Сий бе́яше от пле́мени Симео́нова, сын Асафа́тов. Ви́дев же пре́жде пле́на и запусте́ния це́ркви Иерусали́мския и попла́кав вельми́. И внегда́ до́йде Навуходоно́сор царь во Иерусали́м, бежа́в от срацы́н, и бя́ше пришле́ц в земли́ Исма́ильтестей, да я́коже возврати́шася халде́яне, изоста́вшии же су́щии во Иерусали́ме, и во Еги́пет [пресели́шася] . Пои́м же снедь, рече́ к свои́м: иду́ в зе́млю да́льнюю, и и́мам ско́ро доити́: а́ще ли закосню́, неси́те хле́бы жа́телем. […] И не рече́ бы́вшаго. Проро́чествова же, я́ко ско́ро и́мут лю́дие возврати́тися от Вавило́на. И пре́жде двою́ лет возвраще́ния у́мре: и погребе́н бысть на селе́ свое́м. Сей даде́ зна́мение во Иуде́и, я́ко узре́ти и́мут в це́ркви свет, и пото́м у́зрят сла́ву Бо́жию. И о сконча́нии церко́внем прорече́: я́ко от язы́ка за́паднаго бу́дет. И просте́ртие, рече, Дави́рово, в да́льняя раздра́ния раздере́тся, и никто́же позна́ет ка́мо де́шася: они́ же а́нгелом бу́дут принесены́ в пусты́ню, иде́же изнача́ла водружена́ бысть сень свиде́ния, и о сих позна́ется в соверше́нии Госпо́дь, и просвети́т гони́мыя зми́ем изнача́ла.