Кли́мент прему́дрый, ри́млянин бе́яше ро́дом, ца́рска ро́да сый, Фа́уста и Матфе́и сын. Вся́кое уче́ние е́ллинское проше́д, от истопле́ния не́когда сохране́н бысть пресла́вно. И прише́д ко свято́му Петру́ апо́столу, и, науче́н бысть от него́ Христо́ве и́стине, пропове́дник благове́стию быв. И апо́стольская уче́ния написа́в, поста́влен бысть в Ри́ме епи́скоп. Ят бысть при Доментиа́не цари́ и, му́чен, не покори́ся. Изгна́н бысть в Херсо́н, и отту́ду же па́ки приведе́н. И привяза́ша на вы́ю его́ желе́зо кора́бленое, и вве́ржен бысть во глубину́ морску́ю, и та́ко сконча́ся.