СТА́ГѠ ѾЦА́ НА́ШЕГѠ ІѠА́ННА ЗЛАТОУ́СТАГО АРХІЕП҃Ї́СКОПА КОНСТАНТИНО́ПОЛЬСКАГѠ БЕСѢ́ДА оувѣщателна вꙏ началѣ свѧтыѧ ЧЕТЫРЕДЕСЯ́ТНИЦЫ

Ра́дꙋюсѧ и́ веселю́сѧ, ви́дѧ днесь цр҃ковь бж҃ію мно́жествомъ ча́дъ свои́хъ с ѹкраша́емꙋю, и́ всѣ́хъ васъ съ вели́кою охото́ю собра́вшихсѧ. И́бо, егда́ на свѣ́тлыѧ ва́ши взира́ю лица́, сіѐ почита́ю за вели́кое зна́менїе душе́внагѠ вашегѠ удово́льствїа: я́коже и́ из премꙋ́дрыхъ нѣ́кто сказа́лъ: Се́рдцꙋ веселѧ́щесѧ цвѣте́тъ лицѐ. СегѠ́ ра́ди и́ са́мъ я́ съ бо́льшею днѣ́сь охото́ю предста́лъ предъ ва́съ, да́бы кꙋ́пно и́ дх҃овнаѧ сеѧ́ вашеѧ́ ра́дости уча́стникомъ бы́ть, и́ прито́мъ предвозвѣ́стить, что́ настꙋ́па́етъ ст҃а́ѧ четыредесѧ́тница, извѣ́стное вра́чевство дꙋ́шъ на́шихъ. И́бо о́бщїй всѣ́хъ на́съ влⷣка, я́ко чадолюби́вый Ѿцъ, жела́ѧ на́съ ѿ всѣ́хъ пре́жнихъ на́шихъ согрѣше́нїй ѿмы́тъ, ст҃ый по́стъ из- ѿбрѣ́лъ къ томꙋ́ врачеванїе́мъ. Никто́ субо да не бꙋ́детъ печа́ленъ, никто́же да яви́тсѧ прискорбе́нъ: но́ да игра́етъ и́ да ра́дꙋ́ется, и́ да прославля́етъ дꙋ́шъ на́шихъ попечи́теля, то́ль изря́дный се́й пꙋть на́мъ показа́вшаго, и́ съ вели́кимъ обра́дованїемъ да прїи́метъ всѧ́къ єгѡ́, пришествїе. Да постыдѧтся є́ллины, да скроютсѧ Іꙋдеи, Ви́дѧ, что́ мы́, возлю́бленнїи, съ усе́рдною охо́тою наступа́ющїй по́стъ лобыза́емъ, и́ са́мимъ дѣ́ломъ да узна́ютъ,

Коли́кое мєждꙋ́ на́ми и́ и́ми є́сть разли́чїе. Пꙋ́сть ѻ́ин свои́ми пра́здниками и торжество́мъ называ́ютъ пїѧнство, и всѧ́кое дрꙋгое невоздержа́нїе, и безчи́нїѧ, кото́рые ѿтꙋдꙋ Ѿбыкнове́ннѠ происхо́дятъ. Но цр҃ковь бж҃їѧ въ проти́вность и́мъ, постъ, чревоꙋгожденїѧ презрѣніе, и всѧкꙋю прилигенꙋю томꙋ доброде́тель пра́здникъ, да имену́етъ. И́бо та́мъ є́сть и́стинный пра́здникъ, гдѣ́ є́сть дше́вное сп҃се́нїе, гдѣ́ ми́ръ, и є҆динодꙋшїе, гдѣ́ всѧ́ житє́йскаѧ мечта́нїѧ ѿметаютсѧ, гдѣ́ вопль и молба, и позѧ́рѡвъ бѣ́ганїѧ, и скотѡ́въ закала́нїѧ не имѣ́етъ мѣ́ста: а напро́тивъ споко́йство всѧ́кое и тишина́, и любо́вь, и ра́дость, и ми́ръ, и кро́тость, и безчи́сленнаѧ блага́ѧ вмѣ́сто ѻ́ныхъ жи́тельствуютъ . И та́къ прошꙋ́, ѡ́ по́стѣ ма́лѡ побесѣ́дуемъ къ любвѝ ва́шей: Но пре́жде ѡ то́мъ ва́съ молю: съ надлежа́щею кро́тостїю на́ши прїими́те слова́, да́бы ва́мъ довольный полꙋчи́вши пло́дъ ѿсю́дꙋ въ до́мы своѝ возврати́тисѧ. И́бо не напра́сно Ии не всꙋ́е сюда собира́емсѧ мы́: не съ тѣ́мъ, чтобъ еди́нъ проповѣ́довалъ, а другі́й съ пустꙋ́мъ рукоплеска́нїемъ егѡ́ слова́ приималъ, и́ съ тѣ́мъ бы толькѡ ѡсю́дꙋ бы ходи́ли: но да́бы и́ мы́ полезное чтонибꙋдь, и́ сп҃се́нїю ва́шемꙋ потребное сказа́ли, и́ вы бы ѡ глагу́емыхъ научи́вшихсѧ, и́ довольнꙋю полꙋчи́вши по́льзꙋ ѡсю́дꙋ выходи́ли. И́бо цр҃ковь є́сть враче́бница дхо́вная: почемꙋ́ надобно, да́бы собира́ющїисѧ здѣ́сь надлежа́щыѧ приимали лѣка́рства, и́ къ свои́мъ Ѻ́ныѧ прило́жа ра́намъ, съ тѣ́мъ бы возвраща́лисѧ. А что́ єди́но слу́шанїе безъ ѡказа́нїѧ дѣлъ ничегѡ́ не по́льзꙋетъ, Ѡ то́мъ послꙋ́шай бл҃же́ннаго Па́вла глаго́лющаго: Не слы́шатели во зако́на пра́ведни пре́д Б҃гомъ, но́ творцы́ зако́на, сі́и ѡправдѧ́тсѧ. То́же и́ Хрⷭ҇то́съ проповѣ́дꙋѧ сказалъ: Не всѧ́къ глаго́лѧй ми́, Гдⷭ҇и, Гдⷭ҇и, вни́детъ въ црⷭ҇твїе нбⷭ҇ное, но́ творѧ́й во́лю Ѻ҆ц҃а́ моегѡ́ нбⷭ҇наго. Почемꙋ́ вѣ́даѧ мы́, возлю́бленнїи, что́ кне́днныѧ на́мъ ѡ слы́шанїѧ не бꙋ́детъ по́льзы, ежели не воспослѣ́дꙋетъ са́мимъ дѣ́ломъ и҆сполне́нїѧ: то̀ да не бꙋ́демъ слꙋ́шатели то́кмѡ, но и҆ и҆сполни́тели, дабы̀ дѣла̀ соедине́нныѧ с ᲂуче́нїемъ, вели́каѧ на́мъ наде́жды бы́ли Ѡсно- ванїемъ. И҆ та́къ ᲂхрывши сума ва́шегѡ нѣ́дра, ѻ́ными воспрїи́мите предлага́емаѧ ѿ по́стѣ поучє́нїѧ. И҆ ка́къ жела́ющїи цѣломꙋ́дреннꙋю нѣ́кꙋю, кра́снꙋю и҆ бл҃горо́днꙋю къ себѣ̀ приве́сти невѣ́стꙋ, черто́ги ѡсю́дꙋ коврами ᲂукра- шаютъ, вѐссь ѿчища́ютъ до́мъ, и҆ всѣ́мъ неопрѧтнымъ рабынѧмъ входить въ ѻ́ной запрещаютъ, и҆ по́томъ ᲂуже є҆е въ черто́ги вводѧ́тъ: подо́бнымъ ѻ́бразомъ хощꙋ̀, чтобъ и҆ вы̀ ѡ҆чи́стивши свои́ мы́сли, и҆ съ ро́скошїю, и҆ съ многоѧденїемъ прости́вшись, всѣ́хъ бл҃га́гъ ма́терь, цѣло- мꙋ́дрїѧ же и҆ всѧ́каѧ и҆ны́ѧ добродѣ́тели ᲂучи́телѧ, по́стъ разꙋмѣ́ю, ᲂукры́тыми приняли нѣ́драми: дабы̀ и҆ ва́мъ большимъ наслади́тьсѧ ᲂутеще́нїемъ, и҆ са́мый по́стъ при- ли́чное ва́мъ ѿ себє̀ по́далъ бы врачева́нїе. И҆́бо є҆жели врачи, когда̀ намѣрева́етъ лѣка́рство