Приидо́ша не́когда трие́ бра́тия к не́коему ста́рцу в скит. И вопроси́ еди́н, глаго́ля: «О́тче, навыко́х ве́тхий и но́вый зако́н из уст?». И отвеща́в ста́рец, рече́ ему́: «Испо́лнил еси́ ае́р словесы́, и несть ти по́льзы». И вторы́й вопроси́ его́, глаго́ля: «Аз ве́тхий и но́вый зако́н исписах себе́?». И отвеща́ ста́рец, рече́ ему́: «И ты око́нца испо́лнил еси ко́жами, и несть ти пользы». И тре́тий рече́: «А мне на огни́щи возрасло́ есть былие?». И отвеща́в ста́рец, рече́ ему́: «А ты страннолю́бие отгна́л еси́ от себе́, и несть ти по́льзы». Но а́ще хо́щете спасти́ся, име́йте ко всем любо́вь, и ми́лости прилежи́те. Бо́гу на́шему сла́ва, ны́не и при́сно, и во ве́ки веко́в. Ам́инь.