Си́и святи́и му́ченицы Иракли́й, и Павли́н и Венеди́м, во афини́йстем бы́ша гра́де су́ще христия́не. И Христа́ пропове́даху со дерзнове́нием, и идолослужи́телем у́бо повелева́юще крести́тися, во и́мя Отца́ и Сы́на и Свята́го Ду́ха. И того́ ра́ди я́ты бы́шя и пре́дани кня́зю афини́йскому. И пред ним испове́дашя Бо́га и́стиннаго и Творца́ тва́рем. И́долы же, ка́мение и дре́во хи́тростию сотворены́. И му́чени бы́шя разли́чными му́ками. Последи́ же со ученики́ свои́ми в пещь о́гнену вве́ржени бы́шя и сконча́шася, восприя́шя венцы́ нетле́нныя. И та́ко пострада́ша за Христа́ Бо́га на́шего.