Переводы с английского иер. Максима Плякина:
Тропарь св. Иакову Нецветову, глас 2: Просветителю и крестителю людей аляскинских, / украшение Православия в Атке, Русстей Миссии и Ситке, / истинный примере христианскаго благочестия, единства и любве, / о святый праведный отче Иакове, учителю и пастырю, // моли Христа Бога спастися душам нашим. Ин тропарь, глас 4: О праведне отче Иакове, / украшение Атки и Дельты Юкона, / в жертву живу себе принесл еси, / во еже просветити люди ищущия. / Русския Америки прозябение, / крине братскаго единения, / болезней целителю и демонов устрашение, / о святе отче Иакове, // моли Христа Бога сохранити души наша. Кондак, глас 8: Протоиерее отче Иакове, проповедниче Православия на Алеутских островех, Юконе и Кускоквине, / истинному Боговедению Русскую Америку научающий, / любовь свою к алеутам, иупикам, атабаскам и тлинкитам показал еси, / вземши Крест свой и Христу последуя, // твоими молитвами покрый и путеводительствуй почитающих святую память твою.
Иной перевод: Тропарь гл. 4 Святче Иакове, отче праведный / Аткинская и Юконская похвало / живот свой яко жертву принесл еси / свет да возсияет людем сего ищущим / Америки отрасль Русския / цвете братския любве / телес целителю и бесов прогонителю / праведне отче Иакове // моли Христа Бога спастися душам нашим.
Кондак гл. 3 Преблаженне отче Иакове / Богословия учителю / любовию распаляем к людем своим / вземши крест свой последовал еси Христу / тесноты аки Павел претерпел еси / моли о нас Христа Бога нашего // да подает нам велию милость.