Сей святы́й Вике́нтий во Августопо́ли иуде́йстем быв, уча́ше лю́ди со епи́скопом Уале́рием, диа́кон сый. Я́ти же бы́вше и приведе́ни на суди́ще Датиа́на кня́зя. И́хже а́бие желе́зы обложи́в, и во град Александри́йский отвести́ их повеле́, и во мра́чней темни́це их затвори́ти. По не́ких же днех изве́д Вике́нтия, и повеле́ строга́ти его́. Посе́м повеле́ на кресте́ пригвозди́ти, и коего́ждо у́да томи́ти. И отту́ду сведе́н и свя́зан быв, и бие́н. И же́злие разже́гше желе́зно, сожгоша пе́рси его́. И па́ки в темни́цу вверго́ша его́. И посе́м главу его отсеко́ша. И та́ко предаде́ дух свой Го́сподеви.