня́я, ка́къ мни́тся мнѣ`, побо́рникѡвъ цѣломꙋ́дрiя и҆ благоче́стiя. Но мо́жетъ бы́ть добро` бы́ло бы совѣ́товати, что́бы ѻ҆ни`, ка́къ и҆мѣ́ющiе нечи́стыя рꙋ́ки, три` го́да ѹ҆держа́лися ̾ѿ прiѡбще́нiя то́кмѡ ст҃ы́хъ та̑инъ.

ПРА́ВИЛО д҃_i.

Взе́млющiй ли́хвꙋ, а҆́ще восхо́щетъ непра́веднꙋю коры́сть и҆стощи́ти на ни́щихъ, и҆ впре́дь ̾ѿ недꙋ́га любостяжа́нiя свобо́денъ бы́ти, мо́жетъ при́нятъ бы́ти въ свяще́нство.

ПРА́ВИЛО є҃_i.

Дивлю́ся же, ꙗ҆́кѡ ты` тре́бꙋеши ̾ѿ писа́нiя бꙋква́льныя то́чности, и҆ дꙋ́маеши, ꙗ҆́кѡ рече́нiе перево́да є҆́сть принꙋжде́нно, когда` ѻ҆́нъ хорошѡ` выража́етъ ѡ҆знача́емый и҆́мъ предме́тъ, но не прелага́етъ со́бственнѡ значе́нiя сло́ва є҆вре́йскагѡ. Впро́чемъ не до́лжно без̾ внима́нiя прейти` вопроше́нiе, предложе́нное мꙋ́жемъ любозна́тельнымъ. Пти̑цы небє́сныя и҆ ры̑бы морскíя, и҆ при сотворе́нiи мíра, (с. ти҃_i) и҆мѣ́ли ѻ҆дина́ковое происхожде́нiе: поели́кꙋ ѻ҆́ба сiи` ро́ды живо́тныхъ и҆зведены` и҆з̾ воды`: причи́на же семꙋ` та`, ꙗ҆́кѡ ѻ҆́ба и҆мѣ́ютъ ѻ҆дно` и҆ то́ же сво́йство. И҆́бо ѻ҆днѣ` пла́ваютъ въ водѣ`, а҆ дрꙋгíя пла́ваютъ по во́здꙋхꙋ. Посемꙋ` и҆ ѹ҆помя́нꙋто ѡ҆ ни́хъ совокꙋ́пнѡ. Соста́въ же сло́въ ѱалма`{Сiе` ̾ѿно́сится къ гре́ческимъ слова́мъ ѱалма` и҃, стiха` ѳ҃: <::греч>та` петеiна` тоѵ̑ оѵ҆раноѵ̑, каi` тоѵ`_с i҆хѳѵ́а_с ти̑_с ѳала́сси_с, та` дiапореѵо́мена трíвоѵ_с ѳалассѡ̑н, <::слав>въ кото́рыхъ ви́дъ несоѻбра́зности грамматíческой пода́лъ по́водъ св. а҆мфiло́хiю къ вопро́сꙋ, и҆ св. васíлiю къ настоя́щемꙋ и҆з̾ясне́нiю.} не то́чнѡ соѡбраже́нъ въ ̾ѿноше́нiи къ ры́бамъ, но въ ̾ѿноше́нiи ко всѣ̑мъ тва́рямъ, живꙋ́щымъ въ вода́хъ, соверше́ннѡ пра́виленъ. И҆́бо человѣ́кꙋ поко́рны пти̑цы небє́сныя и҆ ры̑бы морскíя, и҆ не сiи` то́кмѡ, но и҆ всѣ` тва̑ри, преходя́щыя стєзи` морскíя. И҆́бо не все` живꙋ́щее въ водѣ` є҆́сть ры́ба, ка́къ то: китоѻбра́зныя живѡ́тныя, ки́ты, зиге́ны, дельфи́ны, тюлени`, є҆ще́ же ко́ни, псы`, пилы̑, и҆ мечи` ры̑бы, и҆ морскíя кра̑вы: и҆ є҆́стьли ѹ҆го́дно, кропи̑вы, и҆ гре́бни, и҆ всѣ` черепокѡ́жныя, и҆з̾ ко́ихъ ни є҆ди́но не є҆́сть ры́ба, всѣ́ же сꙋ́ть преходя́щыя стєзи` морскíя. Таки́мъ ѻ҆́бразомъ три` сꙋ́ть ро́да: пти̑цы небє́сныя, ры̑бы морскíя, и҆ тѣ` живѡ́тныя, ѡ҆бита́ющыя въ вода́хъ, котѡ́рыя ̾ѿлича́ются ̾ѿ ры́бъ, но та́кожде прехо́дятъ стєзи` морскíя.

ПРА́ВИЛО ѕ҃_i.

Неема́нъ вели́къ не ѹ҆ гд҃ⷭ҇а, но ѹ҆ господи́на своегѡ`: то́ є҆сть, ѻ҆́нъ бы́лъ є҆ди́нымъ и҆з̾ вельмо́жъ ѹ҆ царя` сѵ́рскагѡ. И҆ та́къ вника́й въ писа́нiе съ то́чностiю, и҆ въ не́мъ само́мъ ѡ҆бря́щеши разрѣше́нiе вопро́са.

(с. тѳ҃_i)

ТОГѠ́ ЖЕ КЪ ТОМꙊ́ ЖЕ КАНОНÍЧЕСКОЕ посла́нiе второ́е.

ПРЕДИСЛО́ВIЕ.

Давнѡ` написа́въ ̾ѿвѣ́ты на вопрошє́нiя, предложе́нныя мнѣ` ̾ѿ твоегѡ` благоче́стiя, не посла́лъ ꙗ҆́ сегѡ` писа́нiя, бы́въ ѹ҆де́ржанъ, ча́стiю болѣ́знiю продолжи́тельною и҆ ѻ҆па́сною, ча́стiю же недоста́ткомъ слꙋжа́щихъ. И҆́бо не мно́гѡ ѹ҆ на́съ люде́й и҆ зна́ющихъ пꙋ́ть, и҆ гото́выхъ на таковы́я послꙋша̑нiя. Посемꙋ` ѹ҆зна́въ причи́ны замедле́нiя, да́й на́мъ проще́нiе въ ѻ҆́номъ. Ѹ҆диви́лся же ꙗ҆́ твое́й любви` къ ѹ҆че́нiю, и҆ кꙋ́пнѡ твоемꙋ` смиренномꙋ́дрiю. И҆́бо ты` хо́щешь ѹ҆чи́тися, когда` тебѣ` ввѣ́ренъ чи́нъ ѹ҆ча́щагѡ, и҆ прито́мъ ѹ҆чи́тися ̾ѿ на́съ, когда` ѹ҆ на́съ нѣ́тъ ничегѡ` вели́кагѡ, въ ̾ѿноше́нiи къ позна́нiю. Ѻ҆дна́кѡ, поели́кꙋ ты`, ра́ди стра́ха бж҃iя, не ̾ѿрека́ешься твори́ти дѣ́ло, кото́рое не легкѡ` содѣ́лалося бы ̾ѿ дрꙋга́гѡ: то должны` и҆ мы` твоемꙋ` расположе́нiю и҆ благо́мꙋ тща́нiю споспѣ́шествовати, да́же па́че си́лы.

ПРА́ВИЛО з҃_i.

Вопроша́лъ ты` на́съ ѡ҆ пресвѵ́терѣ вiано́рѣ, мо́жетъ ли ѻ҆́нъ при́нятъ бы́ти въ кли́ръ, по́слѣ (с. т҃к) да́нной и҆́мъ кля́твы; По́мню, ꙗ҆́кѡ для а҆нтiохíйскагѡ кли́ра ѹ҆же` и҆зложи́лъ ꙗ҆́ нѣ́кое ѻ҆́бщее ѡ҆предѣле́нiе ѡ҆ всѣ́хъ кля́вшихся кꙋ́пнѡ съ ни́мъ, то́ є҆сть, да ѹ҆страня́ются ѻ҆ни` ̾ѿ всенаро́дныхъ собра́нiй, ча́стнѡ же да дѣ́йствꙋютъ пресвѵ́терски. Си́мъ са́мымъ и҆ є҆мꙋ` дае́тся разрѣше́нiе для є҆гѡ` слꙋже́нiя: потомꙋ` что` свяще́нство є҆гѡ` не въ а҆нтiохíи, но во i҆конíи, кото́рꙋю, ка́къ ты` на́мъ писа́лъ, ѻ҆́нъ и҆збра́лъ для жи́тельства, вмѣ́стѡ а҆нтiохíи. И҆ та́къ мо́жетъ при́нятъ бы́ти ѻ҆́ный мꙋ́жъ: то́кмѡ твое` благоче́стiе да востре́бꙋетъ ̾ѿ негѡ` раска́янiя въ поползнове́нности къ кля́твѣ, кото́рꙋю ѻ҆́нъ да́лъ человѣ́кꙋ невѣ́рномꙋ, не возмо́гши понести` безпоко́йства ̾ѿ ѻ҆́нагѡ ма́лагѡ бѣ́дствiя.

ПРА́ВИЛО и҃_i.

Ѡ҆ па́дшихъ дѣ́вахъ, ѡ҆бѣща́вшихся гд҃ⷭ҇ꙋ въ чистотѣ` жи́ти, но пото́мъ впа́дшихъ въ плотскíя стра̑сти и҆ ѻ҆бѣ́ты свои` нарꙋ́шившихъ, ѻ҆тцы` на́ши, про́стѡ и҆ кро́ткѡ снисходя` къ не́мощамъ поползнꙋ́вшихся, законоположи́ли: прiима́ти и҆`хъ по проше́ствiи го́да, ѹ҆чредя` сiе` по примѣ́рꙋ двоебра́чныхъ. Но поели́кꙋ, бл҃года́тiю хр҃ⷭ҇то́вою, це́рковь съ тече́нiемъ вре́мени стано́вится крѣпча́йшею, и҆ чи́нъ дѣ́въ ны́нѣ ѹ҆множа́ется: то мни́тся мнѣ`, ꙗ҆́кѡ подоба́етъ съ то́чностiю вника́ти въ дѣ́ло, по са́момꙋ ѡ҆ не́мъ поня́тiю ѻ҆чеви́дное, и҆ въ ра́зꙋмъ писа́нiя, кото́рый мо́жно ѡ҆брѣсти` по заключе́нiю. И҆́бо вдо́вство ни́же дѣ́вства: посемꙋ` и҆ грѣ́хъ вдови́цъ мно́гѡ ле́гче грѣха` дѣ́въ. Посмо́тримъ, что` пи́сано па́ѵломъ къ тiмоѳе́ю: ю҆́ныхъ же вдови́цъ ̾ѿрица́йся: є҆гда́ бо разсвирѣ́пѣютъ проти́вꙋ хр҃ⷭ҇та`, посяга́ти хотя́тъ, и҆мꙋ́щыя грѣ́хъ, ꙗ҆́кѡ пе́рвыя вѣ́ры ̾ѿверго́шася{а҃ тiм. гл. є҃, ст. а҃_i, в҃_i.}. И҆ та́къ (с. тк҃а) є҆́стьли вдови́ца подлежи́тъ тягча́йшемꙋ ѡ҆сꙋжде́нiю, ка́къ бы ̾ѿве́ргшая вѣ́рꙋ во хр҃ⷭ҇та`: то что` до́лжно на́мъ заключа́ти ѡ҆ дѣ́вѣ, кото́рая є҆́сть невѣ́ста хр҃ⷭ҇то́ва, и҆ сосꙋ́дъ святы́й, посвяще́нный гд҃ⷭ҇ꙋ; Вели́къ грѣ́хъ, когда` и҆ раба`, преда́въ себя` та́йномꙋ бра́кꙋ, напо́лнитъ до́мъ развра́томъ, и҆ хꙋды́мъ житiе́мъ ѡ҆скорбля́етъ стяжа́вшаго є҆е`: но гора́здѡ тягча́е то`, когда` невѣ́ста содѣ́лается прелюбодѣ́йцею, и҆ ѡ҆безче́стивъ сою́зъ сво́й съ женихо́мъ, преда́стъ себя` неѡбꙋ́зданномꙋ сладостра́стiю. И҆ та́къ вдови́ца ѡ҆сꙋжда́ется, ка́къ растлѣ́нная раба`, а҆ дѣ́ва подлежи́тъ ѡ҆сꙋжде́нiю прелюбодѣ́йцы. Ка́къ совокꙋпля́ющагося съ чꙋже́ю жено́ю называ́емъ прелюбодѣ́емъ, и҆ не пре́жде прiе́млемъ въ ѻ҆бще́нiе, ра́звѣ когда` преста́нетъ ̾ѿ грѣха`: таковы́мъ же ѻ҆́бразомъ да постꙋпа́емъ и҆ съ пое́мшимъ дѣ́вꙋ. Потре́бно же на́мъ тепе́рь и҆з̾яви́ти то`, что` дѣ́вою и҆менꙋ́ется доброво́льнѡ посвяти́вшая себя` гд҃ⷭ҇ꙋ, ̾ѿре́кшаяся ̾ѿ бра́ка и҆ предпоче́тшая жи́ти во ѡ҆свяще́нiи. Ѻ҆бѣ́ты же тогда` признае́мъ дѣйстви́тельными, когда` во́зрастъ дости́гъ соверше́ннагѡ ра́зꙋма: и҆́бо дѣ́тскiя слова` въ се́мъ дѣ́лѣ не подоба́етъ почита́ти соверше́ннѡ тве́рдыми. Но и҆мѣ́ющꙋю бо́лѣе шестина́десяти и҆ли` седмина́десяти лѣ́тъ во́зраста, и҆мѣ́ющꙋю вла́сть над̾ свои́ми помышле́нiями, до́лгѡ и҆спытꙋ́емꙋю и҆ пребы́вшꙋю тве́рдою въ намѣ́ренiи и҆ съ моле́нiемъ прося́щꙋю ѡ҆ свое́мъ приня́тiи, подоба́етъ наконе́цъ прiима́ти въ чи́нъ дѣ́въ, и҆ ѻ҆бѣ́тъ таковы́я ѹ҆твержда́ти, и҆ за нарꙋше́нiе нака́зывати не̾ѿмѣ́ннѡ. И҆́бо мно́гихъ роди́тели, и҆ бра́тiя, и҆ нѣ́кiе и҆з̾ ро́дственникѡвъ, пре́жде соверше́ннагѡ во́зраста, приво́дятъ, не по со́бственномꙋ и҆́хъ стремле́нiю къ безбра́чiю, но промышля́я чрез̾ то` для себя` нѣ́что жите́йское: таковы́хъ не до́лжно легкѡ` (с. тк҃в) прiима́ти, доко́лѣ не ѹ҆зна́емъ ꙗ҆́снѡ со́бственнагѡ и҆́хъ расположе́нiя.

ПРА́ВИЛО ѳ҃_i.

Ѻ҆бѣ́тѡвъ мꙋже́й не зна́емъ и҆ны́хъ, ка́къ ра́звѣ, кото́рые причи́слили себя` къ чи́нꙋ мона́шествꙋющихъ, кото́рые молча́нiемъ показꙋ́ютъ, ꙗ҆́кѡ прiе́млютъ безбра́чiе. Но и҆ для си́хъ прили́чнымъ бы́ти мню` предвари́тельнѡ, да вопроша́ются, и҆ да прiе́млется ̾ѿ ни́хъ ꙗ҆́сный ѻ҆бѣ́тъ дѣ́вства: и҆ а҆́ще совратя́тся къ плотоꙋго́дномꙋ и҆ сладостра́стномꙋ житiю`: да подпадꙋ́тъ є҆пiтiмiи`, положе́нной для любодѣ́йствꙋющихъ.

ПРА́ВИЛО к҃.

А҆́ще котѡ́рыя и҆з̾ же́нскагѡ по́ла, бы́вши въ є҆́реси, да́ли ѻ҆бѣ́тъ дѣ́вства, но пото́мъ и҆збра́ли бра́къ: ѡ҆ таковы́хъ мню`, ꙗ҆́кѡ не подоба́етъ ѡ҆сꙋжда́ти и҆`хъ: є҆ли̑ка бо зако́нъ глаго́летъ, сꙋ́щымъ въ зако́нѣ глаго́летъ{Рим. гл. г҃, ст. ѳ҃_i.}. Но тѣ`, котѡ́рыя є҆ще` не взя́ли на себя` и҆́га хр҃ⷭ҇то́ва, не зна́ютъ и҆ законоположе́нiя гд҃ⷭ҇ня. Посемꙋ` ѻ҆нѣ` мо́гꙋтъ со всѣ́ми прiе́млемы бы́ти въ цр҃ковь, и҆ полꙋча́ютъ въ се́мъ слꙋ́чаѣ проще́нiе, чрез̾ приня́тiе вѣ́ры во хр҃ⷭ҇та`, и҆ воѻбще` все`, содѣ́ланное въ житiи` ѡ҆глаше́нныхъ, не подверга́ется и҆стяза́нiю. Jа҆́вно же є҆́сть, ꙗ҆́кѡ цр҃ковь не прiе́млетъ таковы́хъ без̾ креще́нiя: посемꙋ` неѡбходи́мѣйшꙋю для ни́хъ потре́бность составля́ютъ преимꙋ́щества возрожде́нiя.

ПРА́ВИЛО к҃а.

А҆́ще мꙋ́жъ, сожи́тельствꙋя женѣ`, и҆ пото́мъ не дово́льствꙋяся бра́комъ, впаде́тъ въ блꙋ́дъ: такова́го почита́емъ блꙋднико́мъ, и҆ надо́лгѡ ѡ҆ставля́емъ є҆го` под̾ є҆пiтiмiе́ю. Впро́чемъ не и҆мѣ́емъ пра́вила подверга́ти є҆го` винѣ` прелюбодѣя́нiя, а҆́ще грѣ́хъ содѣ́ланъ съ свобо́дною ̾ѿ бра́ка. И҆́бо (с. тк҃г) рече́но: прелюбодѣ́йца скверня́щися ѡ҆скверни́тся, и҆ къ мꙋ́жꙋ своемꙋ` не возврати́тся{I҆ерем. гл. г҃, ст. а҃.}. та́кожде: держа́щiй прелюбодѣ́йцꙋ безꙋ́менъ и҆ нечести́въ{При́тч. гл. и҃_i, ст. к҃г.}. Но соблꙋди́вшiй не ̾ѿлꙋча́ется ̾ѿ сожи́тельства съ жено́ю свое́ю, и҆ жена` должна` приня́ти мꙋ́жа своего`, ѡ҆браща́ющагося ̾ѿ блꙋда`: но мꙋ́жъ ѡ҆скверне́ннꙋю женꙋ` и҆згоня́етъ и҆з̾ своегѡ` до́ма. Причи́нꙋ семꙋ` да́ти не легко`, но та́кѡ при́нято въ ѻ҆бы́чай.

ПРА́ВИЛО к҃в.

И҆мѣ́ющихъ же́нъ, посре́дствомъ похище́нiя, а҆́ще ѡ҆брꙋче́нныхъ дрꙋги́мъ ̾ѿто́ргли, не пре́жде подоба́етъ прiима́ти на покая́нiе, ра́звѣ когда` ѻ҆нѣ` взя́ты бꙋ́дꙋтъ ̾ѿ ни́хъ, и҆ пре́жде ѡ҆брꙋчи́вшымся съ ни́ми предоста́влена бꙋ́детъ вла́сть, и҆ли` взя́ти и҆`хъ, а҆́ще восхотя́тъ, и҆ли` ̾ѿпꙋсти́ти. А҆́ще же кто` похи́титъ неѡбрꙋче́ннꙋю: то надлежи́тъ ̾ѿя́ти є҆е`, возврати́ти ро́дственникамъ, и҆ преда́ти во́лѣ сво́йственникѡвъ, бꙋ́дꙋтъ ли то` роди́тели, бра́тiя, и҆ли` и҆ны́е попечи́тели ѡ҆ дѣви́цѣ: и҆ а҆́ще соизво́лятъ ̾ѿда́ти є҆мꙋ`, то тве́рдо да бꙋ́детъ сожи́тiе: а҆́ще же не соглася́тся, то да не принꙋжда́ются. Взя́вшiй женꙋ`, по растлѣ́нiи є҆я`, и҆ли` та́йномъ, и҆ли` наси́льственномъ, непремѣ́ннѡ до́лженъ прiя́ти цр҃ко́вное наказа́нiе блꙋда`. Наказа́нiе же блꙋдника́мъ ѡ҆предѣлено` на четы́ре го́да. Въ пе́рвый надлежи́тъ ѹ҆даля́ти и҆`хъ ̾ѿ моли́твъ, и҆ пла́кати и҆`мъ ѹ҆ двере́й цр҃ко́вныхъ. Во вторы́й прiима́ти и҆`хъ къ слꙋ́шанiю писа́нiй. Въ тре́тiй къ покая́нiю. Въ четве́ртый къ стоя́нiю съ наро́домъ, но ѹ҆де́рживати ̾ѿ прича́стiя. Пото́мъ допꙋска́ти и҆`хъ до причаще́нiя святы́хъ та̑инъ.

ПРА́ВИЛО к҃г.

Ѡ҆ пое́млющихъ въ сꙋпрꙋ́жество двꙋ́хъ се́стръ, и҆ли` (с. тк҃д) сочетава́ющихся съ двꙋмя` бра́тiями, дано` ̾ѿ на́съ посла́нiе{Къ дiодѡ́рꙋ та́рскомꙋ. Смотри` ниже` пра́в. п҃з.}, ко́егѡ спи́сокъ мы` посла́ли къ твоемꙋ` благоче́стiю. А҆ взя́вшiй женꙋ` своегѡ` бра́та не пре́жде прiи́мется, ра́звѣ когда` ѡ҆ста́витъ є҆е`.

ПРА́ВИЛО к҃д.

Вдовꙋ`, причте́ннꙋю въ число` вдови́цъ, то́ є҆сть, ̾ѿ цр҃кви снабдѣва́емꙋю, а҆по́столъ повелѣва́етъ ѡ҆ста́вити без̾ попече́нiя, а҆́ще пося́гнетъ за мꙋ́жа. А҆ для мꙋ́жа ѡ҆вдовѣ́вшагѡ не положено` никако́гѡ зако́на: довлѣ́етъ для негѡ` є҆пiтiмiя` двоебра́чныхъ. Вдова` шестидесятилѣ́тняя, а҆́ще па́ки восхо́щетъ сожи́тельствовати мꙋ́жꙋ, да не ѹ҆досто́ится прiѡбще́нiя святы́ни, доко́лѣ не преста́нетъ ̾ѿ стра́стныя нечистоты`. А҆́ще же, пре́жде шести́десяти лѣ́тъ, причте́мъ є҆е` въ число` вдови́цъ, то на́ша вина`, а҆ не жены` сея`.

ПРА́ВИЛО к҃є.

И҆мѣ́ющiй жено́ю растлѣ́ннꙋю ̾ѿ негѡ`, за растлѣ́нiе да подверга́ется є҆пiтiмiи`, но да бꙋ́детъ є҆мꙋ` позво́лено и҆мѣ́ти є҆е` жено́ю.

ПРА́ВИЛО к҃ѕ.

Блꙋ́дъ не є҆́сть бра́къ, и҆ да́же не нача́ло бра́ка. Посемꙋ` совокꙋпи́вшихся посре́дствомъ блꙋда`, лꙋ́чше є҆́сть разлꙋча́ти, а҆́ще возмо́жно. А҆́ще же всемѣ́рнѡ де́ржатся сожи́тiя, то да прiи́мꙋтъ є҆пiтiмiю` блꙋда`: но да ѡ҆ста́вятся въ сожи́тiи бра́чномъ, да не го́ршее что` бꙋ́детъ.

ПРА́ВИЛО к҃з.

Ѡ҆ пресвѵ́терѣ, по невѣ́дѣнiю ѡ҆бяза́вшемся непра́вильнымъ бра́комъ, ꙗ҆́ ѡ҆предѣли́лъ, что` до́лжно, то́ є҆сть: пресвѵ́терскимъ сѣда́лищемъ пꙋ́сть ѻ҆́нъ по́льзꙋется, ̾ѿ про́чихъ же дѣ́йствiй пресвѵ́терскихъ да ѹ҆де́ржится: и҆́бо таково́мꙋ дово́льно проще́нiя. Благо(с. тк҃є)словля́ти же дрꙋги́хъ, долженствꙋ́ющемꙋ врачева́ти со́бственныя ꙗ҆́звы, не подоба́етъ. И҆́бо благослове́нiе є҆́сть преподая́нiе ѡ҆свяще́нiя. Но кто` сегѡ` не и҆мѣ́етъ, по причи́нѣ грѣха` невѣ́дѣнiя, то́тъ ка́къ препода́стъ дрꙋго́мꙋ; Тогѡ` ра́ди да не благословля́етъ ни всенаро́днѡ, ни ѻ҆со́бь, и҆ тѣ́ла хр҃ⷭ҇то́ва да не раздае́тъ дрꙋги̑мъ, ниже` и҆но́е слꙋже́нiе да соверша́етъ: но дово́льствꙋяся священнослꙋжи́тельскимъ мѣ́стомъ, да пла́чется пред̾ дрꙋги́ми и҆ пред̾ гд҃ⷭ҇емъ, дабы` ̾ѿпꙋще́нъ бы́лъ є҆мꙋ` грѣ́хъ невѣ́дѣнiя.

ПРА́ВИЛО к҃и.

Сiе́ же досто́йнымъ смѣ́ха мнѣ` предста́вилось, ꙗ҆́кѡ нѣ́кто ѡ҆бѣща́лся возде́рживатися ̾ѿ свина́гѡ мя́са. Посемꙋ` благоволи` поꙋча́ти таковы́хъ, что́бы возде́рживались ̾ѿ неразсꙋди́тельныхъ заро́кѡвъ и҆ ѻ҆бѣ́тѡвъ, и҆ допꙋсти` ѹ҆потребле́нiе веще́й нера́знственныхъ. И҆́бо нико́е же созда́нiе бж҃iе ̾ѿме́тно, со благодаре́нiемъ прiе́млемо{а҃ тiм. гл. д҃, ст. д҃.}. Посемꙋ`, ка́къ ѻ҆бѣ́тъ досто́инъ смѣ́ха, то и҆ воздержа́нiе не нꙋ́жно.

ПРА́ВИЛО к҃ѳ.

Нача́льникѡвъ кленꙋ́щихся ѕло` сотвори́ти подчинє́ннымъ, весьма` нꙋ́жно врачева́ти. Врачева́нiе же и҆́хъ двоя́кое: є҆ди́но, ѹ҆чи́ти и҆`хъ, да не кленꙋ́тся поспѣ́шнѡ, дрꙋго́е же, да не ѡ҆стаю́тся при ѕлы́хъ намѣ́ренiяхъ. Посемꙋ` а҆́ще кто` ѹ҆ловле́нъ кля́твою къ содѣ́ланiю ѕла` дрꙋго́мꙋ: то да принесе́тъ покая́нiе въ де́рзости кля́твы, но предло́гомъ благоговѣ́нiя къ кля́твѣ да не ѹ҆твержда́етъ себя` въ ѕло́бѣ. Соблюде́нiе кля́твы не бы́ло поле́зно и҆́рѡдꙋ, кото́рый, да не нарꙋ́шитъ кля́твы, содѣ́лался ѹ҆бíйцею проро́ка. Кля́тва и҆ воѻбще` возбранена`: кольми` па́че дава́емꙋю на ѕло` подоба́етъ ѡ҆сꙋжда́ти. Посемꙋ` покля́вшiйся до́лженъ и҆спра́вити свои` (с. тк҃ѕ) мы́сли, а҆ не тща́тися ѹ҆тверди́ти свое` беззако́нiе. И҆зслѣ́дꙋй подро́бнѣе сiю` нелѣ́пость. А҆́ще кто` покля́лся вы́колоть глаза` своемꙋ` бра́тꙋ: добро́ ли бы́ло бы таково́мꙋ привести` сiе` въ и҆сполне́нiе; А҆́ще кто` покля́лся ѹ҆би́ти, и҆ли` воѻбще` престꙋпи́ти какꙋ́ю либо за́повѣдь; И҆́бо кля́хся и҆ поста́вихъ, не грѣ́хъ содѣ́лати, но сохрани́ти сꙋдьбы̑ пра́вды твоея`{ѱал. ри҃_i, ст. р҃ѕ.}. Ка́къ за́повѣдь подоба́етъ ѹ҆твержда́ти непрело́жностiю намѣ́ренiй: та́кѡ грѣ́хъ вся́чески до́лжно низпроверга́ти и҆ и҆стребля́ти.

ПРА́ВИЛО л҃.

Ѡ҆ похища́ющихъ же́нъ, мы` не и҆мѣ́емъ дре́внягѡ пра́вила, но соста́вили со́бственное мнѣ́нiе: и҆ ѻ҆ни`, и҆ содѣ́йствовавшiе и҆`мъ да бꙋ́дꙋтъ ̾ѿлꙋчены` ̾ѿ ѻ҆́бщихъ моли́твъ на три` го́да. Без̾ наси́лiя же быва́ющее не подлежи́тъ наказа́нiю, а҆́ще не сопꙋ́тствꙋетъ семꙋ` ни растлѣ́нiе, ниже` татьба`. Вдова́ же властна` сама` въ себѣ`, и҆ ̾ѿ нея` зави́ситъ послѣ́довати похища́ющемꙋ. На́мъ не до́лжно пещи́ся ѡ҆ показꙋ́емыхъ ви́дахъ.

ПРА́ВИЛО л҃а.

Жена` мꙋ́жа ̾ѿлꙋчи́вшагѡся и҆ пребыва́ющагѡ въ без̾извѣ́стности, пре́жде ѹ҆достовѣре́нiя ѡ҆ сме́рти є҆гѡ` встꙋпи́вшая въ сожи́тiе съ дрꙋги́мъ, прелюбодѣ́йствꙋетъ.

ПРА́ВИЛО л҃в.

Тѣ` и҆з̾ кли́ра, кото́рые согрѣши́ли грѣхо́мъ сме́ртнымъ, со сте́пени своегѡ` низво́дятся, но не лиша́ются прича́стiя кꙋ́пнѡ съ мiря́нами. И҆́бо не ̾ѿмсти́ши за є҆ди́но два́жды{Наꙋ́м. гл. а҃, ст. ѳ҃.}.

ПРА́ВИЛО л҃г.

Жена` роди́вшая на пꙋти`, и҆ пренебре́гшая рожде́нное, да подлежи́тъ винѣ` ѹ҆бíйства.

(с. тк҃з)

ПРА́ВИЛО л҃д.

Же́нъ прелюбодѣ́йствовавшихъ и҆ и҆сповѣ́давшихся въ то́мъ, по благоче́стiю, и҆ли` каки́мъ бы то` ни бы́ло ѻ҆́бразомъ ѡ҆бличи́вшихся, ѻ҆тцы` на́ши запрети́ли ꙗ҆́вными твори́ти, да не подади́мъ причи́ны къ сме́рти ѡ҆бличе́нныхъ: но повелѣ́ли стоя́ти и҆`мъ съ вѣ́рными, без̾ прiѡбще́нiя, доко́лѣ не и҆спо́лнится вре́мя покая́нiя.

ПРА́ВИЛО л҃є.

А҆́ще мꙋ́жъ ѡ҆ста́вленъ жено́ю, то подоба́етъ смотрѣ́ти винꙋ` ѡ҆ставле́нiя: и҆ а҆́ще ꙗ҆́вится ѻ҆на` ѡ҆ста́вившею без̾ причи́ны: то ѻ҆́нъ досто́инъ снизхожде́нiя, а҆ ѻ҆на` є҆пiтiмiи`. Снизхожде́нiе же ѡ҆ка́жется є҆мꙋ` въ то́мъ, да бꙋ́детъ въ ѡ҆бще́нiи съ це́рковiю.

ПРА́ВИЛО л҃ѕ.

Же́ны во́инѡвъ, пребыва́ющихъ въ без̾извѣ́стности, сочета́вшыяся съ дрꙋги́ми, подлежа́тъ томꙋ́ же сꙋжде́нiю, ка́къ и҆ тѣ`, ко́и не дожда́лись возвраще́нiя ̾ѿсꙋ́тствꙋющихъ мꙋже́й. Впро́чемъ здѣ́сь дѣ́ло досто́йно нѣ́коегѡ снизхожде́нiя, поели́кꙋ бо́лѣе вѣроя́тно заключе́нiе ѡ҆ сме́рти.

ПРА́ВИЛО л҃з.

Встꙋпи́вшiй въ бра́къ, по ̾ѿя́тiи ѹ҆ негѡ` чꙋ́ждыя жены`, за пе́рвꙋю да бꙋ́детъ ѡ҆бвине́нъ въ прелюбодѣя́нiи, а҆ за дрꙋгꙋ́ю непови́ненъ.

