Чтение на день: Ноябрь, 1 число (старый стиль)
По шестой песни:
И поется кондак и икос (или мученичен, аще несть).Стихи́:
А́ще проидо́ша зе́млю о́ба безсре́бреника;
И па́ки зе́млю исполня́юще чудесы́.
Си́и святи́и бе́яху сы́нове жены́ не́которыя, и́менем Феодо́тии, христиа́не су́щи. И́же от нея́ науче́ни бы́вше христиа́нстей ве́ре и свяще́нная пи́смена, Святы́м же Ду́хом вра́чевскую хи́трость, врачева́ху не то́чию челове́ки, но и скоты́, мзды никоея́ взима́юще. Исцели́ша и жену́ не́кую и́менем Пелаги́ю, я́же о́тай прите́кши ко свято́му Дамиа́ну, и принесе́ ему́ три я́ица, и закля́вше свято́го и́менем Бо́жиим взя́ти их. И се слы́шав святы́й Козма́, поручи́ на уме́ртвии не положи́ти те́ло Дамиа́ново бли́зу его́ те́ла. У́спе же святы́й Козма́ пе́рвие, и по сем у́спе святы́й Дамиа́н. Мысляху людие, где погребсти его. И внеза́пу вельблу́д прите́к, и́же бе́яше возбесне́л от диа́вола, и уврачева́вшися от святы́х, проглаго́ла челове́ческим гла́сом е́же положи́ти свято́го Дамиа́на близ свята́го Козмы, зане́же не мзды ра́ди взял есть я́ица, но и́мени ра́ди Бо́жия. И та́ко ку́пно погребе́ни бы́ша.
В то́йже день па́мять святы́х му́чениц жен Кирие́ны и Иулиани́и
Стихи́:
Кирие́на ко огню́ дыха́ющи,
Го́спода вели́каго чту́щи и вся́каго дыха́ния,
И́же к Твое́й любви́, Спа́се мой, распала́ема:
Иулиа́ния сождеже́ние о́гненное прино́сит.
Си́и пострада́сте при Максимиа́не царе́. Бя́ше убо Кирие́на от Та́рса гра́да Килики́йския епа́рхии. Иулиани́я же от гра́да Россо́на. Я́те бы́сте Маркианом иге́моном, и пону́ждене бы́сте отврещи́ся Христа́, и не покори́стеся. Тем Кирие́не главу́ остриго́ша с ве́ждами, и на́га от нечести́вых во́инов, град Тарси́йский о́крест обше́дши. Ведена́ же бы́вши во град Россо́н, со свято́ю Иулиани́ею, и огню́ пре́дане бы́сте, и та́ко соверши́ся муче́ние ею́.
В то́йже день святы́х му́ченик, Кеса́рия, Да́сия и про́чих пяти́
Стихи́:
С шестию́ страда́лец и́стинныя дру́ги,
Посека́ют Кеса́рия лжи́выя дру́ги.
Си́и святи́и я́ти бы́ша в Дама́сце, и разли́чными му́ками искуше́ни бы́вше. И не покори́вшеся, мече́м сконча́ни бы́ша, и муче́ния венцы́ прия́ша.
В то́йже день святы́х священному́ченик, Иоа́нна епи́скопа, и Иа́кова презви́тера, глаго́лемаго Ревни́теля
Стихи́:
Со Иа́ковом презви́тером, жерце́м Христо́вым,
Речь Иоа́нн принесе́, Христо́в жрец.
Сия́ бе́ста при царе́ Саво́рии пе́рсстем, уча́ста сло́вом ве́ре. И подви́жника бы́ста мно́ги к благоче́стию. Я́та же бы́ста царе́м, и разли́чны ско́рби и му́ки подъя́ста. Последи́ мече́м сконча́стася.
Па́мять святу́ю безсре́бренику Козмы́ и Дамиа́на благослови, владыко, прочести.
Стихи́:
А́ще проидо́ша зе́млю о́ба безсре́бреника;
И па́ки зе́млю исполня́юще чудесы́.
Си́и святи́и бе́яху сы́нове жены́ не́которыя, и́менем Феодо́тии, христиа́не су́щи. И́же от нея́ науче́ни бы́вше христиа́нстей ве́ре и свяще́нная пи́смена, Святы́м же Ду́хом вра́чевскую хи́трость, врачева́ху не то́чию челове́ки, но и скоты́, мзды никоея́ взима́юще. Исцели́ша и жену́ не́кую и́менем Пелаги́ю, я́же о́тай прите́кши ко свято́му Дамиа́ну, и принесе́ ему́ три я́ица, и закля́вше свято́го и́менем Бо́жиим взя́ти их. И се слы́шав святы́й Козма́, поручи́ на уме́ртвии не положи́ти те́ло Дамиа́ново бли́зу его́ те́ла. У́спе же святы́й Козма́ пе́рвие, и по сем у́спе святы́й Дамиа́н. Мысляху людие, где погребсти его. И внеза́пу вельблу́д прите́к, и́же бе́яше возбесне́л от диа́вола, и уврачева́вшися от святы́х, проглаго́ла челове́ческим гла́сом е́же положи́ти свято́го Дамиа́на близ свята́го Козмы, зане́же не мзды ра́ди взял есть я́ица, но и́мени ра́ди Бо́жия. И та́ко ку́пно погребе́ни бы́ша.