Сей из млады́х ногте́й Христа́ возлюби́в, и́ноческое восприя́т житие́, и вся́кую доброде́тель навы́к. Смиреному́дрие я́коже ин никто́же стяжа́в. Ми́лостив же зело́ быв, и на престо́л Митили́нский возведе́н быв, его́же и добре́ пра́вя. И иконобо́рца изоби́льною му́дростию посрами́в, и свою́ пре́лесть позна́ти его́ сотвори́. И премно́гаго ра́ди воздержа́ния, а́нгелом содруже́бник быв. И от жития́ преста́вися, боже́ственою звездо́ю исхо́ду его́ пове́дану бы́вшу. И не то́чию тому́ еди́ному, но и всей па́стве его́, исто́чники чудесе́м от моще́й свои́х дарова́в. И всем бысть досточу́ден.