дать тѣ́мъ, ко́и желаютъ гнилꙋю въ себѣ̀ и҆ повреждє́ннꙋю ѡ҆чи́стить мокротꙋ, пред- пи́сываютъ, чтобъ ѿ тѣле́сныѧ воздержи́ватьсѧ пи́щи, дабы̀ сїѐ не было̀ припѧ́тствїемъ лѣка́рственной си́лѣ, но чтобъ способствовало, и҆ своѐ пока́зывало дѣ́йствїе: колиьми па́че присто́йно на́мъ, хотѧ́щымъ дхо́вное сїѐ и поле́зное принѧть по́ста врачевство, (а҆ по́стъ называ́ю и҆ дїи́тою) ѡ҆чи́стить свои́ мы́сли, и҆ легчайшимъ содѣ́лати разꙋ́мъ: да не ка́кѡ ѻ́нъ пїа́нствомъ помраче́нъ бꙋ́дꙋчи сотвори́ть на́мъ ча́емꙋю ѿ поста по́льзꙋ недѣ́йствительною и҆ непотре́бною. И҆ хотѧ̀ вѣ́даю и҆̀, что̀ мно́гимъ сі́и моѝ слова̀ стра́нными пока́жꙋтсѧ: ѻ҆дна́кѡ прошꙋ̀, чтобъ мы̀ не по ѻ҆дно́мꙋ то́лькѡ ѻбыкнове́нїю постꙋпа́ли, но чтобъ разсꙋжде́нїемъ дѣла̀ на́ши ᲂуправля́ли. И҆́бо кака́ѧ на́мъ бꙋ́детъ по́льза ѿ повседне́внагѡ пресыще́нїѧ, и ѿ мно́гагѡ пїа́нства; но что̀, говорю̀, польза є҆щѐ и вели́кїй ᲂуро́нъ и҆ вре́дъ несносный. поне́же когда̀ ѿ мно́гагѡ винъ ᲂупотребле́нїѧ ᲂумъ помрачи́тсѧ: тотчасъ при са́момъ нача́лѣ потерѧетсѧ

происходѧ́щаѧ ѿ поста́ по́льза, что̀ непристо́йнѣе, скажи́ мнѣ́, что̀ безобра́знѣе сего́, да́бы до само́й полу́нощи нерастворе́ннымъ упива́тися віно́мъ, а по́утру, ка́ко уже́ со́лнєчнаѧ возсія́етъ луча́, и́мъ я́ко свѣ́жимъ отрыга́ти; та́ціи лю́діе и во обраще́ніи ка́жутсѧ гну́сными, и ѿ домо́шнихъ свои́хъ презира́ютсѧ, и ѿ зна́ющихъ благопристо́йность быва́ютъ осмѣва́еми: но па́че всего́, что̀ за своё вели́кое невоздержа́ніе, и за изли́шество небл҃говре́менное и вре́дное и гнѣ́въ бж҃ій на себе́ привлека́ютъ. Пїа́ницы бо, пи́шетсѧ, цр҃твіѧ бжїѧ не наслѣ́дѧтъ. И что̀ бѣ́днѣе мо́жетъ бы́ти тѣ́хъ люде́й, кото́ріи ра́ди кра́ткаго и вре́днаго услажде́нія, и́з са́мыхъ преддве́рій цр҃твія изгонѧ́ютсѧ; но не да́й бг҃ъ, да́бы кто́-либо и́з предстоѧ́щихъ здѣ́сь тако́ю стра́стію плѣне́нъ бы́лъ: но па́че да́бы и въ настоя́щій де́нь со вся́кимъ мꙋдролюбіемъ и воздержа́ніемъ приѧ́въ пи́щу, а при то́мъ непого́ды и бу́ри пія́нственныѧ свободи́вшіисѧ, мо́гли мы̀ при́станище дꙋ́шъ на́шихъ, то́ є҆́сть поста́, дости́гнꙋти, и со изоби́ліемъ проистека́ющаѧ ѿ него́ блага́ѧ получи́ти.

