Стихи́:

От земли́ пре́йде Митрофа́не всеблаже́нный,

Та́мо преве́л еси́, и́мже быв оте́ц ве́лий:

Митрофа́на от земли́ поя́ша ме́ртва в четве́ртый.

Сей бя́ше в ле́та вели́каго Константи́на и пе́рваго царя́ христиа́нскаго, сын быв Доме́тиев. Доме́тий же бя́ше брат Про́ва царя, и́же роди́ два сы́на, Про́ва и Митрофа́на. Той мы́слию целому́дреною и́дольскаго служе́ния отве́ржеся, разсмотри́в бо я́ко преле́стно есть и ло́жно, и прии́де к ве́ре Христо́ве. И прише́д в Византи́ю, и пребы́сть у архиепи́скопа Византи́йскаго, му́жа до́блествена и богому́дрена, и́же того́ приведе́ в церко́вный при́чет. По сконча́нии же еп́ископа поста́влен быв Доме́тий первоседе́льник: и того́ восприя́т сын его́ Пров, и́же содержа́в це́рковь три ле́та, и отъи́де ко Го́споду. И а́бие Митрофа́н брат Про́вов, а Доме́тиев сын, на архиере́йский возведе́н бысть престо́л. Его́же обре́т вели́кий Константи́н в Византи́и епи́скопа, и добродетели его и нра́ву пра́вому поразуме́в подиви́ся, и нема́ла о нем бесе́довав приведе́ в Рим. Византи́ю же поставле́ния ра́ди гра́да, боголюбе́зна к подо́бию иму́ща разсмотри́в царь, и плода́ неоскуде́ние. К тому́ же мо́рем и сухото́ю подо́бна, и ку́пно приседя́ща обои́х вселе́ниих сече́нием, Евро́пии же и Аси́и. Возлюби́в же селе́ние то, любоче́стне сложи́в о том, е́же ни о какове́й поги́бели бы́ти, воздви́гнути зда́нием град. О вся́ких челове́цех сбыва́ющь и соодолева́ющь во окроче́нии свое́м, в не́мже держа́ву и ца́рство учини́. Того́же Митрофа́на от стараго Ри́ма ту преведе́. Ники́йскому же пе́рвому собо́ру соше́дшуся, блаже́нный же Митрофа́н ста́ростию, и неду́гом изнемо́г. Ибо бя́ше уже́ во вре́мени погорби́вся, есте́ственей си́ле отпа́дши. Пе́рваго же во свяще́нницех Алекса́ндра му́жа че́стна посла́ в ме́сто себе́, его́же и насто́льника именова́. Прише́дшу же царе́ви с богоно́сными и честны́ми отцы́, и собо́ру разше́дшуся, открове́нием Бо́жиим Алекс́андра, и и́же с ним Павла наро́чита су́ща и Бо́гу угожда́юща, нарекова́ по себе́ на престо́л святи́тельства. Преста́влься же в поко́й блаже́нный к Бо́гу пре́йде. Соверша́ется же собо́р его́ во святе́й Вели́цей це́ркви, и в честне́м его́ хра́ме, су́щем близ свята́го му́ченика Ака́кия во Ептаска́лех, иде́же лежи́т свято́е и честно́е те́ло его́.

Стихи́:

Поне́ а́ще и во вре́тище сокры́ в глубо́це ме́сте,

Иоа́нн небесное восприя́т ме́сто

Стихи́:

В душа́х де́лательных Ало́ние вни́де,

Душе́внаго изве́рже копна́ до́браго.

Стихи́:

От Вифа́нии се́стры Ла́заревы спасти́ возмоги́й,

А́ще и ме́ртвым бы́вшим.

А́стий вели́кий священному́ченик бе в ле́то при Троя́не царе́, и при иге́моне Агрикола́е. Бе же от пе́рвых гра́да, и ну́димь бысть пожре́ти и́долом. И не повину́яся, и вве́ржен бысть в темни́цу. Пре́жде бо ят, ви́дев сон тако́в: стоя́ше на ка́мени, смоло́ю и ма́слом пома́занне. И рече́ к свои́м при́точником: "Подоба́ет бра́тья постра́ти по Христе́". Но вы отъи́дите ко́ждо вас, а́може мо́жете спасти́ся. И пото́м приведе́н бысть к Агрикола́ю и бысть бие́н рука́ма оловя́нными, и посе́м жи́лами говя́жиими. И не покори́ся, и не отве́ржеся Христа́. И пома́заше его́ ме́дом, и распя́ша на дре́ве. И оста́виша пред гра́дом, я́ко да от ше́ршений от мух уя́звен у́мрет. И помоли́вся к Бо́гу, и преда́сть дух свой. И посе́м взя́ша мо́щи христиа́ны и погребо́ша че́стно.

