Стихи́:
Тле́нное оста́вив, Пата́пие, со дна землена́го:
Ступа́еши, иде́же ступа́ют кро́тких но́зе:
В осмы́й Пата́пие зла́чное по́ле ше́ствовал еси́.
Сий бе́яше от Фив и́же при Еги́пте, и́ноческое житие́ притяжа́в. И мно́га ле́та в пусты́ни пости́вся, в Константи́нь же град дости́г, мно́га соде́лова чудеса́: слепы́я просвети́в, и водотрудови́та пома́занием свята́го ма́сла исцели́, и бе́сы прогна́, и главотряса́вична уврачева́, с ми́ром Христо́ви дух свой преда́сть.