ПРА́ВИЛО л҃и.

Ѻ҆трокови̑цы, без̾ соизволе́нiя ѻ҆тца` пося́гшыя, блꙋдодѣ́йствꙋютъ. По примире́нiемъ съ роди́телями дѣ́ло сiе` мни́тся и҆мѣ́ти врачева́нiе. Впро́чемъ ѻ҆нѣ` не то́тчасъ допꙋска́ются къ прiѡбще́нiю, но запреща́ются на три` лѣ́та.

ПРА́ВИЛО л҃ѳ.

Живꙋ́щая съ прелюбодѣ́емъ є҆́сть прелюбодѣ́йца, во все` вре́мя сожи́тiя.

(с. тк҃и)

ПРА́ВИЛО м҃.

Про́тивъ во́ли господи́на своегѡ`, преда́вшая себя` мꙋ́жꙋ, блꙋдодѣ́йствꙋетъ. А҆́ще по́слѣ сегѡ`, по дозволе́нiю, по́льзꙋется бра́комъ: то признае́тся встꙋпи́вшею въ зако́нное сꙋпрꙋ́жество. Посемꙋ` пе́рвое є҆́сть блꙋ́дъ, а҆ послѣ́днее бра́къ. И҆́бо ѹ҆слѡ́вiя находя́щихся въ полновла́стiи дрꙋги́хъ не и҆мѣ́ютъ ничегѡ` тве́рдагѡ.

ПРА́ВИЛО м҃а.

Во вдовствѣ` и҆мѣ́ющая вла́сть въ само́й себѣ`, мо́жетъ сочета́тися непови́ннѡ, а҆́ще нѣ́тъ никогѡ`, разлꙋча́ющагѡ сiе` сожи́тiе. И҆́бо а҆по́столъ ре́къ: а҆́ще ѹ҆́мретъ мꙋ́жъ, свобо́дна є҆́сть, за него́же хо́щетъ, пося́гнꙋти, то́чiю ѡ҆ гд҃ⷭ҇ѣ{Ри́м. гл. з҃, ст. в҃. а҃ кор. гл. з҃, ст. л҃ѳ.}.

ПРА́ВИЛО м҃в.

Бра́ки, про́тивъ во́ли ѡ҆блада́ющихъ, сꙋ́ть блꙋдодѣя̑нiя. При жи́зни ѻ҆тца`, и҆ли` господи́на, совокꙋпля́ющiеся не сꙋ́ть без̾ вины`, доко́лѣ и҆мѣ́ющiе вла́сть над̾ ни́ми не и҆з̾я́вятъ согла́сiя на и҆́хъ сожи́тiе. И҆́бо тогда` сꙋпрꙋ́жество полꙋча́етъ тве́рдость.

ПРА́ВИЛО м҃г.

Нане́сшiй бли́жнемꙋ сме́ртный ѹ҆да́ръ, є҆́сть ѹ҆бíйца, ѻ҆́нъ ли пе́рвый нане́съ ѹ҆да́ръ, и҆ли` ̾ѿмща́лъ.

ПРА́ВИЛО м҃д.

Дiаконíсса, соблꙋди́вшая съ ꙗ҆зы́чникомъ, мо́жетъ приня́та бы́ти въ ѻ҆бще́нiе моли́твъ, но до прича́стiя святы́хъ та̑инъ допꙋ́щена бꙋ́детъ въ седмо́е лѣ́то, а҆́ще, то́ є҆сть, въ чистотѣ` жи́ти бꙋ́детъ. Jа҆зы́чникъ же, по прiя́тiи вѣ́ры, па́ки пристꙋпа́ющiй къ святота́тствꙋ, возвраща́ется чрез̾ то` на свою` блево́тинꙋ. Посемꙋ` мы` тѣ́лꙋ дiаконíссы, ка́къ ѡ҆свяще́нномꙋ, не позволя́емъ бо́лѣе бы́ти въ плотско́мъ ѹ҆потребле́нiи.

(с. тк҃ѳ)

ПРА́ВИЛО м҃є.

А҆́ще кто`, приня́въ и҆́мя хрiстiа́нина, ѡ҆скорбля́етъ хр҃ⷭ҇та`: таково́мꙋ нѣ́тъ никакíя по́льзы ̾ѿ наименова́нiя.

ПРА́ВИЛО м҃ѕ.

Съ ѡ҆ста́вленнымъ на вре́мя свое́ю жено́ю сочета́вшаяся по невѣ́дѣнiю, пото́мъ, по причи́нѣ возвраще́нiя къ немꙋ` пе́рвыя жены`, ̾ѿпꙋще́нная блꙋдодѣ́йствовала чрез̾ таковы́й сою́зъ, впро́чемъ по невѣ́дѣнiю. Посемꙋ` бра́къ є҆́й не возбрани́тся: но лꙋ́чше, а҆́ще пребꙋ́детъ та́кѡ.

ПРА́ВИЛО м҃з.

Є҆нкратíты, саккофо́ры и҆ а҆потактíты подлежа́тъ томꙋ́ же сꙋжде́нiю, ка́къ и҆ наватiа́не: и҆́бо ѡ҆ нѣ́которыхъ и҆з̾ си́хъ и҆́здано пра́вило, хотя` и҆ не є҆диноѻбра́зное, а҆ ѡ҆ дрꙋги́хъ ѹ҆мо́лчано: мы́ же, по ѻ҆дина́комꙋ виносло́вiю, таковы́хъ перекре́щиваемъ. А҆ хотя` ѹ҆ ва́съ и҆ не приня́тъ се́й ѻ҆бы́чай перекре́щиванiя, подо́бнѡ ка́къ и҆ ѹ҆ ри́млянъ, по нѣ́которомꙋ благоꙋсмотре́нiю: ѻ҆дна́кѡ на́ше виносло́вiе да и҆мѣ́етъ си́лꙋ. Поели́кꙋ є҆́ресь и҆́хъ є҆́сть ка́къ бы ѻ҆́трасль є҆́реси маркiѡнíтѡвъ, гнꙋша́ющихся бра́комъ, ̾ѿвраща́ющихся вiна`, и҆ созда́нiе бж҃iе скве́рнымъ нарица́ющихъ. Посемꙋ` мы` не прiе́млемъ и҆́хъ въ це́рковь, а҆́ще не крестя́тся на́шимъ креще́нiемъ. И҆́бо да не глаго́лютъ, ꙗ҆́кѡ крести́лися во ѻ҆ц҃а` и҆ сн҃а и҆ ст҃а́го дх҃а, когда` ѻ҆ни`, подо́бнѡ маркiѡ́нꙋ и҆ про́чымъ є҆ретiка́мъ, представля́ютъ бг҃а творце́мъ ѕла`. И҆ та́къ, а҆́ще сiе` ѹ҆го́дно бꙋ́детъ, то до́лжно собра́тися множа́йшымъ є҆пíскопамъ, и҆ та́кѡ и҆зложи́ти пра́вило, дабы` и҆ дѣ́йствꙋющiй бы́лъ безѻпа́сенъ, и҆ ̾ѿвѣ́тствꙋющiй на вопроше́нiе ѡ҆ таковы́хъ и҆мѣ́лъ достовѣ́рное ѡ҆снова́нiе ̾ѿвѣ́та.

ПРА́ВИЛО м҃и.

Ѡ҆ста́вленная мꙋ́жемъ, по моемꙋ` мнѣ́нiю, должна` пре(с. т҃л)бы́ти безбра́чною. И҆́бо когда` гд҃ⷭ҇ь ре́къ, ꙗ҆́кѡ а҆́ще кто` ̾ѿпꙋ́ститъ женꙋ` свою`, ра́звѣ словесе` любодѣ́йнагѡ, твори́тъ ю҆` прелюбодѣ́йствовати{Матѳ. гл. є҃, ст. л҃в.}: то назва́въ є҆е` прелюбодѣ́йцею, тѣ́мъ са́мымъ воспрети́лъ є҆́й сожи́тiе съ и҆ны́мъ. И҆́бо ка́къ возмо́жно, что́бы мꙋ́жъ бы́лъ пови́ненъ, ка́къ вино́вникъ прелюбодѣ́йства, а҆ жена` непови́нна, бы́въ ̾ѿ гд҃ⷭ҇а нарече́на прелюбодѣ́йцею за совокꙋпле́нiе съ и҆ны́мъ мꙋ́жемъ;

ПРА́ВИЛО м҃ѳ.

Растлѣ́нiя, быва́ющыя наси́лiемъ, да не подверга́ются ѡ҆бвине́нiю. Посемꙋ` и҆ раба`, а҆́ще наси́лована господи́номъ свои́мъ, не пови́нна.

ПРА́ВИЛО н҃.

На троебра́чiе нѣ́тъ зако́на: посемꙋ` тре́тiй бра́къ не составля́ется по зако́нꙋ. На таковы́я дѣла` взира́емъ, ка́къ на нечистѡты` въ це́ркви: но всенаро́дномꙋ ѡ҆сꙋжде́нiю ѻ҆́ныхъ не подверга́емъ, ка́къ лꙋ́чшыя, не́жели распꙋ́тное любодѣя́нiе.

(с. тл҃а)

ТОГѠ́ ЖЕ КЪ ТОМꙊ́ЖЕ КАНОНÍЧЕСКОЕ посла́нiе тре́тiе.

ПРА́ВИЛО н҃а.

Ѡ҆ состоя́щихъ въ кли́рѣ пра́вила положены` безразли́чнѡ. Ѻ҆нѣ` повелѣва́ютъ ѡ҆предѣля́ти па́дшымъ є҆ди́ное наказа́нiе, и҆зверже́нiе ̾ѿ слꙋже́нiя, нахо́дятся ли ѻ҆ни` въ сте́пени свяще́нства, и҆ли` прохо́дятъ слꙋже́нiе, не и҆мѣ́ющее рꙋкоположе́нiя свяще́нства.

ПРА́ВИЛО н҃в.

Пренебре́гшая рожде́нное на пꙋти`, а҆́ще пренебрегла`, и҆мѣ́я возмо́жность сохрани́ти, и҆ли` дꙋ́мая тѣ́мъ сокры́ти грѣ́хъ сво́й, и҆ли` послѣ́довавъ совсѣ́мъ ѕвѣри́номꙋ и҆ безчеловѣ́чномꙋ по́мыслꙋ, да сꙋ́дится за смертоꙋбíйство. А҆́ще же не могла` соблюсти`, и҆ рожде́нное ѹ҆́мерло ̾ѿ пꙋстоты` мѣ́ста и҆ ̾ѿ недоста́тка потре́бнагѡ: то ма́терь досто́йна снисхожде́нiя.

ПРА́ВИЛО н҃г.

Рабы́ня ѡ҆вдовѣ́вшая мо́жетъ бы́ть не мно́гѡ согрѣши́ла, соглася́сь на вторы́й бра́къ, под̾ ви́домъ восхище́нiя. Посемꙋ` ̾ѿню́дь не подоба́етъ ѡ҆бвиня́ти є҆е` за сiе`. И҆́бо не нарꙋ́жные ви́ды сꙋ́дятся, но намѣ́ренiе. Jа҆́вно же є҆́сть, ꙗ҆́кѡ ѻ҆на` подлежи́тъ є҆пiтiмiи` двоебра́чiя.

(с. тл҃в)

ПРА́ВИЛО н҃д.

Ѡ҆ нево́льныхъ ѹ҆бíйствахъ пре́жде, ка́къ па́мятꙋю, писа́лъ къ твоемꙋ` благоче́стiю, по си́лѣ мое́й, и҆ бо́лѣе тогѡ` ничегѡ` рещи` не могꙋ`. Твоегѡ` благоразꙋ́мiя дѣ́ломъ бꙋ́детъ, по ѻ҆со́бенности слꙋ́чая, продолжи́ти наказа́нiе, и҆ли` ѡ҆блегчи́ти.

ПРА́ВИЛО н҃є.

Разбо́йникѡвъ взаи́мнѡ поража́ющiе, а҆́ще не сꙋ́ть въ церко́вномъ слꙋже́нiи, да бꙋ́дꙋтъ ̾ѿлꙋча́емы ̾ѿ прича́стiя святы́хъ та̑инъ: а҆́ще же кли́рiки, да низло́жатся со своегѡ` сте́пени. И҆́бо рече́но: вся́къ прiе́мшiй ме́чь, мече́мъ поги́бнетъ{Матѳ. гл. к҃ѕ, ст. н҃в.}.

ПРА́ВИЛО н҃ѕ.

Во́лею ѹ҆би́вшiй, и҆ пото́мъ пока́явшiйся, два́десять лѣ́тъ да бꙋ́детъ без̾ прича́стiя святы́хъ та̑инъ. На сiи` два́десять лѣ́тъ да́стся є҆мꙋ` слѣ́дꙋющее распредѣле́нiе: четы́ре го́да до́лженъ ѻ҆́нъ пла́кати, стоя` внѣ` двере́й моли́твеннагѡ хра́ма, и҆ прося` входя́щихъ въ ѻ҆́ный вѣ́рныхъ, сотвори́ти ѡ҆ не́мъ моли́твꙋ, и҆сповѣ́дꙋя при то́мъ свое` престꙋпле́нiе. По четыре́хъ лѣ́тахъ да бꙋ́детъ приня́тъ въ число` слꙋ́шающихъ писа̑нiя, и҆ съ ни́ми да и҆схо́дитъ въ продолже́нiи пяти` лѣ́тъ. Се́дмь лѣ́тъ съ припа́дающими да мо́лится и҆ да и҆схо́дитъ. Четы́ре лѣ́та да стои́тъ то́кмѡ съ вѣ́рными, но да не сподо́бится прича́стiя. По и҆сполне́нiи си́хъ да причасти́тся ст҃ы́хъ та̑инъ.

ПРА́ВИЛО н҃з.

Нево́лею ѹ҆би́вшiй де́сять лѣ́тъ да не причасти́тся святы́хъ та̑инъ. Распредѣле́нiе же десяти` лѣ́тъ да бꙋ́детъ для негѡ` слѣ́дꙋющее: два` лѣ́та да пла́четъ, три` лѣ́та да соверши́тъ междꙋ` слꙋ́шающими, четы́ре междꙋ` припа́дающими, и҆ го́дъ да стои́тъ то́кмѡ съ вѣ́рны(с. тл҃г)ми, и҆ пото́мъ прiи́метъ свято́е прича́стiе.

ПРА́ВИЛО н҃и.

Прелюбодѣ́йствовавшiй пятьна́десять лѣ́тъ да не прiѡбща́ется святы́хъ та̑инъ. Распредѣле́нiе же на сiи` пятьна́десять лѣ́тъ для негѡ` слѣ́дꙋющее: четы́ре лѣ́та да бꙋ́детъ ѻ҆́нъ пла́чꙋщимъ, пя́ть слꙋ́шающимъ писа̑нiя, четы́ре припа́дающимъ, два` да стои́тъ съ вѣ́рными без̾ прiѡбще́нiя.

ПРА́ВИЛО н҃ѳ.

Блꙋдни́къ се́дмь лѣ́тъ да не причасти́тся ст҃ы́хъ та̑инъ: два` лѣ́та да пла́четъ, два` да слꙋ́шаетъ, два` да припа́даетъ, и҆ є҆ди́но лѣ́то да стои́тъ то́кмѡ съ вѣ́рными, въ ѻ҆смо́е допꙋ́щенъ бꙋ́детъ до свята́гѡ прича́стiя.

ПРА́ВИЛО ѯ҃.

Ѡ҆бѣща́вшаяся пребы́ти въ дѣ́вствѣ, и҆ ̾ѿ ѡ҆бѣща́нiя своегѡ` ̾ѿпа́дшая, да и҆спо́лнитъ вре́мя наказа́нiя, положе́нное за грѣ́хъ прелюбодѣя́нiя съ распредѣле́нiемъ, смотря` по є҆я` жи́зни. То́жде и҆ для воспрiя́вшихъ ѻ҆бѣ́тъ житiя` мона́шескагѡ, но па́дшихъ.

ПРА́ВИЛО ѯ҃а.

Ѹ҆кра́дшiй, а҆́ще са́мъ по себѣ` раска́ясь ѡ҆бвини́тъ себя`, на го́дъ да бꙋ́детъ ѹ҆дале́нъ ̾ѿ прича́стiя то́кмѡ святы́хъ та̑инъ: а҆́ще же ѡ҆бличе́нъ бꙋ́детъ, то на два` го́да. Вре́мя же сiе` да раздѣли́тся для негѡ` на припа́данiе и҆ стоя́нiе съ вѣ́рными, пото́мъ да ѹ҆досто́ится причаще́нiя.

ПРА́ВИЛО ѯ҃в.

Jа҆ви́вшемꙋ неи́стовство на мꙋ́жескомъ по́лѣ, вре́мя для покая́нiя да располо́жится соѻбра́знѡ вре́мени беззако́нновавшагѡ прелюбодѣя́нiемъ.

ПРА́ВИЛО ѯ҃г.

На скота́хъ показа́вшiй свое` нече́стiе, и҆сповѣ́давшись, толи́кое же вре́мя да бꙋ́детъ въ запреще́нiи.

(с. тл҃д)

ПРА́ВИЛО ѯ҃д.

Клятвопрестꙋ́пникъ де́сять лѣ́тъ да не прiѡбща́ется: два` лѣ́та находя́сь междꙋ` пла́чꙋщими, три` междꙋ` слꙋ́шающими писа̑нiя, четы́ре междꙋ` припа́дающими, є҆ди́но стоя` съ вѣ́рными, и҆ тогда` сподо́бится прича́стiя.

ПРА́ВИЛО ѯ҃є.

Пока́явшiйся въ волшебствѣ`, и҆ли` въ ѡ҆травле́нiи, да проведе́тъ въ покая́нiи вре́мя положе́нное для ѹ҆бíйцы, съ распредѣле́нiемъ соѻбра́знымъ томꙋ`, ка́къ са́мъ себя` ѡ҆бличи́лъ въ ка́ждомъ грѣхѣ`.

ПРА́ВИЛО ѯ҃ѕ.

Раска́пывающiй гро́бы для хище́нiя, да не причасти́тся ст҃ы́хъ та̑инъ де́сять лѣ́тъ: два` да пла́четъ, три` да слꙋ́шаетъ, четы́ре да припа́даетъ, є҆ди́но лѣ́то да стои́тъ съ вѣ́рными, и҆ тогда` ѹ҆же` да прiи́мется.

ПРА́ВИЛО ѯ҃з.

Кровосмѣше́нiе бра́та и҆ сестры` тре́бꙋетъ вре́мени покая́нiя, положе́ннагѡ для ѹ҆бíйцы.

ПРА́ВИЛО ѯ҃и.

Совокꙋпле́нiе бра́комъ люде́й, состоя́щихъ въ возбране́нномъ для ѻ҆́нагѡ родствѣ`, а҆́ще ѹ҆смо́трено бꙋ́детъ слꙋчи́вшееся, ꙗ҆́кѡ грѣ́хъ человѣ́ческiй, подлежи́тъ є҆пiтiмiи` прелюбодѣ́евъ.

ПРА́ВИЛО ѯ҃ѳ.

Чте́цъ, а҆́ще пре́жде бра́ка смѣси́тся съ свое́ю ѡ҆брꙋ́чницею, по ̾ѿлꙋче́нiи на є҆ди́но лѣ́то ̾ѿ слꙋже́нiя, прiи́мется въ чтеца`, но да пребꙋ́детъ без̾ произво́дства въ вы́сшiе сте́пени. Є҆́стьли же без̾ ѡ҆брꙋче́нiя та́йнѡ смѣси́тся, да преста́нетъ слꙋжи́ти. Та́кожде и҆ ѵ҆подiа́конъ.

ПРА́ВИЛО ѻ҃.

Дiа́конꙋ ѡ҆скверни́вшемꙋся ѹ҆ста́ми, и҆ (с. тл҃є) и҆сповѣ́давшемꙋ, что` грѣ́хъ є҆гѡ` да́лѣе не просте́рся, да бꙋ́детъ запрещено` священнослꙋже́нiе, но причаща́тися ст҃ы́хъ та̑инъ съ дiа́конами да сподо́бится. Та́къ то́чнѡ и҆ пресвѵ́теръ. А҆́ще же что` бо́лѣе сегѡ` согрѣши́вшимъ кто́ либо ѹ҆смо́тренъ бꙋ́детъ: то въ кото́ромъ бы ни бы́лъ сте́пени, да бꙋ́детъ и҆зве́рженъ.

ПРА́ВИЛО ѻ҃а.

Прикоснове́нный къ кото́ромꙋ либо и҆з̾ вышерече́нныхъ грѣхѡ́въ, и҆ не и҆сповѣ́давшiй, но ѡ҆бличе́нный, да бꙋ́детъ под̾ є҆пiтiмiе́ю сто́лькѡ же вре́мени, на ско́лькѡ подверга́ется є҆пiтiмiи` дѣ́латель ѕла`.

ПРА́ВИЛО ѻ҃в.

Преда́вшiй себя` волхвова́телямъ, и҆ли` нѣ́кимъ подѡ́бнымъ, да бꙋ́детъ под̾ є҆пiтiмiе́ю сто́лькѡ же вре́мени, ско́лькѡ ѹ҆бíйца.

ПРА́ВИЛО ѻ҃г.

Ѿре́кшiйся ̾ѿ хр҃ⷭ҇та` и҆ содѣ́лавшiйся престꙋ́пникомъ про́тивъ та́инства спасе́нiя, все` вре́мя жи́зни своея` до́лженъ бы́ти въ числѣ` пла́чꙋщихъ, и҆ ѡ҆бя́занъ и҆сповѣ́датися: а҆ при концѣ` жи́зни ѹ҆досто́ится прича́стiя святы́нь, по вѣ́рѣ въ бж҃iе человѣколю́бiе.

ПРА́ВИЛО ѻ҃д.

А҆́ще кто́ бы то` ни бы́лъ и҆з̾ па́дшихъ въ вышепи́санные грѣхи`, и҆сповѣ́давшись, содѣ́лается ре́вностнымъ въ и҆справле́нiи: то прiя́вшiй ̾ѿ человѣколю́бiя бж҃iя вла́сть разрѣша́ти и҆ свя́зывати, не бꙋ́детъ досто́инъ ѡ҆сꙋжде́нiя, когда`, ви́дя кра́йне ѹ҆се́рдное и҆сповѣ́данiе согрѣши́вшагѡ, содѣ́лается ми́лостивѣе, и҆ сократи́тъ є҆пiтiмiю`. Поели́кꙋ повѣствова̑нiя свяще́ннагѡ писа́нiя показꙋ́ютъ на́мъ, ꙗ҆́кѡ съ бо́льшимъ по́двигомъ и҆сповѣ́дающiеся скорѣ́е полꙋча́ютъ бж҃iе милосе́рдiе.

ПРА́ВИЛО ѻ҃є.

Ѡ҆скверни́вшемꙋся съ свое́ю сестро́ю по ѻ҆тцꙋ` и҆ли` по (с. тл҃ѕ) ма́тери, да не бꙋ́детъ позво́лено входи́ти въ до́мъ моли́твенный, доко́лѣ не ̾ѿстꙋ́питъ ̾ѿ беззако́ннагѡ и҆ гнꙋ́снагѡ дѣ́йствiя. Прише́дши же въ созна́нiе стра́шнагѡ грѣха`, три` лѣ́та да пла́четъ ѻ҆́нъ, стоя` ѹ҆ двере́й моли́твенныхъ домѡ́въ, и҆ прося` входя́щихъ на моли́твꙋ, дабы` ка́ждый съ сострада́нiемъ приноси́лъ ѡ҆ не́мъ ѹ҆се́рдныя моли̑твы ко гд҃ⷭ҇ꙋ. По́слѣ сегѡ` на дрꙋго́е трехлѣ́тiе да бꙋ́детъ допꙋ́щенъ то́кмѡ до слꙋ́шанiя писа́нiй, по слꙋ́шанiи же писа́нiй и҆ поꙋче́нiй, да и҆згоня́ется и҆з̾ цр҃кви, и҆ да не ѹ҆досто́ивается ѻ҆бще́нiя въ моли́твѣ. Пото́мъ, а҆́ще со слеза́ми бꙋ́детъ проси́ти ѻ҆́ныя и҆ припа́дати ко гд҃ⷭ҇ꙋ, съ сокрꙋше́нiемъ се́рдца и҆ глꙋбо́кимъ смире́нiемъ, то дадꙋ́тся є҆мꙋ` и҆ны́е три` лѣ́та на припа́данiе. И҆ таки́мъ ѻ҆́бразомъ, когда` пока́жетъ плоды` досто́йные покая́нiя, въ деся́тое лѣ́то да бꙋ́детъ приня́тъ къ моле́нiю съ вѣ́рными, без̾ причаще́нiя: два` лѣ́та стоя` во вре́мя моли́твы съ вѣ́рными, наконе́цъ да ѹ҆досто́ится прiѡбще́нiя ст҃ы́нь.

ПРА́ВИЛО ѻ҃ѕ.

То́тъ же ѹ҆ста́въ и҆ ѡ҆ совокꙋпи́вшемся съ невѣ́сткою свое́ю.

ПРА́ВИЛО ѻ҃з.

Ѡ҆ста́вившiй женꙋ`, зако́ннѡ съ ни́мъ сочета́вшꙋюся, и҆ взя́вшiй дрꙋгꙋ́ю, по и҆зрече́нiю гд҃ⷭ҇ню, подлежи́тъ винѣ` прелюбодѣя́нiя{Матѳ. гл. ѳ҃_i, ст. ѳ҃.}. Пра́вилами же ѻ҆тцє́въ на́шихъ поло́жено, что́бы таковы́е є҆ди́но лѣ́то пла́кали, два` лѣ́та слꙋ́шали, три` припа́дали, седмо́е же лѣ́то стоя́ли съ вѣ́рными, и҆ та́кѡ ѹ҆досто́ятся ст҃а́гѡ прича́стiя, а҆́ще со слеза́ми пока́ются.

ПРА́ВИЛО ѻ҃и.

То́тъ же ѹ҆ста́въ да соблюда́ется и҆ ѡ҆ взя́вшихъ въ сожи́тiе двѣ` сестры`, (с. тл҃з) хотя́ бы то` бы́ло и҆ въ ра́зныя времена`.

ПРА́ВИЛО ѻ҃ѳ.

Вознеи́стовствовавшiй на свою` ма́чихꙋ подлежи́тъ томꙋ́жде пра́вилꙋ, ка́къ и҆ неи́стовствовавшiй на свою` сестрꙋ`.

ПРА́ВИЛО п҃.

Ѡ҆ многобра́чiи ѻ҆тцы` ѹ҆молча́ли, ка́къ ѡ҆ дѣ́лѣ ско́тскомъ и҆ соверше́ннѡ чꙋ́ждомъ ро́дꙋ человѣ́ческомꙋ. На́мъ же се́й грѣ́хъ представля́ется тягча́йшимъ блꙋда`. Посемꙋ` благоразсꙋ́дно бꙋ́детъ подверга́ти таковы́хъ є҆пiтiмiи` по пра́виламъ, то́ є҆сть, да бꙋ́дꙋтъ є҆ди́но лѣ́то пла́чꙋщими, три` лѣ́та припа́дающими, и҆ пото́мъ мо́гꙋтъ бы́ти приня́ты.

ПРА́ВИЛО п҃а.

Поели́кꙋ, во вре́мя наше́ствiя ва́рварѡвъ, мно́гiе содѣ́лали престꙋплє́нiя про́тивъ вѣ́ры въ бг҃а, кля́вшись ꙗ҆зы́ческими кля́твами и҆ вкꙋси́въ нѣ́которыхъ ѡ҆скверне́нныхъ снѣ́дей, съ волхвова́нiемъ принесе́нныхъ въ же́ртвꙋ i҆́дѡламъ: то съ таковы́ми да бꙋ́детъ постꙋпа́емо, по и҆́зданнымъ ѹ҆же` ѻ҆тца́ми зако́намъ и҆ пра́виламъ. Тѣ`, кото́рые претерпѣ́въ тя́жкое и҆знꙋре́нiе мꙋче́нiями, и҆ не вы́терпѣвъ страда́нiя, доведены` бы́ли до ̾ѿрече́нiя ̾ѿ хр҃ⷭ҇та`, три` лѣ́та да бꙋ́дꙋтъ непри́нятыми въ цр҃ковь, по и҆стече́нiи ко́ихъ, два` лѣ́та да слꙋ́шаютъ писа́нiя, три` да припа́даютъ, и҆ тогда` мо́гꙋтъ приня́ты бы́ти къ ѻ҆бще́нiю. Без̾ вели́кiя же нꙋ́жды вѣ́рꙋ въ бг҃а преда́вшiе, и҆ коснꙋ́вшiеся трапе́зы бѣсо́вскiя, и҆ кля́вшiеся ꙗ҆зы́ческими кля́твами, три` лѣ́та да бꙋ́дꙋтъ и҆зве́рженными и҆з̾ цр҃кви, два` слꙋ́шающими писа́нiя, три` лѣ́та да мо́лятся въ припа́данiи, дрꙋгíя три` да стоя́тъ во вре́мя моли́твы съ вѣ́рными, и҆ тогда` ѹ҆же` мо́гꙋтъ бы́ти приня́ты къ прiѡбще́нiю ст҃ы́хъ та̑инъ.

(с. тл҃и)

ПРА́ВИЛО п҃в.

Что` каса́ется до престꙋпи́вшихъ кля́твꙋ, а҆́ще по наси́лiю и҆ по нꙋ́ждѣ престꙋпи́ли ѻ҆́нꙋю, подлежа́тъ ме́нѣе тя́жкимъ наказа́нiямъ, и҆ по шести` лѣ́тахъ мо́гꙋтъ бы́ти соверше́ннѡ приня́ты. Без̾ нꙋ́жды же преда́вшiе вѣ́рꙋ свою`, два` лѣ́та да бꙋ́дꙋтъ пла́чꙋщими, и҆ два` слꙋ́шающими, въ пя́тое да мо́лятся съ припа́дающими, и҆ є҆ще` на два` лѣ́та да бꙋ́дꙋтъ приня́ты къ ѻ҆бще́нiю въ моли́твѣ, без̾ причаще́нiя, и҆ та́кѡ показа́въ досто́йное покая́нiе, наконе́цъ возведꙋ́тся къ прiѡбще́нiю тѣ́ла гд҃ⷭ҇ня.

ПРА́ВИЛО п҃г.

Волхвꙋ́ющiе и҆ послѣ́дꙋющiе ѻ҆бы́чаямъ ꙗ҆зы́ческимъ, и҆ли` вводя́щiе нѣ́кихъ въ до́мы свои`, ра́ди и҆зыска́нiя чародѣ́йствъ и҆ ра́ди ѡ҆чище́нiя, да подлежа́тъ пра́вилꙋ шестилѣ́тiя: лѣ́то да бꙋ́дꙋтъ пла́чꙋщими, лѣ́то слꙋ́шающими, три` лѣ́та припа́дающими, и҆ є҆ди́но да стоя́тъ съ вѣ́рными, и҆ та́кѡ да прiи́мꙋтся.

ПРА́ВИЛО п҃д.

Все́ же сiе` пи́шемъ ра́ди тогѡ`, да и҆спытꙋ́ются плоды` покая́нiя. И҆́бо мы` не по ѻ҆дномꙋ` вре́мени сꙋ́димъ ѡ҆ се́мъ, но взира́емъ на ѻ҆́бразъ покая́нiя. А҆́ще же кото́рые непреѡдоли́мѡ держа́тся свои́хъ нра́вѡвъ, и҆ лꙋ́чше хотя́тъ слꙋжи́ти ѹ҆дово́льствiямъ пло́ти, не́жели гд҃ⷭ҇ꙋ, и҆ не прiе́млютъ житiя` по є҆ѵа́нгелiю: то нѣ́тъ ѹ҆ на́съ съ ни́ми ничегѡ` ѻ҆́бщагѡ. И҆́бо мы`, въ наро́дѣ непокори́вомъ и҆ пререка́ющемъ, наꙋче́ны слы́шати сiе`: спаса́я спаса́й твою` дꙋ́шꙋ{Быт. гл. ѳ҃_i, ст. з҃_i.}.

ПРА́ВИЛО п҃є.

