Несть пра́ведна, и́же не и́мать ничто́же согреше́ния: и несть гре́шна, и́же не и́мать ничто́же бла́га. А́ще у́бо ви́диши пра́веднаго боля́ща, или́ в напа́сть не́кую впа́дша, не смути́ся: но помы́сли в себе́ и рцы: сей пра́веден есть, и не́что сотворил ма́ло зло я́ко челове́к, того́ ра́ди восприе́млет зде, да та́мо не му́чится. Сего́ де́ля и Авраа́м, поне́же случи́ся Ла́зарю име́ти грехи́, и бога́тому не́что бла́га, что глаго́ла? Восприя́л еси́ ты блага́я, а Ла́зарь зла́я. Ами́нь.