По шестой песни:
И поется кондак и икос (или мученичен, аще несть).Стихи́:
Же́нское кры́еши му́жеством, Ефроси́ние:
И сокрове́ная Ви́дящаго зри́ши Влады́ку:
В два́десять пя́тый Ефроси́на смерть подъя́т:
И́же естеству́ таи́вши и кра́сная житию́:
Зва́нием Измара́гд, умо́м Ефроси́ние:
Оста́вльши вся́кое жити́йское привиде́ние:
Мужь и́ноких возлюби́вши житие́, я́ко ка́жник це́ркви зда́ние:
В му́жестем о́бразе ни весьма́ позна́не.
Сти́хове Пафно́тию, отцу́ ея́:
Пожи́в Пафно́тие теле́сно,
Живе́т и духо́вно, и ви́дит свет ве́лий.
Ко оби́тели до́йде и во́лею власы́ вда́вши. И тща́щи утаи́тися отца́. И́же получи́вши хоте́нное жела́ние, труды́ и боле́зньми же и моли́твами приле́жными и мя́гкое удручи́вши те́ло, и всех ужаса́ющи злострада́нием, несть возмо́жно изрещи́ сло́вом. О́ ка́ко утаи́вшися отца́ ве́щи стра́нней дщи до́брая, посреде́ мних теку́щи я́ко и камень Измара́гд обре́теся.
Мно́го бо взыска́ние и́же от свои́х. Отцу́ же пла́чущуся от жа́лости се́рдца, Ефроси́нии на да́льняго отше́ствия, Трисугу́бную десятери́цу ко осмы́м ле́том го́ре подаде́. Го́ры бо и до́лы и пу́стошная ме́ста обходя́щу и стеню́щу. Измара́гд же из глубины́, сама́ Ефроси́ния о́тче рече́ коне́чное сло́во, я́ко ку́плю прия́ла дале́чнаго труда́, на небесе́х весе́лие непреста́нное. И ве́село преста́вльшуюся. Он я́ко ужасе́ся, о́ле стра́сти, паде́ к земли́ я́ко безду́шен мертв, и́бо пресла́вно слы́шание и чу́дно слы́ша. По и́стинне бо что и́но подмнять. И я́же оста́вль житие, и оте́чество и рве́ние, я́коже хва́лимаго отроча́те боле́знь уте́ши в себе́, и любви́ показа́ в пла́мень наме́стник. Я́коже оте́ц ча́ду, уже́ от земли́ бо преста́вися к небе́сным оби́телем.
В то́йже день свята́го му́ченика Пафну́тия
Стихи́:
Распина́ют Пафно́тия мирсти́и дру́зи,
И́же за всего́ ра́ди ми́ра дре́вле распе́ншагося.
Преподо́бный оте́ц наш и му́ченик Пафну́тий, бысть при Диоклитиа́не царе́, еги́птянин ро́дом, от гра́да Некту́рия. Мно́жайшая ле́та своего́ живота́ в пусты́ни живя́ше, и мно́ги от е́ллин обраща́ше к Бо́гу. Взыска́емь же бя́ше на уби́йство страны́ тоя́ кня́зем, и а́нгел Госпо́день повеле́ ему́ ити́ ко кня́зю. И прише́д ста пред ним, и дерзну́ испове́дати Христа́ Бо́га на́шего. И свя́зан бысть желе́зы, и пове́шен на дре́ве, и стро́ган толми́, я́ко утро́бе его́ па́сти на зе́млю. Но па́ки чудо бысть пресла́вно: а́нгелу бо прило́жшу утро́бу его́, и бысть здрав, и прише́д яви́ся кня́зю. И от чудесе́ того́ мно́зи ве́роваша во Христа́. Тогда́ по́слан бысть кня́зем, к Диоклитиа́ну царю́, и от того́ ра́спят бысть на фи́нице, и та́мо у́мре. И с ним убие́ни бы́ша, пятьсо́т и четы́редесять и седмь му́чеников.
В то́йже день о стра́шном тру́се, в не́мже восхище́но бысть отроча́ на возду́х.
В ца́рство Феодо́сия ма́лаго, бысть трус стра́шен, боже́ственному смотре́нию бы́вшу, хотя́ Бо́гу показа́ти челове́ком пре́жде воскресе́ния день воскре́сный. И сего́ ра́ди всем лю́дем с царе́м Феодо́сием и с патриа́рхом Про́клом, и со вся́ким исполне́нием церко́вным, вне гра́да ходя́щым по по́лю стра́ха ра́ди. Зане́же благове́рнии лю́дие от настоя́ния вра́жия прии́мше, прилага́ху к Трисвято́й пе́сни, глаго́люще: «Святы́й Безсме́ртный Распны́йся Бо́же поми́луй нас». И внеза́пу отроча́ восхище́но бысть на возду́х, и носи́мо бя́ше на нем. Всем же со у́жасом и стра́хом, на мно́ги часы́ зову́щым: «Го́споди, поми́луй». И а́бие сведено́ бысть отроча́ на зе́млю, я́ко на о́блаце на возду́се седя́ше. И гла́сом вели́ким рече́: «Я́ко а́нгельстии ли́цы, без вся́кого прило́га Трисвят́ую песнь возсыла́ют глаго́люще, Бо́гу: «Святы́й Бо́же, Святы́й Кре́пкий, Святы́й Безсме́ртный, поми́луй нас». И а́бие с таковы́м гла́сом предаде́ ду́шу Бо́гу. И тру́са колеба́ние преста́.