Та свята́я бы́ста при Лики́ньи цари́. Святы́ Ермо́л дия́кон бе Христо́вы це́ркви. Живы́ же Лики́ньи на реце́ суна́дстей. И слы́шав о свято́м Ермо́ле ят его́ и желе́зными па́лицами му́чив и́. И в темни́ць затвори́ и́. Запрети́в Стратонни́ку во́ину тве́рдо стрещи́ и́. Прише́дшу а́нгелу и утеша́ющу свята́го Ермо́лу. Зря́ше же Стратонни́к сих око́нцем и ве́ровав в собе́ Христо́ви. И бысть друг Ермо́лу. Изведе́нь же бысть из темни́цы Ермо́ла. И бе ну́дим пожре́ти и́долом. И не покори́вся бьен бысть же́злием, посе́м нокты́ о́рли растерза́ша ему́ чре́во и се́рдьце. Зря же нань Стратонни́к пла́кашеся. И уве́дан же бысть я́ко крестья́н есть Стратонни́к и о́ба вве́ржена бы́ста в ре́ку суна́дскую и та́ко сконьча́шася.