Дави́д, проро́к и царь, и бя́ше сын Иессе́ов. Сего́ Нафа́н проро́к зако́ну Господ́ню научи́, и проро́чествовав четы́редесять лет. Предвари́ же Христо́во воплоще́ние лет де́вять сот, и бя́ше в Га́ве, внегда́ Вирсави́ю пре́йде. И ви́дев Нафа́н, я́ко та́мо и́мать сотвори́ти преступле́ние, тща́шеся доити́ и пове́дати ему́, запя́т же быв Валиа́ром. И обре́те на пути́ мертвеца́ лежа́ща, закла́на, на́га, и оста́ та́мо, хотя́ погребсти́ ме́ртваго. И в той но́щи позна́, я́ко сотвори́ Дави́д грех. И посла́ Госпо́дь Нафа́на, еже обличи́ти его́. Мно́го же пла́кася Дави́д, и торжествова́в у́мре, и погребе́н бысть со отцы́ свои́ми. И быва́ет же таково́е собра́ние в Вели́цей це́ркви и во апо́стольстве свята́го апо́стола Иа́кова, бра́та Бо́жия, внутрь пречестна́го хра́ма Пресвяты́я Влады́чицы на́шея Богоро́дицы ме́дянаго купи́лища.