Внима́им себе́, еда́ ка́ко у́зким и приско́рбным путе́м обеща́вшеся ити́, и простра́нный держа́ще заблуди́хом. У́зкий путь: да яви́тся печа́ль чревена́я, стоя́ние обно́щное, ме́ра водна́я, хле́ба ску́дость, безче́стия питие́, хухна́ния, насмея́ние, наруга́ния, и отреза́ния свои́х вол, терпе́ние, хуле́ние, ну́жда без пра́вды терпе́ти, оглаго́лемому не гне́ватися, уничижа́ему смиря́тися. Блаже́ни, и́же путе́м сим хо́дят, я́ко тем есть Ца́рствие небе́сное, о Христе ́Иису́се, о Го́споде на́шем. Ами́нь.