Ирина́рх му́ченик бе́яше от гра́да Севасти́йскаго, юн сый во́зрастом, служа́ сый на муче́ние святы́м. И святы́м му́чеником мучимым и жена́м испыта́емым кня́зем Макси́мом при Диоклитиа́не цари́, боже́ственой благода́ти просвеща́ется Ирина́рх. Я́коже ви́де жены́ Христа́ ра́ди му́чащихся и посрамля́ющих мучи́теля, тем дерзнове́нно Христа́ испове́да и себе́ христиани́на наре́к. Пе́рвие повеле́нием кня́жим вве́ржен бысть в бла́то, и от бла́та исше́д жив. В пещь огне́ную вве́ржен быв, и отту́ду изше́д без вре́да, мече́м главу́ ему́ отсеко́ша.