СѶМВО́ЛЪ ВѢ́РЫ ста̀ пяти́десяти ст҃ы́хъ ѻ҆тє́цъ втора́гѡ вселе́нскагѡ собо́ра, кѡнстантінопо́льскагѡ.

Вѣ́рꙋемъ во є҆ди́наго бг҃а ѻ҆ц҃а̀, вседержи́теля, творца̀ не́бꙋ и҆ землѝ, ви̑димымъ же всѣ́мъ и҆ неви̑димымъ. И҆ во є҆ди́наго гд҃ⷭ҇а і҆и҃са хр҃ⷭ҇та̀, сн҃а бж҃ія, є҆диноро́днаго, и҆́же ̾ѿ ѻ҆ц҃а̀ рожде́ннаго пре́жде всѣ́хъ вѣ̑къ: свѣ́та ̾ѿ свѣ́та, бг҃а и҆́стинна ̾ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже вся̑ бы́ша: на́съ ра́ди человѣ̑къ, и҆ на́шегѡ ра́ди спасе́нія сше́дшаго съ небе́съ, и҆ воплоти́вшагося ̾ѿ дх҃а ст҃а и҆ мр҃і́и дв҃ы, и҆ вочеловѣ́чшася: распя́таго же за ны̀ при понті́йстѣмъ піла́тѣ, и҆ страда́вша, и҆ погребе́нна: и҆ воскре́сшаго въ тре́тій де́нь по писа́ніємъ: и҆ возше́дшаго на небеса̀, и҆ сѣдя́ща ѡ҆деснꙋ́ю ѻ҆ц҃а̀: и҆ па́ки грядꙋ́щаго со сла́вою сꙋди́ти живы̑мъ и҆ мє́ртвымъ, є҆гѡ́же ца́рствію не бꙋ́детъ конца̀. И҆ въ дх҃а ст҃а́го, гд҃ⷭ҇а, животворя́щаго, и҆́же ̾ѿ ѻ҆ц҃а̀ и҆сходя́щаго, и҆́же со ѻ҆ц҃е́мъ и҆ сн҃омъ спокланя́ема и҆ ссла́вима, глаго́лавшаго прⷪ҇ро́ки. Во є҆ди́нꙋ святꙋ́ю, собо́рнꙋю и҆ а҆по́стольскꙋю цр҃ковь. И҆сповѣ́дꙋемъ є҆ди́но креще́ніе во ѡ҆ставле́ніе грѣхѡ́въ. Ча́емъ воскресе́нія ме́ртвыхъ, и҆ жи́зни бꙋ́дꙋщагѡ вѣ́ка. А҆ми́нь.

с. є҃