Си́це глаго́леть Госпо́дь се дах пред очи́ма ва́шима путь жи́зни и путь поги́бели. И во́нже восхо́щете пойди́те. Позна́йте се́ти [дия́воли] и дале́че их ходи́те. Вся́коя вдовы́ и сироты́ не озло́бите. А́щели непра́вдою озло́бите я, и воздыха́юще вопию́т ко Мне, внима́нием услы́шу вопль их. И разгне́ваюся я́ростию на вы. И погублю́ вы мече́м. И бу́дут жены́ ва́ша вдо́вы и ча́да ва́ша сироты́. Но бу́дите сирота́м а́ки отцы́ и вдови́цам а́ки му́жи да те́ми вни́дете в путь жи́зни ве́чныя.