А́стий вели́кий священному́ченик бе в ле́то при Троя́не царе́, и при иге́моне Агрикола́е. Бе же от пе́рвых гра́да, и ну́димь бысть пожре́ти и́долом. И не повину́яся, и вве́ржен бысть в темни́цу. Пре́жде бо ят, ви́дев сон тако́в: стоя́ше на ка́мени, смоло́ю и ма́слом пома́занне. И рече́ к свои́м при́точником: "Подоба́ет бра́тья пострада́ти по Христе́". Но вы отъи́дите ко́ждо вас, а́може мо́жете спасти́ся. И пото́м приведе́н бысть к Агрикола́ю и бысть бие́н рука́ма оловя́нными, и посе́м жи́лами говя́жиими. И не покори́ся, и не отве́ржеся Христа́. И пома́заше его́ ме́дом, и распя́ша на дре́ве. И оста́виша пред гра́дом, я́ко да от ше́ршений от мух уя́звен у́мрет. И помоли́вся к Бо́гу, и преда́сть дух свой. И посе́м взя́ша мо́щи христиа́ны и погребо́ша че́стно.