Си́и бя́ху во времена́ Саво́рия, царя́ пе́рскаго. Иа́ков у́бо нарица́шеся от ве́си, глаго́лемая Фарга́фа, А́за же – от ве́си Винти́ри. Я́ти бы́вше и предста́ша старе́йшине волхво́м кня́зю харга́нскому и Христа́ со дерзнове́нием испове́давше, си́напь (горчи́цу) со о́цтом в но́здри прие́мше. Та́же бие́ми и поста́влени на́зи в сту́день нощну́ю мра́зом томи́ми. Пото́м приведе́ни и пону́ждени пожре́ти со́лнцу и огню́ и не повину́вшеся, повеле́нием кня́жиим главы́ им отсеко́ша, и та́ко венцено́сцы на небеса́ взыдо́ша.