Не дади́те свята́го псом, и не мещи́те би́сера пред свинья́ми. А́ще бо пре́же Госпо́дь глаго́ля, я́же слы́шите в у́ши своя́, и пропове́дите на разспу́тии. Но не проти́вно есть се пре́жему но тогда́ бо всем повеле́ просто́рищий. И си же суть и́же зде безако́нно живу́т и неисце́лно. Преложе́ния на ве́ру отню́д не иму́ще нарку́ же и́хе сви́ния и́же в гресе́х все житие́ свое́ пребыва́ють. И си́и всех недосто́йнии такова́го слы́шания. И се у́бо Па́вел глаго́лет нам и явля́я пло́тный у́бо челове́к, не прие́млет духо́вных, уро́дьство бо ему́ есть и не хо́щет прия́ти Госпо́дня повеле́ния, и тем не повелева́ет отве́ртьсти две́рей их, поне́же от естества́, не мо́жет тех навы́кнути. И́бо свиния́ ясть, что есть же́мьчуг. И та́ко потру́ться те́ми, и не ве́дуще что суть та и пото́м вооружа́ться тамо на ны. И до́бре рече́ возраща́шеся и расте́рь гнутьбы́? Лицеме́руют кро́тостию до́ньдеже навы́кнуть и егда́ на уче́нии бу́дуть поно́сять и облыга́ють и смею́ться я́коже преле́тевше нас. Сего́ ра́ди Па́вел к Тимофе́ю глаго́лет, мно́зи ле́стию преступа́ют кве́ретый от ни́хже сохрани́ся зило́ бо проти́вяться в на́ких? словес́ех. И па́ки сы́ну мой да тебя́ не прельстя́т му́жи нечести́вии. Ра́дуют бо ся о всех непра́вдах и́хже ненави́дит Госпо́дь. И сего́ напра́сна прии́дет на них смерть, и не спасе́ный и́же от Го́спода впаде́т во зла́я и поги́бнет. Бо́гу на́шему cла́ва и ны́не [и при́сно и во ве́ки веко́в.]

В то́йже день сло́во Иоа́нна Златоу́стаго е́же не пропове́дати Божества́ неве́рным

Рече́ Госпо́дь, не дади́те свята́я псом, ни помещи́те би́сера пред свиния́ми. А́ще бо и пре́же повеле́ Госпо́дь глаго́ля, я́коже слы́шасте во у́ши, пропове́дайте на распу́тии; Ни тогда́ бо повеле́ всем про́сто рещи́. Всех же зде и́же беззако́нно живу́щих и не и́стинно прилежа́ние к ве́ре иму́щих отню́д, нарече́ свиния́. Поне́же не досто́йны такова́го слы́шания. Се у́бо и Па́вел явля́я глаго́лаше, пло́тный челове́к не прие́млет духо́вных, уро́дство ему́ есть, и не хо́щет прия́ти Госпо́дних повеле́ний. Тем и повелева́ет не отве́рсти им двере́й их, поне́же от естества́ не мо́гут тех навы́кнути. Ни бо́ свиния́ весть же́мчуга что есть. Та́ко и свята́я попру́тся те́ми, не ве́дуще что суть та. И пото́м вооружа́тся на ня. И до́бре рече́ возвра́щшеся расто́ргнут вы и лицеме́руют кро́тостию, до́ндеже навы́кнут. И егда́ науче́ни бу́дут, поно́сят и облыга́ют и смею́тся, я́ко прельсти́вшии нас. Сего́ ра́ди и Па́вел к Тимофе́ю пиша́ глаго́лаше, мно́зи ле́стию приступа́ют к ве́ре, от ни́хже и ты храни́ся. Зело́ бо проти́вятся на́шим словесе́м. И па́ки рече́, сы́не, да не прельстя́т тебе́ му́жи нечести́вии. Ра́дуют бо ся ти́и о всех и́хже ненави́дит Госпо́дь. Сего́ ра́ди напра́сна на них па́губа прии́дет. И всяк неспасе́ный от Го́спода впаде́т в ню.

