Сей бя́ше от Наза́рва гра́да вторы́я епа́рхия Килики́йския, сове́тника не́коего и ма́тери же христиа́ны, от нея́же боже́ственому благоче́стию науче́н быв и к поуче́нию боже́ственым пи́сменем дерзну́в. В осемьна́десятое ле́то во́зраста своего́, приведе́н бысть Маркиа́ну иге́мону, и не восхоте́ пожре́ти и́долом. В разли́чных ме́стех по те́лу бие́н быв, та́же в темницу́ всажде́н. И, ма́терь сове́тницу имы́й, ему́же ре́кшу умре́ти в вере́ Христо́ве, во вре́тище вложе́н быв, песко́м и звере́й ползя́щих ядови́тых [по́лну], среде́ пучи́ны вве́ржен и та́ко муче́нию коне́ц восприя́т.