СѶМВО́ЛЪ ВѢ́РЫ тре́хъ сѡ́тъ ѻ҆смина́десяти ст҃ы́хъ ѻ҆тє́цъ пе́рвагѡ вселе́нскагѡ собо́ра, ніке́йскагѡ.

Вѣ́рꙋемъ во є҆ди́наго бг҃а ѻ҆ц҃а̀, вседержи́теля, творца̀ всѣ́хъ ви́димыхъ и҆ неви́димыхъ. И҆ во є҆ди́наго гд҃ⷭ҇а і҆и҃са хр҃ⷭ҇та̀, сн҃а бж҃ія, є҆диноро́днаго, рожде́ннаго ̾ѿ ѻ҆ц҃а̀, то́ є҆сть, и҆з̾ сꙋ́щности ѻ҆ц҃а̀, бг҃а ̾ѿ бг҃а, свѣ́та ̾ѿ свѣ́та, бг҃а и҆́стинна ̾ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже вся̑ бы́ша, ꙗ҆̀же на небесѝ и҆ на землѝ: на́съ ра́ди человѣ̑къ и҆ на́шегѡ ра́ди спасе́нія сше́дшаго, и҆ воплоти́вшася и҆ вочеловѣ́чшася, страда́вша, и҆ воскре́сшаго въ тре́тій де́нь, и҆ возше́дшаго на небеса̀, и҆ сѣдя́ща ѡ҆деснꙋ́ю ѻ҆ц҃а̀, и҆ па́ки грядꙋ́щаго сꙋди́ти живы̑мъ и҆ мє́ртвымъ. И҆ во ст҃а́го дх҃а. Глаго́лющихъ же ѡ҆ сн҃ѣ бж҃іемъ, ꙗ҆́кѡ бы́сть вре́мя, є҆гда̀ не бѣ̀, и҆лѝ ꙗ҆́кѡ пре́жде не́же роди́тися, не бѣ̀, и҆лѝ ꙗ҆́кѡ ̾ѿ не сꙋ́щихъ бы́сть, и҆лѝ и҆з̾ и҆ны́я ѵ҆поста́си и҆лѝ сꙋ́щности глаго́лющихъ бы́ти, и҆лѝ преврати́ма и҆лѝ и҆змѣня́ема сн҃а бж҃ія, си́хъ а҆наѳема́тствꙋетъ каѳолі́ческая и҆ а҆по́стольская цр҃ковь.

с. д҃