Сей бе́яше во времена́ святы́х апо́стол, житие́ чи́сто проходя́. И ви́де а́нгела, наставля́юща его́, и́же призва́ти апо́стола Петра́ и от него́ слы́шати я́ко подоба́ет. И Петру́ к нему́ прише́дшу, и сло́во Госпо́дне к нему́ и прише́дшим пове́да. И огласи́в его́, и крести́ и́, и Скеуси́йскому гра́ду того́ вруча́ет. И и́хже та́мо обре́те, благода́тию Христо́вою всех крести́. И того́ самого́ крести́ кня́зя Дми́трия, со всем до́мом ве́ровавша. И тем апо́стольское житие́ пожи́в, ко Го́споду отъи́де.