Проро́к глаго́лет: я́ко того́ ра́ди заключи́ся не́бо не попусти́ти на зе́млю дождя́, я́ко да не клену́тся челове́цы Бо́гом и святы́ми Его́, и друг дру́га да не го́нит до кля́твы. И́бо святу́ю Це́рковь неве́сту Христо́ву рото́ю скверня́т, приводя́ще Сы́на, закала́ют пред Ма́терию, и слу́хи же тоя́ Ма́тере ро́ждшия. И по ду́ху бра́та своего́ святы́м креще́нием, пию́т кровь заколе́ннаго Сы́на Ма́тере тоя́. Того́ ра́ди вся небе́сныя си́лы со стра́хом трепе́щут, зане́же Госпо́дь Бог не вели́т челове́ка догна́ти до кля́твы и роты́. Пои́стинне бо Спас наш Иису́с Христо́с рече́: «Челове́цы си́и рото́ю Мя чтут и зна́ют». Сего́ ра́ди с небесе́ сходя́щь серп о́гнен, Заха́рия проро́к ви́де иду́щь на зе́млю в долготу́ два́десять лако́ть, а в ширину́ де́сять лако́ть. И о сем моля́шеся Бо́гу, да прояви́т ему́. И прии́де к нему́ глас, глаго́ля: «Сей есть серп, гнев Бо́жий сходя́ на тех, и́же на́ криве клену́тся и ротя́тся, да пожже́т я́, и душа́ их огню́ негаси́мому преда́ст». Бо́гу на́шему сла́ва всегда́, ны́не и при́сно и во ве́ки веко́в.

Рече́ Госпо́дь поуча́я ны святы́м отцо́м Васи́лием. А́ще кто от ве́рных и боголю́бивых, от дья́воля уче́ния или́ от своего́ помы́слия или́ от велича́ва и го́рда ума́, впаде́ть в се́ти неприя́зьнены, ре́кше во гнев или́ во сва́ры, или́ в бой или́ во сва́ду, или́ во клевету́, или́ в каку́ю вражду́, та́же па́ки страх Бо́жий прии́м во уме́ се́рдца своего́, и умиле́нною и покори́вою кро́тостью и любо́вь святу́ю и в па́мять свята́го и блаже́ннаго смире́ния и прии́деть на смире́ние с вели́кою любо́вию пеща́ся ско́ро не лицеме́рно нельсти́во слы́ша проро́ка глаго́люща, в не́мже тя заста́ну в том ти сужу́, и́ниде, со́лнце да не за́йдет во гне́ве ва́шем, и Дави́д рече́ гне́вайтеся не согреша́йте, и на ло́жех ва́ших умили́теся, и па́ки, же́ртва Бо́гу дух сокруше́н. Се́рдца сокруше́нна и смире́нна Бог не уничижи́т. И па́ки, близ Госпо́дь кро́тких се́рдьцем и смире́нныя душе́ю спасе́ть. И сам Госпо́дь рече́, мир Мой даю́ вам и мир оставля́ю вам. И Па́вел рече́, бу́ди мир и любы́ Бо́га и Отца́ и прича́сьтие Свята́го Ду́ха со все́ми ва́ми, и па́ки Госпо́дь рече́, о сем позна́ют вы вси я́ко Мои́ ученицы́ есте́. А́ще лю́бите враги́ ва́ша, и добро́ творите́ ненави́дящим вас, и молите́ся за творя́щая вам па́кости, и а́ки рече́ Госпо́дь блаже́не ми́лостиви я́ко ти поми́ловани бу́дуть. Блаже́не кро́тцыи я́ко ти насле́дят зе́млю. Блаже́не смире́ющеи, я́ко ти сы́нове Бо́же нареку́ться о Христе́ Иису́се.

Научи́ся бра́те блюсти́ сам себя́, и чужа́я зла́я а́ки своя́ внима́й паде́нию и но то не посме́йся. Но дай ру́ку до́ле лежа́щему, егда́ у́зриши врага́ твоего́ в руце́ твое́й. Не му́чи но па́че поми́луй его́. Тогда́ бо ти подоба́еть пощаде́ти врага́ егда́ ему́ госпо́дь бу́деши. Поми́ловав бо и́ и сам от Бо́га обря́щеши ми́лость. А́щели и ты впаде́ши невку́ю лю́тую напа́сть с вели́ким дерзнове́нием испра́виши у Бо́га отда́ние.

