Сей бя́ше в ца́рство Диоклитиа́ново, епи́скоп Лугду́нский. Ят же быв Сими́ем и приведе́н в Пано́нию. И предста́ Про́ву иге́мону, и испове́дав ве́ру и́стинную Христа́ Бо́га на́шего. Того́ ра́ди всажде́н быв в темни́цу, и изведе́н и бие́н. И по сих прия́т осужде́ние, мече́м главу́ ему́ отсеко́ша, и вве́ржен в ре́ку Сарми́йскую. И та́ко сконча́ся муче́ние его́ во сла́ву Бо́га на́шего.