Си́и святи́и бя́ху от гра́да селу́ньскаго, при Максимия́не царе́. Гоне́ния же ра́ди оста́виша вся, и взыдо́ша на́ гору высоку́, и пребыва́ху в посте́ моля́щеся Бо́гу. Оклевета́ни же бы́ша и я́ти, предста́ша кня́зю Диоклития́ну, и мно́го му́чи я́ и ну́ди их пожре́ти и́долом, и не увеща́в. И того́ ра́ди Ага́фия, Ихиони́я огне́м сожже́не бы́сте. Святу́ю же Ири́ну обрето́ша иму́щу святы́я кни́ги в ня́же уча́шеся, и осуди́ и ту вести́ в блуди́лище. И та́мо соблюдена́ бысть Бо́жиею благода́тию не осквернена́. И не восхоте́ отврещи́ся Христа́, и сего́ ра́ди и та огню́ предана́ бысть. И та́ко сконча́шася святи́и за Христа́.