Стихи́:

Стра́сти ра́нам Феодо́те испо́лнься,

И с ми́ром тебе́ Христо́с прие́млет,

Ме́ртва во вторы́й Феодо́та архиере́я.

Сей бя́ше при Ликини́и цари́ и Сави́не иге́моне Ки́прстем. Христо́ва же ра́ди испове́дания предста́ иге́мону, бие́н бысть волу́ями жи́лами. Та́же пове́шен и стро́ган, и на одре́ желе́зне ражже́не просте́рт и от того́ сохране́н. Гвоздьми́ но́зе его́ пронзи́ша, и, тещи́ ну́димь, вве́ржен в темни́цу. И зане́же гоне́нию преста́вшу, отпу́щен бысть. Пра́зднуем же па́мять его́ в девятьна́десятый день генуа́рия ме́сяца. Мину́вшим же двом ле́том, ко Го́споду отъи́де во вторы́й ме́сяца ма́рта. Того́ ра́ди пра́зднуется па́ки.