Той бе при Диоклития́не цари́ и при Маври́кии иге́моне. И Антони́не. Той у́бо в Та́рсе Килики́йстем монасты́рь поста́ви вели́к. Собра́ к собе́ муж 1010 мних. Я́туже бы́вшу ему.́ Иге́моном и Христа́ испове́давшу. Пожже́н бысть манасты́рь. И мни́си с прибе́гшими та́мо епи́скопы и попы́. Посе́м бие́н бысть святы́й зело́. И скруши́ша ко́сти его́. Еди́н же от бию́щих его́. О́ко сле́по имы́й створи́ и́ це́ла. Свято́му стоя́щу свя́зану. И ви́де и (Ви́дев) Келеси́й сын иге́монов а́нгелы предстоя́ща ему́. И ве́рова Христо́ви. С ним ине́х во́ин 20 туже (муже́й?) и 7 бра́тий крести́шася от Авто́ния пресви́тера. Веде́н бысть Иулиа́н с ни́ми вве́ржен бы́ти в коно́б. И несо́м бе мертве́ц не́кий. Его́же святы́й помоли́вся воскреси́ и глаго́лаше оживы́й. Я́ко помо́лшуся Иулиа́ну потрясо́шася преиспо́дняя и воскресну́х аз. И ина сотвори́ пресла́вна чудеса́. И со мно́гыми бра́вся му́ками со все́ми святы́ми усекну́шя святу́ю его́ главу́. И преда́сть ду́шу в ру́цы Бо́гови.