И́бо ка́ко ѡ҆вѧде́ніе безчи́сленныхъ со́ль вино́вно быва́етъ чл҃вѣ́ческому ро́дꙋ: та́кѡ и по́стъ, и чревоꙋго́жденїѧ презрѣ́ніе, неизрече́нныхъ бла́гъ на́мъ всегда́шнѧѧ быва́етъ причи́на, по чє́мꙋ и́зкони созда́вый чл҃ка бг҃ъ, и вѣ́дѧй, что̀ сі́е є҆мꙋ̀ наипа́че нꙋ́жно є҆́сть для дꙋше́внагѡ спасе́ніѧ враче́вство, а́біе въ само́мъ нача́лѣ сію̀ да̀ первозда́нномꙋ чл҃ку, ре́къ: ѿ вся́кагѡ дре́ва, є҆́же въ раи́, снѣ́дый снѣ́си: ѿ дре́ва же, є҆́же разꙋмѣ́ти до́брое и лꙋка́вое, не снѣ́сте ѿ него̀, а таки́ми словесы́: сі́е снѣси́, а того̀ не снѣси́: по́стъ ѡ҆знача́емъ бы́лъ. И поне́же до́лжно бы́ло сі́е є҆мꙋ̀ соблюсти́ за́повѣдь, а ѻ҆́нъ не сохрани́лъ, но чре́ва невоздержа́ніемъ бы́въ побѣжде́нъ, сотвори́ преслꙋ́шаніе: то̀ сме́ртїю за сі́е ѡ҆сжде́нъ бы́лъ. И́бо злы́й ѻ҆́ный де́монъ и вра́гъ є҆стества́ на́шегѡ, ви́дѣвъ первозда́ннаго чл҃ка и ра́ю пребыва́ніе, и бездѣ́йственное житіе́, и что̀ ѻ҆́нъ жи́знь є҆́сть, плотїю̀ оболече́ннымъ по́двиги тѣ́ми на земли́, и да́же до сме́рти тѣ́ла, бы́ти ра́нєныхъ, и па́ки тѣ́ми воздви́гнꙋтыхъ, свѣ́тлѣйшихъ, и пресвѣ́тлыхъ, и того̀, что̀ сіѧ̑ всѧ̑цѣй свои́хъ наслѣ́діѧ, его̀ лиша́етъ. То́лико-то сѣ́ть бы́сть не состои́тъ въ составле́ніи свои́хъ предѣ́лѣхъ, но ко коли́цѣй простира́тися. И сі́е са́мое при́мꙋдрый не́кто и҆зъѧснѧ́ѧ гл҃етъ: За́вистію же діа́волею сме́рть вни́де въ мі́ръ.

Не ви́диши ли, возлю́бленніи, что̀ при само́мъ нача́лѣ чрє́зъ невоздержа́ніе сме́рть вхо́дъ сво́й возимѣ́ла; Но кро́мѣ сего́ смотри́, что̀ бж҃е́ственное писа́ніе всегда̀ роско́шное житіе́ ѡблича́етъ, и и҆но́гда гл҃етъ: Сѣдо́ша лю́діе ѧ҆́сти и пи́ти, и воста́ша игра́ти: а҆ и҆но́гда: Гѡ́ре, и҆ пи́й, и҆ ўты́й, и҆ ўтоли́сѧ, и҆ разшири́сѧ, и ѡ҆ве́ржесѧ возлю́бленныї. Да и҆ содо́мстіи жи́теліе, кро́мѣ и҆ны́хъ зо́лъ, ра́ди сего̀ и҆ліпа́че неꙋмоли́мый ѻ҆́ный гнѣ́въ на себѣ̀ навели́. Послꙋ́шай ѡ҆ се́мъ пр҃ка гл҃щаго: Сїѐ беззако́ніе содомлѧ́нъ, а҆́ко бы сы́тости хлѣ́бъ сластолюбствова́ша. И҆ пото́мꙋ невоздержа́ніе є҆́сть дꙋ́съ и҆сто́чникъ нѣ́кій и҆ ко́рень всѣ́хъ зо́лъ.