И҆ та́къ да не попꙋ́стимъ себѣ` поги́бнꙋти съ таковы́ми, но ѹ҆боя́вшись тя́жкагѡ сꙋда`, и҆ и҆мѣ́я пред̾ ѻ҆ча́ми стра́шный де́нь воздая́нiя гд҃ⷭ҇ня, да не вос(с. тл҃ѳ)хо́щемъ поги́бнꙋти кꙋ́пнѡ съ чꙋжи́ми грѣха́ми. И҆́бо а҆́ще не наꙋчи́ли на́съ стра́шныя сꙋдьбы̑ гд҃ⷭ҇ни, и҆ толи́кiе да́ры не привели` на́съ въ чꙋ́вство тогѡ`, ꙗ҆́кѡ за беззако́нiе на́ше ѡ҆ста́вилъ на́съ гд҃ⷭ҇ь, и҆ пре́далъ въ рꙋ́ки ва́рварѡвъ, и҆ ꙗ҆́кѡ наро́дъ ̾ѿведе́нъ въ плѣ́нъ непрiя́телями и҆ пре́данъ разсѣ́янiю, поне́же на таковы́я дѣла` дерза́ли нося́щiе и҆́мя хр҃ⷭ҇то́во: а҆́ще не позна́ша, ниже` ѹ҆разꙋмѣ́ша, ꙗ҆́кѡ за сiе` прише́лъ на на́съ гнѣ́въ бж҃iй, то что` на́мъ ѻ҆́бщагѡ съ ни́ми; Но и҆ дне́мъ и҆ но́щiю, и҆ всенаро́днѡ и҆ наєдинѣ`, мы` должны` засвидѣ́тельствовати и҆`мъ и҆́стинꙋ: но да не попꙋ́стимъ себѣ` ѹ҆влечє́ннымъ бы́ти и҆́хъ беззако́нiями, наипа́че же да мо́лимся, дабы` прiѡбрѣсти` и҆`хъ, и҆ и҆звлещи` и҆з̾ сѣ́ти лꙋка́вагѡ. А҆́ще же сегѡ` не возмо́жемъ: то потщи́мся, по кра́йней мѣ́рѣ, свои` дꙋ́шы спасти` ̾ѿ вѣ́чнагѡ ѡ҆сꙋжде́нiя.

(с. т҃м)

И҆З̾ ДРꙊГА́ГѠ КАНОНÍЧЕСКАГѠ ПОСЛА́НIЯ къ томꙋ́ же.

ПРА́ВИЛО п҃ѕ.

И҆зря́днымъ є҆нкратíтамъ [возде́ржникамъ] на ва́жное и҆́хъ возраже́нiе: для чегѡ` и҆ мы` не все` ꙗ҆ди́мъ, да ̾ѿвѣ́тствꙋется сiе`: ꙗ҆́кѡ и҆ и҆зверже́нiями на́шими гнꙋша́емся. И҆́бо по досто́инствꙋ для на́съ и҆ ѕе́лiе травно́е є҆́сть то́ же, что` мя́со: а҆ въ разсꙋжде́нiи по́льзы, ка́къ въ ѕе́лiи ̾ѿдѣля́емъ вре́дное ̾ѿ здра́вагѡ, та́кѡ и҆ въ мя́сѣ различа́емъ вре́дное ̾ѿ поле́знагѡ. И҆́бо и҆ болиголо́въ є҆́сть ѕе́лiе, и҆ мя́со ꙗ҆́стреба є҆́сть мя́со: но никто` въ здра́вомъ ѹ҆мѣ` не бꙋ́детъ ꙗ҆́сти бѣленꙋ`, ниже` прико́снется пе́сiемꙋ мя́сꙋ, ра́звѣ въ вели́кой нꙋ́ждѣ. Посемꙋ` ꙗ҆́дшiй не сдѣ́лалъ беззако́нiя.

(с. тм҃а)

ПОСЛА́НIЕ къ дiодѡ́рꙋ є҆пíскопꙋ та́рскомꙋ.

ВСТꙊПЛЕ́НIЕ.

Дошло` до на́съ письмо`, и҆мѣ́ющее по́дпись дiодѡ́ра, все́ же про́чее въ не́мъ бо́лѣе прили́чествꙋетъ комꙋ́ либо дрꙋго́мꙋ, не́жели дiодѡ́рꙋ. И҆́бо мнѣ` мни́тся, ꙗ҆́кѡ нѣ́кто и҆з̾ хи́трыхъ, приня́въ на себя` твое` лице`, хотѣ́лъ чрез̾ то` содѣ́лати себя` досто́йнымъ вѣ́ры пред̾ слꙋ́шающими. Ѻ҆́нъ бы́въ вопроше́нъ ̾ѿ нѣ́коегѡ, позволи́тельно ли взя́ти въ сꙋпрꙋ́жество сестрꙋ` ѹ҆ме́ршiя жены` своея`, не ѹ҆жаснꙋ́лся сегѡ` вопро́са: но и҆ равнодꙋ́шнѡ приня́лъ слы́шимое, и҆ вопроси́вшемꙋ весьма` ̾ѿва́жнѡ и҆ ѹ҆си́льнѡ содѣ́йствовалъ въ стꙋ́дномъ жела́нiи. А҆́ще бы́ло бы ѹ҆ меня` сiе` писа́нiе, ꙗ҆́ посла́лъ бы є҆го` къ тебѣ`, и҆ ты` бы́лъ бы дово́льнѡ си́ленъ защити́ти себя` и҆ и҆́стинꙋ. Но поели́кꙋ показа́вшiй взя́лъ ѡ҆бра́тнѡ ѻ҆́ное, а҆́ки бы нѣ́кiй зна́къ побѣ́ды надо мно́ю, є҆ще` пре́жде запрети́вшимъ такíя бра́ки, носи́лъ повсю́дꙋ, говоря`, ꙗ҆́кѡ и҆мѣ́етъ пи́сменное позволе́нiе: то пишꙋ` ны́нѣ къ тебѣ`, да сꙋгꙋ́бою рꙋко́ю воѡрꙋжи́мся проти́въ ѻ҆́нагѡ подло́жнагѡ писма`, и҆ не ѡ҆ста́вимъ є҆мꙋ` никакíя си́лы, дабы` ѻ҆но` не могло` легкѡ` вреди́ти чита́ющымъ.

(с. тм҃в)

ПРА́ВИЛО п҃з.

И҆ та́къ пе́рвое, и҆ прито́мъ въ дѣла́хъ сегѡ` ро́да весьма` ва́жное, что` и҆мѣ́емъ предложи́ти, є҆́сть соблюда́емый ѹ҆ на́съ ѻ҆бы́чай, и҆мѣ́ющiй си́лꙋ зако́на, потомꙋ` что` сiи` постановлє́нiя пре́даны на́мъ ̾ѿ святы́хъ мꙋже́й. Ѻ҆бы́чай же тако́въ: а҆́ще кто`, бꙋ́дꙋчи ѡ҆держи́мъ стра́стiю нечистоты`, впаде́тъ въ безчи́нное совокꙋпле́нiе съ двꙋмя` сестра́ми: то и҆ бра́комъ сiе` не почита́ется, и҆ въ цр҃ко́вное собра́нiе таковы́е прiе́млются не пре́жде, ка́къ по разлꙋче́нiи дрꙋ́гъ ̾ѿ дрꙋ́га. Посемꙋ`, а҆́ще бы и҆ не мо́жно бы́ло рещи` ничегѡ` дрꙋга́гѡ, дово́льно бы́ло бы и҆ сегѡ` ѻ҆бы́чая для прегра́ды ѕлꙋ`. По поели́кꙋ писа́вшiй писмо` покꙋша́лся, ло́жнымъ дово́домъ, ввести` въ ѻ҆́бразъ жи́зни толи́кое ѕло`: то нꙋ́жно и҆ на́мъ прiя́ти въ по́мощь разсꙋжде́нiе, хотя` въ предме́тахъ весьма` ꙗ҆́сныхъ ѹ҆ вся́кагѡ сильнѣ́е разсꙋжде́нiя быва́етъ предꙋбѣжде́нiе. И҆́бо пи́сано, говори́тъ ѻ҆́нъ, въ кни́гѣ леѵíтъ: женꙋ` къ сестрѣ` є҆я` да не по́ймеши въ ревни́вꙋю сопе́рницꙋ, ̾ѿкры́ти срамотꙋ` є҆я` пред̾ не́ю, є҆ще` жи́вѣ сꙋ́щей є҆́й{Леѵ. гл. и҃_i, ст. и҃_i.}. Ѿсю́да ꙗ҆́вно бы́ти сказꙋ́етъ ѻ҆́нъ, ꙗ҆́кѡ позволи́тельно взя́ти по сме́рти є҆я`. На сiе` пре́жде всегѡ` то` рекꙋ`, ꙗ҆́кѡ є҆ли̑ка зако́нъ глаго́летъ, сꙋ́щымъ въ зако́нѣ глаго́летъ{Рим. гл. г҃. ст. ѳ҃_i.}. И҆́бо и҆на́че мы` подлежа́ли бы и҆ ѡ҆брѣ́занiю, и҆ сꙋббѡ́тѣ, и҆ ѹ҆дале́нiю ̾ѿ нѣ́которыхъ снѣ́дей. И҆́бо не ѹ҆же́ли на́мъ, когда` найде́мъ что́ либо благопрiя́тствꙋющее на́шемꙋ сладостра́стiю, подчиня́ти себя` и҆́гꙋ рабо́ты зако́на, а҆ когда` како́е и҆з̾ предписа́нiй зако́на ꙗ҆ви́тся тя́жкимъ, прибѣга́ти къ свобо́дѣ сꙋ́щей во хр҃ⷭ҇тѣ`; На́съ вопроша́ли: є҆́сть ли въ писа́нiи разрѣше́нiе бра́ти женꙋ` по́слѣ сестры` є҆я`; Мы` рекли`, нѣ́тъ: что` и҆ (с. см҃г) безѻпа́сно для на́съ и҆ и҆́стинно: но посре́дствомъ благови́днагѡ заключе́нiя ѹ҆становля́ти мнѣ́нiе ѡ҆ то́мъ, что` ѹ҆мо́лчано, зна́чило бы законополага́ти, а҆ не приводи́ти слова` зако́на. И҆́бо таки́мъ ѻ҆́бразомъ хотя́щемꙋ дерзнꙋ́ти, бы́ло бы позво́лено, и҆ при жи́зни жены`, взя́ти сестрꙋ` є҆я`. И҆́бо тако́е же лжеꙋ́мствованiе мо́жетъ приспосо́блено бы́ти и҆ къ семꙋ` слꙋ́чаю. Пи́сано, ска́жетъ ѻ҆́нъ: не по́ймеши въ ревни́вꙋю сопе́рницꙋ, слѣ́довательнѡ взя́ти не и҆мѣ́ющꙋю ре́вности зако́нъ не запрети́лъ. Посемꙋ` защи́тникъ стра́сти рече́тъ, ꙗ҆́кѡ се́стры и҆мѣ́ютъ нра́въ неревни́вый. И҆ та́къ когда` нѣ́тъ причи́ны, по кото́рой запрещено` сожи́тiе ѻ҆бѣ́ихъ: то что` препя́тствꙋетъ взя́ти се́стръ; Сегѡ` не напи́сано, ска́жемъ мы`: но и҆ тогѡ` не ѡ҆предѣлено`. Мы́сль же, выводи́мая чрез̾ заключе́нiе, дѣ́лаетъ позволи́тельнымъ и҆ то` и҆ дрꙋго́е. Надлежа́ло бы возврати́тися немно́гѡ вспя́ть, къ предше́ствовавшымъ и҆зрече́нiямъ зако́на, и҆ тѣ́мъ ѡ҆свободи́тися ̾ѿ затрꙋдне́нiя. И҆́бо примѣча́ется, ꙗ҆́кѡ законода́тель не всѣ` ро́ды грѣхѡ́въ ѡ҆б̾е́млетъ, но въ ѻ҆со́бенности ̾ѿверга́етъ грѣхи` є҆гѵ́птянъ, ̾ѿкꙋ́да и҆зше́лъ i҆зра́иль, и҆ ханане́євъ, къ котѡ́рымъ ѻ҆́нъ преселя́лся. И҆́бо та́къ чита́ется: по дѣлѡ́мъ земли` є҆гѵ́петскiя, въ не́йже ѡ҆бита́сте, да не сотворите`, и҆ по начина́нiямъ земли` ханаа́нскiя, въ ню́же а҆́зъ введꙋ` вы` та́мѡ, не сотвори́те, и҆ по зако́нѡмъ и҆́хъ не ходи́те{Леѵ. гл. и҃_i, ст. г҃.}. Вѣроя́тно, ꙗ҆́кѡ се́й ро́дъ грѣха` не бы́лъ допꙋ́щенъ тогда` въ житiи` ꙗ҆зы́чникѡвъ: а҆ потомꙋ` и҆ законода́тель не и҆мѣ́лъ нꙋ́жды ѡ҆гражда́ти ̾ѿ негѡ`, но доста́точно бы́ло непредваре́ннагѡ ѹ҆че́нiемъ ѻ҆бы́чая для ̾ѿверже́нiя сея` гнꙋ́сности. Но почемꙋ` запрети́въ бо́льшее, ѻ҆́нъ ѹ҆(с. тм҃д)молча́лъ ѡ҆ ме́ньшемъ; Потомꙋ`, что` мнѡ́гимъ и҆з̾ плотолюби́выхъ, въ ̾ѿноше́нiи къ сожи́тiю съ се́страми живы́хъ же́нъ, каза́лся бы́ти вре́денъ примѣ́ръ патрiа́рха. На́мъ же что` подоба́етъ твори́ти; напи́санное глаго́лати, и҆ли` ѹ҆мо́лчанное и҆зы́скивати; И҆́бо въ си́хъ зако́нахъ не напи́сано и҆ тогѡ`, ꙗ҆́кѡ ѻ҆те́цъ и҆ сы́нъ не должны` входи́ти къ є҆ди́ной нало́жницѣ: но ѹ҆ проро́ка сiе` подверга́ется велича́йшемꙋ ѡ҆сꙋжде́нiю. Сы́нъ бо, глаго́летъ, и҆ ѻ҆те́цъ вла́зяста ко є҆ди́ной рабы́нѣ{А҆мѡ́с. гл. в҃, ст. з҃.} и҆ ско́лькѡ дрꙋги́хъ ви́дѡвъ нечи́стыхъ страсте́й и҆зѡбрѣло` бѣсо́вское ѹ҆чи́лище, ѡ҆ ко́ихъ бж҃е́ственное писа́нiе ѹ҆молча́ло; Не жела́я нарꙋша́ти своея` свяще́нныя ва́жности наименова́нiями гнꙋ́сностей, ѻ҆но` ѡ҆знача́ло нечистѡты` ѻ҆́бщими наименова́нiями, ка́къ глаго́летъ а҆по́столъ па́ѵелъ: блꙋ́дъ же, и҆ вся́ка нечистота` ниже` да и҆менꙋ́ется въ ва́съ, ꙗ҆́коже подоба́етъ святы̑мъ{Є҆фес. гл. є҃, ст. г҃.}: под̾ и҆́менемъ нечистоты` ѻ҆́нъ заключа́етъ недостѡ́йныя назва́нiя дѣ̑йствiя мꙋже́й и҆ же́нъ. Таки́мъ ѻ҆́бразомъ ѹ҆молча́нiе не дае́тъ разрѣше́нiя сластолю́бцамъ. Jа҆́ же сказꙋ́ю, ꙗ҆́кѡ и҆ не ѹ҆молча́лъ законода́тель ѡ҆ се́мъ ви́дѣ беззако́нiя: но весьма` си́льнѡ запрети́лъ ѻ҆́ный. И҆́бо слова`: да не вни́деши ко вся́комꙋ бли́жнемꙋ пло́ти твоея` ̾ѿкры́ти срамоты` и҆́хъ{Леѵ. гл. и҃_i, ст. ѕ҃.}, заключа́ютъ въ себѣ` и҆ се́й ви́дъ родства`. И҆́бо для мꙋ́жа что` мо́жетъ бы́ти бли́же со́бственныя жены`, и҆ли` па́че своея` є҆мꙋ` пло́ти; и҆́бо ѻ҆ни` ѹ҆же` не сꙋ́ть два`, но пло́ть є҆ди́на. Таки́мъ ѻ҆́бразомъ, посре́дствомъ жены`, сестра` є҆я` перехо́дитъ въ родство` мꙋ́жа. И҆́бо ка́къ не мо́жетъ ѻ҆́нъ взя́ти ма́терь жены` своея`, ниже` дще́рь є҆я`, по(с. тм҃є)томꙋ` что` не мо́жетъ взя́ти свою` ма́терь, ниже` дще́рь є҆я`: та́кожде не мо́жетъ взя́ти сестрꙋ` жены` своея`, потомꙋ` что` не мо́жетъ взя́ти сестрꙋ` свою`. И҆ ѡ҆бра́тнѡ, не позволи́тельно и҆ женѣ` сожи́тельствовати съ сро́дниками мꙋ́жа: потомꙋ` что` права` родства` ѻ҆́бщи для ѻ҆бои́хъ. Jа҆́ же вся́комꙋ, прося́щемꙋ совѣ́та ѡ҆ бра́кѣ, свидѣ́тельствꙋю, ꙗ҆́кѡ прехо́дитъ ѻ҆́бразъ мíра сегѡ`, и҆ вре́мя прекраще́но є҆́сть, да и҆ и҆мꙋ́щiи жє́ны, ꙗ҆́коже не и҆мꙋ́щiи бꙋ́дꙋтъ{а҃ кор. гл. з҃, ст. к҃ѳ, л҃а.}. А҆́ще же кто` предста́витъ мнѣ` въ возраже́нiе ѻ҆́ное и҆зрече́нiе, расти́теся и҆ мно́житеся{Быт. гл. а҃, ст. к҃и.}: то ꙗ҆́ посмѣю́сь не различа́ющемꙋ време́нъ законоположе́нiя. Вторы́й бра́къ є҆́сть врачевство` проти́вꙋ блꙋда`, а҆ не напꙋ́тствiе сластолю́бiю. Рече́но: а҆́ще ли не ѹ҆держа́тся, да посяга́ютъ{а҃ кор. гл. з҃, ст. ѳ҃.}. Но и҆ посяга́я, да не беззако́ннꙋютъ. А҆ тѣ`, кото́рые ѡ҆скверня́я дꙋ́шꙋ стра́стiю безче́стiя, не взира́ютъ и҆ на є҆стество`, и҆здре́вле различи́вшее и҆менова̑нiя родства`, каки́мъ и҆́менемъ родства` назовꙋ́тъ рожде́нныхъ ̾ѿ таки́хъ двꙋ́хъ сꙋпрꙋ́жествъ; бра́тiями ли родны́ми, и҆ли` двою́родными; и҆́бо, по причи́нѣ смѣше́нiя, и҆`мъ прили́чествовати бꙋ́детъ и҆ то` и҆ дрꙋго́е наименова́нiе. Не дѣ́лай, человѣ́че, те́тки дѣте́й ма́чихою и҆́хъ, и҆ тꙋ`, кото́рая вмѣ́стѡ ѹ҆ме́ршiя ма́тери должна` ласка́ти и҆`хъ не воѡрꙋжа́й неꙋтоли́мою ре́вностiю. И҆́бо є҆ди́на ре́вность ма́чихъ и҆ за гро́бъ простира́етъ не́нависть: и҆ли` па́че, дрꙋгíе бы́вшiе врага́ми, примиря́ются съ ѹ҆ме́ршими, а҆ ма́чихи ̾ѿ сме́рти начина́ютъ не́нависть. Гла́вное же и҆з̾ вышерече́ннагѡ є҆́сть слѣ́дꙋющее: а҆́ще кто` жела́етъ бра́ка по зако́нꙋ, то є҆мꙋ` ̾ѿве́рста вся` вселе́нная: а҆́ще же жела́нiе є҆гѡ` ѹ҆правля́ется стра́стiю, тѣ́мъ па́че да воспре(с. см҃ѕ)ти́тся є҆мꙋ` бра́къ, да наꙋчи́тся сосꙋ́дъ сво́й содержа́ти въ свя́тости, а҆ не въ стра́сти по́хоти{а҃ сол. гл. д҃, ст. д҃, є҃.}. Бо́лѣе глаго́лати стремя́щагося меня` ѹ҆де́рживаетъ мѣ́ра посла́нiя. Жела́ю, что́бы и҆ли` ѹ҆вѣща́нiе мое` ѡ҆каза́лось сильнѣ́йшимъ стра́сти, и҆ли` что́бы беззако́нiе сiе` не посели́лось въ на́шей ѻ҆́бласти, но ѡ҆става́лось въ тѣ́хъ мѣста́хъ, въ кото́рыхъ дерзнꙋ́ли на ѻ҆́ное.

(с. тм҃з)

ТОГѠ́ ЖЕ посла́нiе къ григо́рiю пресвѵ́терꙋ.

ПРА́ВИЛО п҃и.

Проче́лъ ꙗ҆́ твое` писа́нiе со вся́кимъ долготерпѣ́нiемъ, и҆ ѹ҆диви́лся, ка́кѡ ты`, когда` мо́гъ вы` кра́ткѡ и҆ легкѡ` ѡ҆правда́тися предо мно́ю дѣ́ломъ, рѣши́лся пребыва́ти въ то́мъ, въ че́мъ ѡ҆бвине́нъ, и҆ покꙋша́ешься многосло́вiемъ и҆сцѣли́ти неисцѣли́мое. Не мы` пе́рвые, _ѡ григо́рiй, и҆ не ѻ҆дни` мы` законоположи́ли, да не живꙋ́тъ же́ны и҆ мꙋ́жи кꙋ́пнѡ. Прочти` пра́вило, и҆зло́женное ст҃ы́ми ѻ҆тца́ми на́шими на нiке́йскомъ собо́рѣ, ꙗ҆́внѡ запреща́ющее и҆мѣ́ти сожи́тельствꙋющихъ въ до́мѣ же́нъ. Безбра́чiе въ то́мъ и҆мѣ́етъ свое` досто́инство, что́бы не и҆мѣ́ти ѡ҆браще́нiя съ же́нскимъ по́ломъ. Таки́мъ ѻ҆́бразомъ, а҆́ще кто`, представля́я себя` дѣ́вственникомъ по и҆́мени, дѣ́ломъ то́жде твори́тъ, что` и҆ живꙋ́щiе съ жена́ми, то́тъ ꙗ҆вля́етъ ѡ҆ себѣ`, ꙗ҆́кѡ домога́ется досто́инства дѣ́вства въ и҆́мени, но безѻбра́зiя сладостра́стiя не ѡ҆ста́вилъ. Тѣ́мъ па́че подоба́ло тебѣ` и҆спо́лнити мое` тре́бованiе, что` ты`, ка́къ говори́шь, свобо́денъ ̾ѿ вся́кiя тѣле́сныя стра́сти. И҆́бо ꙗ҆́ не полага́ю, что́бы семидесятилѣ́тнiй жи́лъ съ жено́ю стра́стнымъ ѻ҆́бразомъ: и҆ не та́къ ка́кбы за слꙋчи́вшееся беззако́нное дѣ́ло ѡ҆предѣли́лъ ꙗ҆́ то`, что` ѡ҆пре(с. тм҃и)дѣли́лъ, но потомꙋ`, что` наꙋчи́лся ̾ѿ а҆по́стола не полага́ти претыка́нiя бра́тꙋ и҆ли` собла́зна{Рим. гл. д҃_i, ст. г҃_i.}. Зна́емъ же, ꙗ҆́кѡ нѣ́которыхъ дѣ́йствiя чи̑стыя, для дрꙋги́хъ быва́ютъ по́водомъ ко грѣхꙋ`. Сегѡ` ра́ди, слѣ́дꙋя ѹ҆становле́нiю святы́хъ ѻ҆тє́цъ, мы` повелѣ́ли тебѣ` ̾ѿлꙋчи́тися ̾ѿ ѻ҆́ныя жены`. Почто́ же ѡ҆бвиня́ешь хѡрепíскопа, и҆ ѹ҆помина́ешь ѡ҆ да́вней враждѣ`; Почто` и҆ на меня` жа́лꙋешися, ка́къ и҆мѣ́ющаго ̾ѿве́рстый слꙋ́хъ для приня́тiя клеве́тъ, а҆ не на самаго` себя`, не соглаша́ющагося ѡ҆ста́вити ѡ҆браще́нiе съ же́нщиною; И҆ та́къ ѹ҆дали` є҆е` и҆з̾ до́ма своегѡ`, и҆ ѡ҆предѣли` въ монасты́рь, да бꙋ́детъ ѻ҆на` съ дѣ́вами: а҆ ты` и҆мѣ́й слꙋжи́телей мꙋ́жескагѡ по́ла, да не хꙋ́лится ва́ми и҆́мя бж҃iе. Доко́лѣ же сiе` твори́шь, ты́сящи ѡ҆правда́нiй, котѡ́рыя ты` и҆злага́ешь въ писмѣ`, не принесꙋ́тъ тебѣ` ни є҆ди́ныя по́льзы: но ѹ҆́мрешь запреще́ннымъ въ священнослꙋже́нiи, и҆ да́шь гд҃ⷭ҇ꙋ ̾ѿвѣ́тъ за свое` запреще́нiе. А҆́ще же, не и҆спра́вивъ себя`, де́рзнешь коснꙋ́тися священнодѣ́йствiя: то бꙋ́дешь а҆на́ѳема пред̾ всѣ́мъ наро́домъ, и҆ прiе́млющiе тебя` бꙋ́дꙋтъ ̾ѿлꙋчены` ̾ѿ всея` це́ркви.

(с. тм҃ѳ)

ТОГѠ́ ЖЕ къ хѡрепíскопамъ канонíческое посла́нiе.

ПРА́ВИЛО п҃ѳ.

Весьма` болѣ́знꙋю, ꙗ҆́кѡ пра̑вила ѻ҆те́чєскiя ѡ҆ста́влены, и҆ вся́кая стро́гость и҆згнана` и҆з̾ цр҃кве́й. И҆ бою́ся, что́бы дѣла` цр҃кѡ́вныя не пришли` въ соверше́нное замѣша́тельство, когда` сiе` равнодꙋ́шiе ма́лѡ по ма́лꙋ да́лѣе и҆дти` бꙋ́детъ свои́мъ пꙋте́мъ. По ѻ҆бы́чаю, и҆здре́вле водвори́вшемꙋся въ цр҃квахъ бж҃iихъ, слꙋжи́тели цр҃кви прiе́млемы бы́ли по и҆спыта́нiи со вся́кою стро́гостiю, и҆ все` поведе́нiе и҆́хъ прилѣ́жнѡ и҆зслѣ́дываемо бы́ло: не ѕлорѣ́чивы ли ѻ҆ни`, не пiя́ницы ли, не скло́нны ли къ ссо́рамъ, наставля́ютъ ли ю҆́ность свою`, да возмо́гꙋтъ соверша́ти святы́ню, без̾ ко́ея никто` не ѹ҆́зритъ гд҃ⷭ҇а{Є҆вр. гл. в҃_i, ст. д҃_i.}; И҆ сiе` и҆спы́тывали пресвѵ́теры и҆ дiа́коны съ ни́ми живꙋ́щiе, доноси́ли ѡ҆ то́мъ хѡрепíскопамъ, а҆ сiи` приня́въ ѻ҆́тзывъ ̾ѿ свидѣ́тельствꙋющихъ по и҆́стинѣ и҆ предста́вивъ є҆пíскопꙋ, таки́мъ ѻ҆́бразомъ причисля́ли слꙋжи́теля къ свяще́нномꙋ чи́нꙋ. А҆ ны́нѣ вы`, во пе́рвыхъ на́съ ̾ѿве́ргши, и҆ не восхотѣ́въ да́же и҆звѣща́ти на́съ, всю` вла́сть заключи́ли въ сами́хъ себѣ`. Пото́мъ, вознерадѣ́въ ѡ҆ се́мъ дѣ́лѣ, пресвѵ́терамъ и҆ дiа́конамъ позво́лили, кого` (с. т҃н) восхотя́тъ, без̾ и҆спыта́нiя жи́зни и҆́хъ, но по пристра́стiю происходя́щемꙋ и҆ли` ̾ѿ родства`, и҆ли` ̾ѿ и҆на́гѡ нѣ́коегѡ содрꙋ́жества, недосто́йныхъ вводи́ти въ це́рковь. Ѿ сегѡ` мно́гѡ слꙋжи́телей цр҃кви чи́слится въ ка́ждомъ селѣ`, но нѣ́тъ никогѡ` досто́йнагѡ слꙋже́нiя ѻ҆лтарю`: ка́къ вы` са́ми свидѣ́тельствꙋете, не находя` люде́й при и҆збра́нiяхъ. Поели́кꙋ дѣ́ло сiе` пришло` наконе́цъ въ состоя́нiе неисцѣли́мое, ѻ҆со́беннѡ ны́нѣ, когда` весьма` мно́гiе и҆з̾ стра́ха бы́ти взя́тыми въ во́ины, ѡ҆предѣля́ются въ слꙋже́нiе цр҃кви: то ꙗ҆́ по неѡбходи́мости ѡ҆брати́лся къ возѡбновле́нiю ѻ҆те́ческихъ пра́вилъ: и҆ пишꙋ` къ ва́мъ, что́бы вы` присла́ли мнѣ` спи́сокъ цр҃ко́вныхъ слꙋжи́телей ка́ждагѡ села`, съ показа́нiемъ, кѣ́мъ кто` ѡ҆предѣле́нъ, и҆ каково` житiе` є҆гѡ`. И҆мѣ́йте же и҆ вы` ѹ҆ себя` таковы́й же спи́сокъ, дабы` мо́жно бы́ло съ находя́щимися ѹ҆ меня` за́писями слича́ти ва́ши, и҆ дабы` никомꙋ` не бы́ло возмо́жно впи́сывати самаго` себя`, когда` восхо́щетъ. Таки́мъ ѻ҆́бразомъ, а҆́ще кото́рые приня́ты пресвѵ́терами, по́слѣ пе́рвагѡ лѣ́та i҆ндiктiѡ́на, да и҆зве́ргнꙋтся въ число` мiря́нъ. Да произведе́тся же ва́ми вно́вь и҆спыта́нiе и҆́хъ, и҆ а҆́ще сꙋ́ть досто́йны, да прiи́мꙋтся по ва́шемꙋ рѣше́нiю: ѡ҆чи́стите цр҃ковь, ѹ҆даля́я ̾ѿ є҆я` слꙋже́нiя недосто́йныхъ. И҆ впре́дь досто́йныхъ и҆спытꙋ́йте и҆ принима́йте, но не чи́слите въ кли́рѣ, пре́жде не́жели предста́вите мнѣ`. И҆на́че же вѣ́дайте, ꙗ҆́кѡ приня́тый въ церковнослꙋже́нiе без̾ моегѡ` разрѣше́нiя, бꙋ́детъ мiряни́номъ.

(с. тн҃а)

ТОГѠ́ ЖЕ къ подчине́ннымъ є҆мꙋ` є҆пíскопамъ.

ПРА́ВИЛО ч҃.

Нелѣ́пость дѣ́ла, ѡ҆ ко́емъ пишꙋ`, содѣ́лавшись воѻбще` предме́томъ подозрѣ́нiй и҆ молвы`, и҆спо́лнила печа́лiю мою` дꙋ́шꙋ: впро́чемъ ѻ҆но` мнѣ` предста́вилось невѣроя́тнымъ. И҆ та́къ сiе` писа́нiе ѡ҆б̾ ѻ҆́номъ, пови́нный да прiи́метъ, ꙗ҆́кѡ врачевство`, непови́нный ꙗ҆́кѡ предостереже́нiе, а҆ равнодꙋ́шный къ добрꙋ` и҆ ѕлꙋ`, что` въ ва́съ ѡ҆брѣсти` ꙗ҆́ не жела́лъ бы, ꙗ҆́кѡ свидѣ́тельство про́тивъ негѡ`. Что́ же є҆́сть, ѡ҆ че́мъ глаго́лю; Сказꙋ́ютъ нѣ́кiе, ꙗ҆́кѡ нѣ́которые и҆з̾ ва́съ ̾ѿ рꙋкополага́емыхъ и҆́ми берꙋ́тъ дє́ньги, и҆ прикрыва́ютъ то` и҆́менемъ благоче́стiя, что` є҆ще` хꙋ́же. И҆́бо а҆́ще кто` дѣ́лаетъ ѕло`, под̾ прикры́тiемъ добра`, таковы́й досто́инъ сꙋгꙋ́багѡ наказа́нiя: и҆ за то`, ꙗ҆́кѡ твори́тъ недо́брое, и҆ за то`, ꙗ҆́кѡ ѹ҆потребля́етъ до́брое, да та́кѡ рече́мъ, споспѣ́шникомъ себѣ` къ соверше́нiю грѣха`. А҆́ще та́кѡ є҆́сть сiе`: да не бꙋ́детъ ̾ѿны́нѣ, но да и҆спра́вится. И҆́бо взе́млющемꙋ сребро` неѡбходи́мѡ до́лжно рещи` то`, что` рече́но а҆по́столами хотѣ́вшемꙋ да́ти ѻ҆́ное, да кꙋ́питъ преподая́нiе ст҃а́гѡ дх҃а: сребро` твое` съ тобо́ю да бꙋ́детъ въ поги́бель{Дѣя́н. гл. и҃, ст. к҃.}. И҆́бо ме́нѣе грѣ(с. тн҃в)ши́тъ хотя́щiй, по неразꙋ́мiю, кꙋпи́ти да́ръ бж҃iй, не́жели продаю́щiй є҆го`, потомꙋ` что` сiе` є҆́сть прода́жа: и҆ а҆́ще полꙋче́нное тꙋ́не продае́шь, ка́къ бы про́данный сатанѣ`, то ̾ѿи́мется ѹ҆ тебя` дарова́нiе. И҆́бо ты` корче́мство вво́дишь въ дꙋхо́вныя дѣла` и҆ въ цр҃ковь, въ кото́рой на́мъ ввѣ́рено тѣ́ло и҆ кро́вь хр҃ⷭ҇то́ва. Не подоба́етъ си̑мъ та́кѡ быва́ти. Въ че́мъ же состои́тъ ѹ҆хищре́нiе, сказꙋ́ю. Мня́тъ, ꙗ҆́кѡ не согрѣша́ютъ, когда` берꙋ́тъ не при рꙋкоположе́нiи, а҆ по́слѣ: взя́ти же, когда` бы то` ни бы́ло, є҆́сть взя́ти. И҆ та́къ молю`, ѡ҆ста́вите се́й дохо́дъ, и҆ли` па́че се́й вхо́дъ въ гее́ннꙋ, и҆ не дѣ́лайте себя` недосто́йными соверша́ти свящє́нныя та̑инства, ѡ҆скверня́я рꙋ́ки свои` таковы́мъ лихоима́нiемъ. Прости́те же мнѣ`, ꙗ҆́кѡ пе́рвѣе а҆́ки не вѣ́ривъ, пото́мъ же, а҆́ки повѣ́ривъ, ѹ҆грожа́ю. А҆́ще кто` по́слѣ сегѡ` моегѡ` посла́нiя что́ либо таково́е содѣ́лаетъ: да ̾ѿстꙋ́питъ ̾ѿ здѣ́шнихъ ѻ҆лтаре́й, и҆ пꙋ́сть и҆́щетъ, гдѣ` бы мо́гъ ѻ҆́нъ покꙋпа́ти и҆ продава́ти да́ръ бж҃iй. И҆́бо мы` и҆ цр҃кви бж҃iи такова́гѡ ѻ҆бы́чая не и҆мѣ́емъ{а҃ кор. гл. а҃_i, ст. ѕ҃_i.}. Є҆ди́ное же присовокꙋпи́въ преста́нꙋ. Сiе` быва́етъ и҆з̾ сребролю́бiя: сребролю́бiе же є҆́сть ко́рень всѣ́хъ ѕѡ́лъ{а҃ тiм. гл. ѕ҃, ст. _i҃.}, и҆ нарица́ется i҆дѡлослꙋже́нiемъ{Колос. гл. г҃, ст. є҃.}. И҆ та́къ не предпочита́йте i҆́дѡлѡвъ хр҃ⷭ҇тꙋ` за ма́лое сребро`, ниже` па́ки i҆ꙋ́дѣ подража́йте, за лихоима́нiе втори́чнѡ предава́я є҆ди́ножды распя́таго за на́съ: и҆́бо и҆ се́ла и҆ рꙋ́ки взе́млющихъ таковы́е плоды`, нарекꙋ́тся а҆келдама`.

(с. тн҃г)

СВЯТА́ГѠ ВАСÍЛIЯ и҆з̾ к҃з главы` кни́ги ѡ҆ ст҃о́мъ дх҃ѣ, къ блаже́нномꙋ а҆мфiло́хiю.

ПРА́ВИЛО ч҃а.

И҆з̾ сохране́нныхъ въ це́ркви догма́тѡвъ и҆ проповѣ́данiй, нѣ́котѡрыя мы` и҆мѣ́емъ ̾ѿ пи́сменнагѡ наставле́нiя: а҆ нѣ́котѡрыя прiя́ли ̾ѿ а҆по́стольскагѡ преда́нiя, по прее́мствꙋ въ та́йнѣ, и҆ тѣ` и҆ дрꙋгíя и҆мѣ́ютъ є҆ди́нꙋ и҆ тꙋ́ же си́лꙋ для благоче́стiя. И҆ семꙋ` не воспрекосло́витъ никто`, хотя` ма́лѡ свѣ́дꙋщiй въ ѹ҆становле́нiяхъ церко́вныхъ. И҆́бо а҆́ще предпрiи́мемъ ̾ѿверга́ти непи́санные ѻ҆бы́чаи, а҆́ки не вели́кꙋю и҆мѣ́ющiе си́лꙋ: то непримѣ́тнѡ повреди́мъ є҆ѵа́нгелiю въ гла́вныхъ предме́тахъ, и҆ли` па́че сократи́мъ про́повѣдь въ є҆ди́ное и҆́мя без̾ са́мыя ве́щи. Напримѣ́ръ, пре́жде всегѡ` ѹ҆помянꙋ` ѡ҆ пе́рвомъ и҆ са́момъ ѻ҆́бщемъ, что́бы ѹ҆пова́ющiе на и҆́мя гд҃ⷭ҇а на́шегѡ i҆и҃са хр҃ⷭ҇та`, зна́менались ѻ҆́бразомъ креста`, кто` ѹ҆чи́лъ семꙋ` писа́нiемъ; Къ восто́кꙋ ѡ҆браща́тися въ моли́твѣ, како́е писа́нiе на́съ наꙋчи́ло; Слова` призыва́нiя при преложе́нiи хлѣ́ба є҆ѵхарíстiи и҆ ча́ши благослове́нiя, кто` и҆з̾ святы́хъ ѡ҆ста́вилъ на́мъ пи́сменнѡ; И҆́бо мы` не дово́льствꙋемся тѣ́ми слова́ми, ѡ҆ ко́ихъ ѹ҆помянꙋ́лъ а҆по́столъ и҆ли` є҆ѵа́нгелiе, но и҆ (с. тн҃д) пре́жде и҆ по́слѣ ѻ҆́ныхъ произно́симъ и҆ дрꙋгíя, ка́къ и҆мѣ́ющыя вели́кꙋю си́лꙋ въ та́инствѣ, приня́въ и҆`хъ ̾ѿ непи́саннагѡ ѹ҆че́нiя. Благословля́емъ та́кожде и҆ во́дꙋ креще́нiя и҆ є҆ле́й пома́занiя, є҆ще́ же и҆ самаго` креща́емаго, по како́мꙋ писа́нiю; не по преда́нiю ли, ѹ҆ма́лчиваемомꙋ и҆ та́йномꙋ; И҆ что` є҆ще`; самомꙋ` пома́зыванiю є҆ле́емъ, како́е пи́санное сло́во наꙋчи́ло; Ѿкꙋ́да и҆ троекра́тное погрꙋже́нiе человѣ́ка; и҆ про́чее быва́ющее при креще́нiи, ̾ѿрица́тися сатаны` и҆ а҆́ггелѡвъ є҆гѡ`, и҆з̾ како́гѡ взя́то писа́нiя; Не и҆з̾ сегѡ́ ли неѡбнаро́дываемагѡ и҆ неизрека́емагѡ ѹ҆че́нiя, кото́рое ѻ҆тцы` на́ши сохрани́ли въ недостꙋ́пномъ любопы́тствꙋ и҆ вывѣ́дыванiю молча́нiи, бы́въ здра́вѡ наꙋче́ны молча́нiемъ ѡ҆храня́ти святы́ню та́инства; И҆́бо како́е бы́ло бы прили́чiе, писа́нiемъ ѡ҆глаша́ти ѹ҆че́нiе ѡ҆ то́мъ, на что` непосвящє́ннымъ въ та́инство и҆ воззрѣ́нiе не позволи́тельно; И҆ да́лѣе. Сiя` є҆́сть вина` преда́нiя без̾ писа́нiй, дабы` къ многокра́тнѡ и҆зꙋча́емомꙋ позна́нiю догма́тѡвъ не ѹ҆тра́тили мно́гiе благоговѣ́нiя, по привы́чкѣ. И҆́бо и҆но́е догма́тъ, а҆ и҆но́е проповѣ́данiе. Догма́ты ѹ҆ма́лчиваются, проповѣ̑данiя же ѡ҆бнаро́дываются. Ро́дъ же ѹ҆молча́нiя є҆́сть и҆ нея́сность, кото́рꙋю ѹ҆потребля́етъ писа́нiе, неꙋдобосозерца́емымъ творя` ра́зꙋмъ догма́тѡвъ, ра́ди по́льзы чита́ющихъ. Посемꙋ́ то всѣ` зри́мъ къ восто́кꙋ во вре́мя моли́твъ, но немно́гiе зна́емъ, ꙗ҆́кѡ чрез̾ сiе` и҆́щемъ дре́внягѡ ѻ҆те́чества рая`, кото́рый насади́лъ бг҃ъ въ є҆де́мѣ на восто́кѣ{Быт. гл. в҃, ст. и҃.}. Та́кожде, стоя` моли̑твы твори́мъ во є҆ди́нꙋ ̾ѿ сꙋббѡ́тъ, но причи́нꙋ сегѡ` не всѣ` зна́емъ. И҆́бо не то́кмѡ, ꙗ҆́кѡ совоскре́сшiе хр҃ⷭ҇тꙋ` и҆ долженствꙋ́ющiе и҆ска́ти го́рнягѡ, стоя́нiемъ во вре́мя моли́твъ, въ де́нь (с. тн҃є) воскресе́нiя, напомина́емъ себѣ` ѡ҆ благода́ти на́мъ даро́ванной, но и҆ потомꙋ` сiе` твори́мъ, ꙗ҆́кѡ де́нь се́й мни́тся бы́ти нѣ́кимъ ѻ҆́бразомъ ча́емагѡ вѣ́ка. Почемꙋ`, ꙗ҆́кѡ нача́ло дне́й, и҆ ѹ҆ мѡѷсе́а нарече́нъ ѻ҆́нъ не пе́рвымъ, но є҆ди́нымъ. И҆ бы́сть, глаго́летъ, ве́черъ, и҆ бы́сть ѹ҆́тро, де́нь є҆ди́нъ{Быт. гл. а҃, ст. є҃.}: а҆́ки бы є҆ди́нъ и҆ то́тъ же де́нь многокра́тнѡ крꙋговраща́лся. И҆ та́къ є҆ди́ный, кото́рый є҆́сть кꙋ́пнѡ и҆ ѻ҆смы́й, ѡ҆знача́етъ ѻ҆́ный сꙋще́ственнѡ є҆ди́ный и҆ и҆́стинный ѻ҆смы́й де́нь, ѡ҆ кото́ромъ и҆ ѱалмопѣ́вецъ ѹ҆помина́етъ въ нѣ́которыхъ надписа́нiяхъ ѱалмѡ́въ, назна́менꙋетъ собо́ю по се́мъ вѣ́кѣ грядꙋ́щее состоя́нiе, де́нь непрестаю́щiй, невече́рнiй, безпрее́мственный, несконча́емый ѻ҆́ный и҆ нестарѣ́ющiй вѣ́къ. И҆ та́къ ѡ҆снова́тельнѡ це́рковь наꙋча́етъ пито́мцєвъ свои́хъ быва́ющыя въ ѻ҆́ный де́нь моли̑твы въ стоя́нiи соверша́ти: дабы`, при ча́стомъ напомина́нiи ѡ҆ несконча́емой жи́зни, мы` не ѡ҆ставля́ли въ небреже́нiи напꙋ́тствiя къ ѻ҆́номꙋ преставле́нiю. Но и҆ вся` пятьдеся́тница є҆́сть напомина́нiе воскресе́нiя, ѡ҆жида́емагѡ въ бꙋ́дꙋщемъ вѣ́кѣ. И҆́бо є҆ди́ный ѻ҆́ный и҆ пе́рвый де́нь, бꙋ́дꙋчи седмикра́тнѡ ѹ҆седмери́ченъ, составля́етъ се́дмь недѣ́ль святы́я пятьдеся́тницы. Пятьдеся́тница, начина́ясь пе́рвымъ дне́мъ седми́цы, и҆́мъ же и҆ ѡ҆ка́нчивается. Пятьдеся́тъ кра́тъ ѡ҆браща́ясь чрез̾ подо́бные промежꙋ́точные дни`, си́мъ подо́бiемъ подража́етъ вѣ́кꙋ, ка́кбы въ крꙋгово́мъ движе́нiи начина́ясь ̾ѿ тѣ́хъ же зна́кѡвъ, на тѣ́хъ же и҆ ѡ҆ка́нчиваясь. Церко́вные ѹ҆ста́вы наꙋча́ютъ на́съ предпочита́ти въ сiи` дни` прямо́е положе́нiе тѣ́ла во вре́мя моли́твы, ꙗ҆́снымъ напомина́нiемъ ка́кбы преселя́я мы́сль на́шꙋ ̾ѿ настоя́щагѡ въ бꙋ́дꙋщее. При (с. тн҃ѕ) вся́комъ же колѣнопреклоне́нiи и҆ воста́нiи, мы` дѣ́йствiемъ показꙋ́емъ и҆ то`, ꙗ҆́кѡ грѣхо́мъ низпа́ли на зе́млю, и҆ то`, ꙗ҆́кѡ, человѣколю́бiемъ созда́вшагѡ на́съ, па́ки воззва́ны на не́бо. Но не доста́нетъ мнѣ` вре́мени повѣствова́ти ѡ҆ непи́санныхъ та́инствахъ цр҃ко́вныхъ. Ѡ҆ставля́ю про́чее. Са́мое и҆сповѣ́данiе вѣ́ры, дабы` вѣ́ровати во ѻ҆ц҃а` и҆ сн҃а и҆ ст҃а́го дх҃а, и҆з̾ каки́хъ писа́нiй и҆мѣ́емъ мы`; А҆́ще по благочести́вомꙋ ѹ҆мозаключе́нiю, и҆мѣ́я до́лгъ та́кѡ вѣ́ровати, ка́кѡ крести́мся, и҆з̾ преда́нiя ѡ҆ креще́нiи произво́димъ и҆сповѣ́данiе вѣ́ры, подо́бное тайнодѣ́йственномꙋ и҆зрече́нiю въ креще́нiи: то да позво́лятъ на́мъ, по тако́мꙋ же заключе́нiю, и҆ славосло́вiе возсыла́ти подо́бное и҆сповѣ́данiю вѣ́ры. По а҆́ще ѻ҆́бразъ славосло́вiя ̾ѿверга́ютъ, ꙗ҆́кѡ непи́санный: то да предста́вятъ на́мъ пи̑санныя доказа́тєльства, ка́къ и҆сповѣ́данiя вѣ́ры, та́къ и҆ про́чагѡ на́ми и҆зчи́сленнагѡ. И҆ та́къ поели́кꙋ сто́ль мно́гѡ є҆́сть непи́саннагѡ, и҆ ѻ҆но` и҆мѣ́етъ толи́кꙋю си́лꙋ въ та́инствѣ благоче́стiя: то є҆ди́нагѡ ли не попꙋ́стятъ на́мъ рече́нiя, кото́рое дошло` до на́съ ̾ѿ ѻ҆тцє́въ, кото́рое мы` ѡ҆брѣли` ѡ҆ста́вшееся ̾ѿ невы́мышленнагѡ ѻ҆быкнове́нiя въ неповрежде́нныхъ це́рквахъ, и҆ кото́рое и҆мѣ́етъ нема́лꙋю ва́жность, и҆ нема́лꙋю прино́ситъ по́льзꙋ си́лѣ та́инства;

(с. тн҃з)

ТОГѠ́ ЖЕ и҆з̾ к҃ѳ главы` тогѡ́ же сочине́нiя.

ПРА́ВИЛО ч҃в.

На возраже́нiе, ꙗ҆́кѡ ѡ҆ славосло́вiи <((>со дх҃омъ<))>{Святы́й разꙋмѣ́етъ славосло́вiе, произноси́мое въ слѣ́дꙋющемъ ви́дѣ: сла́ва ѻ҆ц҃ꙋ` и҆ сн҃ꙋ со ст҃ы́мъ дх҃омъ.} нѣ́тъ свидѣ́тельства и҆ нѣ́тъ писа́нiя, ̾ѿвѣ́тствꙋемъ: А҆́ще ничто` дрꙋго́е не прiе́млется без̾ писа́нiя, то пꙋ́сть не прiе́млется и҆ сiе`: но а҆́ще весьма` мно́гое та́инственное водворено` ѹ҆ на́съ без̾ писа́нiй, то со мно́гими дрꙋги́ми предме́тами прiи́мемъ и҆ сiе`. Мню́ же, ꙗ҆́кѡ а҆по́стольское є҆́сть и҆ сiе`, да де́ржимся непи́санныхъ преда́нiй. И҆́бо хвалю` вы`, глаго́летъ а҆по́столъ, ꙗ҆́кѡ вся̑ моя̑ по́мните, и҆ ꙗ҆́коже преда́хъ ва́мъ, преда̑нiя держите`{а҃ кор. гл. а҃_i, ст. в҃.}. и҆ въ дрꙋго́мъ мѣ́стѣ: держи́те преда̑нiя, ꙗ҆`же прiя́сте, и҆ли` сло́вомъ, и҆ли` посла́нiемъ{в҃ сол. гл. в҃, ст. є҃_i.}: є҆ди́но ѡ҆ си́хъ наипа́че є҆́сть и҆ сiе`, ѡ҆ ко́емъ разсꙋжда́емъ, кото́рое первонача́льные ѹ҆станови́тели пре́дали прее́мникамъ, и҆ при продолжа́ющемся съ тече́нiемъ вре́мени ѹ҆потребле́нiи ѻ҆́нагѡ, долговре́меннымъ ѻ҆бы́чаемъ въ це́рквахъ ѹ҆корени́ли. И҆ та́къ, а҆́ще мы`, ка́кбы на сꙋдѣ`, при недоста́ткѣ пи́сменныхъ доказа́тельствъ, предста́вили въ по́льзꙋ на́шегѡ дѣ́ла мно́жество свидѣ́телей, то не полꙋ́чимъ (с. тн҃и) ли ̾ѿ ва́съ ѡ҆пра́вдывающагѡ пригово́ра; Jа҆́ та́къ дꙋ́маю. И҆́бо при двою` и҆ли` трiе́хъ свидѣ́теляхъ ста́нетъ вся́къ глаго́лъ{Второзак. гл. ѳ҃_i, ст. є҃_i.}. А҆́ще ѹ҆ка́жемъ ва́мъ и҆ на долговре́менность, ꙗ҆́снѡ свидѣ́тельствꙋющꙋю въ на́шꙋ по́льзꙋ: то не ꙗ҆́вимся ли пред̾ ва́ми пра́вѡ глаго́лющими, ꙗ҆́кѡ прѣ́нiе не мо́жетъ ѹ҆спѣ́шно бы́ти проти́вꙋ на́съ; И҆́бо дре́внiе догма́ты, нѣ́которымъ ѻ҆́бразомъ, внꙋша́ютъ благоговѣ́нiе, представля́я въ свое́й дре́вности, ка́кбы въ нѣ́коей сѣди́нѣ, досточти́мый ви́дъ.

(с. тн҃ѳ)

КАНОНÍЧЕСКОЕ ПОСЛА́НIЕ СВЯТА́ГѠ ГРИГО́РIЯ, є҆пíскопа нѵ́сскагѡ, къ лито́iю є҆пíскопꙋ мелiти́нскомꙋ.

ПРА́ВИЛО а҃.

И҆ сiе` є҆́сть ѻ҆дна` и҆з̾ принадле́жностей свята́гѡ пра́здника, что́бы мы` ѹ҆разꙋмѣ́ли зако́нный и҆ пра́вильный ѻ҆́бразъ дѣ́йствованiя ̾ѿноси́тельнѡ согрѣши́вшихъ, да ѹ҆врачꙋ́ется вся́кая болѣ́знь дꙋше́вная, происходя́щая ̾ѿ како́гѡ либо грѣха`. Се́й повсемѣ́стный пра́здникъ сотворе́нiя, по ѹ҆чрежде́нномꙋ ѡ҆браще́нiю годова́гѡ крꙋ́га, въ ка́ждое лѣ́то соверша́емый во все́мъ мíрѣ, торжествꙋ́ется по причи́нѣ воскреше́нiя па́дшагѡ. Но паде́нiе є҆́сть грѣ́хъ, а҆ воскресе́нiе є҆́сть воста́нiе ̾ѿ паде́нiя грѣхо́внагѡ. И҆ та́къ благоприли́чно бꙋ́детъ въ се́й де́нь не то́кмѡ приводи́ти къ бг҃ꙋ ѡ҆бновля́емыхъ возрожде́нiемъ, чрез̾ благода́ть кꙋпе́ли, но и҆ покая́нiемъ и҆ ѡ҆браще́нiемъ ̾ѿ ме́ртвыхъ дѣ́лъ на пꙋ́ть жи́зни па́ки возвраща́ющихся, рꙋководи́ти къ спаса́ющемꙋ ѹ҆пова́нiю, ̾ѿ кото́рагѡ ѻ҆ни` чрез̾ грѣ́хъ ̾ѿчꙋждены`. Не ма́лое же дѣ́ло є҆́сть словеса` ѡ҆ се́мъ ѹ҆стро́ити, по зако́нꙋ пра́веднагѡ и҆ и҆спы́таннагѡ сꙋда`, по за́повѣди проро́ка, повелѣва́ющей словеса` ѹ҆стро́ивати на сꙋдѣ`, да, по и҆зрече́нiю писа́нiя, не (с. т҃ѯ) подви́жется во вѣ́къ, и҆ въ па́мять вѣ́чнꙋю бꙋ́детъ пра́ведникъ{ѱал. ра҃_i, ст. є҃, ѕ҃.}. И҆́бо ка́къ въ тѣле́сномъ врачева́нiи цѣ́ль враче́бнагѡ и҆скꙋ́ства є҆́сть є҆ди́на, возвраще́нiе здра́вiя боля́щемꙋ, а҆ ѻ҆́бразъ врачева́нiя разли́ченъ: и҆́бо по разли́чiю недꙋ́гѡвъ къ ка́ждой болѣ́зни прилага́ется прили́чный спо́собъ лѣче́нiя: та́къ и҆ въ дꙋше́вныхъ болѣ́зняхъ, по мно́жествꙋ и҆ разноѻбра́зiю страсте́й, неѡбходи́мымъ дѣ́лается многоѻбра́зное цѣле́бное попече́нiе, кото́рое со̾ѿвѣ́тственнѡ недꙋ́гꙋ произво́дитъ врачева́нiе. Но дабы` разсмотрѣ́ти предлежа́щiй предме́тъ съ нѣ́которою пра́вильностiю, располо́жимъ сло́во та́кѡ. Въ дꙋшѣ` на́шей ѹ҆сма́триваются, по первонача́льномꙋ раздѣле́нiю, три` си́лы: си́ла ѹ҆ма`, си́ла вожделѣ́нiя, и҆ си́ла раздраже́нiя. Въ си́хъ быва́ютъ и҆ по́двиги живꙋ́щихъ добродѣ́тельнѡ, и҆ падє́нiя поползнове́нныхъ на ѕло`. Посемꙋ` хотя́щiй приложи́ти прили́чное врачевство` къ недꙋ́гꙋющей ча́сти дꙋши`, до́лженъ во пе́рвыхъ разсмотрѣ́ти, въ кото́рой ча́сти произошла` болѣ́знь: пото́мъ къ стра́ждꙋщей, по прили́чiю, прилага́ти врачевство` та́къ, что́бы не бы́ло, по незна́нiю врачева́тельнагѡ спо́соба, подава́емо врачевство` є҆ди́ной ча́сти, когда` болѣ́знь нахо́дится въ дрꙋго́й: подо́бнѡ, ка́къ дѣйстви́тельнѡ ви́димъ мно́гихъ враче́й, кото́рые не ѹ҆зна́въ нача́льнѡ болѣ́знꙋющей ча́сти тѣ́ла, врачевства́ми свои́ми ѹ҆си́ливаютъ болѣ́знь. Ча́стѡ слꙋча́ется болѣ́знь ̾ѿ и҆збы́тка жа́ра: но поели́кꙋ разстро́єннымъ ̾ѿ и҆зли́шнягѡ хла́да поле́зно те́плое и҆ согрѣва́ющее: то сiе́ же са́мое, є҆сте́ственнѡ прине́сшее таковы̑мъ по́льзꙋ, неѡсмотри́тельнѡ ѹ҆потребля́ющiе для пали́мыхъ чрезмѣ́рнымъ жа́ромъ, содѣ́лываютъ болѣ́знь неизлѣчи́мою. Таки́мъ ѻ҆́бра(с. тѯ҃а)зомъ, ка́къ для враче́й самонꙋжнѣ́йшимъ при́знано позна́нiе сво́йства тѣле́сныхъ нача́лъ, дабы` и҆з̾ часте́й стра́ждꙋщихъ, и҆ли` нестра́ждꙋщихъ полꙋча́ла и҆справле́нiе та`, кото́рая не въ є҆сте́ственномъ состоя́нiи нахо́дится: та́кѡ и҆ мы`, ѡ҆браща́ясь къ ѻ҆́номꙋ раздѣле́нiю ѹ҆сма́триваемыхъ въ дꙋшѣ` си́лъ, нача́ломъ и҆ ѡ҆снова́нiемъ со̾ѿвѣ́тственнагѡ врачева́нiя страсте́й поло́жимъ ѻ҆́бщее созерца́нiе. И҆ та́къ, по троя́комꙋ, ка́къ мы` рекли`, раздѣле́нiю сво́йственныхъ дꙋшѣ` движе́нiй, на си́лы ѹ҆ма`, вожделѣ́нiя и҆ раздраже́нiя, благȋя въ дꙋшѣ` дѣ́йствiя си́лы ѹ҆ма` сꙋ́ть: благочести́вое поня́тiе ѡ҆ бж҃е́ственномъ, и҆скꙋ́ство различе́нiя добра` и҆ ѕла`, ꙗ҆́сное и҆ несмѣ́шанное сꙋжде́нiе ѡ҆ сво́йствѣ предме́тѡвъ, что` и҆з̾ сꙋ́щихъ досто́йно и҆збра́нiя, и҆ что` ̾ѿверже́нiя и҆ ̾ѿвраще́нiя. По противꙋположе́нiю без̾ сомнѣ́нiя ѹ҆смо́трится та́кожде и҆ ѕло́е направле́нiе сея` спосо́бности дꙋши`, когда` въ не́й ̾ѿноси́тельнѡ къ веща́мъ бж҃е́ствєннымъ бꙋ́детъ нече́стiе, ̾ѿноси́тельнѡ къ и҆́стиннѡ до́бромꙋ неразсꙋди́тельность, превра́тное и҆ ло́жное поня́тiе ѡ҆ є҆стествѣ` веще́й, ꙗ҆́кѡ почита́ти свѣ́тъ тьмо́ю, а҆ тьмꙋ` свѣ́томъ, ка́къ глаго́летъ писа́нiе{И҆са́iи гл. є҃, ст. к҃.}. Добродѣ́тельное направле́нiе си́лы вожделѣ́нiя є҆́сть ѹ҆стремле́нiе жела́нiя къ сꙋще́ственнѡ вожделѣ́нномꙋ и҆ и҆́стиннѡ прекра́сномꙋ, и҆ всея` си́лы и҆ расположе́нiя любви`, кака́я то́кмѡ въ на́съ є҆́сть, заня́тiе ѹ҆вѣ́ренностiю, ꙗ҆́кѡ нѣ́тъ ничегѡ` и҆на́гѡ по є҆стествꙋ` своемꙋ` вожделѣ́ннагѡ, кромѣ` добродѣ́тели, и҆ є҆стества` добродѣ́тель и҆сточа́ющагѡ. Ѹ҆клоне́нiе же и҆ грѣхо́вное движе́нiе сея` спосо́бности быва́етъ, когда` кто` вожделѣ́нiе ѡ҆брати́тъ къ мечта́тельномꙋ тщесла́вiю, и҆ли` къ цвѣтꙋ́щей красотѣ` тѣле́сной. Ѿсю́да происхо́(с. тѯ҃в)дитъ сребролю́бiе, славолю́бiе, сластолю́бiе и҆ всѣ` си̑мъ подо́бные поро́ки, кото́рые и҆мѣ́ютъ нача́ломъ се́й ро́дъ ѕла`. Наконе́цъ до́брое дѣ́йствiе си́лы раздраже́нiя є҆́сть, ненави́дѣнiе ѕла`. бра́нь проти́вꙋ страсте́й, и҆ ѹ҆крѣпле́нiе дꙋши` въ мꙋ́жествѣ, дабы` подвиза́ющiйся за вѣ́рꙋ и҆ добродѣ́тель не ѹ҆страша́лся ка́жꙋщагѡся стра́шнымъ для мно́гихъ, но подвиза́лся проти́вꙋ грѣха` до кро́ве, презира́лъ ѹ҆гро́зꙋ сме́ртiю, тя́жкiя мꙋ́ки и҆ разлꙋче́нiе ̾ѿ тогѡ`, что` є҆́сть прiя́тнѣйшагѡ, и҆ сло́вомъ, бы́лъ вы́ше всегѡ`, что` мно́гихъ де́ржитъ въ плѣнꙋ` сласте́й, по привы́чкѣ и҆ предꙋбѣжде́нiю. Превра́тныя же движє́нiя сея` си́лы всѣ̑мъ ꙗ҆́вны сꙋ́ть: за́висть, не́нависть, вражда`, ѕлосло́вiе, соꙋмышлє́нiя, сварли́вое и҆ мсти́тельное расположе́нiе, на до́лгое вре́мя простира́ющыя памятоѕло́бiе, и҆ мно́гихъ доводя́щыя до ѹ҆бíйства и҆ кровопроли́тiя. И҆́бо неѡбꙋче́нный по́мыслъ, не ѡ҆брѣта́я, ка́кѡ съ по́льзою ѹ҆потреби́ти ѻ҆рꙋ́жiе, ѡ҆браща́етъ проти́вꙋ самагѡ` себя` ѻ҆́стрiе желѣ́за, и҆ ѻ҆рꙋ́жiе, да́нное на́мъ ̾ѿ бг҃а на защище́нiе, дѣ́лается ѕлоꙋпотребля́ющемꙋ ѻ҆́ное поги́бельнымъ.

ПРА́ВИЛО в҃.

И҆ та́къ, по раздѣле́нiю грѣхѡ́въ вышерече́ннымъ ѻ҆́бразомъ, грѣхи`, каса́ющiеся мы́сленныя спосо́бности дш҃и`, при́знаны ̾ѿ ѻ҆тцє́въ тягча́йшими и҆ тре́бꙋющими бо́льшагѡ, продолжи́тельнѣйшагѡ и҆ строжа́йшагѡ покая́нiя. На примѣ́ръ, а҆́ще кто` ̾ѿре́кся вѣ́ры во хр҃ⷭ҇та`, и҆ ꙗ҆ви́лся преда́вшимъ себя` и҆ли` i҆ꙋде́йствꙋ, и҆ли` i҆дѡлопокло́нствꙋ, и҆ли` манiхе́йствꙋ, и҆ли` и҆но́мꙋ подо́бномꙋ ви́дꙋ нече́стiя: таковы́й, а҆́ще произво́льнѡ ѹ҆стреми́лся на сiе` ѕло`, но пото́мъ раска́ялся, все` вре́мя жи́зни своея` до́лженъ и҆мѣ́ти вре́менемъ покая́нiя. И҆́бо таковы́й не ѹ҆досто́ивается никогда`, во вре́мя (с. тѯ҃г) соверше́нiя та́инственныя моли́твы, кꙋ́пнѡ съ наро́домъ покланя́тися бг҃ꙋ, но наединѣ` да мо́лится, а҆ ̾ѿ прiѡбще́нiя святы́хъ та̑инъ соверше́ннѡ да бꙋ́детъ ̾ѿлꙋче́нъ. Но въ ча́съ и҆схо́да своегѡ` ̾ѿ сея` жи́зни, да ѹ҆досто́ится прича́стiя святы́хъ та̑инъ. А҆́ще же, па́че ча́янiя, слꙋчи́тся є҆мꙋ` ѡ҆ста́тися въ живы́хъ: то па́ки да живе́тъ въ то́мъ же ѡ҆сꙋжде́нiи, не сподобля́яся святы́хъ та̑инъ до и҆схо́да своегѡ`. А҆ тѣ`, кото́рые мꙋ́ками и҆ жесто́кими и҆стяза́нiями вы́нꙋждены, подверга́ются є҆пiтiмiи` на ѡ҆предѣле́нное вре́мя. И҆́бо ст҃ы́е ѻ҆тцы` таково́е человѣколю́бiе ѡ҆каза́ли и҆`мъ потомꙋ`, что` не дꙋша` и҆́хъ подве́рглась паде́нiю, но не́мощь тѣле́сная не могла` противостоя́ти мꙋче́нiямъ. Посемꙋ` за наси́льственное и҆ мꙋче́нiемъ вы́нꙋжденное ̾ѿстꙋпле́нiе, по ѡ҆браще́нiи, мѣ́ра є҆пiтiмiи` ѡ҆предѣля́ется, по примѣ́рꙋ согрѣши́вшихъ любодѣя́нiемъ.