Пове́даша нам Аммо́н ста́рець о не́коей ста́рице и́же от де́вьства изво́лила по́стное житие́. И заматере́вши в днех и живу́щи в стра́се Бо́жии. И аз воспроси́х вины́ отше́ствия ея́. Она́ же воздохну́вше нача́ть глаго́лати ко мне и рече́, о́тче господи́не, еще́ мала́ есми́ су́щи, а оте́ць мой был те́лом нездра́в, и еще́ сам кро́ток и пра́вду име́я в се́рдце свое́м, и тружа́шеся сам ора́ше зе́млю, и тем утеша́шеся а́щели коли́ и здрав быва́ше, и плоды́ своя́ в дом приноша́ше. И того́ Бо́гу и ни́щим дава́ше, а бо́ле живу́ще ле́та своя́ в неду́зе и на одре́ по вся вре́мя належа́ху. И то́кмо вели́ко муче́ние иму́ще, я́ко не зна́юще его́ никто́ и́ мня́ще него́ я́ко безгла́сна су́ще. Ма́ти и́же моя́ была́ злоязы́чна опла́зная словеса́ же ея́ со все́ми людми́ и глаго́лаше не стыдя́щеся. Те́лом же светла́ бя́ху, но очи́ма взо́рна и со все́ми и свяжива́хуся. И в пия́нстве с му́жии живя́ху я́ко блудни́ца. Всестрое́ние о́тче дома́шное губя́ше в пу́стоши, сама́ же те́ло свое́ дая́ше на блуд. Як? ма́ло от селя́н возмо́ж убежа́ти нечистоты́ ея́, неду́г же николи́ же не прибли́жися к телеси́ ея́. От же́ртвы и до сме́рти своея́ все свое́ те́ло здра́во име́ша та́ко же отцу́ моему́ долголе́тну бы́вшу. И прилучи́ся ему́ житие́ ма́ло здра́ву быва́яше и неду́гу его́ и́мше и боле́знь вели́ка у́мре. И в то вре́мя о́блаци дви́гнувшеся дождо́внии и блиста́ния мо́лниям и гро́ми стра́шнии вели́це. О́блаци скланя́яхуся ни в нощь ни в день. Дождь не преста́ по три дний. Лежа́щу те́лу его не погребе́ну. И а́ки??? несу́ща его́ и вси челове́ци глава́ми покива́юще и глагола́ху а се есть? Челове́к, враг Бо́гу нарече́ся я́ко и земля́ его́ не прии́мет в погребе́ние себе́ от Бо́га. Внутрь съгнее́т еще́ же дождо́ве належа́щу. И отдоя́? Возмого́ша погрести́ его́. Ма́ти? же моя́ бо́ле пра́зднество взе́мше и бесту́дно пребы́вающе и творя́ще плоску́ю скве́рну и мно́гом студо́м поживе́. Не гоне́ць жития́ своего́ до́йде и смерть же к ней прише́дше. И та́ко прилучи́ся ей че́стно погребе́ние. И кра́сно дню све́тло сия́щему пра́ведному со́лнцу светя́щуся и ра́достно здре́ти и день погребе́ния ея́. Я́ко мне́ти возду́ху належа́щу ей. Аз же по уме́ртвии роди́телей свои́х еди́на оста́вшися. И дети́нскаго ра́ста доше́дше, и плоски́м похоть́м во мне двиза́ющимся и разжига́юще мя в еди́ну бо ве́чер помы́слих, ко́ею бо житие́ от обою́ изво́лю жи́ти. О́тче житие́ целому́дре и се и(к?)ка и еще́ себе́ помы́слих, я́ко оте́ц мой так жих, я́ко не бла́го не получи́х в житии́ сем. Вся ле́та своя́ неду́гом и печа́лию снеда́мо житие́ свое́ и прии́де ему́ смерть. А́ще бы житие́ его́ Бо́гу уго́дно бы́ло и земля́ те́ла его́ не прия́т. И погребе́ния не даю́щи дождо́внии о́блаци и а́ще бы житие́ отца́ моего́ уго́дно Бо́гу бы́ло, и отцы́ мои́ толи́ких злых не прия́л себе́. И па́ки помы́слих себе́ изво́лю ма́терне житие́. Добро́ ли и те́ло свое́ преда́ти в прелюбодея́ния и в сла́стии плотьски́я. И се мы́сляяще себе́ изво́лю себе́ ма́терне житие́. Як да во здра́вии вся ле́та своя́ пребы́в и до после́днего воздыха́ния и па́ки и еще́ помы́слих себе́. Добро́ бы ви́дети очи́ма свои́ма о́тче житие́ и ма́терне и ве́ровала бых ко́ему житию́ них се аз помы́сливше себе́ и пак усну́х. И приступи́ ко мне е́тер муж вели́к