Не ви́диши ли, ко́ль вре́дно є҆́сть невоздержа́ніе; но при́томъ и҆ поста̀ ко́ль и҆зрѧ́дныѧ дѣ́йствїѧ; вели́кій мѡісе́й четы́редесѧть днї́й пости́вшіисѧ, зако́нъ на скрижа́лѣхъ приѧ́ти сподо́бисѧ: и҆ є҆гда̀ сше́дши ᲂу҆ви́дѣ наро́да фї́лскаго законопрестꙋпле́ніе, скрижа́ли, кото́рыѧ съ толи́кимъ тща́ніемъ приѧ́лъ, пове́ргнꙋвъ сокрꙋши́лъ: поне́же за непристо́йное дѣ́ло по́челъ, да́бы піа́нствꙋющїй и҆ законопрестꙋ́пный наро́дъ приѧ́лъ зако́нъ гд҃ень. Того̀ ра́ди є҆щѐ четы́редесѧть днї́й нꙋ́жда бы́ла чꙋ́дномꙋ ѻ҆́номꙋ пости́тися пр҃кꙋ, да́бы ѻ҆́ныѧ скрижа́ли, кото́рыѧ за беззако́ніе и҆́хъ сокрꙋши́лъ, па́ки ѡ҆ бг҃ѣ приѧ́въ принести́ мо́глъ. Да и҆ вели́кій и҆лі́а сто́лькоже днї́й пости́сѧ, а҆ чрє́зъ то̀ и҆ сме́ртнагѡ мꙋчи́тельства и҆збѣжа́лъ, и҆ колесни́цею ѻ҆́гненною а҆́ки на нб҃о̀ возше́лъ, и҆ да́же досе́лѣ сме́рти неприча́стенъ пребыва́етъ. Та́коже и҆ ѻ҆́ный мꙋ́жъ жела́ній данїи́лъ мно́гіѧ днѝ пости́вшіисѧ, сподо́бисѧ чꙋ́днагѡ ѻ҆́нагѡ ви́дѣніѧ, та́ко что̀ и҆ я́рость льво́въ ѡ҆бꙋзда́лъ, и҆ въ кро́тость ѻ҆́вчїю претвори́лъ, не є҆стества̀ премѣне́ніемъ, (и҆́бо онѝ съ свои́мъ звѣ́рствомъ ѡста́шасѧ,) но ᲂу҆держа́ніемъ и҆́хъ стремле́ніѧ. Посто́мъ и҆ нїневі́тѧне гд҃не ѡ҆ себѣ̀ ѡ҆пределѣ́ніе ѡбрати́ли, заповѣ́давши не то́чію чл҃ќмъ, но и҆ ското́мъ въ ѻ҆́номъ пребы́ти: и҆ та́ко всѝ ѡ҆стꙋпи́вши ѡ҆ злы́хъ предпрїѧ́тїй, влⷣкꙋ всѣ́хъ на чл҃вѣколю́біе преклони́ли. Но почто́ аз̾ рабѡ́въ въ до́казательство приво́жꙋ; И҆́бо мо́жно бы мно́гихъ и҆ и҆ны́хъ и҆счи́слити, я҆́ко въ ве́тхѣмъ та́ко и҆ въ но́вѣмъ завѣ́тѣ, въ постѣ̀ просіѧ́вшихъ: но надлежи́тъ ко ѻ҆́бщемꙋ всѣ́хъ на́съ влⷣцѣ приступи́ти. Поне́же и҆ са́мъ гд҃ь і҆и҃съ хрⷭ҇то́съ четы́редесѧть днї́й пребы́въ въ постѣ̀, въ тако́вѣмъ расположеніи съ діа́воломъ въ бра́нь встꙋпи́лъ, а҆ чрє́зъ то̀ всѣ́мъ на́мъ да̀ при́мѣръ, да́бы и҆ мы̀ та́коже воѡрꙋжа́лисѧ, и҆ си́лою его̀ ᲂу҆крѣпи́вшіисѧ, на бра́нь со ѻ҆́нымъ исходи́ли. Но мо́жетъ бы́ти кто̀-ни́бꙋдь и҆з̾ ѡ҆стро́мныхъ и҆ просвѣще́нныхъ рече́тъ здѣ́: чего̀ ра́ди гд҃ь толи́коже днї́й, ско́лько и҆ рабѝ, пости́сѧ, и҆ числа̀ и҆́хъ не превозше́лъ; не про́сто и҆ не всꙋ́е бы́ло, но прємꙋ́дро, и҆ сходно съ неизрече́ннымъ его̀ чл҃вколю́біемъ, да́бы не подꙋ́мали ѡ҆ не́мъ, что̀ ѻ҆́нъ мечта́тельнѣ внѣ̀ є҆стества̀ чл҃вѣ́ческаго бы́лъ: для сего́ то, сто́лькоже пости́сѧ днї́й, и҆ ничто́же къ ни́мъ не приложи́лъ, да́бы тѣ́мъ загради́ти безсты́дно спори́выѧ ᲂуста̀. И҆́бо є҆́стьли и҆ за сі́ю предѡсторо́жностію и҆ ны́нѣ є҆́щє суть, ко́и таковы̑ѧ словеса̀ гл҃а́ти дерза́ютъ, что̀ чего́ бы онѝ не ѡ҆дерзи́ли рещѝ, є҆́жели бы ѻ҆́нъ предꙋвѣ́дѣніемъ свои́мъ не пресѣ́къ и҆̀мъ къ томꙋ̀ слꙋ́чаѧ; Сего̀ ра́ди не соизволи́лъ ѻ҆́нъ бо́лѣе днї́й пости́тися, но сто́лькоже, ско́лько и҆ рабѝ, да са́мымъ дѣ́ломъ наꙋчи́тъ на́съ, что̀ и҆ ѻ҆́нъ та́ковꙋюже пло́ть и҆мѣ́лъ, ка́ковꙋю и҆ мы̀, и҆ что̀ не внѣ̀ є҆стества́ на́шегѡ бы́лъ.

А҆ поне́же вели́каѧ є҆́сть поста̀ си́ла, и҆ мно́го и҆́мъ по́льзꙋетсѧ дꙋша̀, что̀ ви́дѣно бы́ло на́мъ и҆ на рабѣ́хъ, и҆ на само́мъ влⷣцѣ: молю̀ ᲂу́бо ва́шꙋ любо́вь, поне́же вѣ́сте ᲂу҆жѐ поста̀ по́льзꙋ, невра́ждїемъ ѻ҆́ныѧ не теря́йте, нижѐ скꙋча́йте ѡ҆ наступле́ніи его̀, но па́че ра́дꙋйтесѧ и҆ весели́тесѧ, подража́юще бл҃же́нномꙋ пв҃лꙋ: Є҆ли́ко бо, гл҃етъ ѻ҆́нъ, внѣ́шнїй на́шъ чл҃къ тлѣ́етъ, толи́ко внꙋ́треннїй ѡбновлѧ́етсѧ. И҆́бо по́стъ є҆́сть дꙋше́внаѧ пи́ща: и҆ я҆́коже теле́снаѧ сіѧ̀ пи́ща ᲂу҆тꙋчнѧ́етъ тѣ́ло, та́ко и҆ по́стъ дꙋ́шꙋ бо́дрꙋю содѣ́лываетъ, ле́гкимъ ᲂустроѧ́етъ є҆ѧ̀ крыло́, вы́ше зємны́хъ є҆ѧ̀ возно́ситъ, къ го́рнимъ мꙋ́дрствованїѧмъ рꙋководи́тъ, вы́ше всѣ́хъ мі́ра всего̀ прихоте́й и҆ сла́дострастїй поставляетъ. И҆ я҆́коже ле́гкіѧ ко́рабли ско́рѣе прехо́дѧтъ мо́ре, а҆ мно́гою тѧжестію̀ нагрꙋжє́нныѧ по́томлѧютс: та́ко и по́стъ, ҆блегча́ѧ мы́сль, дѣ́лаетъ, да́бы мы̀ ᲂу҆до́бнѣе преплыва́ли житїѧ̀ сего̀ мо́ре, да́бы на нб҃о̀ и҆ къ нбⷭ҇ны́мъ вещє́мъ взира́ли, и҆ ни за что̀ бы почита́ли настоѧ̑щаѧ, но преходи́ли