ПРА́ВИЛО г҃.

Тѣ́ же, кото́рые прихо́дятъ къ чародѣ́ямъ, и҆ли` прорица́телямъ, и҆ли` къ ѡ҆бѣща́ющымъ чрез̾ де́монѡвъ ѹ҆чини́ти нѣ́кое ѡ҆чище́нiе и҆ли` ̾ѿвраще́нiе вреда`, подро́бнѡ да вопроша́ются и҆ да и҆спытꙋ́ются: ѡ҆става́ясь ли въ вѣ́рѣ во хр҃ⷭ҇та`, нѣ́кою нꙋ́ждою ѹ҆влечены` ѻ҆ни` къ таково́мꙋ грѣхꙋ` по направле́нiю да́нномꙋ и҆`мъ каки́мъ либо неща́стiемъ, и҆ли` несно́снымъ лише́нiемъ, и҆ли` совсѣ́мъ презрѣ́въ и҆сповѣ́данiе, ̾ѿ на́съ и҆`мъ ввѣ́ренное, прибѣ́гли къ посо́бiю де́монѡвъ. И҆́бо а҆́ще ѹ҆чини́ли сiе` съ ̾ѿверже́нiемъ вѣ́ры, и҆ съ тѣ́мъ, что́бы не вѣ́ровати, ꙗ҆́кѡ бг҃ъ є҆́сть покланя́емый хрiстiа́нами: то без̾ сомнѣ́нiя подве́ржены бꙋ́дꙋтъ ѡ҆сꙋжде́нiю съ ̾ѿстꙋ́пниками. А҆́ще же несно́сная нꙋ́жда ѡ҆владѣ́въ сла́бою и҆́хъ дꙋше́ю, довела` и҆`хъ до тогѡ`, ѡ҆больсти́въ нѣ́коею ло́жною наде́ждою: то и҆ над̾ си́ми (с. тѯ҃д) та́кожде да бꙋ́детъ ꙗ҆́влено человѣколю́бiе, по подо́бiю тѣ́хъ, кото́рые во вре́мя и҆сповѣ́данiя не возмогли` противоста́ти мꙋче́нiямъ.

ПРА́ВИЛО д҃.

Грѣхи`, быва́ющiе ̾ѿ вожделѣ́нiя и҆ сладостра́стiя, раздѣля́ются слѣ́дꙋющимъ ѻ҆́бразомъ: и҆ны́й называ́ется прелюбодѣя́нiемъ, а҆ и҆ны́й блꙋдо́мъ. Нѣ́котѡрымъ же тонча́йшымъ и҆зслѣ́дователямъ заблагоразсꙋди́лось и҆ грѣ́хъ блꙋда` и҆менова́ти прелюбодѣя́нiемъ: поели́кꙋ є҆ди́нъ є҆́сть зако́нный сою́зъ жены` съ мꙋ́жемъ, и҆ мꙋ́жа съ жено́ю. И҆ та́къ все` незако́нное є҆́сть ѹ҆же` противозако́нное, и҆ взе́млющiй несо́бственное ѻ҆чеви́днѡ взе́млетъ чꙋжо́е. И҆́бо человѣ́кꙋ дана` ̾ѿ бг҃а є҆ди́ная помо́щница, и҆ над̾ жено́ю поста́влена є҆ди́ная глава`. И҆ та́къ а҆́ще кто` стяжа́лъ себѣ`, по выраже́нiю бж҃е́ственнагѡ па́ѵла, сво́й со́бственный сосꙋ́дъ{а҃ сол. гл. д҃, ст. д҃.}: томꙋ` зако́нъ є҆сте́ственный предоставля́етъ пра́ведное ѹ҆потребле́нiе ѻ҆́нагѡ. Но а҆́ще кто` ѡ҆брати́тся не къ со́бственномꙋ: таковы́й без̾ сомнѣ́нiя чꙋ́ждый восхи́титъ. Для вся́кагѡ чꙋжо́е є҆́сть то`, что` не є҆́сть є҆гѡ` со́бственное, хотя́ бы и҆ не бы́ло въ видꙋ` владѣ́льца ѻ҆́ное присвоя́ющагѡ. Посемꙋ`, строжа́е и҆зслѣ́довавшымъ се́й предме́тъ, представля́лся блꙋ́дъ не далекѡ` ̾ѿстоя́щимъ ̾ѿ грѣха` прелюбодѣя́нiя, и҆́бо и҆ бж҃е́ственное писа́нiе глаго́летъ: не мно́гъ бꙋ́ди къ чꙋжде́й{При́тч. гл. є҃, ст. к҃.}. Но поели́кꙋ къ немощнѣ́йшымъ ѻ҆тцы` ꙗ҆вля́ли нѣ́кое снизхожде́нiе: то поло́жено въ се́мъ грѣхѣ` ѻ҆́бщее разли́чiе таково́е: блꙋдо́мъ называ́ется и҆сполне́нiе по́хоти, содѣ́ланное съ кѣ́мъ либо без̾ ѻ҆би́ды дрꙋго́мꙋ, а҆ прелюбодѣя́нiемъ навѣ́тъ и҆ ѻ҆би́да чꙋ́ждомꙋ сою́зꙋ. Къ семꙋ` ̾ѿно́сятъ скотоло́жство и҆ мꙋжело́жство, потомꙋ` что` и҆ сiи` грѣхи` (с. тѯ҃є) сꙋ́ть прелюбодѣя́нiе проти́вꙋ є҆стества`. Поели́кꙋ причиня́ется ѻ҆би́да чꙋ́ждомꙋ ро́дꙋ, и҆ прито́мъ вопреки` є҆стествꙋ`. При таково́мъ раздѣле́нiи ви́дѡвъ, и҆ сегѡ` грѣха` ѻ҆́бщее врачева́нiе состои́тъ въ то́мъ, да содѣ́лается человѣ́къ, чрез̾ покая́нiе, чи́стымъ ̾ѿ стра́стнагѡ неи́стовства къ таково́мꙋ плотоꙋго́дiю. Поели́кꙋ же ѹ҆ ѡ҆скверни́вшихся блꙋдодѣя́нiемъ не сопряже́на съ си́мъ грѣхо́мъ ѻ҆би́да: тогѡ` ра́ди сꙋгꙋ́бое вре́мя покая́нiя ѡ҆предѣлено` тѣ́мъ, ко́и ѡ҆скверни́ли себя` прелюбодѣя́нiемъ, и҆ли` и҆ны́ми стꙋдодѣя́нiями, ка́къ то, смѣше́нiемъ со ското́мъ, и҆ли` неи́стовствомъ къ мꙋ́жескомꙋ по́лꙋ. И҆́бо въ си́хъ слꙋ́чаяхъ, ка́къ рече́но мно́ю, грѣ́хъ стано́вится сꙋгꙋ́бымъ: є҆ди́нъ состои́тъ въ непозво́ленномъ сластолю́бiи, а҆ дрꙋгíй въ ѻ҆би́дѣ дрꙋго́мꙋ. Да бꙋ́детъ же нѣ́кое разли́чiе ѻ҆́браза покая́нiя, во грѣха́хъ сладостра́стiя. Возбꙋди́вшiй са́мъ себя` къ и҆сповѣ́данiю грѣхѡ́въ, ка́къ ѹ҆же` нача́вшiй врачева́нiе своегѡ` недꙋ́га тѣ́мъ са́мымъ, что` рѣши́лся по со́бственномꙋ побꙋжде́нiю бы́ти ѡ҆бличи́телемъ свои́хъ та̑инъ, и҆ ка́къ показа́вшiй зна́менiе своегѡ` и҆змѣне́нiя къ лꙋ́чшемꙋ, да бꙋ́детъ под̾ є҆пiтiмiе́ю бо́лѣе снисходи́тельною: а҆ ѹ҆ловле́нный во ѕлѣ`, и҆ли` по нѣ́коемꙋ подозрѣ́нiю и҆ли` ѡ҆бвине́нiю нево́льнѡ ѡ҆бличе́нный, подверга́ется продолжи́тельнѣйшемꙋ и҆справле́нiю, дабы` со стро́гостiю бы́въ ѡ҆чище́нъ, таки́мъ ѻ҆́бразомъ прiя́тъ бы́лъ къ ѡ҆бще́нiю святы́хъ та̑инъ. Пра́вило ѡ҆ се́мъ таково`: ѡ҆скверни́вшiеся блꙋдодѣя́нiемъ на три` лѣ́та да бꙋ́дꙋтъ совсѣ́мъ ѹ҆далены` ̾ѿ церко́вныя моли́твы, три` лѣ́та да ѹ҆ча́ствꙋютъ въ є҆ди́номъ слꙋ́шанiи писа́нiй, въ и҆ны́я три` лѣ́та да мо́лятся съ припа́дающими въ покая́нiи, и҆ пото́мъ да причаща́ются святы́хъ та̑инъ. (с. тѯ҃ѕ) Для проходя́щихъ же покая́нiе ре́вностнѣе, и҆ житiе́мъ свои́мъ показꙋ́ющихъ возвраще́нiе ко благо́мꙋ, позволи́тельно ѹ҆строя́ющемꙋ поле́зное въ церко́вномъ домострои́тельствѣ, сократи́ти вре́мя слꙋ́шанiя, и҆ скорѣ́е приводи́ти ѻ҆́ныхъ къ ѡ҆браще́нiю: подо́бнѡ сократи́ти вре́мя и҆ сегѡ`, и҆ скорѣ́е допꙋсти́ти до прiѡбще́нiя, соѻбра́знѡ съ тѣ́мъ, ка́къ ѻ҆́нъ со́бственнымъ и҆спыта́нiемъ дозна́етъ состоя́нiе врачꙋ́емагѡ. И҆́бо ка́къ воспреще́но поверга́ти би́серъ пред̾ свинiя́ми, та́кѡ безмѣ́стно бы́ло бы и҆ лиша́ти драгоцѣ́ннагѡ би́сера того`, кото́рый чрез̾ ѹ҆дале́нiе ̾ѿ грѣха` и҆ ѡ҆чище́нiе ѹ҆же` содѣ́лался человѣ́комъ. Беззако́нiе же содѣва́емое прелюбодѣя́нiемъ, и҆ли` дрꙋги́ми ви́дами нечистоты`, ка́къ вы́ше рече́но, по всемꙋ` тѣ́мъ же сꙋдо́мъ да бꙋ́детъ врачꙋ́емо, ка́къ и҆ грѣ́хъ блꙋ́дный, но съ ѹ҆сꙋгꙋбле́нiемъ вре́мени. При се́мъ та́кожде да бꙋ́детъ наблюда́емо расположе́нiе врачꙋ́емагѡ, подо́бнѡ ка́къ и҆ ѡ҆держи́магѡ нечистото́ю блꙋда`, дабы` и҆ли` ра́нѣе и҆ли` позднѣ́е подава́лось и҆`мъ прича́стiе бла́га.

ПРА́ВИЛО є҃.

Посе́мъ ѡ҆стае́тся подве́ргнꙋти и҆зслѣ́дованiю дꙋше́внꙋю си́лꙋ раздраже́нiя, когда` ѻ҆на`, ѹ҆клони́вшися ̾ѿ блага́гѡ ѹ҆потребле́нiя негодова́нiя, впа́даетъ въ грѣ́хъ. Мно́гѡ быва́етъ ̾ѿ раздраже́нiя грѣхо́вныхъ дѣ́лъ и҆ вся́кихъ ѕѡ́лъ. Но ѻ҆тца́мъ на́шымъ ѹ҆го́дно бы́ло ѡ҆ и҆ны́хъ и҆з̾ ни́хъ не входи́ти во мно́гꙋю подро́бность, и҆ не призна́ли ѻ҆ни` тре́бꙋющимъ мно́гагѡ попече́нiя врачева́нiе всѣ́хъ согрѣше́нiй, ̾ѿ раздраже́нiя происходя́щихъ. Писа́нiе возбраня́етъ не то́кмѡ ле́гкꙋю ра́нꙋ, но и҆ вся́кое ѕлорѣ́чiе и҆ли` хꙋле́нiе{Колос. гл. г҃, ст. и҃. Є҆фес. гл. д҃, ст. л҃а.} и҆ все` подо́бное ̾ѿ раздраже́нiя происходя́щее: но ѻ҆ни` то́кмѡ проти́вꙋ ѕлодѣя́нiя (с. тѯ҃з) ѹ҆бíйства положи́ли предѡхране́нiе въ є҆пiтiмiя́хъ. Раздѣля́ется же сiе` ѕлодѣя́нiе по разли́чiю ѹ҆бíйства во́льнагѡ и҆ нево́льнагѡ. Во́льное ѹ҆бíйство во пе́рвыхъ є҆́сть то`, на кото́рое съ намѣ́ренiемъ дерзнꙋ́лъ рѣши́вшiйся на сiе` са́мое ѕлодѣя́нiе, да соверши́тъ ѻ҆́ное: во вторы́хъ и҆ то` полага́ется междꙋ` во́льными ѹ҆бíйствами, когда` кто` въ сопротивобо́рствѣ, бiя` и҆ бꙋ́дꙋчи бiе́мъ, нано́ситъ рꙋко́ю ѹ҆да́ръ въ нѣ́кое ѻ҆па́сное мѣ́сто. И҆́бо є҆ди́ножды ꙗ҆́ростiю ѡ҆б̾я́тый и҆ стремле́нiю гнѣ́ва преда́вшiйся, во вре́мя стра́сти не прiе́млетъ въ ѹ҆́мъ ничегѡ` могꙋ́щагѡ пресѣщи` ѕло`. И҆ та́къ ѹ҆бíйство, происше́дшее ̾ѿ сопротивобо́рства, приписꙋ́ется дѣ́йствiю произво́ла, а҆ не слꙋ́чаю. Невѡ́льныя же ѹ҆бíйства и҆мѣ́ютъ и҆звѣ́стные при́знаки, когда` кто`, и҆мѣ́я въ намѣ́ренiи нѣ́что дрꙋго́е, слꙋча́йнѡ ѹ҆чини́тъ тя́жкое ѕло`. И҆з̾ си́хъ во́льное ѹ҆бíйство тре́бꙋетъ троя́кагѡ протяже́нiя вре́мени для тѣ́хъ, кото́рые ѡ҆браще́нiемъ врачꙋ́ютъ произво́льное престꙋпле́нiе. Для ни́хъ полага́ется три` девятилѣ́тiя, съ назначе́нiемъ по девяти` лѣ́тъ на ка́ждый сте́пень покая́нiя. Ка́ющiйся да проведе́тъ девятилѣ́тнее вре́мя въ соверше́нномъ ̾ѿлꙋче́нiи, съ прегражде́нiемъ є҆мꙋ` вхо́да въ цр҃ковь. Сто́лькѡ же дрꙋги́хъ лѣ́тъ да пребꙋ́детъ въ сте́пени слꙋ́шающихъ, сподобля́ясь то́кмѡ слꙋ́шанiя ѹ҆чи́телей и҆ писа́нiй: въ тре́тiемъ же девятилѣ́тiи да мо́лится съ припа́дающими въ покая́нiи, посе́мъ да пристꙋпа́етъ къ ѡ҆бще́нiю ст҃ы́хъ та̑инъ. Jа҆́вно же є҆́сть, ꙗ҆́кѡ и҆ за таковы́мъ то́ же наблюде́нiе и҆мѣ́ти бꙋ́детъ домострои́тельствꙋющiй въ це́ркви: и҆ по ѹ҆смотре́нiю ѡ҆браще́нiя сократи́тся для негѡ` продолже́нiе є҆пiтiмiи`, та́къ что`, вмѣ́стѡ девяти`, на ка́ждый сте́пень покая́нiя поло́жатся и҆ли` ѻ҆́смь, (с. тѯ҃и) и҆ли` се́дмь, и҆ли` ше́сть, и҆ли` то́кмѡ пя́ть лѣ́тъ, а҆́ще вели́костiю покая́нiя ѹ҆прежда́етъ ѻ҆́нъ вре́мя, и҆ ре́вностiю въ и҆справле́нiи себя` превосхо́дитъ тѣ́хъ, ко́и въ продолжи́тельное вре́мя ме́нѣе дѣ́ятельнѡ ѡ҆чища́ютъ себя` ̾ѿ скве́рнъ. Нево́льное же ѹ҆бíйство при́знано досто́йнымъ снисхожде́нiя, но не похва́льнымъ. Сiе` сказа́лъ ꙗ҆́, дабы` ꙗ҆́внымъ сотвори́ти, ꙗ҆́кѡ а҆́ще кто`, хотя` нево́льнѡ, бꙋ́детъ ѡ҆скверне́нъ ѹ҆бíйствомъ, такова́го, ка́къ ѹ҆же` содѣ́лавшагося нечи́стымъ чрез̾ нечи́стое дѣ́ло, пра́вило призна́ло недосто́йнымъ свяще́нническiя благода́ти. Коли́кое же вре́мя назна́чено для ѡ҆чище́нiя про́стѡ блꙋда`, толи́кое же заблагоразсꙋждено` положи́ти и҆ для нево́льныхъ ѹ҆бíйцъ, прито́мъ съ разсмотрѣ́нiемъ и҆ здѣ́сь расположе́нiя ка́ющагѡся. Таки́мъ ѻ҆́бразомъ, а҆́ще бꙋ́детъ и҆́стинное ѡ҆браще́нiе, то да не соблюда́ется число` лѣ́тъ, но съ сокраще́нiемъ вре́мени да веде́тся ка́ющiйся къ возвраще́нiю въ цр҃ковь и҆ къ прича́стiю ст҃ы́хъ та̑инъ. А҆́ще же кто`, не и҆спо́лнивъ вре́мени покая́нiя, ѡ҆предѣле́ннагѡ пра́вилами, ̾ѿхо́дитъ ̾ѿ жи́зни: то человѣколю́бiе ѻ҆ц҃є́въ повелѣва́етъ, да причасти́тся ст҃ы́хъ та̑инъ, и҆ да не без̾ напꙋ́тствiя ̾ѿпꙋще́нъ бꙋ́детъ въ ѻ҆́ное послѣ́днее и҆ да́льнее стра́нствiе. Но а҆́ще причасти́вшись ст҃ы́хъ та̑инъ, па́ки возврати́тся къ жи́зни: да ѡ҆жида́етъ и҆сполне́нiя назна́ченнагѡ вре́мени, находя́ся на то́мъ сте́пени, на кото́ромъ бы́лъ пре́жде да́ннагѡ є҆мꙋ`, по нꙋ́ждѣ, прiѡбще́нiя.

ПРА́ВИЛО ѕ҃.

Дрꙋгíй же ви́дъ i҆дѡлослꙋже́нiя, и҆́бо та́къ ст҃ы́й а҆по́столъ нарица́етъ любостяжа́нiе{Колос. гл. г҃, ст. є҃.}, не зна́ю, ка́къ ѡ҆пꙋсти́ли ѻ҆тцы` на́ши без̾ ѹ҆каза́нiя врачева́нiя. Сiе` ѕло` мни́тся бы́ти болѣ́знiю дꙋши` въ троя́(с. тѯ҃ѳ)комъ ̾ѿноше́нiи: и҆́бо ра́зꙋмъ, погрѣша́я въ сꙋжде́нiи ѡ҆ добрѣ`, мечта́етъ, а҆́ки бы добро` находи́лось въ веществѣ`, и҆ не взира́етъ къ красотѣ` невеще́ственной: вожделѣ́нiе стреми́тся до́лꙋ, ̾ѿпа́дая ̾ѿ и҆́стиннѡ вожделѣ́ннагѡ: и҆ сварли́вое, и҆ раздражи́тельное расположе́нiе дꙋши` мно́гiе для себя` слꙋ́чаи прiе́млетъ ̾ѿ сея` вины`. И҆ воѻбще` мо́жно рещи`, ꙗ҆́кѡ такова́я болѣ́знь со̾ѿвѣ́тствꙋетъ а҆по́стольскомꙋ ѡ҆писа́нiю любостяжа́нiя. И҆́бо бж҃е́ственный а҆по́столъ призна́лъ ѻ҆́нꙋю не то́кмѡ i҆дѡлослꙋже́нiемъ, но и҆ ко́рнемъ всѣ́хъ ѕѡ́лъ{а҃ тiм. гл. ѕ҃, ст. _i҃.}. Но ѻ҆дна́кѡ се́й ви́дъ грѣха` ѡ҆пꙋ́щенъ без̾ ѻ҆со́багѡ разсмотрѣ́нiя и҆ врачева́нiя: ̾ѿ чегѡ` недꙋ́гъ се́й ѹ҆множа́ется въ цр҃квахъ, и҆ никто` не и҆спы́тываетъ прiе́млемыхъ въ кли́ръ, не ѡ҆скверни́лись ли ѻ҆ни` си́мъ ви́домъ i҆дѡлослꙋже́нiя. Впро́чемъ поели́кꙋ ѻ҆тцы` на́ши не ѹ҆помянꙋ́ли ѡ҆ се́мъ, то полага́емъ доста́точнымъ врачева́ти сiе`, коли́кѡ мо́жно, всенаро́днымъ сло́вомъ ѹ҆че́нiя, и҆ недꙋ́ги любостяжа́нiя, ка́кбы нѣ́кiя болѣ̑зни ̾ѿ и҆збы́тка вла́гъ, ѡ҆чища́ти разсꙋжде́нiемъ. То́кмѡ татьбꙋ`, гробокопа́тельство и҆ святота́тство почита́емъ тя́жкою болѣ́знiю, потомꙋ` что` таково` ѹ҆ на́съ ѡ҆ се́мъ прее́мственное ̾ѿ ѻ҆тцє́въ преда́нiе. И҆ по бж҃е́ственномꙋ писа́нiю, къ числꙋ` возбране́нныхъ дѣ́лъ принадлежи́тъ ли́хва и҆ ро́стъ, и҆ прiѡбще́нiе къ своемꙋ` стяжа́нiю чꙋжа́гѡ, чрез̾ нѣ́кое преѡблада́нiе, хотя́ бы то` бы́ло под̾ ви́домъ догово́ра. И҆ та́къ поели́кꙋ на́ше мнѣ́нiе не толи́кѡ досто́йно вѣ́ры, что́бы и҆мѣ́ло вла́сть сво́йственнꙋю пра́виламъ: то къ рече́нномꙋ ѹ҆же` присоедини́мъ сꙋжде́нiе, по пра́виламъ ѡ҆ веща́хъ безспо́рнѡ возбране́нныхъ. Татьба` раздѣля́ется на разбо́йничество и҆ подкопа́нiе, цѣ́ль (с. т҃ѻ) тогѡ` и҆ дрꙋга́гѡ є҆ди́на, ̾ѿя́тiе чꙋжда́гѡ: но междꙋ` ѻ҆́ными є҆́сть вели́кое разли́чiе въ расположе́нiи дꙋ́ха. И҆́бо разбо́йникъ, для достиже́нiя своегѡ` намѣ́ренiя, ѹ҆потребля́етъ и҆ человѣкоꙋбíйство, и҆ къ семꙋ` прiꙋготовля́ется и҆ ѻ҆рꙋ́жiемъ, и҆ ско́пищемъ подо́бныхъ себѣ`, и҆ спосо́бностiю мѣ́стъ: почемꙋ` таковы́й подлежи́тъ сꙋдꙋ` человѣкоꙋбíйцъ, а҆́ще чрез̾ покая́нiе къ цр҃кви бж҃iей возврати́тся. А҆ присво́ившiй себѣ` чꙋжо́е чрез̾ та́йное похище́нiе, и҆ пото́мъ чрез̾ и҆́сповѣдь грѣ́хъ сво́й ѡ҆б̾яви́вшiй свяще́нникꙋ, да врачꙋ́етъ недꙋ́гъ ѹ҆пражне́нiемъ противополо́жнымъ свое́й стра́сти: то́ є҆сть, раздая́нiемъ и҆мѣ́нiя ни́щымъ, да расточи́въ то`, что` и҆мѣ́етъ, пока́жетъ себя` ѡ҆чи́щеннымъ ̾ѿ болѣ́зни любостяжа́нiя. Не и҆мѣ́ющемꙋ же ничегѡ` кро́мѣ тѣ́ла, повелѣва́етъ а҆по́столъ тѣле́снымъ трꙋдо́мъ стра́сть ѻ҆́нꙋю врачева́ти. Повелѣ́нiе сiе` чита́ется та́кѡ: крады́й ктомꙋ` да не кра́детъ, но па́че да трꙋжда́ется, дѣ́лая благо́е, да и҆́мать подая́ти тре́бꙋющемꙋ{Є҆фес. гл. д҃, ст. к҃и.}.

ПРА́ВИЛО з҃.

И҆ са́мое гробокопа́тельство раздѣля́ется на прости́тельное и҆ непрости́тельное. И҆́бо а҆́ще кто` щадя` че́сть ме́ртвыхъ, и҆ не каса́ясь сокры́тагѡ во гро́бѣ тѣ́ла, да не ꙗ҆́вится пред̾ со́лнцемъ неблагоѻбра́зiе є҆стества`, нѣ́которые ка́мни, на гро́бѣ положе́нные, ѹ҆потреби́тъ на како́е либо построе́нiе: сiе`, хотя` и҆ не похва́льно, впро́чемъ по ѻ҆быкнове́нiю сдѣ́лалось прости́тельнымъ, когда` ѻ҆́ное вещество` бꙋ́детъ ѡ҆бращено` на нѣ́что лꙋ́чшее и҆ ѻ҆бщеполе́знѣйшее. А҆ и҆стя́зывати пра́хъ тѣ́ла разрѣши́вшагѡся въ зе́млю, и҆ подви́гнꙋти кѡ́сти въ наде́ждѣ прiѡбрѣсти` нѣ́кое ѹ҆краше́нiе, зако́панное съ ѹ҆ме́ршимъ, сiе` подлежи́тъ тако́мꙋ же сꙋдꙋ`, ка́къ и҆ про(с. тѻ҃а)сты́й блꙋ́дъ, съ соблюде́нiемъ разли́чiя, пока́заннагѡ въ пред̾идꙋ́щемъ сло́вѣ, то́ є҆сть, да ѹ҆сма́триваетъ предстоя́тель цѣле́нiе врачꙋ́емагѡ и҆з̾ са́магѡ житiя` є҆гѡ` та́къ, что` мо́жетъ сократи́ти продолже́нiе є҆пiтiмiи`, ѡ҆предѣле́нное пра́вилами.

ПРА́ВИЛО и҃.

Святота́тство въ ветхозавѣ́тномъ писа́нiи при́знано досто́йнымъ не ме́ньшагѡ ѡ҆сꙋжде́нiя, ка́къ ѹ҆бíйство. И҆́бо и҆ ѡ҆бличе́нный въ ѹ҆бíйствѣ, и҆ похи́тившiй посвяще́нное бг҃ꙋ, ра́внѡ подлежа́ли побiе́нiю ка́мнями{I҆исꙋ́с. наѵ. гл. з҃.}. Въ цр҃ко́вномъ же ѻ҆быкнове́нiи, не вѣ́даю ка́кѡ. послѣ́довало нѣ́которое снисхожде́нiе, и҆ послабле́нiе, и҆ ѡ҆чище́нiе недꙋ́га сегѡ` при́нято бо́лѣе ле́гкое. И҆́бо преда́нiемъ ѻ҆те́ческимъ ѡ҆предѣлена` таковы̑мъ є҆пiтiмiя` на ме́ньшее вре́мя, не́жели за прелюбодѣя́нiе. Во вся́комъ же ро́дѣ престꙋпле́нiя, пре́жде всегѡ` смотрѣ́ти до́лжно, каково` расположе́нiе врачꙋ́емагѡ, и҆ ко ѹ҆врачева́нiю доста́точнымъ почита́ти не вре́мя, [и҆́бо како́е и҆сцѣле́нiе мо́жетъ бы́ти ѡ҆ вре́мени;] но произволе́нiе тогѡ`, кото́рый врачꙋ́етъ себя` покая́нiемъ. Сiе` тебѣ`, человѣ́че бж҃iй, со мно́гимъ тща́нiемъ собра́въ и҆з̾ тогѡ`, что` и҆мѣ́емъ въ рꙋка́хъ, со тща́нiемъ посыла́емъ, поели́кꙋ до́лжно послꙋ́шнꙋ бы́ти повелѣ́нiямъ бра́тiй. Ты́ же не престава́й приноси́ти бг҃ꙋ ѻ҆бы́чныя ѡ҆ на́съ моли̑твы: и҆́бо ты` до́лженъ, ка́къ благомы́слящiй сы́нъ, по бз҃ѣ роди́вшаго тебя` пита́ти въ ста́рости твои́ми моли́твами, по за́повѣди, повелѣва́ющей чти́ти роди́телей, да бла́го ти` бꙋ́детъ, и҆ долголѣ́тенъ бꙋ́деши на земли`{И҆сх. гл. к҃, ст. в҃_i.}. Вѣ́рно же то`, ꙗ҆́кѡ прiи́мешь писа́нiе сiе`, ка́къ зна́менiе свяще́нное, и҆ не пре́зришь да́ра, хотя́ бы ѻ҆́нъ бы́лъ и҆ ни́же твоегѡ` высо́кагѡ дꙋ́ха.

(с. тѻ҃в)

СВЯТА́ГѠ ГРИГО́РIЯ БГ҃ОСЛО́ВА ѡ҆ то́мъ, какíя подоба́етъ чита́ти кни̑ги ве́тхагѡ и҆ но́вагѡ завѣ́та.

Дабы` не прельще́нъ бы́лъ ѹ҆́мъ тво́й чꙋ́ждыми кни́гами, и҆́бо ѡ҆брѣта́ются мнѡ́гiя подлѡ́жныя писа̑нiя, не пра́вѡ надпи̑санныя: то прiими`, возлю́бленный, сiе` мое` вѣ́рное и҆зчисле́нiе. I҆сторíческихъ кни́гъ древнѣ́йшiя є҆вре́йскiя премꙋ́дрости, всѣ́хъ двана́десять. Пе́рвая бытiе`, пото́мъ и҆схо́дъ, леѵíтъ, пото́мъ чи̑сла, пото́мъ второзако́нiе: пото́мъ i҆исꙋ́съ и҆ сꙋдiи`: ѻ҆сма́я рꙋ́ѳь. Девя́тая и҆ деся́тая кни́ги, дѣя̑нiя ца́рствъ, паралiпоме́нѡнъ, и҆ послѣ́днею и҆мѣ́ешь є҆́здрꙋ. Стiхотво́рныхъ кни́гъ пя́ть: пе́рвая i҆́ѡва, пото́мъ давíда, да́лѣе три` соломѡ́новы: є҆кклисiа́стъ, пѣ́снь пѣ́сней и҆ при̑тчи. Та́кожде пя́ть кни́гъ дх҃а проро́ческагѡ. Во є҆ди́нꙋ кни́гꙋ совокꙋпля́ются сiи` двана́десять: ѡ҆сíа, а҆мѡ́съ и҆ тре́тiй мiхе́й, пото́мъ i҆ѡи́ль, пото́мъ i҆ѡ́на, а҆вдíй, наꙋ́мъ, а҆ввакꙋ́мъ, софо́нiа, а҆гге́й, да́лѣе заха́рiа и҆ малахíа. Се` є҆ди́на кни́га, втора́я же и҆са́iи: пото́мъ i҆еремíа при́званный ̾ѿ младе́нчества: пото́мъ i҆езекíиль и҆ данiи́лова благода́ть. Предложи́лъ ꙗ҆́ два́десять двѣ` кни́ги ве́тхагѡ завѣ́та, є҆вре́йскимъ бꙋ́квамъ равночи́слєнныя. По́слѣ сегѡ` счисля́й кни̑ги и҆ но́(с. тѻ҃г)вагѡ та́инства. Матѳе́й писа́лъ ѡ҆ чꙋдеса́хъ хр҃ⷭ҇то́выхъ для є҆вре́євъ, а҆ ма́ркъ для i҆та́лiи, лꙋка` для а҆ха́iи. Для всѣ́хъ же i҆ѡа́ннъ, вели́кiй проповѣ́дникъ и҆ небоше́ствователь. Пото́мъ слѣ́дꙋютъ дѣя̑нiя мꙋ́дрыхъ а҆по́столѡвъ, четырена́десять посла́нiй па́ѵла. Се́дмь собо́рныхъ, и҆з̾ ко́ихъ є҆ди́но i҆а́кѡва, два` петро́вы, да́лѣе три` i҆ѡа́нновы, седмо́е же є҆́сть i҆ꙋ́дино. та́кѡ и҆мѣ́ешь все`. А҆́ще же какíя сꙋ́ть све́рхъ си́хъ, не принадлежа́тъ къ при́знаннымъ.

