Тропарь, глас 4: Богородице Дево, / на Твою икону пресветлую взирающе радуемся, / пред нею бо на острове Валааме мольбы усердно молящихся исполняшеся, / услыши Пречистая и нас молящих Ти ся, / утверди нас в вере и любви, / испроси мирови мир, / и душам нашим велию милость.

Иныя тропари и кондак (творец - Александр Трофимов) Валаамской иконе Пресвятыя Богородицы Тропарь, глас 4: Днесь светло красуется обитель Валаамская, / и вси вернии в земли Российстей духовно торжествуют, / прославляюще чудотворную икону Твою, Владычице, / к нейже ныне мы притекающе с любовию глаголем сице: / о Пречистая Дево Богородице, / моли Сына Своего Христа Бога нашего, / да избавит обитель сию и вся грады и веси страны нашея, / от всех навет вражиих / и спасет души наша яко Милосерд. Тропарь, глас 4: К Богородице прилежно ныне притецем / и к Ея иконе чудотворней припадем и возопием Ей: / о Пречудная Владычице Богородице, / скорое нам яви заступление и помощь, / землю нашу миром огради, / ускори от всяких бед избавити ны / по велицей Твоей милости. Кондак, глас 8: Взбранной Воеводе, Владычице нашей Богородице, / похвальныя песни приносим, прославляюще чудотворную Ея икону, на острове Валааме явльшуюся. / Ты же, яко имущая Державу непобедимую, / от всяких бед и печалей избави страну Российскую / и сотвори мольбу за вся люди поющия Тебе: / радуйся, Невесто Неневестная.