бы и҆́хъ є҆щѐ ско́рѣе, не́жели я҆́кѡ тѣ́нь и҆ снови́дѣніе. А҆ пія́нство и҆ пресыще́ніе ѡ҆тгча́ѧ мы́сль, и҆ пло́ть ᲂу҆тꙋчнѧ́ѧ, въ нево́лѣ соде́ржатъ дꙋ́шꙋ, ѡ҆всю́дꙋ є҆ѧ̀ ҆сажда́етъ, и҆ не допꙋща́етъ ᲂумꙋ̀ здра́вое и҆мѣ́ти сꙋжде́ніе, по стємни́намъ є҆гѡ̀ во́дитъ, и҆ побꙋжда́етъ дѣ́лати всѧ̑ проти́внаѧ спасе́нію своемꙋ̀. Того̀ ра́ди не лѣ́ностно, возлю́бленніи, попече́мсѧ ѡ спасе́ніи на́шємъ: но вѣ́дѧще, ско́лько зо́лъ ѡвсю́д ражда́етсѧ, да бѣ́гаємъ бреда̀ ѻ҆́ныхъ. И҆́бо запреще́но сластолю́біе не въ но́вѣмъ то́чію завѣ́тѣ, гдѣ̀ бо́лѣе є҆́сть побꙋжде́нїй къ любомꙋ́дрїю, и҆ бо́лѣе тре́бꙋетсѧ по́двиговъ, и҆ бо́лѣе трдо́въ, да при́томъ и҆ мно́гіѧ по́чести, и҆ неизрече́нные вѣнцы́ предлежа́тъ: но и҆ въ ве́тхѣмъ завѣ́тѣ, когда̀ є҆щѐ і҆ꙋде́е при сѣ́ни сѣдѣ́ли, и҆ къ свѣти́льникꙋ бы́ли привѧ́зани, и҆ а҆́ки младе́нцы млеко́мъ пита́еміи помалꙋ̀ къ соверше́нствꙋ приводи́лисѧ, ни́же, глаго́лю, тогда̀ позволительно бы́ло сластолюбствова́ти.

И҆ да́бы вы̀ не подꙋ́мали, я҆́кобы мы̀ ва́мъ сі́е предлага́юще безъ при́тчи сластолю́біе порица́емъ, послꙋ́шайте пр҃ка глаго́лющаго: Гѡ́ре преходѧ́щымъ въ де́нь зо́лъ, спѧ́щымъ на ѻ҆́дрѣхъ слоновы́хъ, и҆ ласкосердствꙋ́ющымъ на постелѧ́хъ свои́хъ, и҆дꙋ́щымъ я҆́ко козли́ца ѡ҆ по́стѣ, и҆ тельцы́ млеко́мъ пита́еміи ѡ҆ среды́ ста́дъ: пію́щымъ процѣ́женное віно́, и҆ пе́рвыми вонѧ́ми ма́жꙋщымисѧ: а҆́ки стоѧ̑щаѧ мнѧ́ща бы́ти, а҆ не я҆́ко бѣжа́щаѧ. Ви́дите, ка́кѡ пр҃къ ѡ҆блича́етъ раско́шь, и҆ сі́е глаго́летъ ѻ҆́нъ і҆ꙋде́ѡмъ безчꙋ́вственнымъ, безразꙋ́мнымъ, на всѧ́кій де́нь ѡбѣда́ющымсѧ. Но пре́жде се́мъ разсꙋди́те и҆ си́лꙋ сло́въ, ѡ҆бличи́въ и҆́хъ ѡбжи́рство, и҆ мно́гое піа́нствованіе, пото́мъ приложи́лъ: А҆́ки стоѧ̑ща мнѧ́ща, а҆ не я҆́ко бѣжа́щаѧ: я҆́коже бы рѧ́клъ: то́чію что̀ въ горта́ни и҆ во ᲂустѣ́хъ ѡ҆ ѻ҆́ныхъ веще́й ᲂу҆слажде́ніе нѣ́кое є҆́сть, а҆ да́лѣе не прохо́дитъ. Оба́че хотя̀ сла́дость то́ є҆́сть кра́ткаи и҆ вре́меннаѧ. Но печа́ль всегда́шнѧѧ и҆ конца̀ не и҆мꙋ́щаѧ. И҆ хотя́ же, сі́е и҆ і҆ꙋде́е и҆ска́сомъ дозна́ли, оба́че всѧ̑ за тве́рдое и҆ пребыва́ющее почита́ли, а҆ не за скороприходѧ́щее, то́ є҆́сть, за ᲂу҆лета́ющее, и҆ ни на ма́лѣйшее вре́мѧ не пребыва́ющее. Та́коваѧ бо сꙋ́ть всѧ̑ чл҃вѣ́ческаѧ и҆ плотска̑ѧ: не ᲂу҆спѣ́ютъ на́мъ показа́тисѧ, ка́кѡ вдрꙋ́гъ и҆ у҆лета́ютъ. Та́кова є҆́сть раско́шь, та́кова сла́ва чл҃вѣ́ческаѧ могꙋ́щество, та́ково бога́тство, та́ково житїѧ̀ сего̀ всѧ́кое благополꙋ́чіе: Нѣ́сть ничто́же тве́рдаго, нѣ́сть ничто́же постоѧ́ннаго, нѣ́сть ничто́же непоколеби́маго, но всѧ̑ ско́рѣе рѣчны́хъ стремле́нїй протека́ютъ: остаю́тсѧ скꙋ́дными и҆ наги́ми тѝ, кото́ріи къ ни́мъ бы́ли пристра́стни. Но ни та́ковы сꙋ́ть дꙋхо́вныѧ вє́щи: но напро́тивъ тве́рды, неподви́жны, премѣ́нѣ не подвє́ржєны, во всѧ̑ вѣ́ки пребыва́ющыѧ. Та́ко ка́ково бы́ло бы безꙋ́міе, да́бы промѣнѧ́ти неподви́жимаѧ на скоропреходѧ̑щаѧ, вѣ́чнаѧ на вре́мєннаѧ, всегда̀ пребыва́ющыѧ на прелета́ющыѧ: бѣ́діе наслажде́ніе въ бꙋ́дꙋщемъ вѣ́цѣ ᲂустроѧ́ѧща, но то̀, что̀ жесто́кое та́мъ ᲂу҆гото́влѧетъ на́мъ мꙋче́ніе; Всѧ̑ сі́е разꙋмѣва́юще, возлю́бленніи, и҆ мно́гоє ѡ҆ спасе́ніи свое́мъ прилага́юще попече́ніе, да вознена́видимъ неполе́знꙋю и҆ вре́днꙋю раско́шь, да ѡблобыза́емъ по́стъ и҆ всѧ́кое и҆ноє бл҃гора́зꙋмное дѣ́ло, и҆ вели́кꙋю премѣ́нꙋ да пока́жемъ въ житїи́ на́шємъ, и҆ на всѧ́кій де́нь къ творе́нію до́брагѡ дѣ́ла поспеши́мъ: да во всѐ вре́мѧ ст҃ы̑ѧ четыредесѧ́тницы дꙋхо́внꙋю творѧ́ще кꙋ́плю, и҆ мно́гоє доброде́тели собра́вше бога́тство, сподо́бимсѧ дости́гнꙋти и҆ днѐ гд҃нѧ, и҆ со дерзнове́ніемъ ко стра́шнѣй и҆ дꙋхо́внѣй трапе́зѣ приступи́ти, и҆ неизрече́нныхъ ѻ҆́ныхъ и҆ безсме́ртныхъ бла́гъ причасти́тисѧ съ чи́стою со́вѣстію, и҆ проистека́ющаѧ ѻ҆тꙋ́дꙋ благода́ти и҆спо́лнитисѧ, моли́твами и҆ предста́тельствомъ ᲂуго́дникѡвъ самомꙋ̀ чл҃вѣколюби́вомꙋ бг҃ꙋ на́шемꙋ: съ ни́мже ѻ҆ц҃ꙋ́, кꙋ́пнѡ и҆ ст҃о́мꙋ дх҃ сла́ва, держа́ва, че́сть, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.