Го́споду на́шему Иису́с Христу́ испо́лнившу проро́ческое сло́во. По плотско́му смотре́нию и́же облече́ный в нетле́ный о́браз и яви́ся на земли́ и с челове́кы поживе́ в ле́то 5 и 500 Я́коже проро́к рече́. От ю́га прии́дет Госпо́дь и от Сио́на красота́ Его́. Юг бо мени́ть предлежа́щую к Сио́ну. Иуде́йскую зе́млю и митропо́лию. Е́юже Госпо́дь приведе́ вся язы́ки приведе́ в и́мя Свое́. И пребы́сть же с на́ми в миру́ и пропове́дуя Ева́нгелие Ца́рствия Бо́жия и исцеля́я всяк неду́г и вся́ку я́зву в лю́дех до́ндеже бысть 30 лет и 2 и 3 ме́сяцы. Яд бо се́нную па́сху с ученики́ свои́ми и введе́ Госпо́дьскую Па́сху и ра́спят бо бысть на́шего ра́ди спасе́ния в 6 день и в 6 час воскре́се же в тре́тий день. И́же есть в пе́рвый день нарече́н от ве́ка. Того́ ра́ди пе́рвый день и тре́тий нарече́тся. Бе же число́м по еги́птяном. В той день ме́сяца Формофа́в 27 день. Жидо́вьскы же Ниса́на, а на́шим Ма́рта в 28 день. В и́же воста́ от ме́ртвых из гро́ба и яви́ся ученико́м Свои́м всем. И́бо яви́ сла́ву Свою́. Де́ньми четы́редесятми и учя́ ны о Свое́м Ца́рствии и вознесы́йся на небеса́. Те́мже о́бразом па́ки прии́дет к нам суди́ти всему́ ми́ру.