(с. тѻ҃д)

СВЯТА́ГѠ А҆МФIЛО́ХIА Є҆ПÍСКОПА къ селе́ѵкꙋ ѡ҆ то́мъ, какíя кни́ги прiе́млются.

Наипа́че подоба́етъ вѣ́дати и҆ сiе`, ꙗ҆́кѡ не вся́кая кни́га, стяжа́вшая досточти́мое и҆́мя писа́нiя, є҆́сть достовѣ́рная. И҆́бо быва́ютъ и҆ногда` кни̑ги лжеимє́нныя, и҆ны́я срє́днiя и҆`, та́кѡ рещи`, бли̑зкiя къ словеса́мъ и҆́стины, а҆ дрꙋгíя подлѡ́жныя и҆ ѡ҆бма̑нчивыя, подо́бнѡ ка́къ поддѣ́льныя и҆ подлѡ́жныя монє́ты, ко́и хотя` и҆мѣ́ютъ надписа́нiе ца́рское, но, по веществꙋ` своемꙋ`, ѡ҆ка́зываются ло́жными. Посемꙋ` наименꙋ́ю тебѣ` ка́ждꙋю и҆з̾ бг҃одꙋхнове́нныхъ кни́гъ. Но дабы` ты` позна́лъ раздѣ́льнѡ, пре́жде наименꙋ́ю кни̑ги ве́тхагѡ завѣ́та. Пятокни́жiе соде́ржитъ: бытiе`, пото́мъ и҆схо́дъ, и҆ сре́днюю кни́гꙋ леѵíтъ, за не́ю чи̑сла, по́слѣ второзако́нiе. Къ си́мъ присовокꙋпи` i҆исꙋ́са и҆ сꙋде́й, пото́мъ рꙋ́ѳь, четы́ре кни́ги ца́рствъ, и҆ двѣ` паралiпоме́нѡнъ. За ни́ми слѣ́дꙋетъ є҆́здры кни́га пе́рвая и҆ втора́я. Да́лѣе нарекꙋ` тебѣ` пя́ть кни́гъ стiхотво́рныхъ: ѹ҆вѣнча́ннагѡ по́двигами разли́чныхъ страда́нiй i҆́ѡва, и҆ кни́гꙋ ѱалмѡ́въ, сладкопѣ́сненное для дꙋ́шъ врачева́нiе, три` кни́ги премꙋ́драгѡ соломѡ́на, при̑тчи, є҆кклисiа́стъ и҆ пѣ́снь пѣ́сней. Къ си́мъ присовокꙋпи` двана́десять прⷪ҇ро́кѡвъ: пе́рваго ѡ҆сíю, пото́мъ втора́го а҆мѡ́са, мiхе́а, i҆ѡи́ля, а҆вдíа и҆ i҆ѡ́нꙋ, ѻ҆́бразъ (с. тѻ҃є) тридне́вныя сме́рти: за ни́ми наꙋ́ма, а҆ввакꙋ́ма, пото́мъ девя́таго софо́нiю, а҆гге́а и҆ заха́рiю, и҆ сла́внаго вѣ́стника малахíю. По́слѣ ни́хъ познава́й четыре́хъ проро́кѡвъ: вели́каго и҆са́iю, дерзнове́ннѡ глаго́лавшаго, i҆еремíю состра́ждꙋщаго, та́инственнаго i҆езекíиля, и҆ послѣ́дняго данiи́ла, дѣ́ломъ и҆ сло́вомъ премꙋ́драго. Къ си́мъ прилага́ютъ нѣ́которые є҆сѳи́рь. Вре́мя мнѣ` нарещи` кни̑ги но́вагѡ завѣ́та: прiе́мли четыре́хъ то́кмѡ є҆ѵангелíстѡвъ, матѳе́а, пото́мъ ма́рка, къ си́мъ присоедини́въ тре́тiяго лꙋкꙋ`, i҆ѡа́нна чи́сли четве́ртымъ по вре́мени, но пе́рвымъ по высотѣ` догма́тѡвъ: и҆́бо пра́веднѡ нарица́ю є҆го` сы́номъ гро́ма, вели́чественнѡ провозгласи́вшимъ бг҃а сло́во. Прiе́мли и҆ вторꙋ́ю кни́гꙋ лꙋки`: собо́рныхъ дѣя́нiй а҆по́стольскихъ. Къ си́мъ пото́мъ присовокꙋпи` сосꙋ́дъ и҆збра́нiя, проповѣ́дника и҆ а҆по́стола ꙗ҆зы́кѡвъ, па́ѵла, премꙋ́дрѡ написа́вшаго це́рквамъ четырена́десять посла́нiй: є҆ди́но къ ри́млянамъ, къ ко́емꙋ до́лжно сопричи́слить два` къ корíнѳянамъ, къ гала́тамъ, къ є҆фесе́ямъ: за си́мъ къ живꙋ́щымъ въ фiлíппахъ, пото́мъ напи́санное къ коло́ссянамъ, къ ѳессалоникíйцамъ два`, къ тiмоѳе́ю два`, къ тíтꙋ и҆ фiлимо́нꙋ, къ ка́ждомꙋ є҆ди́но, и҆ є҆ди́но къ є҆вре́ямъ. Сiе` непо́длиннымъ нѣ́кiе называ́ютъ не до́брѣ: и҆́бо въ не́мъ благода́ть и҆́стинная. Что` напослѣ́докъ рекꙋ` ѡ҆ собо́рныхъ посла́нiяхъ; и҆ны́е глаго́лютъ, ꙗ҆́кѡ се́дмь и҆́хъ прiима́ти до́лжно, а҆ и҆ны́е, три` то́кмѡ: є҆ди́но i҆а́кѡва, є҆ди́но петро́во и҆ є҆ди́но i҆ѡа́нново. Нѣ́которые же прiе́млютъ три` i҆ѡа́нновыхъ, и҆ кро́мѣ си́хъ два` петро́вы, и҆ седмо́е i҆ꙋ́дино. Ѿкрове́нiе же i҆ѡа́нново и҆ны́е причисля́ютъ къ свяще́ннымъ кни́гамъ, а҆ мно́гiе называ́ютъ непо́длиннымъ. Се́й да бꙋ́детъ нело́жнѣйшiй канѡ́нъ бг҃одꙋхнове́нныхъ писа́нiй.

(с. тѻ҃ѕ)

КАНОНÍЧЕСКИЕ ѾВѢ́ТЫ СВЯТѢ́ЙШАГѠ ТIМОѲЕ́А є҆пíскопа а҆леѯандрíйскагѡ, є҆ди́нагѡ ̾ѿ ста` пяти́десяти ѻ҆тцє́въ бы́вшихъ на кѡнстантiнопо́льскомъ собо́рѣ.

ВОПРО́СЪ а҃.

А҆́ще ѡ҆глаше́нное ѻ҆троча`, лѣ́тъ седми`, и҆ли` совершеннолѣ́тнiй человѣ́къ, ѹ҆лꙋчи́тъ вре́мя бы́ти при соверше́нiи лiтꙋргíи, и҆ по невѣ́дѣнiю прiѡбщи́тся: то ка́къ до́лжно постꙋпи́ти съ таковы́мъ;

ѾВѢ́ТЪ.

До́лжно просвѣти́ти є҆го` креще́нiемъ: и҆́бо призва́нъ ̾ѿ бг҃а.

ВОПРО́СЪ в҃.

А҆́ще ѡ҆глаше́нный бꙋ́детъ бѣснꙋ́емый, и҆ восхо́щетъ са́мъ, и҆ли` при́сные є҆гѡ`, да прiи́метъ свято́е креще́нiе: то до́лженъ ли прiя́ти, и҆ли` нѣ́тъ, и҆ наипа́че а҆́ще бꙋ́детъ близ̾ сме́рти;

ѾВѢ́ТЪ.

Когда` бѣснꙋ́емый не ѡ҆чи́стился є҆ще` ̾ѿ дꙋ́ха нечи́стагѡ, то не мо́жетъ прiя́ти свято́е креще́нiе: но, при и҆схо́дѣ ̾ѿ сея` жи́зни, креща́ется.

ВОПРО́СЪ г҃.

А҆́ще кто` вѣ́рный ѡ҆держи́мъ бѣ́сомъ: до́лженъ ли прiѡбща́тися святы́хъ та̑инъ, и҆ли` нѣ́тъ;

(с. тѻ҃з)

ѾВѢ́ТЪ.

А҆́ще не нарꙋша́етъ та́йны, ниже` хꙋ́литъ и҆ны́мъ каки́мъ либо ѻ҆́бразомъ: то да причаща́ется, но не ка́ждый де́нь: дово́льно для негѡ` то́кмѡ по времена́мъ.

ВОПРО́СЪ д҃.

А҆́ще кто` и҆з̾ ѡ҆глаше́нныхъ, находя́сь въ болѣ́зни, лиши́тся здра́вагѡ ѹ҆ма`, и҆ не мо́жетъ са́мъ произнести` и҆сповѣ́данiе вѣ́ры, при́сные же є҆гѡ` проси́ти бꙋ́дꙋтъ, да прiи́метъ свято́е креще́нiе, доко́лѣ жи́въ: до́лженъ ли прiя́ти, и҆ли` нѣ́тъ;

ѾВѢ́ТЪ.

До́лженъ прiя́ти креще́нiе, а҆́ще не и҆скꙋша́ется ̾ѿ дꙋ́ха нечи́стагѡ.

ВОПРО́СЪ є҃.

А҆́ще жена` пребꙋ́детъ но́щiю со свои́мъ мꙋ́жемъ, и҆ли` мꙋ́жъ съ жено́ю свое́ю, и҆ на ѹ҆́тро бꙋ́детъ священнослꙋже́нiе: то должны́ ли ѻ҆ни` причасти́тися, и҆ли` нѣ́тъ;

ѾВѢ́ТЪ.

Не должны`. Поели́кꙋ а҆по́столъ глаго́летъ: не лиша́йте себе` дрꙋ́гъ дрꙋ́га, то́чiю по согла́сiю до вре́мени, да пребыва́ете въ моли́твѣ, и҆ па́ки вкꙋ́пѣ собира́йтеся, да не и҆скꙋша́етъ ва́съ сатана` невоздержа́нiемъ ва́шимъ{а҃ кор. гл. з҃, ст. є҃.}.

ВОПРО́СЪ ѕ҃.

А҆́ще жена` ѡ҆глаше́нная вписа́ла и҆́мя свое` ко креще́нiю, а҆ ко дню` креще́нiя приключи́тся є҆́й ѻ҆бы́чное жена́мъ: то до́лжно ли таковꙋ́ю крести́ти въ то́тъ де́нь, и҆ли` ̾ѿложи́ти, и҆ на ско́лькѡ вре́мени ̾ѿложи́ти;

ѾВѢ́ТЪ.

До́лжно ̾ѿложи́ти, доко́лѣ ѡ҆чи́стится.

ВОПРО́СЪ з҃.

А҆́ще жена` ѹ҆смо́тритъ приключи́вшееся є҆́й ѻ҆бы́чное жена́мъ: должна́ ли ѻ҆на` (с. тѻ҃и) въ то́тъ де́нь пристꙋпи́ти къ святы́мъ та́йнамъ, и҆ли` нѣ́тъ;

ѾВѢ́ТЪ.

Не должна`, доко́лѣ не ѡ҆чи́стится.

ВОПРО́СЪ и҃.

А҆́ще жена` роди́тъ пред̾ свято́ю па́схою, то́ є҆сть на вели́кой седми́цѣ: должна` ли пости́тися и҆ не пи́ти вiна`, и҆ли` разрѣша́ется ѻ҆на` ̾ѿ поста` и҆ ̾ѿ запреще́нiя пи́ти вiно` ра́ди тогѡ`, ꙗ҆́кѡ родила`;

ѾВѢ́ТЪ.

По́стъ ѹ҆стано́вленъ для ѹ҆смире́нiя на́шегѡ тѣ́ла. И҆ та́къ, когда` тѣ́ло нахо́дится въ смире́нiи и҆ въ не́мощи: то должна` ѻ҆на` принима́ти пи́щꙋ и҆ питiе`, ка́къ хо́щетъ и҆ понести` мо́жетъ.

ВОПРО́СЪ ѳ҃.

До́лженъ ли священнослꙋжи́тель моли́тися въ присꙋ́тствiи а҆рiа́нъ и҆ли` дрꙋги́хъ є҆ретiкѡ́въ; и҆ли` бꙋ́детъ ли то ни ма́лѡ не во вре́дъ є҆мꙋ`, когда` при ни́хъ соверша́етъ ѻ҆́нъ свою` моли́твꙋ и҆ли` священнодѣ́йствiе;

ѾВѢ́ТЪ.

Въ бж҃е́ственной лiтꙋргíи дiа́конъ пред̾ вре́менемъ цѣлова́нiя возглаша́етъ: не прiе́млемые ко ѻ҆бще́нiю и҆зыди́те. Посемꙋ` таковы́е не должны` присꙋ́тствовати, а҆́ще не ѡ҆бѣща́ются пока́ятися и҆ ѡ҆ста́вити є҆́ресь.

ВОПРО́СЪ _i҃.

А҆́ще кто` бо́ленъ и҆ ̾ѿ си́льныя болѣ́зни соверше́ннѡ и҆стоще́нъ, и҆ приближа́ется свята́я па́сха: непремѣ́ннѡ ли до́лженъ таковы́й пости́тися, и҆ли` по причи́нѣ си́льнагѡ и҆знеможе́нiя є҆гѡ`, священнослꙋжи́тель разрѣши́тъ є҆мꙋ` ѹ҆потребля́ти, что` мо́жетъ, и҆ли` и҆ є҆ле́й и҆ вiно`;

ѾВѢ́ТЪ.

До́лжно разрѣша́ти больно́мꙋ прiима́ти пи́щꙋ и҆ питiе`, смотря` потомꙋ`, что` (с. тѻ҃ѳ) мо́жетъ ѻ҆́нъ понести`. И҆́бо совсѣ́мъ и҆стоще́нномꙋ ѹ҆потребля́ти є҆ле́й, є҆́сть дѣ́ло пра́вое.

ВОПРО́СЪ а҃_i.

А҆́ще кто` зва́ти бꙋ́детъ священнослꙋжи́теля на сочета́нiе бра́ка, и҆ се́й ѹ҆слы́шитъ, ꙗ҆́кѡ бра́къ се́й є҆́сть незако́нный, и҆ли` кровосмѣше́нiе, на примѣ́ръ, ꙗ҆́кѡ и҆мѣ́ющая сочета́тися є҆́сть сестра` ѹ҆ме́ршiя жены`: то до́лженъ ли священнослꙋжи́тель послꙋ́шати таковы́хъ, и҆ли` твори́ти за ни́хъ приноше́нiе;

ѾВѢ́ТЪ.

Рѣши́тельнѡ скажи́те: а҆́ще священнослꙋжи́тель ѹ҆слы́шитъ ѡ҆ незако́нности бра́ка, и҆ а҆́ще бра́къ по́длиннѡ є҆́сть незако́нный: то не до́лженъ священнослꙋжи́тель прiѡбща́тися чꙋжи́мъ грѣха́мъ.

ВОПРО́СЪ в҃_i.

А҆́ще мiряни́нъ, и҆мѣ́вшiй нечи́стое сновидѣ́нiе, вопро́ситъ священнослꙋжи́теля: до́лженъ ли допꙋсти́ти є҆го` до причаще́нiя, и҆ли` нѣ́тъ;

ѾВѢ́ТЪ.

А҆́ще подве́рженъ вожделѣ́нiю жены`, то не до́лженъ причасти́тися: а҆́ще же сатана` и҆скꙋша́етъ є҆го`, дабы` по се́й причи́нѣ ѻ҆́нъ ̾ѿчꙋжде́нъ бы́лъ ѻ҆бще́нiя бж҃е́ственныхъ та̑инъ: то до́лженъ причасти́тися. И҆́бо и҆на́че и҆скꙋси́тель не преста́нетъ напада́ти на него` въ то` вре́мя, когда` ѻ҆́нъ до́лженъ прiѡбщи́тися.

ВОПРО́СЪ г҃_i.

Совокꙋпля́ющымся въ ѻ҆бще́нiе бра́ка, въ кото́рые дни` седми́цы до́лжно соблюда́ти воздержа́нiе ̾ѿ совокꙋпле́нiя дрꙋ́гъ съ дрꙋ́гомъ, и҆ въ кото́рые дни` и҆мѣ́ти и҆`мъ пра́во на ѻ҆́ное;

ѾВѢ́ТЪ.

Пре́жде ре́къ ꙗ҆́, и҆ тепе́рь сказꙋ́ю, а҆по́столъ глаго́летъ: не лиша́йте себе` дрꙋ́гъ дрꙋ́га, (с. т҃п) то́чiю по согла́сiю, до вре́мени, да пребыва́ете въ моли́твѣ: и҆ па́ки вкꙋ́пѣ собира́йтеся, да не и҆скꙋша́етъ ва́съ сатана` невоздержа́нiемъ ва́шимъ{а҃ кор. гл. з҃, ст. є҃.}. Впро́чемъ неѡбходи́мѡ до́лжно возде́рживатися въ де́нь сꙋббѡ́тный и҆ воскре́сный, потомꙋ` что` въ сiи` дни` дꙋхо́вная же́ртва прино́сится гд҃ⷭ҇ꙋ.

ВОПРО́СЪ д҃_i.

А҆́ще кто`, бꙋ́дꙋчи внѣ` себя`, под̾и́метъ на себя` рꙋ́ки, и҆ли` пове́ржетъ себя` съ высоты`: за такова́го до́лжно ли бы́ти приноше́нiе, и҆ли` нѣ́тъ;

ѾВѢ́ТЪ.

Ѡ҆ таково́мъ священнослꙋжи́тель до́лженъ разсꙋди́ти, по́длиннѡ ли, бꙋ́дꙋчи внѣ` ѹ҆ма`, содѣ́лалъ сiе`. И҆́бо ча́стѡ бли́зкiе къ пострада́вшемꙋ ̾ѿ самагѡ` себя`, жела́я дости́гнꙋти, да бꙋ́детъ приноше́нiе и҆ моли́тва за него`, непра́вдꙋютъ и҆ глаго́лютъ, ꙗ҆́кѡ бы́лъ внѣ` себя`. Мо́жетъ же бы́ти, ꙗ҆́кѡ содѣ́лалъ сiе` ̾ѿ ѻ҆би́ды человѣ́ческiя, и҆ли` по и҆но́мꙋ како́мꙋ слꙋ́чаю ̾ѿ малодꙋ́шiя: и҆ ѡ҆ таково́мъ не подоба́етъ бы́ти приноше́нiе, и҆́бо є҆́сть самоꙋбíйца. Посемꙋ` священнослꙋжи́тель непремѣ́ннѡ до́лженъ со вся́кимъ тща́нiемъ и҆спы́тывати, да не подпаде́тъ ѡ҆сꙋжде́нiю.

ВОПРО́СЪ є҃_i.

А҆́ще ѹ҆ когѡ` жена` ѡ҆держи́ма ѕлы́мъ дꙋ́хомъ до тогѡ`, ꙗ҆́кѡ и҆ ѻ҆кѡ́вы но́ситъ, мꙋ́жъ же є҆я` глаго́летъ, ꙗ҆́кѡ не мо́жетъ воздержа́тися, и҆ хо́щетъ поя́ти и҆нꙋ́ю: до́лженъ ли таковы́й поя́ти и҆нꙋ́ю, и҆ли` нѣ́тъ;

ѾВѢ́ТЪ.

Въ се́мъ дѣ́лѣ заключа́ется прелюбодѣя́нiе: и҆ не и҆мѣ́ю и҆ не ѡ҆брѣта́ю, что` на сiе` ̾ѿвѣща́ти.

ВОПРО́СЪ ѕ҃_i.

А҆́ще кто`, постя́ся для прiѡбще́нiя святы́хъ та̑инъ, и҆змыва́я ѹ҆ста`, и҆ли` находя́сь въ ба́нѣ, не хотя` (с. тп҃а) поглоти́лъ во́дꙋ: до́лженъ ли таковы́й причасти́тися;

ѾВѢ́ТЪ.

До́лженъ. И҆́бо и҆на́че сатана`, ѡ҆брѣ́тши слꙋ́чай ѹ҆дали́ти є҆го` ̾ѿ причаще́нiя, ча́ще бꙋ́детъ дѣ́лати то́жде.

ВОПРО́СЪ з҃_i.

Ча́стѡ слꙋ́шая сло́во бж҃iе, и҆ не творя`, не под̾ ѡ҆сꙋжде́нiемъ ли мы` ѡ҆брѣта́емся;

ѾВѢ́ТЪ.

А҆́ще и҆ не твори́мъ: но не мо́жно на́мъ не ѹ҆коря́ти себя`, ꙗ҆́кѡ слꙋ́шая не повинꙋ́емся. Ѹ҆кори́ти же себя` є҆́сть ча́сть спасе́нiя.

ВОПРО́СЪ и҃_i.

Съ кото́рагѡ во́зраста человѣ́ка, грѣхи` є҆гѡ` сꙋ́дятся ̾ѿ бг҃а;

ѾВѢ́ТЪ.

По мѣ́рѣ позна́нiя и҆ разсꙋжде́нiя ка́ждагѡ, и҆ны́е сꙋ́дятся съ десятилѣ́тнягѡ во́зраста, а҆ и҆ны́е съ послѣ́дꙋющихъ лѣ́тъ.

(с. тп҃а)

ПРА̑ВИЛА ѳео́фiла, а҆рхiепíскопа а҆леѯандрíйскагѡ.

Провозглаше́нiе, при настꙋпле́нiи святы́хъ бг҃оявле́нiй въ недѣ́лю.

ПРА́ВИЛО а҃.

И҆ ѻ҆бы́чай и҆ до́лгъ тре́бꙋютъ ̾ѿ на́съ чти́ти вся́кiй воскре́сный де́нь, и҆ пра́здновати ѻ҆́ный: поне́же въ се́й де́нь гд҃ⷭ҇ь на́шъ i҆и҃съ хр҃ⷭ҇то́съ прояви́лъ на́мъ воскресе́нiе и҆з̾ ме́ртвыхъ. Почемꙋ` и҆ пе́рвымъ нарица́ется де́нь се́й въ свяще́нномъ писа́нiи, ꙗ҆́кѡ составля́ющiй для на́съ нача́ло жи́зни, и҆ ѻ҆смы́мъ, ꙗ҆́кѡ прише́дшiй по сꙋббѡ́тѣ i҆ꙋде́йской. Но когда` слꙋчи́лось въ се́й де́нь бы́ти постꙋ` пред̾ святы́мъ бг҃оявле́нiемъ: то благоꙋчреди́мъ ѻ҆́ный, разсꙋди́тельнѡ примѣня́ясь къ ѻ҆бо́имъ слꙋ́чаямъ. Ѹ҆потреби́въ нѣ́сколькѡ фи́нiкѡвъ, мы` не постꙋ́пимъ по ѻ҆бы́чаю є҆́ресей, не почита́ющихъ дня` воскресе́нiя гд҃ⷭ҇а на́шегѡ i҆и҃са хр҃ⷭ҇та`, и҆ кꙋ́пнѡ воздади́мъ до́лжное по́стномꙋ дню`, ѡ҆жида́я вече́рнягѡ собра́нiя, кото́рое въ се́й де́нь, по и҆зволе́нiю бж҃iю, соверша́ется. И҆ та́къ въ се́й де́нь да собира́емся въ ча́съ девя́тый.

(с. тп҃г)

Є҆ГѠ́ ЖЕ наставле́нiе, да́нное а҆ммѡ́нꙋ.

ПРА́ВИЛО в҃.

Съ бы́вшими въ ѡ҆бще́нiи а҆рiа́нъ, и҆ доны́нѣ ѹ҆де́рживающими за собо́ю цє́ркви, да бꙋ́детъ постꙋпа́емо по ѻ҆бы́чаю, то́ є҆сть, таки́мъ ѻ҆́бразомъ, что́бы поставля́емы бы́ли дрꙋгíе, свидѣ́тельствꙋемые въ правосла́вiи, а҆ ѻ҆ни` ѡ҆става́лись въ ѡ҆бще́нiи, и҆ что́бы распоряжє́нiя ѡ҆ ни́хъ бы́ли согласꙋ́емы съ тѣ́мъ, ка́къ и҆ въ дрꙋги́хъ города́хъ постꙋпи́ли сꙋ́щiе въ ѳиваíдѣ правосла́вные є҆пíскопы. Поста́вленные ̾ѿ є҆пíскопа а҆поллѡ́на и҆ бы́вшiе въ ѡ҆бще́нiи съ а҆рiа́нами, и҆мѣ́ющими цє́ркви, да подве́ргнꙋтся є҆пiтiмiи`, а҆́ще ѹ҆чини́ли сiе` по своемꙋ` произволе́нiю: а҆́ще же и҆з̾ послꙋша́нiя своемꙋ` є҆пíскопꙋ, тогда` пребыва́ютъ въ ѡ҆бще́нiи, ка́къ не разꙋмѣ́вшiе, ꙗ҆́кѡ неразꙋ́мнѡ постꙋпи́ли. Впро́чемъ а҆́ще ве́сь наро́дъ ̾ѿверга́етъ и҆`хъ съ про́чими: то да рꙋкополо́жатся дрꙋгíе. А҆́ще же прiе́млетъ и҆`хъ кꙋ́пнѡ съ тѣ́ми, съ ко́ими ѻ҆ни` встꙋпи́ли въ ѡ҆бще́нiе: то и҆ къ ни́мъ да бꙋ́детъ примѣне́нъ ѻ҆бы́чай, кото́ромꙋ слѣ́довали всѣ` сꙋ́щiе въ ѳиваíдѣ правосла́вные є҆пíскопы.

ПРА́ВИЛО г҃.

Ѡ҆ вíстѣ, поста́вленномъ въ пресвѵ́тера въ є҆ре́вѣ, и҆зслѣ́дованiю бы́ти подоба́етъ. А҆́ще ѻ҆́нъ нѣ́коей ̾ѿлꙋчи́в(с. тп҃д)шейся ̾ѿ жива́гѡ мꙋ́жа ѹ҆чини́лъ наси́лiе: то да не бꙋ́детъ попꙋ́щено є҆мꙋ` бы́ти пресвѵ́теромъ, тогда` ка́къ не до́лженъ ѻ҆́нъ, и҆ ꙗ҆́кѡ мiряни́нъ, входи́ти въ це́рковь, кото́рая ѻ҆быкнове́ннѡ таковы́хъ ̾ѿлꙋча́етъ. Впро́чемъ сiе` да не поставля́ется въ предѡсꙋжде́нiе є҆пíскопꙋ а҆поллѡ́нꙋ, а҆́ще поста́вилъ є҆го` по невѣ́дѣнiю: и҆́бо святы́й собо́ръ повелѣ́лъ и҆зверга́ти недосто́йныхъ, кото́рыхъ престꙋпле́нiе ѡ҆бличи́лось по́слѣ рꙋкоположе́нiя.

ПРА́ВИЛО д҃.

Ѡ҆ сꙋ́рѣ, поели́кꙋ є҆пíскопъ а҆поллѡ́нъ ѹ҆твержда́етъ, ꙗ҆́кѡ ѡ҆тосла́лъ є҆го` и҆ ̾ѿчꙋжди́лъ ̾ѿ це́ркви, то да бꙋ́детъ та́кѡ, ка́къ ѡ҆предѣли́лъ є҆пíскопъ: но да бꙋ́детъ є҆мꙋ` предоста́влено принести` свое` ѡ҆правда́нiе, а҆́ще хо́щетъ, и҆ не дово́ленъ ѡ҆предѣле́нiемъ є҆пíскопа.

ПРА́ВИЛО є҃.

Ѡ҆ панꙋ́фѣ, поста́вленномъ во дiа́кона въ лѷкѡ́нѣ, подоба́етъ бы́ти и҆зслѣ́дованiю: и҆ а҆́ще до́знано бꙋ́детъ, ꙗ҆́кѡ ѻ҆́нъ, бꙋ́дꙋчи ѡ҆глаше́ннымъ, взя́лъ свою` племя́нницꙋ въ ѡ҆бще́нiе бра́ка: то по креще́нiи, бы́въ введе́нъ въ кли́ръ, да пребꙋ́детъ въ кли́рѣ, а҆́ще то́кмѡ ѻ҆на` сконча́лась, и҆ ѻ҆́нъ по́слѣ креще́нiя не соѡбща́лся съ не́ю. А҆́ще же ѻ҆́нъ, бꙋ́дꙋчи вѣ́рнымъ, взя́лъ свою` племя́нницꙋ въ ѡ҆бще́нiе бра́ка: то да бꙋ́детъ чꙋ́ждъ кли́ра. Но нѣ́тъ предѡсꙋжде́нiя є҆пíскопꙋ а҆поллѡ́нꙋ, а҆́ще поста́вилъ є҆го` по невѣ́дѣнiю.

ПРА́ВИЛО ѕ҃.

Ѡ҆ i҆а́кѡвѣ надлежи́тъ бы́ти и҆зслѣ́дованiю. А҆́ще ѻ҆́нъ, бꙋ́дꙋчи чтецо́мъ, ꙗ҆ви́лся вино́внымъ въ престꙋпле́нiи любодѣя́нiя и҆ ̾ѿ пресвѵ́терѡвъ и҆зве́рженъ, а҆ пото́мъ прiя́лъ рꙋкоположе́нiе: то да и҆зве́ржется ̾ѿ своегѡ` сте́пени, впро́чемъ по тща́тельномъ и҆зслѣ́дованiи, а҆ не по є҆ди́номꙋ подозрѣ́нiю происше́дшемꙋ ̾ѿ наꙋ́шниче(с. тп҃є)ства и҆ ѕлосло́вiя. А҆́ще же не ѡ҆бря́щется пови́ннымъ: да пребꙋ́детъ въ кли́рѣ. И҆́бо не до́лжно внима́ти сꙋ́етнымъ нарека́нiямъ.

ПРА́ВИЛО з҃.

Ѡ҆ и҆мѣ́ющихъ рꙋкоположи́тися се́й да бꙋ́детъ ѹ҆ста́въ. Ве́сь собо́ръ священнослꙋжи́телей да согласи́тся и҆ да и҆збере́тъ, и҆ тогда` є҆пíскопъ да и҆спыта́етъ и҆́збраннаго, и҆ съ согла́сiемъ свяще́нства да соверши́тъ рꙋкоположе́нiе среди` це́ркви, въ присꙋ́тствiи наро́да, и҆ при возглаше́нiи є҆пíскопа, а҆́ще мо́жетъ и҆ наро́дъ свидѣ́тельствовати ѡ҆ не́мъ. Та́йнѡ же да не быва́етъ рꙋкоположе́нiе. И҆́бо когда` це́рковь пребыва́етъ въ ми́рѣ, тогда` рꙋкоположе́нiямъ прили́чно соверша́тися въ цр҃кви въ присꙋ́тствiи святы́хъ. Въ мѣста́хъ же, гдѣ` є҆́сть є҆диномы́сленные съ бы́вшими въ ѡ҆бще́нiи є҆ретiкѡ́въ, рꙋкоположє́нiя да соверша́ются не и҆на́че, ка́къ по и҆спыта́нiи ̾ѿ и҆́стиннѡ правосла́вныхъ священнослꙋжи́телей, та́кожде въ присꙋ́тствiи є҆пíскопа, и҆ при провозглаше́нiи є҆гѡ` къ присꙋ́тствꙋющемꙋ наро́дꙋ, то́кмѡ та́къ, что́бы не послѣ́довало нѣ́коегѡ ѹ҆клоне́нiя ̾ѿ пра́вагѡ пꙋти`.

ПРА́ВИЛО и҃.

Приношє́нiя для безкро́вныя же́ртвы, по ѹ҆потребле́нiи нꙋ́жнагѡ для та́инства, да раздѣля́ютъ междꙋ` собо́ю принадлежа́щiе къ кли́рꙋ: и҆ да не ꙗ҆́стъ и҆ да не пiе́тъ ̾ѿ ѻ҆́ныхъ ѡ҆глаше́нный, но то́кмѡ принадлежа́щiе къ кли́рꙋ, и҆ сꙋ́щiе съ ни́ми вѣ́рные бра́тiя.

ПРА́ВИЛО ѳ҃.

