Сей бя́ше от Ка́ны, гра́да Галиле́йскаго, иде́же Христо́с, Бог наш, на брак призва́н бя́ше с Пречи́стою Свое́ю Ма́терию и пе́рвое чу́до сотвори́, во́ду в вино́ претворив. Ча́яше же и той прише́ствия Христо́ва… и с ра́достию рече́ ему́: «Его́же писа́ в Зако́не Моисе́й и проро́цы, обрето́хом Иису́са, сы́на Ио́сифова, И́же от Назаре́т». Прише́дшу бо и ви́дев Христа́ и ве́ровав, после́дова Ему́. По стра́сти же и по Вознесе́нии, пропове́дая Его́ я́ко Бо́га, с ми́ром сконча́ся.