стра́шен виде́нием. И па́ки со гне́вом глаго́ля ми. Пове́жь ми к на суд мы́сли се́рдца твоего́. Аз же гре́шница от лица́ его́ вострепета́вше и не смех на него́ воздра́ти. И па́ки он повеле́ ми изво́лняя глаго́лати. Аз же от стра́ха того́ вся своя́ мы́сли забы́вше. И рех ничто́же хощу́ ви́дети. Он же запреща́я ми вся моя́ мы́сли пове́даша, я́коже в помышле́нии себе́ глаго́лах. Аз же моли́хся ему́ проще́ния да́ти. И вину́ свою́ ему́ пове́дах помышле́ния моего́ он же рече́ ми по́йдем. И ви́деша отца́ своего́ ма́терь. И ко́е изво́лишь себе́ житие́ о́тче или ма́терне. И им мя за́ руку и пове́да мя на не́кое по́ле вели́ко, сады́ иму́щ мно́гыи испо́лнено многопло́дия и древа́ разли́чна и добро́тою оде́яна неисказа́нию. Введе́ мя внутрь и ту устре́те мя оте́ць мой. И облобыза́ мя и глаго́ля ми ча́до мое́ ка́мо гряде́ше. Аз же гре́шная пред ним и рече́ хощу́ с тобо́ю пребы́ти. Он же рече́ ине?? есть ми чад?. Еще́ вре́мянии со мно́ю пребы́ти и ты пойди́ по стопа́м мои́м. И не по мно́зе вре́мений и́маеше се́мо бы́ти. И па́ки то́(й)же муж поя́т мя за́ руку и приведе́ мя ту где ма́ти моя́. И рече́ пойди́ и виждь ма́терь свою́ и аз ви́дех огне́м жго́му, он же рече́ ми, у́же ли разуми́еши, кото́рое житие́ поле́зние, о́тче ли или́ ма́терне кото́рое хо́щеши уклони́тися. И поста́ви мя во хра́мине те́мне. Отню́д в ней испо́лнено во хра́мине той впля и скре́жата и показа́ ми пещь огне́м горя́щую. Е́тер муж стра́шный у пещи́ стоя́щий, аз же воздре́х ни́зу и ви́дих ма́терь свою́ огне́м жго́му, и зубы́ свои́ми скре́жущи и черьми́ ядо́ма. И уви́дивши ма́ти моя́ меня́ и пла́чем го́ркым вопия́ше и к себе зо(ву?)щи? мя и глаго́лющи ми о ча́до мое́ увы́ мне зло му́чуся. О ча́до мое́ лю́те мне окая́нней за мно́гыя грехы́ и му́чуся. Что слу́шах святы́я кни́ги, в них пи́сано поуче́ния, святы́х апо́стол и оте́ць святы́х, и аз все та́яже тво́рих. За лю́бо де́вство?? Свое́ и за пья́ньство и за смех зло му́чима, и за сию́ по́хоть те́лесную го́рко му́чима в пля́мянии горя́щем. Увы́ мне ча́до мое́. Вся постиго́ша мя зла́я. И ны́не вре́мя ча́до мое́ помози́ ми. В горю́щем сем огне́. И тем есмь снеда́ема. Ча́до помози́ ми пода́й же ми ру́ку и изведи́ мя отсю́ду. Не могу́ терьпе́ти. При́здри ча́до мое́ ма́терь свою́ го́рку му́чиму мне же окая́не. Отреца́ющихся сего́ твори́ти ви́?дяще ма́терь свою́ толи́ку ея́ го́ркую му́ку слы́шаще сле́зы и крича́ния ма́терь свою́. О(н)же ту престоя́ще воспроси́ мя, вины́ стоя́ния моего́ и аз же испове́дах им вся помышле́ния своя́ и он и́же ми реко́ша не стой ны́не о ма́тере свое́й. Она́ же по дело́м свои́м восприя́т, ты же ны́не о себе́ пеци́ся он же ми? очути́вшуся на ло́жи свое́м и аз стрепета́х. За Бо́жие не испове́дание мое́ человеколю́бие ви́дех бо аз гре́шная. Каквы́и му́кы и належи́ть нам гре́шным. Во зле живу́щим се у́бо пове́да нам блаже́ная де́вая. От виде́ния своего́. Праве́дником блага́я взда́ния по их житию́. Гре́шным же по свои́м злым дело́м вели́ку му́ку въсприи́м. Сего́ ра́ди бра́тия то слы́ша(в)ше преста́нем от греха́, и пока́емся зде, и потруди́мся да тех го́рких мук избу́дем. И прии́мем от Бо́га блаже́ную жизнь. И пра́вду возлю́бим. И ца́рство небе́сное насле́дим. Бо́гу на́шему сла́ва и ны́не [и при́сно и во ве́ки веко́в]