Ти́и святи́и му́ченицы я́ти бы́вше, и пре́дани Максимиа́ну епа́рху. Пе́рвое у́бо моли́ми бы́ша пожре́ти и́долом, посе́м прети́ми бя́ху умерщвле́нным бы́ти. Де́тище же ма́ло предъидя́ше к тре́бищу, и не дадя́ше им: Его́же на плещи́ взе́мше е́ллини, би́ша е́ подпру́гою, и злы ра́ны да́вше ему́, сто и де́сять. И рече́ де́тище: «О́ епа́рше, злым кни́гам учи́ши мя». Не поко́ршася же свята́я му́ченика пожре́ти и́долом, но преб́ыста во Христо́ве ве́ре и испове́дании, и мече́м главе́ ею́ усе́чене бы́сте. По святе́м же Моки́и идя́ху жена́ и де́ти его́ во след и пла́чущеся, и́мже веля́ше молча́ти святы́й. Ма́рку же предстоя́щу и усека́ему, жена́ его́ главу́ его́ прия́т.