Сей блаже́нный от ю́ностнаго во́зраста по́стническое житие́, и́же во Оли́мбских гора́х сотвори́в, и мно́ги по́двиги показа́в при Льве Иса́вре, и́же свяще́нныя ико́ны ссеца́я, и святы́х телеса́ сожиза́я. Дерзну́в же о благоче́стии, мучи́телево обличи́ нече́стие и безбо́жие, и и́стинную ве́ру пропове́дав, в глубо́це сый ста́рости. И́бо глаго́лют того́ бы́ти ле́том девяти́десятим и пятим, мно́го злоко́зненыя му́ки претерпе́в. На после́док же нос отре́заша его́, и главу́ его́ опали́ша, он же благода́рствуя и моля́ся Бо́гу дух предаде́.