Сия́ свята́я бя́ше при Дометиа́не царе́, учени́ца бы́вши Па́вла апо́стола. Я́та же бы́вши в Маркиа́не гра́де, Гео́ргием иге́моном, и бие́на бы́вши, и в пещь вве́ржена, и пребы́сть невреди́ма. Ведена́ же бы́вши во Арка́диев град Фраки́йский. И во Ира́клии пове́шена бысть на дре́ве: и звере́м предана́ бы́вши, и от всех вы́шши бысть. И на коне́ц ме́чное прия́т посече́ние, излия́вшуся от нея́ в кро́ви ме́сто млеку́.