Пове́даше не́кто срачи́нин нам глаго́ля, я́ко идо́х рече́ еди́н в го́ру отца́ Анто́ния да половлю́. Иду́щу же ми ви́дех мни́ха седя́ща и держа́ща кни́ги и чту́ща. Изъидо́х к нему́ хотя́ искуси́ти его́ и уби́ти. И я́коже приидо́х близ его́, и просте́р ру́ку свою́ десну́ю ко мне, реки́й: «Ста́ни». И сотвори́х два дни и две но́щи не моги́й отъити́ ника́може с ме́ста иде́же бех. И глаго́лах ему́: «Та́ко ти Бо́га Его́же чте́ши пусти́ мя». Он же рече́ ми: «Иди́ с ми́ром». И та́ко возмого́х отъити́ с ме́ста, иде́же бех стоя́.