Си́и пострада́сте при Максимиа́не царе́. Бя́ше убо Кирие́на от Та́рса гра́да Килики́йския епа́рхии. Иулиани́я же от гра́да Россо́на. Я́те бы́сте Маркианом иге́моном, и пону́ждене бы́сте отврещи́ся Христа́, и не покори́стеся. Тем Кирие́не главу́ остриго́ша с ве́ждами, и на́га от нечести́вых во́инов, град Тарси́йский о́крест обше́дши. Ведена́ же бы́вши во град Россо́н, со свято́ю Иулиани́ею, и огню́ пре́дане бы́сте, и та́ко соверши́ся муче́ние ею́.