Си́и предста́вше кня́зю, и не поко́ршеся ему́, мно́гими му́ками обложе́ни бы́вше. Пе́рвее же на дре́ве пове́шени бы́ша, и стро́гани ноготми́ желе́зными. Та́же из гра́да во град преводи́ми и влеко́ми, звере́м лю́тым вда́ни бы́ша. Асклипиодо́та же пята́ми пха́на бысть, и на дре́ве растя́жена, превы́шши мук бы́вши. Тем и ку́пно вси ка́мением бие́ни бы́ша, и по о́стрых ме́стех влачи́ми, и мече́м главы́ их отсеко́ша.