Зино́н царь отъя́т дщерь наси́лием у не́кия вдови́цы. Вдови́ца та ходя́щи в це́рковь, моля́шеся святе́й Богородице со слеза́ми глаго́лющи: Мсти мене́ от Зинона царя́. Сия́ же творя́щи ей по мно́ги дни. И яви́ся ей Свята́я Богоро́дица, глаго́лющи: Ве́ру ими́ ми же́но, мно́гажды восхоте́х месть твою́ сотвори́ти, но рука́ его́ возбраня́ет ми, есть бо ми́лостив зело́. Да никто́же возмо́жет на ми́лостивыя зло́бою.