Прии́де не́кто е́тер челове́к ко отцу́ Сисо́ю фиве́янину, и рече́ ему́, хощу́ бы́ти черне́ц. И вопроси́ его́ ста́рец, а́ще что и́маши в сем ве́це. И глаго́ла он, еди́наго сы́на. И рече́ ему́ ста́рец, иди́ и вве́рзи и́ в ре́ку, то́же бу́ди черне́ц. И и́де сотвори́ти, и хоте́ у́же воврещи́ де́тища, и тогда́ у́бо, посла́ ста́рец бра́та возбрани́ти ему́, е́же не сотвори́ти сего́. Он же рече́, оте́ц ми повеле́ воврещи́. Рече́же ему́ брат, не мещи́ его́. И оста́вив его́, прии́де к ста́рцу, и бысть и́нок изя́щен послуша́нием, и благоуго́ден житие́м.