Феодо́тия му́ченица бя́ше от страны́ Фивини́йския. Слы́шавши же у́бо о святе́й Анастаси́и, до́йде к ней, и хожда́ше с не́ю, ку́пно и с ча́ды свои́ми. Пе́рвее же свята́я сия́ иско́ма бя́ше на брак, Левка́дием не́ким кня́зем, но не повину́ся. Оба́че же хотя́щи его́ угонзну́ти, посла́ к нему́, е́же ма́ло пожда́ти ю́, и того́ сотвори́ти во́лю его́. Кн́язю же жду́щу. Она́ же бога́тство свое́ ни́щым разда́вши, и служа́ше святы́м. Слы́шав же Диоклитиа́н, я́ко вся темни́цы, и купи́лища по́лны суть христиа́н, повеле́ во еди́ну нощь всех погуби́ти: о́вех огне́м, ины́х же водо́ю: и други́я мече́м. Тогла́ Левка́дий предаде́ святу́ю Феодо́тию и ча́да ея́, Ники́тию кня́зю Вифини́йскому, на испыта́ние их. Ники́тий же обличе́н быв от Ево́да пе́рваго ея́ сы́на, и разгне́вався, вели́ку сковраду́ разже́г, и ври́нути ю́ с сы́ны ея́ повеле́. И та́ко сконча́шася, Влады́це Христу́ предста́ша, и венцы́ восприи́мше, и безконе́чное блаже́нство при́сно воспомина́емое.