Поне́же i҆е́раѯъ глаго́летъ, ꙗ҆́кѡ нѣ́кто не до́лженъ бы́ть въ кли́рѣ, ка́къ ѡ҆бвиня́емый въ любодѣя́нiи: но є҆пíскопъ а҆поллѡ́нъ ѹ҆твержда́лъ тогда`, что` ни є҆ди́нагѡ ѡ҆бвини́теля не ꙗ҆ви́лось про́тивъ негѡ`: то да произведе́тся и҆зслѣ́дованiе и҆ ѡ҆ се́мъ. И҆ а҆́ще ꙗ҆ви́т(с. тп҃ѕ)ся нѣ́кiй достовѣ́рный ѡ҆бвини́тель, и҆ престꙋпле́нiе дока́зано бꙋ́детъ представле́нiемъ достовѣ́рныхъ свидѣ́телей, то да и҆зве́ржется и҆з̾ це́ркви: а҆́ще же досто́инъ кли́ра, и҆ и҆мѣ́етъ свидѣ́тельство ѡ҆ свое́мъ цѣломꙋ́дрiи, то да пребꙋ́детъ въ кли́рѣ.

ПРА́ВИЛО _i҃.

Съ согла́сiя всегѡ` свяще́нства да назна́чится дрꙋгíй i҆коно́мъ, на ѡ҆предѣле́нiе ко́егѡ соглаша́ется и҆ є҆пíскопъ а҆поллѡ́нъ, дабы` церко́вное достоя́нiе ѹ҆потребля́емо бы́ло на что` до́лжно.

ПРА́ВИЛО а҃_i.

Вдови̑цы и҆ ѹ҆бо́гiе, и҆ стра́нствꙋющiе прише́льцы, да полꙋча́ютъ вся́кое ѹ҆спокое́нiе, и҆ никто` да не присвоя́етъ церко́внагѡ достоя́нiя.

(с. тп҃з)

Є҆ГѠ́ ЖЕ КЪ А҆ФV́НГIЮ Є҆ПÍСКОПꙊ ѡ҆ та́къ и҆менꙋ́емыхъ чи́стыхъ.

ПРА́ВИЛО в҃_i.

И҆звѣсти́ло меня` твое` благоче́стiе, ꙗ҆́кѡ нѣ́которые и҆з̾ и҆менꙋ́ющихъ себя` чи́стыми, жела́ютъ присоедини́тися къ це́ркви. А҆ поне́же вели́кiй собо́ръ блаже́нныхъ ѻ҆тцє́въ на́шихъ, бы́вшiй въ нiке́ѣ{Прав. и҃, ѳ҃_i.} ѡ҆предѣли́лъ рꙋкополага́ти приходя́щихъ ̾ѿ є҆́ресей: то, по семꙋ` ѹ҆ста́вꙋ, благоволи` и҆ ты` рꙋкополага́ти восхотѣ́вшихъ присоедини́тися къ це́ркви, а҆́ще то́кмѡ житiе` и҆́хъ добродѣ́тельно, и҆ нѣ́тъ никако́гѡ томꙋ` препя́тствiя.

(с. тп҃и)

Є҆ГѠ́ ЖЕ А҆ГАѲѠ́НꙊ Є҆ПÍСКОПꙊ.

ПРА́ВИЛО г҃_i.

Маѯíмъ ѹ҆твержда́лъ, ꙗ҆́кѡ встꙋпи́лъ въ незако́нное сꙋпрꙋ́жество, по невѣ́дѣнiю зако́нѡвъ це́ркви: и҆ поели́кꙋ є҆го` смꙋща́етъ ̾ѿлꙋче́нiе є҆гѡ` ̾ѿ собра́нiй церко́вныхъ, то ѹ҆вѣря́лъ, ꙗ҆́кѡ, ѹ҆чини́въ беззако́нiе по невѣ́дѣнiю, по согла́сiю возде́ржится ̾ѿ беззако́ннагѡ сожи́тiя, на что` и҆ жена` є҆гѡ` согла́сна. И҆ та́къ а҆́ще ѹ҆смо́тришь, ꙗ҆́кѡ ѻ҆ни` дѣ́лаютъ сiе` по согла́сiю и҆ не ѡ҆бма́нываютъ: то, поели́кꙋ де́сять ѹ҆же` лѣ́тъ прошло` ̾ѿ и҆́хъ сочета́нiя, а҆́ще заблагоразсꙋ́дишь поста́вити и҆`хъ съ ѡ҆глаше́нными, ѹ҆стро́й та́кѡ. А҆́ще же примѣча́ешь, ꙗ҆́кѡ хотя́тъ ѡ҆бманꙋ́ти, и҆ потре́бна про́тивъ ни́хъ є҆ще` стро́гость: сотвори`, что` бг҃ъ тебѣ` внꙋши́тъ, рꙋково́дствꙋясь во все́мъ ѡ҆смотри́тельностiю. И҆́бо находя́сь на мѣ́стѣ, лꙋ́чше мо́жешь зна́ти расположє́нiя и҆́хъ.

(с. тп҃ѳ)

Є҆ГѠ́ ЖЕ МИ́НѢ Є҆ПÍСКОПꙊ.

ПРА́ВИЛО д҃_i.

Зако́нное дѣ́ло содѣ́лали пресвѵ́теры въ ве́си гемíнѣ, а҆́ще и҆́стинꙋ глаго́летъ прине́сшая писа́нiе є҆ѵста́ѳiа: ѻ҆на` сказꙋ́етъ, ꙗ҆́кѡ кѷра́дiю, причиня́вшꙋю ѻ҆би̑ды и҆ не хотѣ́вшꙋю прекрати́ти непра́вдꙋ, ѻ҆ни` ̾ѿлꙋчи́ли ̾ѿ собра́нiя церко́внагѡ. Но поели́кꙋ ꙗ҆́ ѹ҆достовѣ́рился, ꙗ҆́кѡ ѻ҆на`, врачꙋ́я поро́къ сво́й, жела́етъ приня́та бы́ти въ ѡ҆бще́нiе съ це́рковiю: то потщи́сь расположи́ти є҆е`, да пе́рвѣе преста́нетъ ̾ѿ непра́вды, и҆ привести` є҆е` въ покая́нiе, и҆ таки́мъ ѻ҆́бразомъ, а҆́ще ѹ҆разꙋмѣ́ешь, ꙗ҆́кѡ къ зако́нꙋ бж҃iю ѡ҆браща́ется, жела́я бы́ти въ церко́вныхъ собра́нiяхъ, то разрѣши` є҆́й бы́ти въ ѻ҆́ныхъ кꙋ́пнѡ съ наро́домъ вѣ́рныхъ.

(с. т҃ч)

ПРА̑ВИЛА и҆́же во святы́хъ ѻ҆тца` на́шегѡ кѷрíлла, а҆рхiепíскопа а҆леѯандрíйскагѡ.

Канонíческое посла́нiе къ до́мнꙋ, патрiа́рхꙋ а҆нтiохíйскомꙋ.

ПРА́ВИЛО а҃.

Ка́ждое дѣ́ло на́ше, когда` пря́мѡ послѣ́дꙋетъ пра́виламъ благочи́нiя, не порожда́етъ для на́съ никако́гѡ смꙋще́нiя, но и҆збавля́етъ на́съ ̾ѿ порица́нiя нѣ́которыхъ, па́че же прiѡбрѣта́етъ на́мъ и҆ ѡ҆добре́нiе благомы́слящихъ. И҆́бо кто` не согласи́тся съ мнѣ́нiемъ безпристра́стнымъ, когда` ѻ҆но` произнесено` кѣ́мъ либо; И҆ли` не бꙋ́детъ ли безꙋкори́зненъ, па́че же вся́кiя похвалы` и҆спо́лненъ, сꙋ́дъ пра́вый и҆ зако́нный; Сiе` пишꙋ` ны́нѣ, когда` твое` благоче́стiе въ твое́мъ писа́нiи, по́сланномъ ко мнѣ` и҆ къ преподо́бнѣйшемꙋ и҆ бл҃гочести́вѣйшемꙋ бра́тꙋ на́шемꙋ и҆ соєпíскопꙋ про́клꙋ, и҆менꙋ́ешь петра` благоговѣ́йнѣйшимъ и҆ бг҃олюби́вѣйшимъ є҆пíскопомъ: а҆ ѻ҆́нъ междꙋ` тѣ́мъ пла́четъ, и҆ почита́етъ себя` непра́вильнѡ ̾ѿрѣше́ннымъ ̾ѿ ввѣ́ренныя є҆мꙋ` це́ркви. Прили́чно же бы́ло бы и҆ли` и҆мѣ́ти є҆мꙋ` и҆́мя свяще́нства кꙋ́пнѡ съ са́мою ве́щiю, и҆ли`, а҆́ще ѻ҆́нъ не бы́лъ досто́инъ предстоя́ти же́ртвенникꙋ бж҃iю, не бы́ти є҆мꙋ` почте́нꙋ и҆ (с. тч҃а) наименова́нiемъ є҆пíскопа. Мо́жетъ бы́ть сло́во мое` пока́жется твоемꙋ` бг҃олю́бiю жесто́кимъ и҆ небратолю́бнымъ: но не таково` ѻ҆но` по и҆́стинѣ. И҆́бо мы` дꙋ́маемъ снисходи́тельны бы́ти къ ста́рцꙋ, ѡ҆ста́вивъ є҆мꙋ` є҆ди́но наименова́нiе. Но мно́гѡ лꙋ́чше бы́ло бы помы́слити и҆ дрꙋго́е. Ѻ҆́нъ глаго́летъ, ꙗ҆́кѡ мо́жетъ ѡ҆правда́ти себя`: но є҆мꙋ` не дано` вре́мени на ѡ҆правда́нiе, и҆ не предло́жено разсмотрѣ́ти дѣ́ло по пра́виламъ. А҆́ще сiе` бы́ло бы ѹ҆чине́но: то са́мое дѣлопроизво́дство, и҆ли` ѡ҆бличи́ло бы въ не́мъ престꙋ́пника, дока́заннаго и҆ при́знаннаго, и҆ потомꙋ` не могꙋ́щаго рещи`, ꙗ҆́кѡ ѡ҆би́женъ, и҆ли` предста́вило бы є҆го` рѣши́тельнѡ неви́ннымъ, и҆ возврати́ло бы є҆мꙋ` нача́льство над̾ це́рковiю, кото́рая была` є҆мꙋ` порꙋчена`. Поели́кꙋ же ничегѡ` такова́гѡ не сдѣ́лано: то ѻ҆́нъ и҆ вопiе́тъ про́тивъ сегѡ`, и҆ глаго́летъ, ꙗ҆́кѡ потерпѣ́лъ несно́снꙋю ѻ҆би́дꙋ, и҆ ꙗ҆́кѡ непра́веднѡ и҆зве́рженъ: присовокꙋпля́етъ же, ꙗ҆́кѡ и҆ все`, что` ѻ҆́нъ и҆мѣ́лъ со́бственнагѡ, ̾ѿя́то ѹ҆ негѡ`. И҆ та́къ твое` преподо́бiе прiе́мля въ разсꙋжде́нiе, чегѡ` тре́бꙋютъ бж҃е́ствєнныя пра̑вила, и҆ что` прили́чно це́ркви и҆ поста́влєннымъ въ не́й для свяще́ннагѡ слꙋже́нiя, све́рхъ же сегѡ` ѹ҆ва́живъ и҆ на́ше писа́нiе, да ѡ҆тре́тъ сле́зы ста́рца. И҆ а҆́ще восхо́щетъ ѻ҆́нъ сꙋди́тися съ тѣ́ми, ко́и возлага́ли на него` престꙋплє́нiя: то да сꙋ́дится по приня́томꙋ ѻ҆бы́чаю пред̾ твои́мъ бг҃оче́стiемъ, въ соприсꙋ́тствiи то́ є҆сть подчине́нныхъ тебѣ` благочести́вѣйшихъ є҆пíскопѡвъ, кромѣ` тѣ́хъ, кото́рыхъ не прiи́метъ, ка́къ и҆́мъ подозрѣва́емыхъ. Мы` не полага́емъ, что́бы кто́ либо и҆з̾ благочести́вѣйшихъ є҆пíскопѡвъ и҆мѣ́лъ враждє́бныя мы̑сли проти́вꙋ бра́та: но дабы` се́й предло́гъ не послꙋжи́лъ къ ѡ҆слабле́нiю си́лы и҆мѣ́ющагѡ бы́ти сꙋда`, а҆́ки бы се́й непра́веднѡ произведе́нъ бы́лъ, (с. тч҃в) то ни ма́лѡ не бꙋ́детъ ѡ҆скорби́тельно, а҆́ще нѣ́которые по сомнѣ́нiю въ и҆́хъ безпристра́стiи, не бꙋ́дꙋтъ въ сꙋде́бномъ собра́нiи.

ПРА́ВИЛО в҃.

Непра́веднѡ же ̾ѿя́тое ѹ҆ негѡ` и҆мꙋ́щество справедли́вость тре́бꙋетъ возврати́ти є҆мꙋ` по двꙋ́мъ причи́намъ: во пе́рвыхъ, поели́кꙋ не надлежа́ло бы́ти чемꙋ́ либо таково́мꙋ: во вторы́хъ, поели́кꙋ благочести́вѣйшихъ є҆пíскопѡвъ, сꙋ́щихъ по все́й земли`, весьма` ѡ҆горча́етъ и҆ въ кра́йнее неꙋдово́льствiе приво́дитъ тре́бованiе ̾ѿче́та въ слꙋча́ющихся ѹ҆ ни́хъ расхо́дахъ и҆з̾ дохо́дѡвъ церко́вныхъ, та́къ и҆ и҆з̾ приноше́нiй ̾ѿ нѣ́которыхъ. И҆́бо ка́ждый и҆з̾ на́съ за свое` вре́мя да́стъ ̾ѿче́тъ сꙋдiи` всѣ́хъ. Ѹ҆́твари и҆ недви̑жимыя стяжа̑нiя надлежи́тъ храни́ти це́рквамъ не ̾ѿчꙋжда́емыми: свобѡ́днымъ же бы́ти пра́вящымъ бж҃е́ственное свяще́нство въ распоряже́нiи слꙋча́ющимися въ и҆́хъ вре́мя расхо́дами.

ПРА́ВИЛО г҃.

Рꙋкописа́нiе же ̾ѿрече́нiя да́лъ ѻ҆́нъ, ка́къ сказꙋ́етъ, не по со́бственномꙋ произволе́нiю, но по нꙋ́ждѣ, по стра́хꙋ и҆ по ѹ҆гро́замъ ̾ѿ нѣ́которыхъ. Но и҆ кро́мѣ сегѡ`, съ церко́вными постановле́нiями не соѻбра́зно, ꙗ҆́кѡ нѣ́кiе священнодѣ́йствователи представля́ютъ рꙋкописа́нiе ̾ѿрече́нiя. И҆́бо а҆́ще досто́йны слꙋжи́ти, да пребыва́ютъ въ се́мъ: а҆́ще же не досто́йны, да ѹ҆даля́ются ̾ѿ слꙋже́нiя не ̾ѿрече́нiемъ, но па́че ѡ҆сꙋжде́нiемъ по дѣла́мъ, проти́вꙋ ко́ихъ мо́жетъ кто́ либо вознести` вели́кiй во́пль, ꙗ҆́кѡ происходя́щихъ внѣ` вся́кагѡ поря́дка. Цѣлꙋ́й съ тобо́ю бра́тiю: сꙋ́щая же съ на́ми цѣлꙋ́етъ тебя` ѡ҆ гд҃ⷭ҇ѣ.

(с. тч҃г)

Є҆ГѠ́ ЖЕ къ є҆пíскопамъ, сꙋ́щымъ въ лѷвíи и҆ пентапо́лѣ.

ПРА́ВИЛО д҃.

Подоба́етъ и҆мѣ́ти попече́нiе ѡ҆ все́мъ, что` поле́зно и҆ неѡбходи́мо къ назида́нiю наро́да, и҆ что` слꙋ́житъ къ сла́вѣ святы́хъ церкве́й. И҆́бо въ писа́нiи ска́зано: благоговѣ́йны сотвори́те сы́ны i҆зра́илевы{Леѵ. гл. є҃_i, ст. л҃а.}. Ѻ҆тцы` монастыре́й, находя́щихся въ ѳи́вской ѻ҆́бласти, мꙋ́жи бл҃гочести́вые и҆ проходя́щiе житiе` ди́вное, прише́дши въ а҆леѯандрíю, бы́въ вопроша́емы мно́ю ѡ҆ состоя́нiи та́мошнихъ монастыре́й, ѡ҆б̾яви́ли, ꙗ҆́кѡ мно́гiе соблазня́ются по слѣ́дꙋющей причи́нѣ. Нѣ́которые, встꙋпи́въ неда́внѡ въ бра́къ, и҆ вы́шедши ка́кбы и҆з̾ са́магѡ бра́чнагѡ черто́га, ѹ҆ловля́ютъ нѣ́которыхъ и҆з̾ бг҃олюбе́знѣйшихъ є҆пíскопѡвъ, и҆, мо́жетъ бы́ть, потомꙋ` что` никто` не ѡ҆бнарꙋ́живаетъ и҆́хъ состоя́нiя, рꙋкополага́ются въ священнослꙋжи́тели, то́ є҆сть, въ пресвѵ́теры. Дрꙋгíе и҆з̾ са́мыхъ монастыре́й бы́въ и҆́згнаны, ꙗ҆́кѡ безчи́нные, та́кожде восхища́ютъ рꙋкоположе́нiе, и҆, содѣ́лавшись сщ҃еннослꙋжи́телями, вхо́дятъ въ тѣ` са́мые монастыри`, и҆з̾ ко́ихъ и҆́згнаны, и҆ хотя́тъ приноси́ти безкро́внꙋю же́ртвꙋ, и҆ и҆сполня́ти все`, что` прили́чно священнослꙋжи́теямъ. А҆ ̾ѿ сегѡ` происхо́(с. тч҃д)дитъ. ꙗ҆́кѡ нѣ́которые, зна́ющiе и҆`хъ, ѹ҆клоня́ются и҆ ̾ѿ церко́вныхъ собра́нiй, и҆ не хотя́тъ причаща́тися, когда` ѻ҆ни` слꙋ́жатъ. И҆ та́къ поели́кꙋ все`, ка́къ рече́но мно́ю, подоба́етъ на́мъ твори́ти для назида́нiя наро́да: то да наблюда́етъ за си́мъ ва́ше благоче́стiе: и҆ а҆́ще кто` и҆мѣ́етъ бы́ти рꙋкоположе́нъ въ священнослꙋжи́теля, и҆спытꙋ́йте є҆гѡ` житiе`, та́кожде, и҆мѣ́етъ ли ѻ҆́нъ женꙋ`, и҆ли` нѣ́тъ, ка́къ и҆ когда` поя́лъ є҆е`, и҆ не и҆з̾ числа́ ли ѻ҆́нъ и҆зве́рженныхъ ̾ѿ дрꙋга́гѡ благочести́вѣйшагѡ є҆пíскопа, и҆ли` и҆з̾ монастыря`, и҆ тогда`, а҆́ще ѡ҆бря́щется безпоро́чнымъ, рꙋкополага́ти є҆го`. Таки́мъ ѻ҆́бразомъ мы` соблюде́мъ въ чистотѣ` свою` со́вѣсть, и҆ въ безꙋкори́зненности свяще́нное и҆ досточти́мое слꙋже́нiе.

ПРА́ВИЛО є҃.

А҆́ще же нѣ́кiе, бꙋ́дꙋчи ѡ҆глаше́нными, подве́ргнꙋтые ̾ѿлꙋче́нiю, въ наказа́нiе за грѣхопадє́нiя, пото́мъ приближа́ются къ сме́рти: то да креща́ются, и҆ да не ̾ѿхо́дятъ ̾ѿ жи́зни сея` без̾ прича́стiя бл҃года́ти, то́ є҆сть, без̾ прiѡбще́нiя святы́хъ та̑инъ. И҆́бо ка́жется и҆ сiе` согла́сно съ ѹ҆ста́вами це́ркви. Привѣ́тствꙋйте сꙋ́щихъ съ ва́ми бра́тiй. Сꙋ́щiе же съ на́ми привѣ́тствꙋютъ ва́съ ѡ҆ гд҃ⷭ҇ѣ.

(с. тч҃є)

Ѡ҆КРꙊ́ЖНОЕ ПОСЛА́НIЕ генна́дiа патрiа́рха кѡнстантiнопо́льскагѡ, и҆ съ ни́мъ свята́гѡ собо́ра, ко всѣ́мъ преѡсвяще́ннѣйшымъ митрополíтамъ и҆ къ па́пѣ ри́мскомꙋ

Бг҃олюбе́знѣйшемꙋ сослꙋжи́телю генна́дiй, и҆ собра́вшiйся въ ца́рствꙋющемъ гра́дѣ но́вомъ ри́мѣ святы́й собо́ръ.

Влады́ка на́шъ и҆ бг҃ъ и҆ сп҃си́тель i҆и҃съ хр҃ⷭ҇то́съ, ввѣ́ривъ святы́мъ свои́мъ ѹ҆ченика́мъ про́повѣдь є҆ѵа́нгелiа, и҆ посла́въ и҆`хъ по все́й вселе́нной ѹ҆чи́телями человѣ́камъ, ꙗ҆́снѡ заповѣ́далъ, дабы` да́ръ, тꙋ́не прiя́тый и҆́ми ̾ѿ негѡ`, и҆ ѻ҆ни` преподава́ли лю́дямъ тꙋ́не, не прiѡбрѣта́я за ѻ҆́ный мѣ́ди и҆ли` сребра`, и҆ли` зла́та, и҆ли` воѻбще` и҆но́гѡ како́гѡ либо стяжа́нiя веще́ственнагѡ и҆ли` земна́гѡ. И҆́бо земно́е и҆ тлѣ́нное не замѣня́етъ дарѡ́въ небе́сныхъ и҆ дꙋхо́вныхъ. Сiю` за́повѣдь ѻ҆́нъ да́лъ не то́кмѡ и҆`мъ, но чрез̾ ни́хъ и҆ на́мъ, ко́ихъ ѹ҆досто́илъ возвести` на и҆́хъ сте́пень и҆ мѣ́сто. И҆ ка́къ ѻ҆ни` храни́ли тогда`, та́къ и҆ на́мъ ны́нѣ подоба́етъ въ то́чности храни́ти и҆ соблюда́ти ѻ҆́нꙋю, не ѹ҆хищря́тися въ то́мъ, что` не те́рпитъ ѹ҆хищре́нiя, и҆ не дерза́ти на ѻ҆па́сное предпрiя́тiе. Тꙋ́не, глаго́летъ, прiя́сте, тꙋ́не дади́те. Не стяжи́те мѣ́ди, ни сребра`, ни зла́та при поясѣ́хъ ва́шихъ{Матѳ. гл. _i҃, ст. и҃, ѳ҃.}. Про́сты и҆ ꙗ҆́сны слова` сея` за́повѣди, не и҆мѣ́я въ себѣ` ничегѡ` разнотолкꙋ́емагѡ, ничегѡ` не(с. тч҃ѕ)вразꙋми́тельнагѡ и҆ тре́бꙋющагѡ и҆з̾ясне́нiя и҆скꙋ́ственнагѡ. Ѿ меня`, глаго́летъ, прiя́ли вы` досто́инство свяще́нства: и҆ а҆́ще за ѻ҆́ное что́ либо ма́лое и҆ли` мно́гое возда́ли мнѣ`, и҆ ѻ҆́ное ва́мъ ̾ѿ меня` про́дано, то и҆ вы` продава́йте ѻ҆́ное дрꙋги̑мъ: а҆́ще же тꙋ́не прiя́ли, то и҆ вы` тꙋ́не дади́те. Что` ꙗ҆снѣ́е сея` за́повѣди; и҆ что` поле́знѣе для повинꙋ́ющихся; Го́ре пои́стиннѣ тѣ́мъ, ко́и возмни́ли прiѡбрѣсти` да́ръ бж҃iй, и҆ли` преподава́ти ѻ҆́ный за де́ньги. И҆́бо таковы́е, по и҆зрече́нiю свята́гѡ петра`, въ же́лчи го́рести и҆ ѹ҆́захъ непра́вды нахо́дятся, свя́занные свои́мъ сребролю́бiемъ{Дѣя́н. гл. и҃, ст. к҃г.}. Съ си́мъ зако́номъ гд҃ⷭ҇нимъ согласꙋ́ется и҆ пра́вило ѡ҆ се́мъ ст҃ы́хъ и҆ бж҃е́ственныхъ ѻ҆тє́цъ ст҃а́гѡ и҆ вели́кагѡ вселе́нскагѡ собо́ра, въ халкидо́нѣ собра́вшагѡся. Ѻ҆но` ꙗ҆́снѡ и҆зло́жено на́мъ слѣ́дꙋющими слова́ми: а҆́ще кото́рый є҆пíскопъ за де́ньги рꙋкоположе́нiе ѹ҆чини́тъ, и҆ непродае́мꙋю благода́ть ѡ҆брати́тъ въ прода́жꙋ, и҆ за де́ньги поста́витъ є҆пíскопа, и҆ли` хѡрепíскопа, и҆ли` пресвѵ́тера, и҆ли` дiа́кона, и҆ли` и҆но́го ко́его ̾ѿ чи́слящихся въ кли́рѣ, и҆ли` произведе́тъ за де́ньги во i҆коно́ма, и҆ли` є҆кдíка, и҆ли` парамона́рiа, и҆ли` воѻбще` въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ`: таковы́й, бы́въ ѡ҆бличе́нъ, ꙗ҆́кѡ на сiе` покꙋси́лся, да бꙋ́детъ подве́рженъ лише́нiю со́бственнагѡ сте́пени, и҆ поста́вленный и҆́мъ ̾ѿню́дь да не по́льзꙋется кꙋ́пленнымъ рꙋкоположе́нiемъ и҆ли` произво́дствомъ, но да бꙋ́детъ чꙋ́ждъ досто́инства и҆ли` до́лжности, котѡ́рыя полꙋчи́лъ за де́ньги. А҆́ще же ꙗ҆́вится кто` и҆ посре́дствꙋющимъ въ толи́кѡ гнꙋ́сномъ и҆ беззако́нномъ мздопрiя́тiи, то и҆ се́й, а҆́ще є҆́сть и҆з̾ кли́ра, да бꙋ́детъ низве́рженъ съ своегѡ` сте́пени: а҆́ще же мiряни́нъ и҆ли` мона́шествꙋющiй, да бꙋ́детъ пре́данъ а҆на́ѳемѣ{в҃ пра́вило д҃ собо́ра.}. (с. тч҃з) Прекра́сны и҆ весьма` благочести́вы заповѣ̑данiя сегѡ` пра́вила ст҃ы́хъ ѻ҆тє́цъ, вся́кое наше́ствiе сатани́нское, и҆ вся́кое покꙋше́нiе дiа́вольское, ѹ҆стремля́ющееся на дꙋхо́вный да́ръ, ̾ѿража́ющыя и҆ пресѣка́ющыя. И҆́бо ̾ѿню́дь не допꙋска́ютъ, что́бы произво́дство рꙋкоположе́нiя за де́ньги бы́ло соверша́емо и҆ли` предпрiе́млемо, ка́къ соверша́ющимъ ѻ҆́ное, та́къ и҆ воспрiе́млющимъ произво́дство рꙋкоположе́нiя. Но ни ра́нѣе вре́мени рꙋкоположе́нiя, ни чрез̾ нѣ́которое вре́мя по рꙋкоположе́нiи, ни при са́момъ рꙋкоположе́нiи, не позволя́ютъ дава́ти мздꙋ` за рꙋкоположе́нiе: поели́кꙋ соверше́ннѡ воспреща́ютъ въ се́мъ дѣ́лѣ бы́ти ѹ҆гожде́нiю дара́ми. Ѻ҆дна́кѡ поели́кꙋ въ настоя́щее вре́мя, при си́хъ толи́кѡ ꙗ҆́вныхъ запреще́нiяхъ, нѣ́кiе въ галатíи ѹ҆смо́трены, ра́ди скве́рнагѡ прибы́тка и҆ сребролю́бiя, пренебрега́ющими и҆ престꙋпа́ющими сiи` спаси̑тельныя и҆ человѣколюби̑выя за́пѡвѣди: то за бла́го призна́ли мы` со ст҃ы́мъ собо́ромъ, пребыва́ющимъ въ се́мъ ца́рствꙋющемъ но́вомъ ри́мѣ, па́ки возѡбнови́ти ѻ҆́ныя, дабы` не допꙋска́я никако́гѡ ѹ҆хищре́нiя, никако́гѡ предло́га и҆ никако́гѡ лжемꙋдрова́нiя, се́й гнꙋ́сный и҆ нечести́вый ѻ҆бы́чай, не и҆звѣ́стнѡ каки́мъ ѻ҆́бразомъ вто́ргшiйся въ святѣ́йшыя це́ркви, совсѣ́мъ пресѣщи`, дабы` при и҆́стиннѡ неподкꙋ́пномъ и҆ чи́стомъ провозглаше́нiи, быва́ющемъ ̾ѿ а҆рхiере́євъ над̾ рꙋкополага́емыми, низходи́ла на ни́хъ свы́ше благода́ть ст҃а́гѡ дх҃а: и҆́бо ны́нѣ при соверше́нiи произво́дствъ за де́ньги, и҆ при дѣ́йствiи рꙋки` нечи́стыя, не зна́ю, низхо́дитъ ли на производи́маго, по провозглаше́нiю, и҆ не воспяща́ется ли па́че благода́ть ст҃а́гѡ дх҃а. Посемꙋ` вѣ́дай, мꙋ́жъ по всемꙋ` благочести́вѣйшiй, что` вся́кiй, кто́ бы ѻ҆́нъ ни бы́лъ, и҆з̾ѡбличе́нный въ че́мъ либо таково́мъ, є҆пíскопъ, и҆ли` хѡрепíскопъ, и҆ли` перiо(с. тч҃и)де́ѵтъ, и҆ли` пресвѵ́теръ, и҆ли` дiа́конъ, и҆ли` кто́ либо и҆ны́й и҆з̾ находя́щихся въ церко́вной до́лжности, и҆ли` мiряни́нъ, по ѻ҆́бщемꙋ ѡ҆предѣле́нiю и҆ ѻ҆́бщемꙋ пригово́рꙋ а҆рхiере́євъ ѡ҆сꙋжда́ется, ка́къ ѡ҆ се́мъ и҆ вышеприведе́нное пра́вило ст҃ы́хъ ѻ҆тє́цъ глаго́летъ. И҆́бо благода́ть долженствꙋ́етъ бы́ти благода́тiю, и҆ сребро` нигдѣ` не должно` бы́ти для нея` посре́дникомъ. И҆ та́къ да бꙋ́детъ и҆ є҆́сть ̾ѿве́рженъ, и҆ вся́кагѡ свяще́ннагѡ досто́инства и҆ слꙋже́нiя чꙋ́ждъ, и҆ подве́рженъ прокля́тiю а҆на́ѳемы, ка́къ мня́щiй стяжа́ти ѻ҆́нꙋю за де́ньги, та́къ и҆ ѡ҆бѣща́ющiй за де́ньги препода́ти ѻ҆́нꙋю, кли́рiкъ ли то` бꙋ́детъ и҆ли` мiряни́нъ, и҆зѡбличе́нъ ли бꙋ́детъ, и҆ли` не и҆зѡбличе́нъ въ дѣ́лѣ се́мъ. И҆́бо невозмо́жно придти` когда́ либо въ є҆дине́нiе несоедини́момꙋ, и҆ мамѡ́нѣ согласи́тися съ бг҃омъ, и҆ли` слꙋжа́щымъ є҆́й слꙋжи́ти бг҃ꙋ. Гд҃ⷭ҇не є҆́сть и҆ сiе` и҆зрече́нiе непререка́емое: не мо́жете бг҃ꙋ рабо́тати и҆ мамѡ́нѣ{Матѳ. гл. ѕ҃ ст. к҃д.}. На си́хъ слова́хъ ѹ҆твержда́ясь по си́лѣ, и҆ и҆`мъ повинꙋ́ясь, съ и҆зре́кшимъ ѻ҆́ныя гд҃ⷭ҇омъ, мы` постанови́ли рѣше́нiе ѡ҆ вино́вныхъ въ таковы́хъ престꙋпле́нiяхъ. Да потщи́тся же и҆ твое` благоче́стiе, творя` сiе` со вся́кимъ радѣ́нiемъ, содѣ́лати сiе` чрез̾ спи́ски и҆звѣ́стнымъ и҆ подчинє́ннымъ тебѣ` бг҃олюбе́знѣйнымъ є҆пíскопамъ и҆ перiоде́ѵтамъ и҆ всѣ́мъ про́чымъ: да є҆ди́нымъ дꙋ́хомъ и҆ є҆ди́ною дꙋше́ю всѣ` мы` вкꙋ́пѣ хрiстiа́не, ѹ҆крѣпи́вшись проти́вꙋ ѻ҆́бщагѡ врага`, возмо́жемъ съ по́мощiю бж҃iею и҆зсѣщи` насажде́нный и҆́мъ междꙋ` на́ми ко́рень сребролю́бiя, со всѣ́ми ѕлы́ми ѡ҆́траслями. Все` сꙋ́щее съ тобо́ю ѡ҆ хр҃ⷭ҇тѣ` бра́тство привѣ́тствꙋемъ. Возмога́я ѡ҆ гд҃ⷭ҇ѣ, моли́ся ѡ҆ на́съ бг҃олюбе́знѣйшiй бра́те.

