Сей бя́ше в ца́рство Иракли́я царя́, архиепи́скоп Александри́йский, пре́жде свята́го Иоа́нна Ми́лостиваго. Сотвори́ же и чудеса́ мно́га, от ни́хже есть се: Преподо́бному епи́скопу Лео́нтию написа́вшу Халкидо́нскаго ра́ди собор́а еписто́лию правосла́вия. И проче́т ю́ святы́й Евло́гий, не то́чию похвали́, но и прия́т, и всем пропове́да. Бог же хотя обою́ учреди́ти, посла́ а́нгела во о́бразе архидиа́кона Лео́нтиева, благода́рствуя свята́го Евло́гия, зане́же прия́т я́вльшееся посла́ние. Святы́й же Евло́гий, Бо́жию а́нгелу я́ко челове́ку и архидиа́кону беседоваше. Да я́ко неви́димь бысть от него, та́ко Бо́га благода́рствив, и о чудеси́ па́че того́ благосло́вив. И преподо́бно пожи́в, в ру́це Бо́гу ду́шу предаде́.