Сия́ бя́ше раба́ не́коего Никола́я христиани́на, и Павли́ны жены́ его́, я́же мно́ги ско́рби принесе́ на Агафокли́ю за осмь лет. Камением ту́ю вы́ну по ши́и бию́щи, и босы́ми нога́ми по о́стрых и стропти́вых местех провожда́ющи, и желе́зным мла́том ребра́ ея́ сокруша́ющи, и язы́к извлача́щи. Она́ же не повинова́шеся, испо́лнити тоя́ хоте́ния. Бя́ше бо тая Павли́на А́риева уче́ния держа́щи. По сих же огнь с жера́тком на ши́ю Агафокли́и посы́павши, и сего́ живота́ лиши́ ю́.