Къ семꙋ` сло́вꙋ посла́нiя, кꙋ́пнѡ съ сами́мъ генна́дiемъ, подписа́лись та́кожде се́дмьдесятъ три` є҆пíскопа.

(с. тч҃ѳ)

ПОСЛА́НIЕ ТАРА́СIА, СВЯТѢ́ЙШАГѠ ПАТРIА́РХА кѡнстантiнопо́ля, но́вагѡ ри́ма, къ а҆дрiа́нꙋ, па́пѣ дре́внягѡ ри́ма.

Святѣ́йшемꙋ и҆ блаже́ннѣйшемꙋ бра́тꙋ и҆ сослꙋжи́телю, господи́нꙋ а҆дрiа́нꙋ, па́пѣ дре́внягѡ ри́ма, тара́сiй ми́лостiю бж҃iею є҆пíскопъ кѡнстантiнопо́ля, но́вагѡ ри́ма, ѡ҆ гд҃ⷭ҇ѣ ра́доватися.

Многоча́стнѡ и҆ многоѻбра́знѡ, ̾ѿ є҆ѵангелíстѡвъ, ̾ѿ а҆по́столѡвъ и҆ ѻ҆тцє́въ, наꙋча́емся несребролюби́вый нра́въ и҆мѣ́ти при посвяще́нiи въ свяще́нство, и҆ не взима́ти сребра` и҆ли` зла́та при поставле́нiи вся́кагѡ свяще́ннагѡ мꙋ́жа, ка́къ пока́жемъ въ приложе́нныхъ при се́мъ вы́пискахъ и҆з̾ бж҃е́ственныхъ и҆зрече́нiй писа́нiя и҆ ѹ҆че́нiй ѻ҆тцє́въ. И҆́бо возлага́ющiе рꙋ́ки сꙋ́ть слꙋжи́тели дх҃а, а҆ не продая́тели дх҃а. Прiе́млющихъ тꙋ́не благода́ть дх҃а, тꙋ́не преподава́ти ѻ҆́нꙋю заи́мствꙋющымъ ̾ѿ ни́хъ, ѡ҆бяза́ли прiя́вшiе сiю` свобо́дꙋ ̾ѿ сло́ва гд҃ⷭ҇ня. А҆́ще же кто` ѡ҆бличе́нъ бꙋ́детъ, ꙗ҆́кѡ кꙋпи́вшiй зла́томъ: такова́го ѡ҆б̾явля́ютъ и҆зве́рженнымъ ̾ѿ свяще́ннагѡ чи́на. Поели́кꙋ, хотя` ѻ҆́нъ и҆ полꙋчи́лъ свяще́нство по и҆́мени, ѻ҆дна́кѡ сло́во не согласꙋ́ется съ дѣ́(с. _ꙋ҃)ломъ. Никто́же бо мо́жетъ бг҃ꙋ рабо́тати и҆ мамѡ́нѣ, ка́къ и҆з̾ є҆ѵа́нгелiа наꙋча́емся{Матѳ. гл. ѕ҃, ст. к҃д.}. И҆ поели́кꙋ мы` слы́шимъ бг҃а вопiю́щагѡ чрез̾ проро́ка: свяще́нницы, глаго́лите въ се́рдце i҆ерꙋсали́мꙋ{И҆са́iи гл. м҃. ст. в҃.}, и҆ па́ки ѹ҆грожа́ющагѡ и҆ глаго́лющагѡ: стра́жъ, а҆́ще ѹ҆ви́дитъ ме́чь грядꙋ́щь и҆ не вострꙋ́битъ трꙋбо́ю, и҆ лю́дiе не ѡ҆храня́тъ себе`, и҆ наше́дъ ме́чь во́зметъ ̾ѿ ни́хъ дꙋ́шꙋ, кро́ве ̾ѿ рꙋки` стра́жа взыщꙋ`{I҆езек. гл. л҃г, ст. ѕ҃.}: то мы`, страша́сь ѡ҆сꙋжде́нiя за молча́нiе, возвѣща́емъ всѣ́мъ предстоя́телямъ на́шихъ церкве́й, дабы` со дерзнове́нiемъ, слова́ми бж҃е́ственнагѡ а҆по́стола, могли` мы` рещи`: чи́сты є҆смы` ̾ѿ кро́ве{Дѣя́н. гл. к҃, ст. к҃ѕ.} престꙋпа́ющихъ повелѣ́нное пра́вилами, и҆ ѻ҆со́беннѡ рꙋкоположи́вшихъ и҆ли` рꙋкоположе́нныхъ на мздѣ`. Бж҃е́ственный а҆по́столъ пе́тръ, ко́егѡ и҆ престо́лъ наслѣ́довала бра́тская ва́ша святы́ня, ̾ѿве́ргнꙋлъ таковы́хъ, ꙗ҆́кѡ сѵ́мѡна волхва`. Посемꙋ` мы` не коле́блемся возвѣща́ти и҆́стинꙋ, сохраня́я и҆ содержа` препо́данное на́мъ въ пра́вилахъ святы́хъ а҆по́стѡлъ и҆ сла́вныхъ ѻ҆тє́цъ на́шихъ, и҆, а҆́ще что` и҆з̾ си́хъ нарꙋ́шили нѣ́кiе, ̾ѿ таковы́хъ ̾ѿвраща́емся. Бра́тское ва́ше священнолѣ́пное а҆рхiере́йство, и҆справля́я зако́ннѡ и҆ по во́лѣ бж҃iей священнонача́льственнꙋю до́лжность, стяжа́ло гро́мкꙋю сла́вꙋ. И҆́бо вели́кiй и҆ пе́рвый а҆рхiере́й хр҃ⷭ҇то́съ бг҃ъ на́шъ ре́къ чрез̾ проро́ка: живꙋ` а҆́зъ, то́кмѡ прославля́ющыя мя` просла́влю{а҃ цар. гл. в҃, ст. л҃.}. Вѣ́даешь, мꙋ́жъ жела́нiй дꙋхо́вныхъ, что` нечести́вая є҆́ресь македо́нiа, и҆ є҆гѡ` послѣ́дователей дꙋхобо́рцєвъ, ме́нѣе нестерпи́ма. И҆́бо сiи` пꙋстосло́вятъ, а҆́ки бы ст҃ы́й дх҃ъ є҆́сть творе́нiе и҆ ра́бъ бг҃а и҆ ѻ҆ц҃а`: а҆ тѣ`, ка́къ мни́тся, дѣ́лаютъ є҆го` свои́мъ рабо́мъ. Поели́кꙋ (с. _ꙋ҃а) вся́кiй господи́нъ все`, что` и҆мѣ́етъ, а҆́ще восхо́щетъ, продае́тъ, раба́ ли, и҆ли` и҆но́е что` и҆з̾ стяжа́нiй свои́хъ: та́кожде и҆ покꙋпа́ющiй, жела́я бы́ти господи́номъ покꙋпа́емагѡ, цѣно́ю сребра` прiѡбрѣта́етъ ѻ҆́ное. Таки́мъ ѻ҆́бразомъ творя́щiе беззако́нное сiе` дѣ́ло ѹ҆ничижа́ютъ дх҃а ст҃а́го, согрѣша́я ра́внѡ съ тѣ́ми, ко́и бг҃охꙋ́льнѡ говори́ли, а҆́ки бы хр҃ⷭ҇то́съ и҆згоня́лъ де́монѡвъ ѡ҆ веельзевꙋ́лѣ, и҆ли` справедли́вѣе рещи`, ѹ҆подобля́ются i҆ꙋ́дѣ преда́телю, прода́вшемꙋ хр҃ⷭ҇та` бг҃оꙋбíйцємъ i҆ꙋде́ямъ за цѣ́нꙋ сребра`. Поели́кꙋ же дх҃ъ ст҃ы́й є҆диносꙋ́щенъ є҆́сть хр҃ⷭ҇тꙋ` бг҃ꙋ на́шемꙋ: то для вся́кагѡ ꙗ҆́вно є҆́сть, ꙗ҆́кѡ и҆ сiи` подве́ргнꙋтся то́й же ѹ҆́части, ка́къ сiе` дока́зано. И҆ а҆́ще не продае́тся [и҆́бо ꙗ҆́вно, ꙗ҆́кѡ ̾ѿню́дь нѣ́тъ]: то несомнѣ́нно, ꙗ҆́кѡ нѣ́тъ въ ни́хъ благода́ти ст҃а́гѡ дх҃а, то́ є҆сть святы́ни свяще́нства, и҆ ѻ҆ни` не прiя́ли и҆ не и҆мѣ́ютъ ѻ҆́ной{а҃ кор. гл. ѳ҃.}. И҆́бо да воспомя́нꙋтъ свята́го петра`, кото́рый къ покꙋси́вшемꙋся на такꙋ́ю кꙋ́плю глаго́летъ та́кѡ: нѣ́сть ти` ча́сти, ни жре́бiя въ словеси` се́мъ{Дѣя́н. гл. и҃. ст. к҃а.}. И҆́бо а҆́ще продае́тся досто́инство свяще́нства: то коне́чнѡ и҆зли́шни для ни́хъ благочести́вый ѻ҆́бразъ житiя` и҆ пребыва́нiе въ чистотѣ` и҆ добродѣ́тели. И҆зли́шенъ для ни́хъ и҆ па́ѵелъ, бж҃е́ственный а҆по́столъ, наꙋча́ющiй, ꙗ҆́кѡ подоба́етъ є҆пíскопꙋ бы́ти непоро́чнꙋ, цѣломꙋ́дрꙋ, че́стнꙋ, ѹ҆чи́тельнꙋ, воздержа́тельнꙋ, тре́звенꙋ, держа́щемꙋся и҆́стиннагѡ словесе`, по ѹ҆че́нiю, да си́ленъ бꙋ́детъ и҆ ѹ҆тѣша́ти во здра́вомъ ѹ҆че́нiи, и҆ проти́вящыяся ѡ҆блича́ти{а҃ тiм. гл. г҃. ст. в҃. тíт. гл. а҃, ст. ѳ҃.}. Сiе` все` стано́вится ненꙋ́жнымъ, а҆́ще продае́тся и҆ покꙋпа́ется свяще́нство. Нижеслѣ́дꙋющыя святои́збранныя мѣста` показꙋ́ютъ, ꙗ҆́кѡ то́тъ во́все чꙋ́ждъ свяще́нства, кто` когда́ либо дае́тъ и҆ли` взима́етъ мздꙋ`, въ како́е (с. _ꙋ҃в) бы то` ни бы́ло вре́мя, пре́жде ли рꙋкоположе́нiя, и҆ли` по́слѣ рꙋкоположе́нiя. И҆́бо взима́ти всегда` є҆́сть взима́ти. А҆ та́кже воспреща́ютъ и҆ всѣ` церкѡ́вныя произвѡ́дства за дая́нiе де́негъ.

Пра́вило к҃ѳ ст҃ы́хъ а҆по́стѡлъ.

А҆́ще кто` є҆пíскопъ, и҆ли` пресвѵ́теръ, и҆ли` дiа́конъ, де́ньгами сiе` досто́инство полꙋ́читъ: да бꙋ́детъ и҆зве́рженъ и҆ ѻ҆́нъ, и҆ поста́вившiй, и҆ ̾ѿ ѻ҆бще́нiя совсѣ́мъ да ̾ѿсѣче́тся, ꙗ҆́кѡ сíмѡнъ во́лхвъ.

И҆з̾ дѣя́нiй ст҃ы́хъ а҆по́стѡлъ.

Ви́дѣвъ же сíмѡнъ, ꙗ҆́кѡ возложе́нiемъ рꙋ́къ а҆по́стольскихъ дае́тся дх҃ъ ст҃ы́й, принесе` и҆`мъ сребро`, глаго́ля: дади́те и҆ мнѣ` вла́сть сiю`, да, на него́же а҆́ще положꙋ` рꙋ́цѣ, прiи́метъ дх҃а ст҃а́го. Пе́тръ же рече` къ немꙋ`: сребро` твое` съ тобо́ю да бꙋ́детъ въ поги́бель, ꙗ҆́кѡ да́ръ бж҃iй непщева́лъ є҆си` сребро́мъ стяжа́ти. Нѣ́сть ти` ча́сти ни жре́бiя въ словеси` се́мъ: и҆́бо се́рдце твое` нѣ́сть пра́во пред̾ бг҃омъ. Пока́йся ѹ҆́бѡ ѡ҆ ѕло́бѣ твое́й се́й, и҆ моли́ся бг҃ꙋ, а҆́ще ѹ҆́бѡ ̾ѿпꙋ́стится ти` помышле́нiе се́рдца твоегѡ`: въ же́лчи бо го́рести и҆ сою́зѣ непра́вды зрю́ тя сꙋ́ща{Гл. и҃, ст. и҃_i<->к҃г.}.

И҆з̾ тре́тiей кни́ги ца́рствъ.

И҆ не ѡ҆брати́ся i҆еровоа́мъ ̾ѿ ѕло́бы своея`, и҆ возврати́ся, и҆ сотвори` ̾ѿ ча́сти є҆ди́ныя люде́й, жерцы` высо́кихъ: и҆́же хотя́ше, и҆сполня́ше рꙋ́кꙋ свою`, и҆ быва́ше жре́цъ на высо́кихъ. И҆ бы́сть глаго́лъ се́й въ прегрѣше́нiе до́мꙋ i҆еровоа́млю. и҆ на и҆спроверже́нiе, и҆ на и҆зчезнове́нiе ̾ѿ лица` земли`{Гл. г҃_i, ст. л҃г, л҃д.}.

И҆з̾ четве́ртыя кни́ги ца́рствъ.

И҆ возврати́ся неема́нъ къ є҆лiссе́ю са́мъ, и҆ все` ѡ҆полче́нiе є҆гѡ`, и҆ прiи́де, и҆ ста` пред̾ ни́мъ, и҆ рече`: се` ны́нѣ разꙋмѣ́хъ, ꙗ҆́кѡ нѣ́сть бг҃а во все́й земли`, но то́кмѡ (с. _ꙋ҃г) во i҆зра́или: и҆ ны́нѣ прiими` благослове́нiе ̾ѿ раба` твоегѡ`. И҆ рече` є҆лiссе́й: жи́въ гд҃ⷭ҇ь, є҆мꙋ́же предста́хъ пред̾ ни́мъ, а҆́ще прiимꙋ`. И҆ понꙋжда́ше є҆го` взя́ти, и҆ не послꙋ́ша. И҆ спꙋстя` не мно́гѡ: и҆ рече` гiезíй, ѻ҆́трочищъ є҆лiссе́евъ: се` пощадѣ` господи́нъ мо́й неема́на сѵ́рянина сего`, є҆́же не взя́ти ̾ѿ рꙋки` є҆гѡ`, ꙗ҆`же принесе`: жи́въ гд҃ⷭ҇ь, ꙗ҆́кѡ и҆́мамъ тещи` въ слѣ́дъ є҆гѡ`, и҆ возмꙋ` ̾ѿ негѡ` нѣ́что. И҆ тече` гiезíй въ слѣ́дъ неема́новъ. И҆ не мно́гѡ ни́же: и҆ рече` неема́нъ: возми` два` тала́нта сребра`, и҆ взя` два` тала́нта сребра` во два` мѣшца`, и҆ двѣ` премѣ́ны ри́зъ. И҆ да́лѣе: и҆ рече` къ немꙋ` є҆лiссе́й: ̾ѿкꙋ́дꙋ прише́лъ є҆си` гiезíе; и҆ рече` гiезíй: не и҆сходи́лъ ра́бъ тво́й ника́може. И҆ рече` къ немꙋ` є҆лiссе́й: не ходи́ло ли се́рдце мое` съ тобо́ю; И҆ ви́дѣхъ, є҆гда` возвраща́шеся мꙋ́жъ съ колесни́цы свое́й въ срѣ́тенiе тебѣ`: и҆ ны́нѣ взя́лъ є҆си` сребро`, да кꙋ́пиши за не` вертогра́ды, и҆ вiногра́ды, и҆ ма́слины, и҆ ѻ҆́вцы, и҆ волы`, и҆ ѻ҆́троки и҆ ѻ҆трокови̑цы. И҆ прока́за неема́нова да прильпне́тъ къ тебѣ`, и҆ къ сѣ́мени твоемꙋ` во вѣ́ки. И҆ и҆зы́де ̾ѿ лица` є҆гѡ` прокаже́нъ, ꙗ҆́кѡ снѣ́гъ{Гл. є҃, ст. є҃_i <-> к҃з.}.

И҆з̾ толкова́нiя свята́гѡ васíлiа на и҆са́iю.

Зако́нъ да́лъ бг҃ъ въ по́мощь, да рекꙋ́тъ: нѣ́тъ сло́ва, ка́къ сiе`, за кото́рое не мо́жно да́ти дарѡ́въ. Се́й зако́нъ не подо́бенъ глаго́лꙋ чревовѣща́теля. Поели́кꙋ не и҆зѡбрѣте́нъ, ка́къ се́й, для ѡ҆больще́нiя, но є҆́сть ѹ҆чи́тель и҆́стины: прито́мъ таковы́е предвѣща́ютъ за сребро`. И҆ сiе` досто́йно смѣ́ха, ꙗ҆́кѡ ѡ҆больща́емые пла́тятъ и҆`мъ и҆ сребро` въ награ́дꙋ за ло́жь. Глаго́лъ же зако́на не тако́въ, что́бы за ѻ҆́ный дава́ти да́ры: и҆́бо никто` не продае́тъ благода́ти. Тꙋ́не, глаго́летъ, прiя́сте, тꙋ́не дади́те{Матѳ. гл. _i҃, ст. и҃.}. Ви́дишь, ка́къ вознегодова́лъ (с. _ꙋ҃д) пе́тръ на сíмѡна, прине́сшаго сребро` за благода́ть дх҃а. Сребро` твое`, глаго́летъ ѻ҆́нъ, съ тобо́ю да бꙋ́детъ въ поги́бель, ꙗ҆́кѡ непщева́лъ є҆си` да́ръ бж҃iй сребро́мъ стяжа́ти{Дѣя́н. гл. и҃, ст. к҃.}. И҆ та́къ сло́во є҆ѵа́нгелiа не є҆́сть подо́бно продава́ємымъ глаго́ламъ чревовѣща́телей. И҆́бо како́е кто` да́стъ досто́йное возме́здiе за ѻ҆́ное; Слы́ши давíда, недоꙋмѣва́ющагѡ и҆ глаго́лющагѡ: что` возда́мъ гд҃ⷭ҇еви ѡ҆ всѣ́хъ, ꙗ҆`же воздаде́ ми{ѱал. рє҃_i, ст. г҃.}; Посемꙋ` не возмо́жно да́ти за сiе` да́ры досто́йные подава́емыя тѣ́мъ благода́ти. Є҆ди́нъ да́ръ досто́йный: соблюде́нiе даро́ваннагѡ. Да́вшiй тебѣ` сокро́вище тре́бꙋетъ не цѣны` за да́нное, но досто́йнагѡ хране́нiя да́ннагѡ.

И҆з̾ є҆гѡ́же посла́нiя къ подчине́ннымъ є҆мꙋ` є҆пíскопамъ, пра́в. ч҃.

Мня́тъ, ꙗ҆́кѡ не согрѣша́ютъ, когда` берꙋ́тъ не при рꙋкоположе́нiи, а҆ по́слѣ: взя́ти же, когда́ бы то` ни бы́ло, є҆́сть взя́ти. И҆ та́къ молю`, ѡ҆ста́вите се́й дохо́дъ, и҆ли` па́че се́й вхо́дъ въ гее́ннꙋ, и҆ не дѣ́лайте себя` недосто́йными соверша́ти свящє́нныя та̑инства, ѡ҆скверня́я рꙋ́ки свои` таковы́мъ лихоима́нiемъ.

И҆з̾ житiя` свята́гѡ i҆ѡа́нна златоꙋ́стагѡ.

Пристꙋпи́лъ ко всѣ́мъ є҆пíскопамъ вино́вникъ протяже́нiя сло́ва на́шегѡ, є҆ѵсе́вiй, ѡ҆бвини́тель шести` про́чихъ є҆пíскопѡвъ, прося` ѡ҆ приня́тiи є҆гѡ` въ ѡ҆бще́нiе. Нѣ́которые и҆з̾ є҆пíскопѡвъ воспрекосло́вили, ꙗ҆́кѡ не до́лжно прiя́ти є҆го`, ꙗ҆́кѡ клеветника`. На сiе` ѻ҆́нъ, ѹ҆моля́я говори́лъ: поели́кꙋ дѣ́ло въ продолже́нiе двꙋ́хъ лѣ́тъ бо́льшею ча́стiю и҆зслѣ́довано, и҆ дана` ̾ѿсро́чка для свидѣ́телей: то прошꙋ` ва́ше бг҃олю́бiе, да бꙋ́детъ позво́лено мнѣ` предста́вити свидѣ́телей ны́нѣ, сегѡ́же часа`. И҆́бо хотя` и҆ ѹ҆́меръ (с. _ꙋ҃є) а҆нтѡнíнъ є҆пíскопъ, взя́вшiй зла́то и҆ рꙋкоположи́вшiй, ѻ҆дна́кѡ ѡ҆стаю́тся въ живы́хъ да́вшiе и҆ рꙋкоположе́нные. Присꙋ́тствꙋющiй собо́ръ призна́лъ справедли́вымъ встꙋпи́ти въ разсмотрѣ́нiе дѣ́ла. И҆ начина́ется разсмотрѣ́нiе дѣ́ла чте́нiемъ за́писи ѡ҆ то́мъ, что` произведено` пре́жде. Вошли` свидѣ́тели, вошли` и҆ ше́сть да́вшихъ и҆ рꙋкоположе́нныхъ. Сiи` въ нача́лѣ не признава́лись: но ка́къ свидѣ́тели и҆ и҆з̾ мiря́нъ и҆ и҆з̾ пресвѵ́терѡвъ, на кото́рыхъ ѻ҆ни` по ви́димомꙋ полага́лися, тве́рдѡ стоя́ли въ свои́хъ показа́нiяхъ: то ѻ҆ни` спе́рва ̾ѿрека́лись, а҆ когда` свидѣ́тели ѡ҆блича́ли, приводя` и҆`мъ на па́мять мѣста` и҆ времена`, и҆ сказꙋ́я ви́ды да́нныхъ веще́й и҆ коли́чество: тогда` со́вѣсть и҆́хъ возмꙋти́лась, и҆ ѻ҆ни` доброво́льнѡ без̾ мно́гагѡ принꙋжде́нiя призна́лись та́кѡ: признае́мся, что` да́ли, но мы` дꙋ́мали, ꙗ҆́кѡ тако́въ є҆́сть поря́докъ, дабы` на́мъ ѡ҆свобождє́ннымъ бы́ти ̾ѿ ѻ҆бще́ственныя слꙋ́жбы. И҆ ны́нѣ про́симъ: а҆́ще не є҆́сть благоче́стно пребы́ти на́мъ въ слꙋже́нiи церко́вномъ, то по кра́йней мѣ́рѣ да полꙋ́чимъ зла́то, кото́рое мы` да́ли: и҆́бо мы` да́ли нѣ́кiя ве́щи же́нъ на́шихъ. На сiе` i҆ѡа́ннъ да́лъ ѡ҆бѣща́нiе собо́рꙋ: ꙗ҆́ ѡ҆свобождꙋ` и҆`хъ ̾ѿ свѣ́тскагѡ сꙋда` ѹ҆проси́въ царя`: вы́ же повели́те и҆`мъ взя́ти то`, что` да́ли, ̾ѿ наслѣ́дникѡвъ а҆нтѡнíна. Собо́ръ повелѣ́лъ: зла́то взя́ти и҆`мъ ̾ѿ наслѣ́дникѡвъ а҆нтѡнíна, причаща́тися и҆`мъ внꙋтри` ѻ҆лтаря`, но бы́ти внѣ` свяще́нства, дабы`, а҆́ще прости́мъ сiе`, не воше́лъ ѻ҆бы́чай i҆ꙋде́йскiй, и҆ли` є҆гѵ́петскiй, продава́ти и҆ покꙋпа́ти свяще́нство. И҆́бо сказꙋ́ютъ, ꙗ҆́кѡ вреди́тель и҆ лжеиме́нный патрiа́рхъ i҆ꙋде́йскiй ка́ждый го́дъ и҆ли` чрез̾ го́дъ перемѣня́етъ а҆рхiсѷнаго́гѡвъ, для собира́нiя сребра`, подо́бнѡ и҆ є҆гѡ` подража́тель патрiа́рхъ є҆гѵ́петскихъ i҆ꙋде́євъ, да и҆спо́л(с. _ꙋ҃ѕ)нится проро́ческое сло́во: жерцы` є҆гѡ` на мздѣ` ̾ѿвѣщава́хꙋ, и҆ проро́цы є҆гѡ` на сребрѣ` волхвова́хꙋ{Мiх. гл. г҃, ст. а҃_i.}.

И҆з̾ пра́вилъ святы́хъ х҃л ѻ҆тє́цъ, въ халкидо́нѣ собра́вшихся.

А҆́ще кото́рый є҆пíскопъ за де́ньги рꙋкоположе́нiе ѹ҆чини́тъ, и҆ непродае́мꙋю благода́ть ѡ҆брати́тъ въ прода́жꙋ, и҆ за де́ньги поста́витъ є҆пíскопа, и҆ли` хѡрепíскопа, и҆ли` пресвѵ́тера, и҆ли` дiа́кона, и҆ли` и҆на́го ко́его ̾ѿ чи́слящихся въ кли́рѣ, и҆ли` произведе́тъ за де́ньги во i҆коно́ма, и҆ли` є҆кдíка, и҆ли` парамона́рiа, и҆ли` воѻбще` въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ`: таковы́й бы́въ ѡ҆бличе́нъ, ꙗ҆́кѡ на сiе` покꙋси́лся, да бꙋ́детъ подве́рженъ лише́нiю со́бственнагѡ сте́пени: и҆ поста́вленный и҆́мъ ̾ѿню́дь да не по́льзꙋется кꙋ́пленнымъ рꙋкоположе́нiемъ, и҆ли` произво́дствомъ: но да бꙋ́детъ чꙋ́ждъ досто́инства, и҆ли` до́лжности, котѡ́рыя полꙋчи́лъ за де́ньги. А҆́ще же ꙗ҆́вится кто` и҆ посре́дствꙋющимъ въ толи́кѡ гнꙋ́сномъ и҆ беззако́нномъ мздопрiя́тiи: то и҆ се́й, а҆́ще є҆́сть и҆з̾ кли́ра, да бꙋ́детъ низве́рженъ со своегѡ` сте́пени: а҆́ще же мiряни́нъ, и҆ли` мона́шествꙋющiй, да бꙋ́детъ пре́данъ а҆на́ѳемѣ{Пра́в. в҃.}.

И҆з̾ ѡ҆крꙋ́жнагѡ посла́нiя генна́дiа святѣ́йшагѡ а҆рхiепíскопа кѡнстантiнопо́льскагѡ, и҆ съ ни́мъ собо́ра.

И҆ та́къ да бꙋ́детъ и҆ є҆́сть ̾ѿве́рженъ, и҆ вся́кагѡ свяще́ннагѡ досто́инства и҆ слꙋже́нiя чꙋ́ждъ, и҆ подве́рженъ прокля́тiю а҆на́ѳемы, ка́къ мня́щiй стяжа́ти ѻ҆́ное свяще́нство за де́ньги, та́къ и҆ ѡ҆бѣща́ющiй за де́ньги препода́ти ѻ҆́ное, кли́рiкъ ли то` бꙋ́детъ и҆ли` мiряни́нъ, (с. _ꙋ҃з) и҆зѡбличе́нъ ли бꙋ́детъ, и҆ли` не и҆зѡбличе́нъ въ дѣ́лѣ се́мъ. И҆́бо не возмо́жно придти` когда́ либо въ є҆дине́нiе несоедини́момꙋ, и҆ мамѡ́нѣ согласи́тися съ бг҃омъ, и҆ли` слꙋжа́щымъ є҆́й слꙋжи́ти бг҃ꙋ. Гд҃ⷭ҇не є҆́сть и҆ сiе` и҆зрече́нiе непререка́емое: не мо́жете бг҃ꙋ рабо́тати и҆ мамѡ́нѣ{Матѳ. гл. ѕ, ст. к҃д.}.

И҆з̾ пра́вилъ свята́гѡ шеста́гѡ собо́ра.

Во є҆пíскопы, и҆ли` въ какꙋ́ю бы то` ни бы́ло сте́пень кли́ра поставля́емыхъ за де́ньги, а҆ не по и҆спыта́нiю и҆ и҆збра́нiю за ѻ҆́бразъ жи́зни, повелѣва́емъ и҆зверга́ти, та́кожде и҆ тѣ́хъ, ко́ими ѻ҆ни` поста́влены{Прав. к҃в.}.

Ѹ҆слы́шимъ сiе` всѣ`, и҆ внꙋши́мъ себѣ` не то́кмѡ а҆рхiере́и, но и҆ счисля́ющiеся въ кли́рѣ, и҆ всѣ` живꙋ́щiе по вселе́ннѣй. И҆́бо подоба́етъ на́мъ ли́шше внима́ти слы̑шаннымъ, да не когда` ̾ѿпаде́мъ{Є҆вр. гл. в҃. ст. а҃.}. Jа҆́кѡ не и҆стлѣ́ннымъ зла́томъ и҆ли` сребро́мъ и҆скꙋ́плены мы` ̾ѿ сꙋ́етнагѡ, ѻ҆тца́ми пре́даннагѡ, житiя`, но честно́ю кро́вiю, ꙗ҆́кѡ а҆́гнца непоро́чна и҆ пречи́ста хр҃ⷭ҇та`{а҃ петр. а҃, ст. и҃_i, ѳ҃_i.}. Та́кѡ наꙋча́й и҆ на́съ, мꙋ́жъ свяще́ннѣйшiй, послѣ́довати заповѣ́данiямъ писа́нiя, и҆ є҆ѵа́нгелiа, и҆ а҆по́столѡвъ, и҆ свяще́нныхъ пра́вилъ и҆ ѻ҆тцє́въ. И҆́бо мы` преклоня́емся слова́ми ѹ҆́стъ ва́шихъ. Взы́ди на высотꙋ`, возвы́си гла́съ тво́й въ крѣ́пости, ше́ствꙋй въ широтѣ`, проповѣ́дꙋй со дерзнове́нiемъ, да и҆стреби́тся въ коне́цъ и҆ да ѹ҆ничто́жится рꙋкоположе́нiе мздои́мное, и҆ все` то`, что`, по сребролю́бiю и҆ непра́вдѣ и҆ кꙋ́плѣ гнꙋснокоры́стной, сопꙋ́тствꙋетъ ѻ҆́номꙋ. И҆́бо когда` ѻ҆но` и҆ сро́дное ѻ҆́номꙋ и҆з̾я́то бꙋ́детъ ̾ѿ и҆́збраннагѡ наро́да, ̾ѿ и҆́мени хр҃ⷭ҇то́ва нарече́ннагѡ, и҆ тꙋ́не (с. _ꙋ҃и) и҆скꙋпле́нiе полꙋчи́вшагѡ: тогда` всѣ` поро́кꙋ семꙋ` спослѣ́дꙋющыя сквє́рны и҆скореня́тся, и҆ свяще́нники, ꙗ҆́кѡ фíнiѯъ процвѣтꙋ́тъ, вдыха́я хр҃ⷭ҇то́во благоꙋха́нiе спаса́ємымъ, и҆ воспѣва́я це́ркви побѣ́днꙋю пѣ́снь: ̾ѿя́тъ гд҃ⷭ҇ь ̾ѿ тебе` непра̑вды твоя`{Софо́н. гл. г҃, ст. є҃_i. }: є҆ще́ же и҆ пожина́емые плоды` ѹ҆слажда́я, и҆ ѹ҆множа́я ѻ҆́ные въ ста́рости масти́тѣй, то́ є҆сть, показꙋ́я наслѣ́дниками блаже́нныя ѻ҆́ныя и҆ безсме́ртныя жи́зни.