Ти́и бы́ша при Диоклитиа́не царе́ безбо́жном мучи́тели. И зане́же не повину́вшеся во́ли его́, не пожро́ша истука́нным, и Христа́ отврещи́ся не восхоте́ша, пове́сивши плоть их строга́ху. И не покори́вшеся повеле́нию царе́ву, ка́мением побива́еми бя́ху. Посе́м го́лени их изби́вше, и во огнь вверго́ша. И Бо́гу по обы́чаю чудоде́ющу без вре́да изыдо́ша святи́и. Разгне́вавжеся мучи́тель даде́ на них осужде́ние. И пое́мше их во́ини мече́м главы́ их отсеко́ша.